تطبيق القانون وتغيير ثقافة الشعوب

أستعنا على الشقا بالله

الشعوب ثقافات ... قول آه

الثقافه مواريث ... قول آه

ربنا خلق الجنه والنار يعنى فيه ثواب وفيه عقاب ... قول آه

تخيل ربنا خالق البشر حيعزب البشر بالحرق بالنار على الخطأ تعرف ليه ؟؟؟

طبيعة البشر لو سبته على هواه لم ولن يلتزم لو مسكت سلوك الكهرباء

قبل مانتكلم تعالى نشوف موضوع الصوره دى على الرابط ده

https://www.nairaland.com/4454353/photo-china-execute-26-corrupt?fbclid=IwAR1bORQvTV3Hx920lC70BWeDmBzGSHVbRsSCWlEnHvO-CBdwHQllmyHigI8

وكمان الرابط ده

https://www.ye1.org/forum/threads/838732/?fbclid=IwAR1kE_fumg34EGNHvrHFNhtdOuS_MCikMGjQTEFKLCDVC_k5jh4dOi5vQg8

تعالى نتكلم بهدووء

قلنا فى ملف الداخليه أن حل معظم مشاكلنا بنسبه تتجاوز الـ 70 %  فى أنضباط الوزاره المنوط بها تطبيق القانون وهى وزارة الداخليه فهل أحنا عندنا أستعداد كمصريين أن نتقبل أنضباط الداخليه وتطبيق القانون وقبل ماتجاوب خليك معايا الله يرضى عليك

مدير معهد الأورام بطنطا أبن خالتى ومتعود يوقف سيارته فى أى مكان تحت عيادته زيه زى أى مصرى وكان فى مؤتمر طبى  فى الأمارات ومعاه زوجته وكان أول مره يسافر الأمارات ووصل يوم الخميس بالليل وكان معاه كتيب من السفاره بالنظام فى الأمارات منعا للوقوع فى الخطأ وكان من ضمن التعليمات إحترام أشارات المرور وأماكن عبور المشاه ونزل هو وزوجته الصبح يوم الجمعه والدنيا كلها أجازه يتمشى هو ومراته ووجدوا المحلات كله مغلقه والشوارع فاضيه ومحدش ماشى فى الشارع غيره هو ومراته

حبوا يعدوا الناحيه التانيه من الرصيف بص حواليه فلم يجد أى رجال شرطه فعبروا الطريق من مكان غير مخصص لعبور المشاه وأول لما وصلوا الناحيه التانيه فوجئ برجل شرطه أماراتى قفش فيه وحرر له مخالفه فوريه بما يعادل 8000 جنيه مصرى له ولزوجته وهدده لو تكرر نفس الخطأ سيتم ترحيله لبلده مصر ولم يهتم رجل الشرطه أن ده دكتور أو مدير معهد للأورام أو أن دى أول مره يغلط أو أى صعبنيات من بتاعتنا كمصريين ومن ساعتها مدير المعهد أصبح الرجل الأول فى العالم فى إحترام القانون وبيوقف سيارته فى جراج جنب العياده

فى حلقات الصقر الذهبى كنت حكيتلك على الشباب اللى راح يتدرب فى بيت الحريه الأمريكى  على تغيير الأنظمه بالطرق السلميه وصناعة المظاهرات وقلتلك أسماء الـ 35 اللى راحوا من عندنا الدورات دى وكنت قلتلك أن فيه 25 واحد وواحده من شباب الصين كانوا بيتدربوا مع الشباب بتوعنا وقلتلك أن شبابنا رجعوا وعملوا ثورة 35 ينايم ودخلونا السكه السودا اللى دخلناها وبتوع الصين تم إعدامهم بعد أقل من شهرين فى الصاله المغطاه وخلى دى معاك

فى بعض الدول الأوروبيه كسر الأشاره يتم سحب الرخصه منك نهائيا وبعض الدول اللى يعمل حادث وتثبت أدانته بيعتبروه غير آمين أو غير مؤهل للحفاظ على حياة البشر وممنوع يقود سياره تانى نهائياً

فى بعض الدول مثل الصين وكوريا الشماليه عقوبة تعاطى المخدرات بمجرد ظهور نتيجة التحليل يتم إعدامه

فى روسيا لما بيروحوا يقبضوا على أرهابى بيقبضوا على أهله وجيرانه وكل المتعاملين معه وأصدقائه ويتم التحقيق معهم واللى يثبت أنه كان يعرف أنه أرهابى يتم معقابته بالسجن والفصل من الوظائف عقاباً له لأنه لم يبلغ عنه وتستر عليه ولم يساعد على حماية المجتمع   

فى بداية عصر مبارك محافظة أسكندريه قررت تفعيل القانون فى أسكندريه وعملوا مخالفه 2.5 جنيه لأى حد يعدى الطريق من غير أماكن عبور المشاه وأنا شخصيا من الناس اللى أتطبق عليا القانون ده فى محطة الرمل والصحافه هاجت والدنيا قامت ومقعدتش على تطبيق القانون

علشان مانحرقشى جاز كتير وأنت عارف أكتر منى أن تطبيق القانون على الجميع وبالعدل والقسوه هو الحل لمعظم مشاكلنا فهل أنت كشعب عندك إستعداد لتطبيق وتفعيل القانون

قبل ماتجاوب بنعم أو لا تعالى أديك مثال كلنا نعيشه حالياً كامل الوزيرى وزير المواصلات الجديد أول لما مسك فعل القانون بكل جرأه وطبق الغرامه على التدخين وفورى وطبق الغرامه على المزوغتيه وطبق الغرامه على ركوب القطار من الباب المخالف ومن يعرض حياته للخطر والحال دلوقتى أتغير كتير عن الأول فى السكه الحديد رغم أن قطارات الصعيد لسه فيها تدخين علشان بيبقوا راكبين عائلات مع بعض وصعب على 2 أمناء شرطه تطبيق القانون فى القطار بالكامل وشفت ده بعينى

هل أنت عندك أستعداد تطبق الأعدام على المتعاطى للمخدرات وهل عندك أستعداد لإعدام المرتشى والحرامى زى الصين

أنت محتاج قوانين صارمه باتره لعناصر الأنحراف من المجتمع ومحتاج لداخليه قويه بأعداد أضعاف أعدادها لمواكبة شعب قوامه 100 مليون حسب المعدلات العالميه 200 رجل شرطه لكل 100 ألف مواطن ومحتاج تعديلات تشريعيه وسد الثغرات المخلقه وتطبيق قانون حاسم

هل عندكم أستعداد يامصريين لأعدام المهربيين طيب وتجيبوا أعضاء مجلس نواب منين بعد كده وعندكم أستعداد لمعاقبة الفاسدين طيب وتجيبوا أحزاب منين بعد كده وهل عضو مجلس النواب مش حسيتغل الحصانه فى عدم تطبيق القانون على آلاضيشه وياريت تراجع ملف الداخليه على الرابط ده

https://genralbahaaelshamy.blogspot.com/2019/04/blog-post_54.html

هل عندك أستعداد تتخلى عن الواسطه والمحسوبيه وهل عندك أستعداد لفصل الموظف المتعاطى للمخدرات من وظيفته طيب حيفضل عندنا موظفين بعد كده وهل عندك أستعداد لفصل الطالب اللى يثبت تعاطيه من التعليم وهل عندك أستعداد لحرمان طالب من التعليم المجانى لو غش فى أمتحان  وهل عندك أستعداد تبقى منضبط غصب عنك بقوة القانون والقانون يتطبق على الكبير والصغير وخلى بالك الكبير هو اللى بيشرع وهو بيطبق وهو اللى بيتجاوز وبيقولك أنت مش عارف أنت بتكلم مين أو مش عارف أنا أبن مين

لما تبقى عندك المقدره على التخلى عن مواريثك العفنه تعالى هنا على مدونتى لو كنت عايش نعمل حمله مع بعض نطالب فيها نكون بنى آدمين منضبطين بس قبل ماتجينى هنا ونعمل حمله سوا أعرف الأول أزاى تنتخب عضو برلمان محترم لأن هى دى أولى خطوات الطريق الصحيح وساعتها لاتقول مستقب وطن ولا مصريين أحرار حنقول فقط حزب المصريين المنضبطين المحترمين

آسف جدا لهذه المواجهه مع النفس

جنرال بهاء الشامى