الرئيس عبدالفتاح السيسى أطالبك بالتنحى فورا ودون تأخير

 

السيد الرئيس عبدالفتاح السيسى / تحيه طيبه وبعد

بعد مشاهدتى للمشهد السياسى فى مصر على مدار العامين الماضيين وبعد مارأيته من سيادتكم من مجهود أبهرنى وأداء يكاد يقترب من الأبداع وكنت أمنى نفسى أن حال الشعب المصرى سينصلح لو رأى من يقوده ويقتدى به وكنت أظن أن مايعانيه المصريين من تراكمات نتنه وسيئه هى نتاج مأساة عصر مبارك البغيض لكن أتضح لى أنه ورم سرطانى تغلغل فى طباع المصريين ولم يعد يجدى معه الأصلاح أو الترقيع وتوصلت أنه لن ينصلح حال هذا الوطن إلا بتغيير القماشه فقد تهلهلت من كثرة الترقيع لهذه الأسباب وأسباب أخرى كثيره أطالبك بالتنحى وترك منصب الرئاسه

تنحى وأفرج عن مورسى والشاطر لكى يصدروا لنا قرارات تذلنا وتقهرنا

تنحى لكى يتمكن الأخوان من الحكم مره أخرى ويورونا النجوم فى عز الظهر

تنحى وأفرج عن حازم أبو أسماعيل لكى يحاصر مدينة الأنتاج الأعلامى ويذل الحسينى والقرموطى ولميس الحديدى وإبراهيم عيسى ويخليهم يصوتوا زى النسوان على الشاشات

تنحى علشان يرجع هشام قنديل ويشتم نسوانا أنها ماتعرفشى تنظف ثديها

تنحى علشان اللى يحاول يهوب ناحية الشارع الأخوان يعلموه الأدب وينسوه أسم أمه

تنحى علشان ترجع أزمة البنزين ويعود مسلسل أنقطاع الكهرباء وتعود أزمة العيش

تنحى وسلم مصر على طبق من ذهب لأوباما وكيرى وكاميرون

تنحى علشان ينتهى الملف السورى ويمسحوا أسم سوريا من على الخريطه

تنحى ياسيادة الرئيس علشان الشعب مش عاجبه محاربة الفساد لأنه خلاص أتعود على الفساد ومايقدرشى يعيش فى النظافه

تنحى علشان النشطاء مش عاجبهم طريقة القبض على صلاح دياب

تنحى علشان ترضى أصدقاء الخائنه القاتله الفاجره إسراء الطويل

تنحى ياسيادة الرئيس أنت بتحرث فى البحر أنت بتحاول تصلح أمور شعب مش نافع فيه الأصلاح

تنحى علشان قالوا قللوا من صلاحيات الرئيس وبعدين يطالبوك بكل حاجه وكل واحد عاوز يقوم من النوم يلاقيك موضبله الفطار ومجهز له هدومه اللى حيخرج بيها وحاطط له فى جيبه مصروف جيبه 

تنحى  لكى يتحقق مشروع الشرق الأوسط الكبير . كما يريدون ويتمنون

تنحى علشان قضايا الفساد تندحر 

تنحى علشان يقدروا يكملوا مشروع دخول حماس فى سيناء

تنحى علشان أصلك ضد الوطنيين فى البلد والطابور الخامس 

تنحى ياريس علشان تبقي أنفاق غزه فوق الأرض وكفايه مصاريف للحفر

تنحى علشان يكون هناك كرسى لمندوب قطر فى المجلس العسكرى 

تنحى ياريس عشان الرئيس الأخوانى يعمل إعلان دستورى يجعل منه إلاه  

تنحى ياريس عشان لسه فيه متاحف لم تحرق على غرار المجمع العلمى

تنحى ياريس عشان وحشنا التثبيت علي الدائرى وسرقة عربياتنا وفلوسنا 

تنحى ياريس عشان وحشنا الضرب بالجزم على دماغنا فى السنه السوده

تنحى ياريس عشان قطعت رزق نشطاء السبوبه 

أمى علمتنى أيد لوحده ماتصقفشى وأنت المصريين عاوزين يقطعوا أيدك ومش حتقدر تعمل أى حاجه لوحدك

ريح نفسك ياسيسى أنت بتبذل مجهود فوق طاقة البشر مع شعب مش عاوز

التوقيع / أخوك المخلص / جنـٍـٍـٍـٍـٍٍـٍـٍـرال بهـٍـٍـٍـٍـٍٍـٍـٍـٍاء الشـٍـٍـٍـٍـٍٍـٍـٍـٍامىٍ