داعش تقترب من تراب مصر الطاهر

 

** جبهة النصره ودولة لبنان يتبادلان الأسرى والمخطوفين برعاية ‫#‏قطر_بنت_الوسخه .... لو دققت النظر فى مضمون وبنود الصفقه ستجد من بينها 16 شاحنة مساعدات أحدهما مليئه بالبيره والكحوليات (( سيبك من الموضوع ده يشربوا اللى يشربوه بيره كحوليات خمره بانجو كل واحد حر فى اللى بيعمله طالما بيراعى ربنا ... واخد بالك أنت بيراعوا ربنا دى ... مش حنعلق برضوا على شرب الكحوليات أحد أهم الكبائر الأسلاميه علشان قلتلك كل واحد حر بس ياريت اللى بيعمل كده مايجيش يقولى بعد كده لما تقول لمراتك المسيحيه يوم عيدها صباح الخير يامراتى وكل سنه وأنتى طيبه أننى كافر لأننى أشارك الكفره أعيادهم )) خلينا فى المهم معنى شرط وجود شاحنات مساعدات أن الحدود اللبنانيه مع سوريا منضبطه وأن المساعدات الخارجيه لاتصلهم عبر الحدود اللبنانيه القريبه منهم وهنا سؤال أشمعنى الحدود السوريه التركيه هى الحدود الوحيده اللى مش منضبطه وهو ده اللى يهمنا فى الخبر ده

** نتانياهو يعلن أمس أن أسرائيل تقوم بعمليات عسكريه فى الأرضى السوريه (( سيبك بقى من كل المبررات اللى قدمها نتانياهو لكن أمسك فى مضمون الخبر وأنت تعرف الجيش السورى بيحارب فى كام أتجاه وكلهم ضد مصالح سوريا العليا ووحدة اراضيها وقدسيتها يعنى بالبلدى السعوديه وقطر وتركيا وأسرائيل وأمريكا لهم فى سوريا مصالح مشتركه وعندما تتشابك المصالح وتتعانق ضد مصلحة وطن على أرض وطن واحد فهى جميعا فى خندق الأعداء )) للأسف الشديد أحنا بندمر نفسنا بنفسنا ومش محتاجين الصراحه أى مساعده من حد أحنا كفاءه قوى نخلص على بعض ونخربها على دماغ بعض ونسيبها خرابه لغيرنا (( شايفين ليبيا اللى ضاعت ولن تعود ))

** أشمعنى ‫#‏قطر الوحيده التى أستطاعة أنهاء الأتفاق ودفعت فى راس واحده هى راس (( سجى زوجة أبو بكر البغدادى السابقه )) 64 مليون دولار يعنى أكتر من نصف مليار جنيه وليه وعلشان إيه ولصالح مين وليه سيتم ترحيلها لتركيا تحديدا وهناك معلومات أستخبارتيه روسيه بتقول أن أبو بكر البغدادى فى أحدى مستشفيات تركيا العسكريه تحت حراسه عسكريه مشدده (( مش حعلق ولا حتكلم علشان ماحدش يقولى بوجه للرأى العام )) بس ياريت نعرف أجابات مقنعه لهذه الأسئله (( سجى من صورها التلفزيونيه لايتجاوز سنها بأى حال من الأحوال عن 24 سنه ومطلقه من 6 سنوات من أبو بكر البغدادى وقول ياشيخ كانت معاه وعلى ذمته 3 سنوات ومشاكل سنتين يبقى أتجوزها أمتى (( حترك لك التعليق )) كلمه بقى بصفتى خبير مزز وخبير نظرات وعيون (( البت رغم البهدله والسجن وبقالها سنه ونص معملتشى وشها ولا شافته إلا أن حواجبها ناريه وتدل على مزه تتمتع بشراهه ...... فشر صافيناز أو مارلين منرو الواد البغدادى صايع نسوان وخبير أستراتيجى يخرب بيت أم اللى جابته

** داعش تعلن أمس سرت الليبيه عاصمة لدولة الخلافه الأسلاميه (( مش محتاجه فكاكه ولا حداقه الضربات الروسيه فى سوريا المبرره حتخلى الروس الكبيره تهرب من سوريا ده أن ماكانتشى هربت فعلا وتم نقل نشاط شركة داعش لقلقلة الدول العربيه وتنغيص عيشتها إلى فرعها الرئيسى الجديد بدولة ليبيا سابقا علشان داعش تشوف شغلها وتشوف إيه موضوع السيسى والمصريين وليه مصر لحد دلوقتى مستعصيه عليهم وأبقى بقى خلى روسيا تدور لها على حجه تيجى وراها ليبيا (( أقطع دراعى لو داعش مش أمريكيه أسرائيليه هدفها العراق وسوريا ومصر أكبر جيوش ثلاث دول فى المنطقه خلصنا من أتنين وفاضل التالت وربنا يسهل طالما المصريين نايمين فى البالوظه ومشغولين برجوع مورسى و 6 أبريل وتعيين بتوع الماجستير ومجلس النواب وحركات نجيب سبارس وعودة ريهام سعيد وتعديل قانون التظاهر ))

** حلف التاتو يقرر أرسال مساعادات عسكريه لتركيا (( أمريكا وجدت ضالتها فى واحد أبن ..... أهبل أسمه قردوغان عايش الدور وحيضيع المنطقه بهبل أمه ومش عارف أنه أراجوز بيتلعب بيه ))

** روسيا تطلب من مصر السماح بعبور سفنها الحربيه عبر قناة السويس (( الخبر ده مش طبيعى ومعناه روسيا عاوزه تسهيلات من مصر بسرعة عبور سفنها الحربيه لجنوب البحر الأحمر لو أقتضت الضروره لدعم الحوثيين فى اليمن )) الروس بصراحه كده ومن لف ودوران بدأوا يلعبوا مع السعوديه (( أرجع هنا لمقالاتى السابقه )) حتنشف دماغك فى سوريا حنغص عليك عيشتك فى اليمن (( مصر حتخسر كتير فى ام الليله دى لو منطقة باب المندب القلق فيه اصبح أكتر من كده )) هو ده اللى بنقول عليه الموقف الأسباجتى

ربى ياعالم بحالى أستودعتك نفسى ومالى وأولادى وأحفادى أمانه عندك فى وطنهم مصر يامن لاتضيع عنده الودائع أحفظهم برعايتك وحفظك