أتكعبلت ودخلنا تانى فى حيطه سد

 

أنا مش بحبطك بالعكس أنا حعقدها قدامك لأنها كل لما تيجى تفك المصالح المتعارضه تكعبلها تانى

 

كنا رحنا جنيف 1 و 2 وأتفقوا على بعض البنود لكن المصالح المتعارضه أوقفت المراكب السايره رغم أنه بصراحه مافيش مراكب أصلاً وزى ما قلنا قبل كده المشهد السورى سيشهد تطوراً عقب إفتتاح قناة السويس (( طشت أم وجدى سابقاً )) (( هو بصحيح فين الواد وجدى أحسن أمه بتدور عليه من صباحية ربنا وقلقانه قوى من ساعة ماقالوا لها فيه واحد خد ورا المصنع أسمه إيه ده اللى أنت عارف أسمه بس أنا بستهبل وناسيه )) 

خلينا فى المهم وياريت مانطلعشى بره الموضوع الروس دخلوا اللعبه زى ماحضرتك شايف وداخلين بتقل قوى وشكلهم مش حيطلعوا من الليله إلا لما يعملوا اللى فى دماغهم

الست أمريكا قالت للوله قردوغان أنكش ورا بوتين وأحنا وراك راح الوله قردوغان فاقع طلقتين موقع فيهم طياره وعينك ماتشوف إلا النور والروس لقوها فرصه وزود ياعم السلاح والعتاد علشان محدش إبن رمه يفكر يوقع لنا طياره تانى وبدل الروس مايكشوا بالعكس سخنوا على الأتراك والعمليه وسعت من الوله قردوغان اللى متعشم فى الأمريكان اللى بيسعدوه بس بالكلام

 

الوله قردوغان مش قادر يستحمل اللى بيعمله فيه المعلم بوتين والشعب التركى أبتدا ياخد باله أن السلطان التركى دخلوا فى ليله مالوش فيها قوم إيه راح الوله قردوغان عامل الحركه بتاعة العراق علشان يشغل شعبه عن المصايب اللى بتقع عى دماغه من تحت راس جر شكل الدب الروسى ووسعت الليله بتاعة العراق وعلشان الوله قردوغان واد مش عاقل وعنيد فموضوع العراق حيكبر أكتر وأكتر ويمكن يخبطوا فى بعض والروس يطمعوا العراق بحتتين سلاح يقوم العراق يطلب مساعدة الدب الروس والليله تحلو (( العراق تعهد شفويا للأمريكان أنه مايعملشى الحركه دى بالذات )) لكن لو أمريكا موفاتشى بكلامها مع العراقيين يبقى من حقهم يطلبوا مساعدة أى حد وحتبان الليله قوى فى أجتماع مجلس الأمن اللى طلبه العراق أخيرا

 

السعوديه العفريته الشقيه عملت مؤتمر الرياض علشان تجمع المعارضه على كلمه واحده (( هو ده اللى بيقولوا عليه قمة الأستعباط )) لأنك مستحيل تجمع زى مابيقولوا الشامى على المغربى عندك سلفيين متشددين وقاعده وداعش وجهاديين وأنتحاريين وسوريين وأجانب حتجمع كل دول أزاى وأيدلوجيتهم مختلفه وأهدافهم مختلفه وأطماعهم شتى وبعد لماخلص المؤتمر طلع الواد بشار بعد ماخد الأماره والأشاره من المعلم بوتين وقالك طظ فى الجميع انا مش قاعد مع حد رفع عليا سلاح أنا مش عيل هفيه أنا ورايا رجاله تاكل الزلط وتضرب نووى (( طبعا هو مسنود بالمعلم الكبير بوتين وإلا ماكانشى طلع قال البوقيين دول بالجرأه دى لنه طول عمره جبان (( أرجع لحادثة الحريرى وأنسحابه من لبنان فريره )) يبقى كده وضحت الوله بشار قلبه جمد بالمعلم بوتين اللى مش حيسمح لحد يقسم التورته على كيفه أو كيف السعوديه او كيف إيران كمان اللى قاعده بتراقب من بعيد ومش عاوزه تنط فى الصوره دلوقتى

 

خد بقى عندك التقيله أمريكا لن تسمح بتقسيم سوريا أو وصول أى تيار دينى يمينى متشدد للحكم لأن دى تعليمات البت الدلوعه اسرائيل علشان أسرائيل مش من مصلحتها وجود أى أيدلوجيه دينيه يمينيه متشدده جنبها

 

يبقى كده روسيا وأمريكا والتابعين لها وأسرائيل ماشيين حسب الرؤيه المصريه ويفضل على الجناح التانى السعوديه وبس لأن قطر زى ماحتقول لها الست أمريكا حتعمل روحى ياسعديه وتعالى ياسعديه

 

اللى فاكر بقى أن كل ده بعيد عن عين الصقر المصرى يبقى غلطان لأن روسيا معملتشى اللى عملته إلا لما خدت الضوء الأخضر من الصقر المصرى وأنا قلت الكلام ده فى أول يوم فى 

2015

اللى فاكر بقى أن سوريا حتتقسم يبقى غلطان سوريا حتمشى زى مامصر عاوزه والسعوديه فلوسها ضاعت على المراجيح بس الليله حتطول شويه قدامنا على الأقل كمان سنتين

على فكره الملف السورى ليس ببعيد عن الملف الليبى وكلا الملفان سينتهى حسب رغبة الكبيره اللى أتخلقت كبيره وحتفضل كبيره غصب عن ‫#‏قطر_بنت_الوسخه