سأكتبها على جبين المجد عنواناً من لم يعشق مصر ليس أنساناً

سأكتبها على جبين المجد عنواناً من لم يعشق مصر ليس أنساناً

 

--{{ العرب ومصـــر }}--
■■ لم أكن أود الحديث فى هذا الموضوع لكن للضروره أحكام والموضوع زاد عن حده خصوصا بعد أحداث تركيا الأخيره وموقف الشعب المصرى منها ولكى نضع النقط على الحروف للأجيال الحاليه والقادمه وعلشان اللى مايعرفشى يعرف واللى عارف وبيستهبل نفكره
■■ موضوع رز الخليج (( المصطلح ده أبتدعه الكلب الكانيش معتز نتانه للأسف الشديد )) وأننا بلد دعاره
■■ أولا الأزمه الأقتصاديه اللى أحنا فيها مش عيب ولا حرام وتلك الأزمه سببها أننا بلد شاء القدر أن تكون كبيرة المقام كبيره وسط الصغار وعلشان تكون كبير لازم تتصرف تصرفات الكبار وعلشان بلدنا كبيره ومسئوله عن الصغار خضنا حروب فى خلال أقل من 35 عام لايقدر عليها أحد منذ حرب عام 48 وحتى حرب عام 73 وفى أحد الحروب نتيجة تشتيت مجهود الجيش المصرى فى حروب علشان غيرنا تم هزيمتنا والقضاء على جيشنا لكن بعون الله وصبر المصريين ولأننا رجاله قدرنا نوقف جيشنا تانى على رجليه من غير مساعدة حد ونصلح اللى أتكسر ونسترد أرضنا من موقف القوى مش بالشحاته ولا بالتسول على أبواب المنظمات الدوليه
■■ أقتصادنا أصابه الأرهاق نتيجة تحملنا تبعات حروب ليست لنا ولكنها للعرب ومن أجل العرب وللأسف العرب نسوا ذلك وتخيل ... لو أننا فى حالنا زى أى دوله تانيه لم تكن لتكون حرب 48 ولا حرب 67 ولا حرب الأستنزاف ولا حرب 73 ولا حرب 92 فى الخليج الحرب الوحيده اللى خضناها كشأن خاص هى حرب عام 56 العدوان الثلاثى
■■ مصــر ياساده هى صاحبة التكيه فى مكه المكرمه لأطعام الحجاج وأهل الحرميين الشريفيين ... مصــر ياساده هى اللى كانت بترسل كسوة الكعبه قبل أن ينعم عليكم الله بالبترول ... مصر ياساده وأسألوا الأمريكان والعراقيين هى التى أستردت الكويت عندما أحتلتها العراق والسعوديين نفسهم شاهدين أن صدام دخل أحتل قريه سعوديه على الحدود لمدة أربعة أيام ولم يستطيع الجيش الأمريكى ولا السعودى أستردادها والمصريين حرروها فى ساعتين فقط لاغير علشان أحنا رجاله وكبار قوى غصب عن التخين فى العالم
■■ مصــر ياساده هى اللى حررت الوطن العربى كله من الأستعمار وأسألوا الجزائر وليبيا والسودان واليمن والعراق وسوريا
■■ مصــر ياساده هى البلد اللى لما رجعت أرضها بأتفاقية كامب ديفيد العرب أجتمعوا فى بغداد وقرروا يجوعوا الشعب المصرى وطردوا العماله المصريه من الخليج وكان دبلوم الصنايع الفلسطينى بيمسكوه رئيس على المهندس المصرى لتطفيشه وأذلاله والعراقيين كانوا بيدهسوا المصريين على القهاوى بالعربيات فى بغداد (( فاكرين توابيت الموت ولا نسيتوا )) ورغم كل ده لما أستنجدت بينا الكويت أحنا فقط اللى حررناها بعون الله مش بتحالف أمريكا ولا بأى جيش تانى وأسألوا الأمريكان وأسألوا وزير الدفاع الأمريكى اللى قال المصريين تخصص حروب الأرض المكشوفه
■■ مصــر ياساده اللى عمرت دول الخليج وعملت فيها الطفره اللى شايفينها بعمالها الرجاله ... ومصــر ياساده اللى صدرت الأسلام للبلد اللى نزل فيها الأسلام من أزهرها وعلماء أزهرها الشريف ... مصر ياساده اللى جاعت علشان غيرها يعيش ... مصــر ياساده اللى تحملت قتل ولادها على أراضيهم بآيادى الفلسطنيين وبفلوس معمر القذافى ومخابرات صدام حسين وحافظ الأسد ورغم كل هذه الجراح لما بيقعوا فى شده مصــر بتكون أول الواقفين خلفهم
■■ عندنا حراميه منكرشى وعندنا نسوان سافله ومنحطه منكرشى لكن حسألك سؤال عندنا فى بلدنا 95 مليون لما يكون وسطهم 50 ألف واحده منحطه وسافله عادى وطبيعى بس الموضوع عندنا مش مقنن ولا رسمى زى غيرنا واللى بتتمسك بيطلع ميتين أبو اللى خلفوها لكن معندناش شوارع مرخصه ولا بيوت دعاره رسميه يعنى شواذ فى أى مجتمع زينا زى غيرنا وأنتم عندكم فى بيوتكم ولا معندكومشى وأكتر مننا والرسول نفسه رجم زانيات فى عهده ولو المجرم والجريمه قاصره على مصر فقط كان القرآن تحدث عن ذلك فى مصر وفقط وخصها بالتشريع لكن القرآن شرع للبشريه كلها وده معناه أن الخطأ موجود فى كل مكان لكن السؤال النسبه عندنا كام وعند غيرنا بالنسبه لتعدادهم كام نفس الكلام ينطبق على أى نواحى أجراميه فى أى مجتمع لكن العيب والجريمه الأكبر أنك تعمم ده على شعب بأكمله عيبه الوحيد أنه بينسى بسرعه أهانتكم وأفعاكم
■■ إيه جريمتنا سوى أننا لم يعجبنا حاكم وشلته فخرجنا عليه ورفضنا يكمل معانا لما شفناه رايح بينا زى ماغيره رايح ببلده ... أنت بقى صالحك إيه فى الليله دى ولا علشان نرضى سعادتك نفضل طول عمرنا محكومين بعصابه قذره شهدت لها الأحداث بالتعامل الدموى
■■ اللى بيحصل دلوقتى من الأخوه العرب على الفيسبوك وتويتر عيب عيب عيب لأنكم شئتم أم أبيتم أتخلقنا كبار وحنموت كبار وغمه وحتنزاح وربنا حيعوض صبرنا عليكم خير والعيب مش علينا العيب على ذاكرتكم اللى نستكوا مين المصريين وأفضالهم على الغريب قبل الصديق
■■ ستخرج مصر ـ لاجدال ـ من أزمتها ، وستنهض ـ لا ريب ـ من كبوتها ، وستفيق ـ لا مراء ـ من غفوتها..
وستمضى مصر فى طريق مجدها وعزتها .. وستعيد مصر مكانتها وريادتها ..
■■ اللى مش عاجبه دفاعى عن وطنى ومعشوقتى الغاليه لديه من أمكانيات الفيسبوك مايريحه من سحنة أهلى العكره ونفس الحال على تويتر رغم انى مغلطش فى حد ولا عمرى حغلط فى حد لأن أهلى ربونى على الأحترام والأدب اللى أتعلمته فى كل مسجد وجامع فى مصــر
‫#‏جنرال_بهاء_الشامى‬