مصر أم الكون رقم 1

هناك تاريخ فاصل ومهم جدا فى حياة الكره الأرضيه وقد تندهش عندما تعلم أنه 30 يونيه عام 2013

يروى أن القوى العظمى هى أمريكا رقم 1 وروسيا رقم 2 .... طيب إيه رأيك لما دوله تالته تفرض سيطرتها على معظم الملفات اللى بتمشيها القوى العظمى وتمشيها طبقا لمصالحها القوميه يبقى من باب أولى تكون هى القوى العظمى رقم واحد فى العالم وحديك مثال لو بيقولوا على الجنرال هو حامى الحمى ومسيطر على منطقته والكل بيسمع كلمته والجنرال هو الراجل رقم واحد فى المنطقه وتيجى أنت تلطش الجنرال قلمين قدام الحته كلها وتجيبه الأرض وتمشى كلمتك عليه يبقى أنت الراجل رقم كام فى المنطقه وأكيد صيتك حيسمع فى المناطق اللى حواليك والكل يعمل حساب لحضرة المحترم اللى قهر الجنرال فى وسط منطقته

تعالى ناخد الملفات من تحت لفوق أو من الجنوب للشمال ثم نتجه غربا ونبص على ملفات المنطقه العربيه ونبدأ باليمن وبص بعينك على موقف مصر منه حتلاقيها متواجده فقط جبران خاطر ولحماية الملاحه فى باب المندب ولذلك حتى الآن لايوجد أمل أو بارقة أمل فى الوصول لأى حلول وشوف السعوديه صرفت كام علشان تمشيه على مزاجها ورغم ذلك الملف عاصى عليها

طيب بص على الملف العراقى قبل التاريخ اللى قلناه وشوف كان ماشى أزاى شوية عيال أسمهم مش عارف إيه أحتلوا فى غفله من الزمن ثلث مساحة العراق ومحدش كان قادر يكلمهم وقارن كده بعد زيارة وزير الدفاع العراقى للكبيره مصر إيه اللى حصل فى الملف حتلاقى الملف أنقلب رأس على عقب وحفكرك بعد زيارة السيسى لروسيا وزيارة بوتين لمصر وزيارة نائب الرئيس العراقى لمصر راح وزير الدفاع الأمريكى مخصوص للعراق علشان يحصل على تطمينات بشأن العلاقات المستقبليه وأن التقارب المصرى الروسى العراقى مش حيأثر على علاقة أمريكا بالعراق

قبل خطاب الحبسجى أبن سنيه فى أستاد القاهره ومقولته الشهيره لبيك ياسوريا كانت المشكله بين بشار والجيش الرسمى وبين مايطلق عليه معارضه معتدله لكن بعد خطاب هذا الأهطل أمتلئت سوريا بكل متطرفى اليمين الدينى المتطرف من كل أنحاء العالم وأخذ الملف السورى منعطف خطير وكادت تضيع سوريا ولو رجعت بالذاكره شويه ستجد انه بعد أفتتاح قناة السويس كما وضحنا من قبل وأكثر من مره أنقلب الملف السورى وبدأ الحديث عن أنتقال سلمى للسلطه ولو بصينا للصور اللى ظهرت لنا من مؤتمر لوزان الأخير وكان على رأس الجالسين سامح شكرى ثم لافروف ثم كيرى ثم الجبير على ناحيه من الترابيزه وأطراف المشكله السوريه المعارضين على الناحيه التانيه ومخدتش بالك أن مافيش ممثل للنظام السورى وهو لاعب أساسى أو ممثل لتركيا وهى لاعب أساسى ولا إيران وهى لاعب أساسى ولا أنجلترا ولا فرنسا ولا ألمانيا ولا بلجيكا وكل هذه الدول لها قوات عسكريه فى سوريا لأن هناك لاعب محورى وجوده يغنى عن وجود كل هؤلاء الذين تم أختزالهم فى لافروف وكيرى وجلست مصر تتحدث بأسم الشعب السورى وسوريا رغم عدم وجود قوات عسكريه لها فى أرض الملعب لذلك كانت زيارة المملوك كما وضحنا من قبل لتسليم مصر الأحداثيات المركزيه للقوات على الأرض وأصبحت مصر هى صاحبة الملف

نتجه الآن أقصى الغرب لنشاهد الملف الليبى وقارن ماقبل التاريخ المذكور ومابعده وأنت الحكم بنفسك وعاوز أسمعك وأنت بتقول بصوت عالى مصر هى اللاعب الرئيسى فى هذا الملف

لو بصيت على الملف التونسى عاوز أسمع مقارنتك بين التاريخين وكذلك الملف السودانى

خلى بالك أنت بتلعب وفيه لاعبين يملكون القوى ويملكون الضغط على رأسهم أمريكا وروسيا وأسرائيل وأصحاب الملف

طبعا مبارك كان عارف كل اللى بنقوله وعرف يستغله وعارف أكتر منى ومنك مصر تروح يمين أتخن ملف يروح كله يمين ولما تروح شمال الملف كله يروح شمال زى الملف الأفغانى والملف العراقى وخلى الشعب كله ياكل لقمه حرام محتاسه بالدم

أحتفظ بالمقال على صفحتك لأننا سنرجع له لأن كل المقالات مكمله لبعضها تحت أسم مصر أم الكون مصر بتتكتب بالصاد يارمم مش بالسين يالى متعرفوش بتتكلموا على مين وإلى اللقاء فى المقال القادم وأى أستفسارات أبننا ميدو الفيلسوف عنده كل المعلومات

General Bahaa ELshamy

جنرال بهاء الشامى