--{{ إغتيال رجب طيب أفشوخان }}--
http://genralbahaaelshamy.blogspot.com.eg/…/blog-post_20.ht…
■■ رؤساء الدول غالبا هم صفوة السياسيين لكنهم مثل غيرهم بشر يخضعون للتحليل النفسى وان كانت الدراسات تؤكد أن خريجى المؤسسات العسكريه والمخابراتيه هم الأكثر كفائه وقدره على تولى مثل هذا المنصب الرفيع ومن شغلوا هذا المنصبر يمكن تصنيفهم كالآتى :
■■ رئيس شعبوى يلقى خطابات رنانه تحوز رضا الشعوب وهذه أكثر أمكانياته مثل أردوخان اللى إحنا النهارده بنتوقع قتله وهؤلاء تجدهم من الممكن أن ينجحوا فى السياسات الداخليه لكن الفشل هو توقيعهم فى السياسه الخارجيه التى لها مردود على الشعب فى الداخل
■■ رئيس ذو خلفيه عسكريه مثل جورج بوش وهؤلاء يميلون للحلول العسكريه بجانب التخطيط طويل المدى وده كان واضح جدا فى جورج بوش الأبن
■■ رئيس ذو خلفيه مخابراتيه مثل بوتين والسيسى فتجده قليل الكلام غير شعبوى الخطاب لكن يستطيع إدارة الملفات بحنكه وأهم مايميزهم هو الهدوء المميت
■■ رئيس ثعلب مثل السادات وهو يملك كل ماسبق ذكره وهذه الحاله نادره جدا
■■ نرجع لأردوخان وبعد سقوط الطائره الروسيه وغضب بوتين منه والحصار الأقتصادى وتعامل بوتين معه بطريقة برود الأعصاب لحد مادخل القفص برجليه ومسح بلاط الكرملين بلسانه ولأن بوتين شعبوى جعجاع فى الأول قال أنا وأنا وأنا بدون حسابات وبدون تكتيك أو تخطيط وده يرجع لغروره وأكيد مابيسمعشى كويس لمستشاريه أو بيسمع من هنا ويطلع من هنا لأنه مصاب بالغرور التعبوى
■■ دخول أردوخان القفص الروسى وخضوعه لشروط الدب الروسى خصوصا بعد محاولة الأنقلاب وأنقاذ بوتين له وأمريكا اللى قرت فتحته كان له تمن مكنشى اردوخان عامل حسابه وزعل منه دول الخليج اللى كانت عاملاه قنطره تمول منها النصره وفتح الشام وداعش
■■ فوتك فى الكلام ولأن أردوخان مش سياسى لكنه تعبوى شعبوى فقد فشل فى مفاوضات الأنضمام للأتحاد الأوروبى وزعل منه أوروبا كلها اللى بتمشى ورا الأمريكان عميانى
■■ يبقى عندك كده تعالى نحسب أعداء اردوخان وأمسك الخشب ابو سوسو ودول الحليب العربى وأوروبا كلها وأمريكا وزعل منه الأرهابيين لأنه تخلى عنهم ودول مش بتوع سياسه دول بتوع بمب وصواريخ ومزعل منه مـصر وكثير من الدول الألإريقيه بس سيبك من افريقيا دلوقتى لكنه مزعل كل الدول اللى لها أرهابيين فى سوريا يعنى تقريبا مزعللا أكتر من نصف دول العالم ده بقى لو شفنا الداخل حدث ولا حرج وعلى رأسهم المؤسسه العسكريه اللى أتهانت كرامتها على أيده وأكيد لسه فيها خلايا لم يكتشفها ده غير الأكراد غير العراق .... بصراحه مش عغارف أعد مين ولا مين حتى بوتين نفسه ممكن تصنفه عدو خفى بيخلص مصلحته من الجاموسه وبعد ماينشف لبنها حيدبحها
■■ كل اللى فاتوا كوم وزعل الأرهابيين كوم تانى لأنه كان الأب الروحى لهم بعيدا عن العواطف وشرحنا ده كويس فى مقال تركيا والأرهاب روحين فى زكيبه وطبعا أهم وأحلى وأهم شريان لتمويل الأرهاب بدخول أردوخان القفص الروسى بهذه الطريقه أصبح جاف تماما
■■ كده خلاص أردوخان بقى كارت محروق عند الأمريكان والغرب عموما وشخص غير مرغوب فيه لأنه أترمى فى حضن الروس ولأنه بدأ يلعب من وراهم ويفشل كل مخطاطتهم فى الملف السورى والعراقى وتحرير حلب والموضل خير شاهد وبقى كارت محروق عند الحليب العربى ومصر كمان مش عاوزاه والدواعش وحبايبه الأرهابيين عاوزين ينتقموا منه
■■ كل الدول اللى قلت لحضرتك عليها ولأن داعش منظمه أرهابيه تقتل لحساب من يدفع سيتم عن طريق عمل مخابراتى هو الأروع والأول من نوعه إغتيال هذه الورقه المحروقه رجب طيب كان فيه زمان ليسدل الستار عن رجل سيذكره التاريخ بأنه أسرع من تسلق لكرسى الحكم وأستلم تركيا فى وضع تحسدها عليه معظم الدول ليضعها فى مصاف الدول الفقيره والتى تقترب من الأقتصاد صفر وأصبحت تركيا بؤره هائله للأرهاب والأرهابيين ومسرح لعمليات ارهابيه شبه يوميه بسبب سياسات شعبويه تعبويه خاطئه وأبقى سلملى على حريم السلطان
■■ قبل ماترد على المقال لابكلمه بايخه أسأل نفسك تركيا كان وضعها إيه قبل تولى أردوخان الرئاسه ودلوقتى شكلها إيه وأغتيال اردوخان هو تاحليل وليس خبر مؤكد لكنه تحليل بناءاً على معطيات واضحه امام الجميع
#جنرال_بهاء_الشامى
ليست هناك تعليقات:
إرسال تعليق