أعزائى وأحبابى المسافرين معنا على طائرة (( فريق مصر أم الكون )) التاريخيه برجاء
ربط الأحزمه وعدم التدخين وأغلاق الموبيلات للأقلاع بالطائره والرحله رقم 18 والأخ
اللى بيأزأز لب هناك فى الدرجه السياحيه جنب الأخت اللى بتطرقع اللبانه ياريت
تركزوا معانا شويه وبلاش دلع أحسن عليا الطلاق أحدفكم من الطياره
الحرب شغاله والصيام كمان شغال والجبهه الداخليه فى مصر
أستوعبت اللى بيحصل على الجبهه وعرفت أن ولادها عبروا القناه وأن عليهم دور كبير
فى الوقوف خلف ظهر جيشهم وخصوصا بعد نشر صور الأسرى فى الصحف وصورة
العلم المصرى مرفرفاً وشامخا فى تراب سيناء الطاهر (( علشان تكمل طهارة هذا التراب
المروى بأطهر الدماء لابد من تغير ديمجرافية سيناء وتغيير هويتها البدو اللى فيها
مشكله ومشكله كبيره وعويصه )) بدأت نساء مصر الجميلات العفيفات المحترمات بالتبرع
بالعمل بالهلال الأحمر وبدأ الشباب يزحف على المستشفيات فى أسراب للتبرع بالدم
وأزدحمت مناطق التجنيد بالمتطوعين للشهاده فى سبيل الله (( هى دى الشهاده يابقر مش
تروح تفجر نفسك فى ناس أبرياء )) ورغم أنى كنت لسه فى إعدادى ورغم أن أبويا أطلق
عليا أنى تاجر حرب لكن شفت بعينى وقلبى ملحمه رائعه من المصريين وقت الشده وتمنيت
وقتها الزمن ينط بيا 7 سنوات علشان أروح مع الشباب المستشفى وأتبرع بالدم زيهم
علشان أستمتع بنظرة الناس للعائدين من المستشفى على أنهم وطنيين وكان نفسى أروح
أتطوع علشان الناس تعرف أنى راجل من رجالة مصر ورغم أنى حزين من صغر سنى وحاقد على
الزمن لحرمانى من فرصة فداء تراب هذا الوطن الغالى لكن كانت أمى بتصبرنى وتقولى
متقلقشى بكره حتحارب وطول مافيه أسرائيل حتفضل فيه حروب بس كنت متخيل وقتها أن
الحروب قاصره على البندقيه والسلاح ومكنتشى أعرف أنه فيه حرب أقذر وأشرس من حرب
البارود وهى حرب التغييب العقلى والفكرى ... حرب تطلع فيها عاهره مخابراتيه مثل
آيات عرابى تسوق قطيع من المغيبين لتقول لهم أن حرب أكتوبر كانت مسرحيه متفق عليها
وأموت وأعرف البقر اللى حواليها أزاى بيصدقوها ولو واحد فيهم بس قرأ كتاب واحد فقط
حيفهم ويعى ماحدث فى حرب أكتوبر المجيده لكنها حرب العقول والتغييب الفكرى وأنتصرت
فيها إسرائيل والبركه فى مبارك ووزراء التعليم بتوعه من أول حسين بهاء الدين وأحمد
فتحى سقوط وعباقرة تطوير التعليم فى بلدنا شيل سنه سادسه رجع سنه سادسه
فى نفس التوقيت وبالتزامن بدأت بعض الدول العربيه أيام ماكانت
عربيه وأسلاميه تتفاعل مع المشهد ووصلت أول برقيه للمخابرات الحربيه حملها المهندس
عبدالفتاح عبدالله وزير شئون رئاسة الجمهوريه للرئيس السادات
برقيه من المخابرات الحربيه رقم 15 / 2 / ش / 7207
أبلغنا مكتبنا فى بغداد بما يلى :
أستدعى القائم بالأعمال إلى الخارجيه العراقيه ومعه السورى
وحضر رئيس الأركان وقائد القوات الجويه العراقيين وأبلغنا بالآتى :
من رئيس الجمهوريه العراقيه ... العراقيون جنود بالجبهه ...
النتيجه مشرفه ... حاول الرئيس العراقى الأتصال بالرئيس السادات ولم يتمكن ويقدر
الظروف ... وضع تحت تصرف سوريا 2 سرب سوخوى وسرب ميج 21 مطلوب عاجلا ترتيبات
تمركزها فى سوريا وأستخدامها ... مطارات العراق الأماميه فى خدمة سوريا كعمق ...
مطلوب أتصال سوريا بالأردن لخدمة وتنسيق تحركات الطائرات وخدمة المعركه
بالنسبه لجمهورية مصر العربيه مطلوب أرسال زخيره
لسرب الهوكر وقطع غيار ... مطلوب أم 12 لحمل المطلوب وستعود معها الطائرات
العراقيه بالذخيره وقطع الغيار وأى مهمات أخرى مطلوبه ... بلغ دمشق مايخصها من
برقيتنا لعطل اللاسلكى بين بغداد ودمشق والأفاده
(( أعتقد دلوقتى سعادتك فهمت قصة الشرق الأوسط الجديد
والديمقراطيه الأمريكيه بالتقليه وتفتيت الشرق الأوسط وأتكلمت فى النقطه دى كتير
فى أكتر من مقال وقلت أن اللى حصل فى حرب أكتوبر هو سبب المشاكل اللى أحنا عايشين
فيها دلوقتى والحل فى أيد الحكام العرب اللى خايفيين على كراسيهم وطبعا مش عاوز
أفكرك بموقف القذافى أثناء حرب أكتوبر علشان مش ناقصه حرق دم وكده ولا كده أهو مات
هو وياسرعرفات وقابلوا السادات عند ربنا وكل واحد عرف تمامه ))
زى ماقلت لحضرتك وسعادتك ياأستاذ وياهانم على الأجواء والوضع
فى مصر وسوريا تعالى نخطف رجلينا بالطياره ونوصل لحد تل أبيب ونشوف الدنيا فيها
إيه هناك بس عاوز ألفت نظرك أن كل المعلومات اللى بنجيبها من اللى كان بيحصل فى
أسرائيل وقتها علشان مافيش ظريف يستظرف ويقول بهاء كان مركب كاميرات فى أسرائيل
حاكم الأستظراف على الفيسبوك مفيش أسهل منه من مزكرات القاده الأسرائيليين وكتاب
(( تحقيقات لجنة أجرانات )) وطبعا مفيش ظريف ومستظرف من بتوع الفيسبوك فاهم
أحنا بنقول إيه وممكن يعتقد أن دى أسماء مضادت حيويه للبرد
الساعه 10مساءاً بتوقيت تل أبيب يوم 6 أكتوبر أجتمع مجلس
الوزراء الأسرائيلى بالكامل فى أول أجتماع بعد الحرب برئاسة جولدا مائير وأستمر
الأجتماع لحد الساعه 12.00 منتصف الليل وأتكلم أول واحد الجنرال أليعازر رئيس
أركان الحرب وقدم تقرير مفصل عن اللى حصل أول يوم وكان ملخص التقرير كالآتى :
** هناك نجاح مصرى _ سورى أولى لاشك فيه
** الخسائر الأسرائيليه فى الساعات الأولى مرتفعه جدا عكس
المتوقع
** الأحتياطيات والتعزيزات سوف تصل الجبهه الجنوبيه والشماليه
فى خلال 48 ساعه وسوف يعيد التوازن للقوات ويعيد الأمور لنصابها الصحيح (( هى
النقطه دى اللى كان بيلعب عليها السادات أنه يكون عنده فرصه يحط
رجله فى سيناء ويقول كلمته فى الثلاث أيام الأولى ويكون هو البادئ وفى موقف هجومى
مش دفاعى ))
تانى واحد أتكلم كان موشى ديان وقرأ تقرير مطابق للتقرير الأول
لكنه علق وقال :
أننى أشعر بهم تقيل على قلبى ولا أستطيع أن أشارك رئيس الأركان
تفاؤله لأن المصريين حققوا مكاسب قويه فى حين أننا عانينا من ضربه ثقيله أفقدت
قواتنا توازنها الأولى لقد عبروا قناة السويس ونجحوا فى أنشاء عدة كبارى للعبور
وحركوا عليها المدرعات والمشاه والأسلحه المضاده للدبابات ونحن لم نفشل فقط فى
منعهم من ذلك لكننا لم نستطيع ألحاق خسائر بهم إلا قليلاً أن ميدان الحرب الحرج
بالنسبه لنا هو جبهة قناة السويس ونحن نحتاج لكثير من الحظ لكى نستطيع أنهاء معارك
الغد لصالحنا وبعد ذلك فى اليوم الثالث أو الرابع من الحرب فقد نكون فى موقف أفضل
يسمح لنا بتوجيه قوة الدروع اللازمه للجبهه الجنوبيه ووقتها سنكون قادرين على شن
حرب دبابات أنها لن تكون مسأله بسيطه لكن أمكانيات النجاح جيده
لهذا فانه تأسيساً على ذلك فأننا يجب أن ننسحب إلى خط ثان وأن
نقاتل المصريين فى حزام يبعد عن القناه 20 كم (( شايف ياعم هيكل كلام
العسكريين علشان عارف أمكانيات مدفعيتك مش أنت تقولى السادات بيعلن عن نواياه ))
(( فى كتاب البحث عن الذات السادات بيتكلم عن نقطة العمق فى سيناء بالتفصيل
وحنتعرض لها فى حينه )) وهناك نحشد قواتنا للمعركه القادمه أما على الجبهه الشماليه
فأننا سننجح فى ايقاف السوريين عند خط الحدود (( الكلام ده منقول بالنص من كتاب
موشى ديان حياتى صفحه 391 )) لو حد عاوز يتأكد
أنتهى الأجتماع بدون أى قرارات وأعتبروه أجتماع تقارير وأطلاع
الساعه 7.00 صباحاً بتوقيت تل أبيب يوم 7 أكتوبر 1973 عاد مجلس
الوزراء الأسرائيلى للأنعقاد للأستماع للتقرير المقدم من الجنرال أليعازر وكان
ملخص تقريره فى عدة نقاط :
** أن هناك قتال عنيفا وشرس على الجبهتين المصريه والسوريه
والمدرعات والمشاه المصريه والسوريه تواصل تقدمها طوال الليل وحتى الفجر
** قوات الأحتياطى والتعزيزات بدأت تصل إلى الجبهات
## على الجبهه المصريه كانت هذه القوات الواصله تشتبك مع
القوات المصريه فور وصولها وقد تكبدت خسائر كبيره
## على الجبهه السوريه تشير آخر التقارير ألى أن الأندفاعه
السوريه الأولى عبر الجولان أمكن تعطيلها عند الفجر وقبل أنعقاد اجتماعنا هذا
بساعتين
## أن حشود القوات المصريه على الجبهه أصبحت كثيفه وتم عبورها
بسرعات غير متوقعه فأن الجيش الثانى تمكن من العبور أثناء الليل على كامل القطاع
الشمالى كما أن الجيش الثالث يستكمل الآن مع ساعات الصباح الأولى عبوره لشط القناه
الشرقى لكن الجيشين معا ليسا حتى الآن على مواقع محصنه ولم يتم ربطهما ببعضهما
وبالتالى ممكن ردهما لشط القناه الآخر من القناه فى وقت قصير
ملحوظه : لم يحضر موشى ديان هذا الأجتماع لذهابه لتفقد الجبهه
الجنوبيه ليقف بنفسه على ماحدث على الجبهه المصريه وبعد زيارته للجبهه المصريه
سافر بطائرته للجبهه السوريه ورجع الساعه 4.00 عصراً بتوقيت تل أبيب
الساعه 5.00 عصرا بتوقيت تل أبيب دعت جولدا مائير موشى ديان
وأليعازر لأجتماع ومعهم بيجال أللون نائبها ووزير الدوله يزرائيل جاليلى وكما حدث
فى الأجتماعات حدث فى هذا الأجتماع فماذا حدث فى هذا الأجتماع هذا ماسنعرفه بعد أن
تهبط طائرتنا للتزود بالوقود التاريخى من مطار أم الكون فبرجاء ربط الأحزمه وعدم
التدخين وإغلاق الموبيلات وسيكون معكم كالعاده فى الرحله القادمه
جنرال بهاء الشامى
ليست هناك تعليقات:
إرسال تعليق