الحق يحتاج رجلين ... رجل ينطق به ورجل يفهمه

■■ الرئيس بشر وأنسان وكلنا خطائون لكن الشاطر والواعى والفاهم هو اللى بيتعلم من أخطاء غيره ولن نخوض فى أسباب هزيمة عام 1967 لأن المؤرخون أختلفوا على مسبباتها وأن كان ليا وجهة نظر متواضعه وهى أن من أقوى أسباب هذه الهزيمه هى صراعات الحاشيه والمنتفعين حول عبد الناصر وثقته المفرطه فى بعض من حوله وثقته الغير مدروسه فى بعض حكام العرب وحوضح جزئية الحكام العرب لأن عبد الناصر كان فاهم أنه رايح يحارب شوية عيال صيع فى اليمن ولكن بعد توحله فى اليمن أكتشف أنه بيحارب السعوديه رغم عدم العداء الواضح مع ملك السعوديه لكن كما تعتبر انت السودان عمق أستراتيجى لك السعوديه تعتبر اليمن كذلك وأن كانت اليمن أهميتها فى باب المندب 



■■ بعد الهزيمه وكلمة حق تقال أستطاع عبدالناصر رغم عدم وجود جيش أن يخوض حرب الأستنزاف ويمكن ده مرجوعه للدفعه المعنويه الهائله اللى أخدها من الجبهه الداخليه وعوامل عسكريه أخرى كثيره منها مساندة الأتحاد السوفيتى 



■■ وضع عبد الناصر خطة حرب الأسترداد ولم يكن وقتها حدد أسمها بحرب أكتوبر تحت أسم بدر 1 وكانت خطه دفاعيه وبعد وفاته عدلها أحمد اسماعيل وأصبحت بدر 2 ثم تم تعديلها للمره الأخيره والتعديلين حدثا فى عهد السادات 



■■ أستلم السادات حكم مصر ومن غير زواق فى الكلام وهى خرابه بلد مديونه ومهزومه والصراعات على الحكم فيها لاتطاق من شوية رعاع كل هدفهم كرسى الحكم ولم يراعوا ظروف البلد لكن كان هدفهم مصلحتهم وبس ولم ينظر أى أنسان فيهم للكوارث التى من الممكن أن تحدث من أنهيار الجبهه الداخليه وكانت ممكن أسرائيل تستغلها وتحتل القاهره 



■■ بدهاء لن يتكرر فى التاريخ أستطاع أن يضرب الشله دى كلها رغم أنهم كبار البلد ومسيطرين على كل مفاصلها وعمل مايطلق عليه ثورة التصحيح وكما يقول المؤرخون لولا هذه الثوره والضربه القاصمه للفساد لما أستطاع السادات خوض حرب أكتوبر 



■■ كما قلت لك فى سلسلة معجزة جيش وشعب كان السادات محتاج أحمد أسماعيل وسعد الشاذلى وعبد الغنى الجمسى فى الحرب لأن كل قائد فيهم له ميزه السادات محتاجها رغم أن أسماعيل والشاذلى كانت بينهم مشكله كبيره كما وضحت لك فى معجزة جيش وشعب وصلت لرفع السلاح على بعض لكن السادات عرف يدوبهم فى بوتقه واحده علشان محتاجهم للبلد وللحرب رغم أختلاف مدارسهم العسكريه



■■ قلتلك فى سلسلة معجزة جيش وشعب أن اسماعيل راجل الخطط على الترابيزه ويعرف يدير معركه من غرف القياده والشاذلى كان يقدر يحول خطط الترابيزات لواقع على الأرض لكن كان فيه تضاد بينهم أسماعيل يتميز بالهدوء وحساب الخسائر قبل المكاسب والشاذلى لايهمه الخسائر لكن يهمه الأنتصارات وتخيل جيش فيه أكبر قيادتين مش راكبين مع بعض لكن السادات نجح يركبهم مع بعض 


■■ السادات أستلم الحكم وزى ماقلتلك مصر خرابه وعلشان تاكل لحمه أو سمك بتقف على طابور طول النهار فى الجمعيه وجبهه داخليه نفسيتها محطمه ومقهوره وشعب مش عارف يعيش لكن مستحمل وعلى آخره على أمل أن فى يوم ترجع سيناء لحضن الوطن وقلتلك فى معجزة جيش وشعب أن ده من أهم الضغوط اللى كانت على السادات 



■■ السادات أستلم الحكم وشعبه ومؤيديه ولابلاش مؤيديه دى لأنه مكانشى حد مؤيد له سوى أهل بيته وكل حكام العالم ومخابرات العالم بيقولوا عليه أراجوز والمهذبين قالوا عليه مالوش فيها لكن السادات بدهائه أستغل ذلك فى أكبر خطة خداع عسكريه ومخابراتيه وسياسيه لازالت تدرس حتى الآن وشرحت الخطط دى فى معجزة جيش وشعب وفاكر أنى قلتلك أن وزير خارجيته المتواجد فى نييويورك وقتها لم يكن يعلم موعد الحرب وأستطاع السادات أن يدخل طلمبات المياه ذات الدفع القوى لمصر اللى حطمنا بيها الساتر الترابى بدون أن يلفت حتى نظر أسرائيل أو ألمانيا الدوله المصدره للطلمبات 



■■ أستطاع السادات بدهاء نادر أن يخدع دول العالم كلها بدون أستثناء لدرجة وصلت وشرحتها فى معجزة جيش وشعب أن الحرب كانت دائره فى سيناء وامريكا لاتعلم عنها شئ مش كانت متعرفشى ميعادها بل كانت شغاله ولسه ماتعرفشى 



■■ حرب أكتوبر وتفاصيلها كان مخصص لها فى سلسلة معجزة جيش وشعب 100 حلقه بالتمام والكمال للرد على كل اللغط حول هذه الحرب العظيمه لكن طبعا توقفت والسبب راجع لحضراتكم فى توقفها لعدم أهتمامكم ومش عقول حكتب 100 مقال علشان 5 أو 6 متابعين وكن بالتأكيد سنتعرض فيها لثغرة الدفرسوار اللى حواليها جدل رهيب لكن حديك لمحه سريعه 



■■ السادات وأسماعيل من مدرسة حساب الخسائر والشاذلى كان من مدرسة تحقيق الأنتصارات دون النظر للخسائر ورغم أن خطة الشاذلى لفض الثغره كانت ستحقق نصر عسكرى رهيب إلا أن خسائرها البشريه كانت رهيبه وخصوصا فى الأرواح لكن وجهة نظر الشاذلى ان أسرائيل ستكون خسائرها مقاربه لخسائرنا وبالنسبه لعدد جيشهم ستكون أضخم بالنسبه لعدد قواتنا يعنى لما تموت من 100 فرد 20 فرد قصاد موت 30 فرد من 50 فرد تكون الخسائر على الطرف الأول أقل بالنسبه للطرف الثانى ومن هنا حصلت التنشنه بين السادات والشاذلى وأسماعيل لكن السادات واسماعيل لم يتركوا مصر وأكملوا الحرب لنهايتها والشاذلى ترك مصر وراح أرتمى فى حضن معمر القذافى وفرش الملايه لبلده وسرب كثير وكثير من أسرار بلده العسكريه بحكم موقعه 



■■ قلتلك فى سلسلة معجزة جيش وشعب أن هناك معركتان فى حرب أكتوبر حرب عسكريه وحرب سياسيه والتاريخ والمؤرخين والعالم كله شهد ان السادات أدار المعركه العسكريه بقدره فائقه ويكفى أنه أستطاع تجميع العرب لمدة 17 يوم وعرف يستغل الملك فيصل اللى حارب عبد الناصر فى اليمن لصالح المعركه وعرف يستغل أيران وعرف يستغل الروس بعد طرد خبرائهم من مصر وعرف يلف العالم فى سيجاره ويعفرها 



■■ كان أيامها ألف طوبه حمراء بـ 5 جنيه يعنى بيت 3 أدوار على نصف قيراط أرض يكلفك 3000 جنيه ولم تعرف أن خسائرنا البشريه فى حرب أكتوبر كانت 8250 شهيد أندفع لكل شهيد فيهم من 3000 إلى 6000 جنيه حسب رتبته ومكافآت لجيش أنتصر فى المعركه وتعويضات للمصابين وتعويض خسائر الجيش فى المعدات وشعب خلاص جاب زفت وقطران وطينه ودول عربيه طردت العماله المصريه من العراق والسعوديه وليبيا وحصار أقتصادى ومقاطعه عربيه ولما جه يرفع الدعم قامت ضده المظاهرات علشان كيلو للحمه ارتفع من 95 قرش لجنيه وخرجت ضده المظاهرات من كلية الهندسه فى اسكندريه تهتف (( أحيه أحيه كيلو اللحمه بقى بجنيه )) فقل لى بالله عليك ماذا يفعل وحط نفسك مكانه فكان ولابد من الأنفتاح الأقتصادى على الغرب وسموها أيامها المعارضه الأنبطاح الأقتصادى وكطبيعه بشريه الفساد موجود فى كل مكان وزمان فظهرت القطط السمان فى عصر السادات وليس صحيحا نهائيا ولا يعقل أن تردد مقوله عبيطه زى دى أن السادات قال اللى مش حيسرق فى عهدى مش حيعرف يسرق بعد كده ودى كانت تريقه مش أكتر من الشعب على اللى بيحصل وقتها 



■■ هذا ليس تطبيل لرجل مات من أكثر من 40 عام فلا يعقل أن يُطبل لرجل ميت ولايعقل أن تشوه صورة بطل مات لكنه رد على حملات لتقزيم دور السادات والتقليل من انجازه لصالح أطراف أخرى جعلت سلفه يعظم ويأفشخ فى الضربه الجويه ونسينا كلنا دور الصاعقه والمشاه والمدفعيه والبحريه والدفاع الجوى اللى عرف يحمى منشآت الجبهه الداخليه فأن كان هناك مجد فهو لأبطال حرب أكتوبر ومن خاضوها وحتى منهم من باع بلده فى لحظة غضب وخلاف مع قيادته ولا ننكر لعبد الناصر أنه وضع الخطه بدر 1 وأعاد تسليح الجيش ولا ننكر أيضا أنه يتحمل خطيئة حرب 1967 ومن قبلها حرب اليمن 



■■ معلشى طولت عليكم لكنى كنت محتاج مقالات ومقالات فى هذا الموضوع لكن حابب اقول اللى عاوز ينتقد تصرف رئيس معين يتفضل بكل عبقريته يضع الحلول واللى لازم كلنا نبقى عارفينه انا وانت أننا بنلعب فى 5 % من المعلومات المتاحه امام صانع القرار وختاما تحية أجلال وتقدير وعرفان بالجميل لكل رجل شارك فى حرب أكتوبر أو كان له فيها أدنى مجهود من أول عبد الناصر حتى مبارك صاحب الطلعه الجويه وسيذكر لتاريخ أن مبارك أحد رجال حرب أكتوبر ساب كل من هب ودب يشوه تاريخ هذه الحرب لغرض فى نفس يعقوب 

 جنرال بهاء الشامى