■■ أى حمله لأى مرشح رئاسى أو مرشح برلمانى أبوها وأمها الورقه والقلم
وبيقعدوا
كل يومين يحسيبوها بالورقه والقلم حناخد كام صوت وحنخسر كام صوت
وعدد
الأصوات المتأرجحه ومتسألنيش يعنى إيه متأرجحه أنا معرفشى كتبتها أزاى
■■ المهم هى دى أصول لعبة الأنتخابات ومتنساش أن فيه ألاعيب
بتلعبها دول للتدخل فى الأنتخابات بطريقة ما مثل أفتعال المشاكل أو
أطلاق التصريحات العنتريه أو أطلاق التصريحات المدعمه بطريق غير مباشر وكل دول
هدفهم الأصوات المتأرجحه مش الأصوات
الثابته
■■لاشك أن مؤيدى السيسى سيعطوه أصواتهم ومؤكد معارضيه سيبتعدون
عنه ودول حنحسبهم ودول حنحسبهم مع بعض بالورقه والقلم وهما دول اللى
بيطلق عليهم الأصوات الثابته ونشوف بعد كده توقعات
الأصوات المتأرجحه مع بعض حنجيبها أزاى ونجتذبها أزاى مع الوضع فى الحسبان وأياك تتغاضى عن ذلك
أن مؤيدى السيسى مش منظمين ولا توجد قياده صادقه لوجه الله لهم
■■ قبل السرد والتحليل لابد أن
تضع فى حسبانك أختلاف وجهات النظر لكن لابد أن تعترف بالأرقام والتحليلات والرد
عليها يكون من نفس المنظور ولازم تتأكد
أنى غيرك تماما ولما بحلل ملف سياسى بتخلى عن عواطفى تماما حتى لاتؤثر على مضمون
التحليل وتحط فى دماغك أن التحليلات السياسيه تخطئ وتصيب وصدقها ونجاحها بيعتمد
على قوة ربط الملفات ببعضها
■■ عدد الناخبين فى مصر حوالى
53.5 مليون ناخب بالداخل والخارج
■■ السيسى حصل على 23.4 مليون صوت
■■ حمدين صباحى حصل على 740.3 ألف صوت
يعنى عدد المشاركين تقريبا
25 مليون فقط من أجمالى 53.5 مليون بنسبه تقل عن 50 %
طب تعالى نشوف أنتخابات 2012 كان وضعها إيه
■■ مرسى حصل على 13.2 مليون صوت
■■ أحمد شفيق حصل على 12.3 مليون صوت
يعنى برضوا عدد المشاركين تقريبا 26.5مليون بنسبه أيضا تقل عن
50 % من إجمالى الأصوات وده يوضح لحضرتك أن عدد المتفاعلين بيلعب فى منطقة مابين
46 % و 50 % على أكثر تقدير
طيب تعالى نشوف أنتخابات 2012 كانت نسبة تواجد اليمين الدينى
المؤيد لمرسى كانت فين أو بمعنى بلدى المحافظات اللى فاز بها مرسى ورجحت كفته
أسوان * أسيوط * الأسماعيليه * البحيره * بنى سويف * الجيزه * السويس
* سوهاج * شمال سيناء * الفيوم * قنا * المنيا * الوادى الجديد * الأسكندريه *
العاملين بالخارج
معاك جدول يوضح الكلام اللى قلته علشان تتطمن للتحليل وممكن تكبر الصوره زى ماتحب حتلاقيها واضحه جدا
معاك جدول يوضح الكلام اللى قلته علشان تتطمن للتحليل وممكن تكبر الصوره زى ماتحب حتلاقيها واضحه جدا
■■ لو ركزت فى هذه المحافظات حتعرف أنها المحافظات التى
بها كثافه عدديه سكانيه لليمين الدينى وعلشان أكون معاك دقيق أغلبهم سلفيين ولو
تلاحظ هذه المحافظات ستجد أن الأرهابيين بيطلعوا منها أو بينفذوا فيها عملياتهم أو
بعضها محافظات للتوتر بين السلفيين تحديدا وبين الأقباط وعلى رأسها محافظة المنيا
وسوهاج وأسوان
■■ مشكلة السيسى أن مؤيديه غير منظمين ولا توجد لهم قياده
موحده واللى بيقود حملة تأييد السيسى حاليا وبدون ذكر أسماء علشان محدش يقولك أصل
كنا وعدنا بهاء ببرنامج أسبوعى فى القناه اللى بنجهزها ولما نزل فيديوهين لقينا
شكله مش سينمائى ومش حيعمل متابعه كويسه وقلبناه لكنهم معروفين وواضحين زى الشمس
لكن لو تلاحظ بيشتغلوا بطريقة الأيحاء بالثقه المفرطه علشان يوصلك ويوصل المشاهد
العالمى أن السيسى كده أو كده ناجح ودى فى حد ذاتها لها آثار كارثيه على الناخب
الداخلى المؤيد للسيسى لأنه ممكن يتركن على البالونه الإعلاميه دى وماينزلشى يحط
صوته وتحدث الكارثه
■■ الأخوان أيضا تنظيم مش عبيط ولا برياله بل تنظيم منظم
جدا وعنده قوه على الحشد المنظم الأنتخابى عمر سليمان نفسه حذر منها المشير طنطاوى
وأحمد شفيق وذكرتها بالتفصيل فى سلسلة مقالات الصقر الذهبى وكلهم مسجلين بكشوف
الأنتخابات وهما دول القوه الأنتخابيه الثابته الموجهه يعنى اللى معروف أصواتهم
حتروح لمين حسب التعليمات والأوامر ويقدر عددهم بـ 7.5 مليون صوت بينزلوا وحينزلوا
ويحطوا صوتهم حسب التعليمات
■■ الأخوان عارفين أن نسبة نجاح السيسى ممكن تتخطى 60%
وموافقين على كده وعارفين كده وقدامهم حل من أتنين أما تأييد مرشح مضاد للسيسى ودى
حنشرحها بالتفصيل أو أفشال المظهر العام
الديمقراطى للأنتخابات والأيحاء بأنها مسرحيه هزليه لأضعاف شكل السيسى أمام العالم
زى ماعملوا فى أنتخابات 2014 وأعطوا أصواتهم للسيسى علشان يفضحوا حمدين صباحى
ويظهروه أنه مرشح كرتونى تمثيلى وبكده يظهر للعالم مهما كانت شفافية الأنتخابات
أنها مسرحيه لغرض فى دماغهم وحقوله بعد كده لكن دلوقتى تعالى نشوف كلامى بخصوص
اصوات الأخوان اللى اعطوها للسيسى فى 2014 كلام مظبوط ولا تخاريف
■■ أتفقنا طبقا للأحصائيات اللى قدام حضرتك وحللتها قدامك
أن القوه الأنتخابيه الفعاله فى رنج 25 مليون صوت سواء فى أنتخابات 2012 أو
أنتخابات 2014 وقلنا السيسى حصل من هذه القوه على 23.4 مليون صوت يعنى أخد معظم
الأصوات الفعاله اللى بتنزل الأنتخابات ولو شلت منهم أصوات اليمين الدينى حيفضل
عندك فقط 15 مليون صوت وهما دول قوة تصويت السيسى الحقيقيه لأن زى ماقلتلك بنلعب
فى 25 مليون صوت فقط من أجمالى 53 مليون صوت وبحسبه بسيطه تقدر تقول أن السيسى حصل
على 15 مليون صوت بدون أصوات اليمين الدينى اللى منهم السلفيين يعنى نسبة مؤيدى
السيسى بما فيهم بتوع الحزب الوطنى والتحبيشات تقارب نسبة 60% ولا تزيد عن ذلك
وطبعا لو نزل حد متخفى من الحزب الوطنى من هنا وهناك حيعطوا أصواته لمرشحهم وممكن
فى الحاله دى السيسى يحصل فقط على مايقارب 7 مليون صوت ودى فى حد ذاتها كارثه فى
ظل عدم وجود قياده لمؤيدى السيسى ويمكن أتفقت مع الأستاذ مجدى عيسى نشتغل كويس
الفتره اللى جايه على شحن مؤيدى السيسى للنزول وعدم الأرتكان للثقه المفرطه ودى
اللى أنا عاوز حضرتك تشتغل عليها الفتره اللى جايه فى شغلك ووسط صحابك ووسط الناس
اللى تعرفها لو بلدك تهمك فعلاً
■■ طبعا بعد كل الأرقام والتحليل اللى قدام حضرتك عارف
كتلة أصوات اليمين الدينى لو راحت لحد مضاد للسيسى ممكن تعمل إيه ومعاها أصوات
الحزب الوطنى وآسفين ياريس وباقى التحبيشات اللى حضرتك شايفها ومعاهم الناس اللى
مايهماش حاجه إلا بطنها
■■ نيجى للأحتمال
الثانى اللى قلتلك حنتكلم عليه وهو أن الأخوان تعطى صوتها للسيسى علشان
تظهر للعالم أنها مسرحيه وغرضهم أن يظل السيسى رد فعله من ناحيتهم وناحية قادتهم
زى الفتره الماضيه مش قادر يعدم حد من قيادات الصف الأول ولا قادر يطهر مؤسسات
الدوله منهم ويعمل زى أردوخان ماعمل فى تركيا وميعرفشى يقرب منهم فى التطهي
المؤسسى ليظلوا كما هم
■■ طيب الأعدام وعرفناها ليه
الأخوان بقى خايفين من التطهير المؤسسى أنا حقولك ياواد ياصلاح الخوان عارفين أن
ملهمشى رجل يقدروا يحطوها فى البرلمان دلوقتى ولا يقدروا يدخلوا أى أنتخابات بشكل
واضح وكده أو كده وطبقا للدستور عدوهم فاضل له 4 سنوات كمان فى الحكم وعاوزين
يحافظوا على مكاسبهم فى التوغللا فى مفاصل الدوله اللى أكتسبوها أيام مبارك لحين
أنتهاء فترات حكم السيسى وبعد كده يبقى لها حللا وترجع ريما لعادتها القديمه ويكون
المصريين نسوا اللى حصل فى 2013
■■ كده يانجم زى ماوضحت أمامك
عدد 2 سيناريو لكتلة الأخوان فى الأنتخابات وستحددها القيادات بالخارج بعد وضوح
رؤية مرشحين الرئاسه أما سيناريو 2014 ويعطوا أصواتهم للسيسى فى انتظار 2022 م لو لم يظهر مرشح قوى
ويبقى الوضع الراهن على ماهو عليه أو يعطوا أصواتهم لمرشح مضاد للسيسى بالتحالف
للأسف مع أعداء 2011 آسفين ياريس والحزب الوطنى
■■ قبل ماتهاجمنى لو كلامى مش
عاجبك ياريت زى أنا ماعملت وحللت وفندت أجتهدت بتوضيح الأرقام تتفضل حضرتك ترد
عليا من نفس المنظور
■■ أقسم برب الكعبه ويعلم الله
بجرجر صوابعى أزاى على الكيبورد وبكتب رغم آلام أصابعى علشان خاطر بلدى فقط يبقى
تخلى عند أمك دم ومتسرقشى مجهود 4 ساعات كتابه وربط وتجميع وتحليل
#جنرال_بهاء_الشامى
اشكر حضرتك علي المجهود والف سلامه عليك
ردحذفالسلفين هينزلوا بمرشح لهم
لان الوهابيه لها حسابات اخرب
الله يسلمك ياحاج يحيى
ردحذف