الظالم والمظلوم رقم 22

نعود وإياكم لخفايا وخبايا هذا العالم الغامض لنزيح الستار عن بعض النقاط التى حدث حولها بعض الجدال ومن هذه النقاط أو الموضوعات موضوع الرقابه على الصحف أو التجسس على الصحفيين أو تجسس الصحفيين على بعضهم البعض

قلتلك فى سلسلة اللامعقول فى عالم العقول فى الحلقه رقم 1 أن الصحف والفضائيات هى عمل وسوق مخابراتى ويعتبر الصحفى فى حد ذاته رجل مخابرات لأن مهمة رجل المخابرات جمع المعلومات ومهمة الصحفى أيضا جمع المعلومات بما يعنى أن الأثنين مهمتهم تحليل الملعومات للخروج منها بمعلومات مخفيه وبهدوووء نجد أن الصحفى عباره عن عدة أقسام فى جهاز المخابرات لذلك أستعان صلاح نصر فى بداية أنشاء المخابرات بكبار الصحفيين لتعليم صغار أفراد المخابرات كيفية تحليل الخبر وكيفية الأستنباط منه وكيفية الأرشفه  وتنسيق المعلومات والحقائق والربط بينها

كنت قلتلك أن خبر صحفى عادى وسط أخبار كثيره على صفحات صحيفه ممكن يفتح باب لأكتشاف عمليه مخابراتيه كبرى زى مثلا حادث معين لرجل معين والخبر عادى والجميع يتابعه ولسعى الصحفى لتحقيق سبق صحفى فهو طبيعى يبحث عن معلومات تفيد فى فك طلاسم الحادث وطبعا لما بيتصل رجل مخابرات بهذا الصحفى يطلب منه معلومات عن هذا الحادث وبدافع وطنى الصحفى طبعا لن يتأخر وأنت أيضا لو مكانه وحسيت أن المعلومات اللى حصلت عليها ممكن تساعد فى بلدك فى أى شئ لن تتأخر

ممكن جدا المخابرات تستغل الصحافه أو كبار الكتاب للترويج لشئ معين لأيصال رساله معينه لجهات معينه بدون لفت الأنظار زى ماحصل فى تأميم قناة السويس وممكن المخابرات تستغل الصحافه فى نشر معلومات مضلله كما حدث من جريدة الأهرام قبل حرب أكتوبر ولم يعترض أحد ولم يجرم أحد هذا الفعل فى أى وقت أو أى زمن لكن نجح مصطفى أمين عن طريق حمله إعلاميه ضخمه فى تصوير المباح فى عالم المخابرات على أنه غير مباح وجريمه وعار لتشويه جهاز المخابرات فى شخص صلاح نصر 

أن الصحافه والفضائيات وكبار الكتاب وخصوصا ذوى الشعبيه هم جزء من التعاون مع منظومه مخابراتيه  بطريقة ما وعرف دولى معمول به لكن نجح مصطفى أمين فى تحريفه ولاحظ أن حملة مصطفى أمين كانت بعد خروجه من السجن فى كتابه سنه أولى سجن فلماذا لم يكتب كل هذا قبل  القبض عليه ؟؟؟

هل حضرتك لو فى أى مكان وعرفت معلومه ومخابرات بلدك طلبتها منك حتمانع ؟؟؟ فما بالك وأنت صحفى وبتجمع معلومات وهل لو عرفت معلومه والمخابرات قالت لك نشرها على العام سيضر بلدك فهل ستنشرها ؟؟؟ ... أذن التعاون المخابراتى الصحفى وارد وشئ صحى لكن مصطفى أمين نجح أنه يخليه عيب وقلة أدب وخيانه وعار

تعالى بقى ندخل فى الصحافه خارج الوطن وزى ماقلت لحضرتك كل دوله لها صحف فى الخارج بتحاول من خلالها توضح خط سير البلد أو خط سياسة البلد وعلشان يكون فيه مصداقيه فهذا العمل يتم سرا والتمويل أيضا يتم سرا والحرفيه لما ماتقدرشى تكتشف ده مش زى ماحاصل دلوقتى ومعروف أن فرنسا 24 تمويلها قطرى

طيب طالما فتحنا بقى القصه دى يبقى الشئ بالشئ يذكر وبشوف أسئله كتيره على الفيسبوك ليه المخابرات مابتطلعشى توضح للناس بدل ماهى سيباها تخبط راسها فى الحيطه وحاول هنا تركز معايا وحنقول مثلا لو فيه موضوع رأى عام عامل جدل فى الرأى العام وكلمه من المخابرات تحط حد فاصل لكن لو طلع حد من المخابرات وضح الموضوع ممكن معلومات معينه تتكشف تقوم المخابرات تفضل الصمت حتقولى طيب مافيه مواضيع مفيهاش أسرار طيب مايطلع يشرحها حقولك لو طلع مره ومطلعشى مره يبقى فضح نفسه يبقى الأفضل محدش يطلع يتكلم نهائى وحاول تخلى بالك بعض الأسئله أنا أيضا لاأجيب عليها من نفس المنظور لكن حبقى أوضحها لك ونخليها بينا وبين بعض ونعملها سين خالتى بتسلم عليك يعنى تعرف أنه ماينفعشى نتكلم فيها

ممكن المخابرات تسيبك تهبد دماغك فى الحيطه لحد ماتتعب زى حالة الجدل اللى شغاله دلوقتى بقوه على موضوع معين الفيسبوك بيتكلم فيه جامد وكلمه من الجهات الأمنيه تضع حد لهذا الهبد والهرى لكن محدش حيطلع يريحك لكن لو قدرت تربط الملفات ببعضها يبقى ممكن تفهم يعنى لو ربط موضوع (( ط . ج )) مع موضوع (( ق . ش )) حتفهم موضوع (( م . ح )) ومش حوضح أكتر من كده بس حاول تكون هادى وتثق فى جهاز مخابراتك لأن الناس دى بتتنقى من وسط ملايين وعارفه بتعمل إيه وحتعمل إيه وكل همهم مصلحة البلد ومالكشى صالح بظرااااااااااطين الفيسبوك اللى مايعرفوش عن هذا العالم حتى قشوره وكل اللى يعرفوه عن هذا العالم بعض من مصطلحاته ولو سألت واحد من بتوع الصقور لاتنام أو الغلبه لمن يملك الزتونه ماهى الأسوره المخابراتيه ركبه حتخبط فى بعض أو لو سألته عن الصمت اللاسلكى حيقع من طوله ولو سألته كيف يتم تعيين صقور المخابرات أتحداك لو عرف

موضوع تانى حدث حوله جدال رهيب وأشاعات كثيره وتعالى نرجع للخلف حبتين فى عام 1954 م كان فيه تنظيم فى الكليه الحربيه أسمه تنظيم حماية الثوره أو أهداف الثوره مش متذكر بالظبط وكان بيشرف على التنظيم ده أبراهيم الطحاوى وأكتشف الموضوع .... ....

من أكتشف هذا التنظيم وكيف أبلغ فلان الفلانى وماذا حدث لأعضاء التنظيم وماذا حدث بين عبد الناصر وعبد الحكيم عامر هذا موعدنا معه الحلقه القادمه متى شاء الله لأن أصابعى بدأت تؤلمنى

جنرال بهاء الشامى