ردا على مشروع الحكومه بزيادة عدد أيام الأجازات
ياساده ياكرام زيادة عدد الأجازات لن يحل المشاكل اللى بتعملوا
من أجلها هذا النظام وتعالى أن أقولك على حل للمشاكل وححلك معاها كمان شوية مشاكل
عدد أيام الأسبوع 7 أيام ... قول آه
عدد أيام العمل 6 أيام يتخللها يوم أجازه .. قول آه
الزحمه والأرتباك لأن كلنا بنكون فى الشارع فى وقت واحد وكلنا
بنروح الشغل الساعه 8 صباحاً فى توقيت واحد ومع بعض وبنخرج فى وقت واحد ومع بعض
وده بيعمل تكدس فى الشارع وبيربك المرور وكل المشاكل اللى حضرتك شايفها
الحل سهل وبسيط بدون مانزود أيام الأجازات أننا حنعمل الأجازات
تبادليه وتعالى نشرح دى كويس
عند مصالح وشركات تابعه لوزارات معينه وحنقول مثلا عندى 21
وزاره وبقول مثلا وحقسم عدد أيام الأسبوع على الوزارات يبقى 7 وزارات على 7
أيام يبقى كل وزاره تاخد
يوم أجازه وليكون مثلا يوم السبت يبقى على النظام القديم لو كل وزاره فيها
مثلا 100 موظف بـ 700 موظف فى الشارع فى توقيت واحد يبقى أنا كده قللت منهم 100
موظف فى أجازه يوم السبت وأصبح عندى فقط فى الشارع 1800 موظف
تعالى نشوفها بشكل تانى وعملى أنا عندى 21 وزاره حقسمهم على
عدد أيام الأسبوع يبقى كل 3 وزارات ياخدوا أجازه فى يوم مع بعض زى مثلا وبقول مثلا
وزارة التعليم والصحه والتموين ياخدوا يوم الثلاثاء أجازه تبادليه مع باقى
الوزارات و 3 وزارات تانين ياخدو الأربعاء أجازه و 3 وزارات
تانين ياخدوا الخميس أجازه و 3وزارات غيرهم ياخدوا الجمعه أجازه وغيرهم ياخدوا
السبت أجازه وهكذا
يبقى أنا خفيت المواصلات والشارع
والزحام والضغط والبلد ماشيه وفى نفس الوقت لو موظف فى التموين عاوز يروح يقضى
مصلحه فى وزاره تانيه حيقضيها فى يوم أجازته بدون مايزوغ أو ياخد أجازه أعتياديه
ولو واحد عاوز يروح يطمن على وضع أبنه فى المدرسه حيروح فى يوم أجازته لأن المدرسه
شغاله
تخيل لما يكون عندى 600 عاوزين يركبوا
مواصله واحده فى ساعه واحد مع بعض غير لما يكون 450 فقط أكيد الوضع حيتغير
طيب خد التانيه معاك قبل ماأسيبك ليه
كل المصالح تبدأ شغل فى ساعه واحده ليه ميكونشى عندى مثلا المصلحه الفلانيه بتبدأ
8 صباحا وتنتهى 3 ظهرا ومصلحه تانيه بتبدأ
9 صباحاً وتنتهى 4 عصرا ومصلحه تالته بتبدأ 10 صباحاً وتنتهى 5 بعد العصر يبقى كده
أنا مخليتشى الناس كلها بتروح شغلها مع بعض وتروح مع بعض وتعمل الزحام اللى حضرتك
بتشوفه فى الشارع والضغط على المواصلات
أنا عارف أن الفكره مجنونه لكن فكر
فيها مع نفسك لو عجبتك ساعدنى فى نشرها لو معجبتكشى أرجوك متكسرشى مقاديفى لحد
مانوصلها لصانع القرار يدرسها وهو اللى يحدد تتنفذ ولا تترمى فى الزباله
أنا عارف أن الفكره مجنونه لكن عاوزين
نكسر حاجز حمى البدايات ونحاول نحل مشاكل بلدنا وياسيدى أنا مطلبتش فيها فلوس ولا
عاوز الدوله تعملى تمثال وتكرمنى أنا فقط عاوزها لو عجبت الناس تتنفذ
يارب ماحد يهاجمنى علشان أتشجع وأبدأ
حمله أخرى لتنفيذ مشروع زيادة نقاط الربح لخفض الأسعار المجنونه
جنرال بهاء الشامى
ليست هناك تعليقات:
إرسال تعليق