الفيسبوك فى يوم 6 أكتوبر عام 1973

تعالى مع بعض نشوف ماذا كان سيحدث أثناء حرب أكتوبر 1973 وماذا كان سيقول النشطاء والنحانيح وبتوح حكوك النسناس والبنطلونات الساقطه لو موجودين أيام الحرب

ناشط صفحته عليها 5000 متابع .... أنا مش فاهم حد يبدأ حرب الساعه 2 الظهر ليه مبدأوش الساعه 6 الصبح زى باقى الدول اللى حاربت (( أستبدادية القرار ))

ناشط تانى بيشتغل فى الكويت بقاله 17 سنه ..... دوله بايظه وتهريج يعنى إيه السادات ياخد قرار الحرب لوحده فين المشاركه المجتمعيه ويرد عليه واحد تانى على كومنت كان المفروض السادات يعمل إستفتاء شعبى على قرار الحرب دى مش بلده لوحده ويرد واحد من بتوع الشرعيه على كومنت تانى ربنا يفك اسر الرئيس مرسى مكانشى بياخد قرار إلا بعد الرجوع للشعب وترد واحده من الحرائر بتوع الأخوان هاى ياجماعه ينفع كده باخد شاور فى الحمام يقولولى الحرب قامت ينفع كده (( العسكر خاربينها ))

واحد تانى من بتوع ثورة الجياع ينزل بوست .... مافيش سكر وشاى ولا رز أيوه ياعم ماالجيش واكل البلد والعسكر مولعينها (( نازلين يوم 11 ثورة الجياع ))

واحد عامل نفسه خابور عسكرى أستراطيجى ينزل بوست ..... أنا مش فاهم مين الغبى اللى أستخدم مدافع المياه فى إقتحام خط بارليف وعندنا قرى بتعانى من فقر فى المياه وينزل كام تقرير عن كام قريه الميه مقطوعه فيهم ويقولك ده إستهتار وإهدار لموارد الدوله (( دولة العسكر الأغبياء ))

نشوف بقى إبراهيم عيسى حيقول إيه فى البرنامج بتاعه (( خبراء الحرب فى العالم كله بيأكدوا أن الطيران ماينفعشى يضرب الأول وده ينعكس على الجهل اللى البلد فيه وفى منظومة التعليم الفاشله ))

والآن مع فقرة وائل الأبراشى الشهير بوائل حريقه ونشوف حيقول لنا إيه (( هل يصح أن نحارب أسرائيل ونقتل الأبرياء هناك بدون ذنب وهل الحكومه ستعوض من تهدمت منازلهم فى أسرائيل ومصر ))

نشوف بقى تتح أو أبو الفتوح حيقول لنا إيه فى تويته على تويتر (( أن قرار الحرب قرار غير مسئول من دوله مهلهله ولابد من إجراء أنتخابات رئاسيه مبكره لأنقاذ البلد من النفق المظلم الذى دخلنا فيه تحت حكم العسكر ))

البرادعى فى تويته ناريه على تويتر حيقول (( أن فكرة الحرب فكره همجيه ولابد من توافق دولى وأن تجلس الدول على مائدة الحوار أولا و أن الحرب مأساه والأفضل حوار مع الأسرائليين وباقى الأطراف يامنى ))

عمرو حمزاوى ونشوف حيقول لنا إيه فى تويته من تويتاته الجهنميه (( فى الدول المحوريه تنبثق مجتمعات أفواريه لبحث متطلعات حروب سيكولوجيه فى اللاشعور الوجدانى على مفاهيم الوجدانيه الأنسانيه ))

الخبره آيات عرابى تفقعنا بوست على صفحتها .... قاطعوا النصارى أشترى من حوده ونفض لشنوده قاطعوا النصارى يساندون العسكر ضد أسرائيل المسكينه وأنتظرونا وأخبار عن هروب العساكر المطحونه من الجيش حستقبل قصصكم وأنزلها فى بوستات بس أرجوكم دعم للصفحه عليها ربورتات كتيره من مخابرات فيفى عبده وهل يصح الجيش المصرائيلى يهاجم أسرائيل فى يوم عيد دينى وهو عيد الغفران شير ولايك بقى أحسن الجيش المصرائيلى حيقفلى صفحتى

تانى يوم الصبح يوم 7 أكتوبر تطالعنا الصحف المحليه بخبر على صدر صفحاتها بقيام الناشط خالد على برفع دعوه مستعجله لأيقاف قرار الحرب

النشطاء والحكوكيين ينظمون وقفه إحتجاجيه على قرار الحرب  على سلم نقابة الصحفيين

عمر عفيفى فى بوست على الفيسبوك (( أن مصر تتحمل بمفردها مسئولية أتخاذ قرار الحرب ولدى معلومات من أصدقائى فى الداخليه أن ظابط بأمن الدوله هو اللى أشار على السادات بإتخاذ قرار الحرب ))

الجزيره حتقول : السادات قائد حكم العسكر يتخذ قرار بالحرب دون الرجوع للشعب فى أقوى صور الديكتاوتريه العالميه وتنزل صور لضحايا الحرب الأسرئيليين وتقول عليهم مصريين وتنزل تقارير عن مظاهرات ضد السادات رافضه للحرب وتعمل تقارير عن هروب الجنود المصريه من أرض المعركه والقوات المصريه تقصف المدنيين فى سيناء

صفحات لبانه صالح ومرهم الشرقاوى والغلبه لمن يملك الزتونه والعبره بالخراطيم وصاصا راجع ولبؤة حورس وكناصة الصراصير وكناص البراغيت وصائد الفيران وندهت عليك ياطه والبسبوسه حبيب الملايين والهجاص الغامض وغفير الأهرامات وفاضح الأسرار وفارس بلا حمار والحاضر الغائب من الفصل وحارس البتنجان وكلنا رجال الطرشه ومحسن بيه منفاخ ومحمد فشيخ و تعلوب تعاليبو والحرامى علاء الدين (( لبدنا لهم فى الغيطان وأوهمناهم بالأنكسار ثم أنقضضنا عليهم بعيدان الجرجير وفجرنا فيهم علب الكبريت تحت سفح الأهرامات لنعلن لهم صقر راجع وأديك جنب الزير تقولى مخدتش كتير

الناشطه ساره فهمى : الحرب قامت واللى مش عاجبه يرزع دماغه فى الحيطه

النشطاء : أزاى السادات يحارب من غير مايشاور حد فى قرار الحرب والمفروض كان يكون فيه حوار مجتمعى وياخد رأينا قبل مايبدأ الحرب هى مش بلده لوحده

الأخوان :العسكر خاربينها وداخلين حرب علشان يسرقوا السلاح

عصام حجى : أنا مش فاهم السادات بيحارب ليه هى أسرائيل قالت له حاربنا ولا كانت أعتدت عليه ولا هو جر شكل وخلاص ؟؟؟

الجماعه بتوع سلم النقابه : لا للعنف ضد أخواننا الأسرائيلين وندعو لوقفه بالشموع على سلالم النقابه يوم الثلاثاء عقب صلاة الجمعه

جماعة 6 أبريل : السادات بيحارب علشان يدارى على فضايح الفساد فى البلد

قنوات الأخوان : السادات بيحارب إسرائيل كده وكده علشان أمه يهوديه

وجدى غنيم : بابور الجاز بتاع أمى أكبر من الدبابه اللى بيحارب بيها السادات

لميس الحديدى : مش قادره ياجماعه أتخيل منظر الحرب

حازم عبدالعظيم : هو السادات كده مابيطشطرشى غير على الأسرائيليين

أنصار مبارك : بدل فلوس الحرب كان المفروض السادات يوزعها على الغلابه وسينا كدا كدا حترجع لوحدها

نشطاء الفيسبوك الصغننين : المجهوله تدك سيناء ... تسلم المجهوله

 حمووؤه ثورات لازم نعمل ثوره يوم الجمعه الجايه الساعه 7 بالليل ولازم تنزلوا مفيش حاجه أسمها السادات ياخد قرارات لوحده ماهياش بلد أبوه 

وائل غنيم أنا أتصالحت مع نفسى وبقولكم لازم نتصالح مع إسرائيل مش كل حاجه بالعنف يرد عليه واحد يقوله مش أنت بتاع ثورة يناير يرد وائل بعصبيه أنا وائل سعيد غنيم ياولاد الوسخه أأنا وائل سعيد غنيم ياولاد الوسخه  

عنتيل النشطاء : أى أبن ..... حيتكلم وقت الحرب حنفخ ميتين أمه كله إلا وقت الحرب ياولاد الوسخه

الصحفى عمرو أحمد صاحب شخصية فلاح كفرالهنادوه : الحرب قامت سبح وبخور

الشيخ نصار : أدعول لخليفتنا موشى ديان فأنه الآن يسأل

حاتم الهلالى : مش قلتلك ياجنرال السادات مش حيسكت توقعاتى معاك صدقت زى ماقولتلك فى التليفون

المشرف العام على فريق مصر أم الكون : مش قلنا لكم السادات حيربى الأسرائيليين أتفضل ياجنرال أشتغل ولعلع

نشوف بقى بهاء الشامى حيقول إيه .... لسنا موقع أخبارى لكننا نحلل معلومات حرب معروفه للجميع وخلى بالك معايا وصحصح لكلامى علشان نفهم الهدف والمستهدف ويرزع تحليل نارى على صفحته ويكتب ويقول :

المعطيات تتوافق أخيرا مع البراهين وقلنا الكلام ده فى أكتر من مقال سابق والأصدقاء القدامى معانا على الصفحه أكيد فاكرين أننا تنبأنا بموعد الحرب قبلها بشهور بناءا على معطيات سابقه وخبرات تراكميه وبنزل مصادرنا بس محدش بيقرأ أبوس رجليكم تقرأوا وياريت تراجع سلسلة مقالات مصر أم الكون والصقر الذهبى والسادات فقع اليهود أحلى مهموز  والسؤال الآن متى تنتهى هذه الحرب هذا ماستجيب عنه الأيام القادمه فهل سيفعلها السادات أم سيكون للدول العظمى رأى آخر

جنرال بهاء الشامى