كيف قتلوا خراخشنجى ؟؟؟

سنعتبر كل الروايات السعوديه والأمريكيه والتركيه صحيحه ولن نكذب أحد ومن هذا المنطلق سنحدد كيف قتلوا خراخشنجى

أمريكا قالت أن لديها تسجيلات لمحمد بن سلمان وهو بيكلم ناس فى المخابرات عنده وبيطلب منهم إحضار خراخشنجى

يبقى شيكاليطه فعلا كلم ناس من المخابرات وقال لهم عاوز خراخشنجى فى المملكه بأى تمن وخلى بالك أنا بقول قال لهم عاوزه فى المملكه

هنا ومعلشى أستحملنى لازم أتوقع سيناريو بناءاً على تصريحات تركيا أن أمريكا أتصلت على تركيا وأعطتها خبر باللى حيحصل وعلشان كده تركيا عرفت أن خراخشنجى مخرجشى من السفاره ماهو  أبن تنزيله مش قاعد على الرصيف قدام السفاره بيراقبها وطبعا مش بيراقب كل السفارات ولو بيراقب كل السفارات بكاميرات خارجيه فين تسجيلات السفاره الأمريكيه مثلا ولو بيراقب كل السفارات كان السعوديين عرفوا أن سفارتهم متراقبه ومن هنا تعرف أن أمريكا وتركيا عارفين أن أقل شئ حيحصل هو خطف خراخشنجى وكانوا مجهزين سيناريو بأمارة أنهم كانوا مراقبين الطيارت اللى راحت تركيا

دخل خراخشنجى  السفاره ورجع بلدك يابنى لا مش راجع لا حترجع بالذوق لامش راجع راح المطلوب رقم واحد اللى هو قوى البنيان قافش فى زمارة رقبته وحصلت مشاجره وقرص على رقبته مات

مات خراخشنجى والعاملين فى السفاره كلهم عرفوا بما فيهم القنصل وبدأوا يتخلصوا من آثار الجريمه ولحد هنا الجريمه تمت فى السفاره

هوبا الدنيا كلها أتكلمت وشيكاليطه سأل على خراخشنجى قالوا له العمليه فشلت ده لو صدقنا رواية السعوديه الأولانيه زى ماأتفقنا وبدأت السعوديه فعلا تتكلم بقلب جامد وشفنا السيناريوهات اللى كلنا صدقناها أن بتوع السفاره مالهومشى علاقه وأن تورأيا بتتبلى عليهم

فضلت الدنيا ماشيه زى كل ماشفنا لحد القنصل مارجع بلده لما راحوا يفتشوا قصره ولما أتزنق عليه فى السعوديه أعترف بكل حاجه

حاول شيكاليطه يطرمخ على الموضوع لأنه رجله جايه فيه لكن مقالشى أقتلوه وهنا حد بلغ الراجل الكبير وقاله على الفوله الحقيقيقه وأخبره أن خراخشنجى قتلوه بتوع السفاره أو بالتحديد اللى راحوا يجيبوه بالعافيه

أبو سوسو أتصل على كبير المنطقه وأتصرف أزاى ياكبير راح الكبير قال له أطلع قول الحقيقه وأنا والأمارات والبحرين حنقف فى ظهرك

أبو سوسو ركبته العفاريت أن بتوع المخابرات محدش فيهم يقول له ويعتبروه كوز جوافه وأقال اللى أقاله وحيعيد ترتيب مخابراته

كبير المنطقه طلع ساند أبو سوسو ومعاه الأمارات والبحرين لكن فيه دو فى أوروبا مخابراتها عارفه القصه اللى بحكيلك عليها وكله عاوز يصطاد فى الميه العكره

يبقى الخلاصه شيكاليطه طلب خراخشنجى يرجع بالعافيه وأمريكا وتورأيا كانوا عارفين وناصبين النصبه ورجالة شيكاليطه عكوها وتورأيا وأمريكا لعبوها مع بعض وأبو سوسو بناءاً على نصيحة الكبار بيلم الموضوع لكن فيه دول بتحاول تصطاد فى الميه العكره

واحد حيسألنى فين الجثه ياجنرال حقولك أسال السفير السعودى عليها وحديك دليل على صدق تحليلى الواد المطلوب رقم واحد مشعل سعد البستانى قال إيه عربيه خبطته زى أى حد بيقتل أى حد  قال إيه لازم يموت بعدها وأسأل حتى السفير الروسى الله يرحمه 

الماتش دة إتلعب وحش قوى المدرب حط خطه زفت وحب يدارى خيبته راح دفع للمشجعين علشان يسخنوا اللاعيبه فى الملعب  قامت اللاعبيه أتغابت وأفتكرت إن وراهم ضهر هيسند

 المدرب زود العيار شويه للجمهور ووسع الدايره وحب يوقع مشجعى الفرق في بعض حاجة كده زى مذبحه يعنى راحوا المشجعين مسلمين المدرب تسليم أهالى ودلوقتى بيتسلوا على اللاعيبه

المشكله بقى ياترى موقف أتحاد الكوره إيه ؟؟؟

تفتكروا هيلجأوا للتحكيم الدولى ولا هيكوسوها زى كل مرة وهتعدى بالرشاوى ؟؟؟

 تفتكروا موضوع زى ده يندفع فيه كام علشان يعدى ؟؟؟ وويتباع فيه مين  نضحى بمين يعنى

الماتش من أول دقيقه كان باين قوى إنه فوق القدرات يعنى كأنك جايب فريق من دورى المظاليم تلعب به فى كأس العالم  مش لأنك قالولك حتلاعب فرق عالميه معنى كدة إنك بقيت عالمى  دول بس حبوا يوروك مقامك علشان متتنططش وتقول أنا ممكن أكسب وأعدى وأوصل .... الماتش خايب ... والأخيب هو المُدرب والمدير الفني لازم يتم التخلص منه علشان يشيل الليله ... وكله متوقف على قوة تأثير الأداره على إتحاد الكوره  ومبلغ الهبه

جنرال بهاء الشامى