الظالم والمظلوم رقم 30

لمتوسطى الذكاء فقط وقراء مابين السطور

كتاب صلاح نصر الحرب النفسيه الجزء الأول صدر فى إبريل عام 1967 م أى قبل الحرب بشهرين كاملين ولسه مكانشى جمال عبدالناصر قبض على صلاح نصر وحاكمه

الكتاب ليس به أى سيره شخصيه أو تعرض لأى شخص لكنه كتاب تدريس لعلوم المخابرات أى كتاب معلوماتى مثل كتب المدارس أذن لماذا تم حظره من النشر ؟؟؟

من يقرأ أو قرأوا الكتاب يكتشفون فيه أن مخابراتنا كانت تعتمد على تقنيات عاليه جدا فى أنتزاع الأعترافات بأسلوب علمى نفسى بدون اللجوء للعنف ... أذن الكتاب يؤكد أنه لايجود أى تعذيب لأنتزاع الأعترافات فى جهاز مخابراتى يدار بهذه العقليه الأكاديميه والكتاب فى حد ذاته كان ممكن يعمل بلبله فكيف يدار جهاز المخابرات بهذه التقنيه رفيعة المستوى وهناك أقاويل وأساطير عن عمليات تعذيب فى جهاز المخابرات العامه وبأى أتهامات سيحاكمون صلاح نصر 

المشير أحمد إسماعيل أثناء توليه رئاسة جهاز المخابرات العامه بعدما لاحظ أنكار مصطفى أمين للتهم الموجهه ضده بعد الأعتراف بها قرر أن تكون الأعترافات والأدله بالصوت والصوره حتى لايتكرر إنكار المتهمين لجرائمهم بعد الأعتراف بها

إعتماد خورشيد قالت فى كتابها أن صلاح نصر كان بيعمل حفلات سمو روحانى للفنانين والفنانات والوزراء معارف وأصدقاء صلاح نصر فى حفلات جماعيه وكان فيه رجاله بتمارس الجنس مع صلاح نصر (( لواط يعنى )) وكررت نفس الكلام مع الأعلامى نيشان فهل هى الوحيده اللى شافت وأتكلمت وليه الباقى لم يتكلم وخصوصا أنها كانت بتقول أنه ماسك عليهم ذله طيب ذله بذله وأنا شفت صلاح نصر بيتعمل فيه يبقى محدش ماسك على التانى ذله خصوصا لو واحده أو واحد طلب توقيع الكشف الطبى على صلاح نصر

الفنانين والفنانات والوزراء اللى كانوا بيحضروا الحفلات دى محدش فيهم ذكر أى كلام عن الوقائع دى حتى برلنتى عبد الحميد اللى هاجمت عبدالناصر والجيش المصرى وقالت مافى الخمر وأتهمت فى كتابها بوضوح عبدالناصر بقتل عبدالحكيم عامر لم تذكر ولو حتى بالتلميح هذه الحفلات رغم أنك ذكرتى وجودها وهى وعبدالحكيم

هل إعتماد خورشيد الوحيده اللى شافت الكلام ده الذى لايراه إلا الشرفاء أمثالها وهى اللى صورت لنا كل فنانات مصر ووزرائها بالفسوق الجنسى ماعدا هى الوحيده اللى ياكبدى كانت بترجع اللى فى بطنها لما تشوف الكلام ده ولماذا لم تذكر ذلك فى المحكمه وذكرته فى برنامج مع نيشان للرد علينا

إعتماد خورشيد قالت فى المحكمه أن ورقة جوازها العرفى ضاعت منها وهى الورقه التى تثبت عفتها وشرفها كما تقول فكيف تضيع منها ورقه هامه زى دى وماتضيعشى منها صوره زى دى نشرتها على صفحتها بتاريخ 11 يوليو 2019 م وعرفت تحافظ على الصوره دى طول هذه السنين ومعرفتشى تحافظ على ورقة جوزها ولم تصورها مليون نسخه وهى صاحبة أكبر معمل تصوير فى مصر ومعاك رابط البوست بتاعها

https://www.facebook.com/photo.php?fbid=2175796335883281&set=a.549741125155485&type=3

الرجاله اللى مارست الجنس مع صلاح نصر وكان صلاح نصر فيها سلبى هما فين وليه عبدالناصر مجابهومشى يشهدوا عليه فى المحكمه وهى اللى بلسانها وفى كتابها قالت أنها حكت كل حاجه لعبدالناصر لما قعدت معاه 5 ساعات بحالهم وهو اللى عملها الفطار بنفسه

إعتماد خورشيد قالت فى حوارها مع نيشان أنها هربت بره مصر وراحت فرنسا ولما الموساد حاول يجندها لكتابة مذكراتها وبعد ماقبضت الفلوس وقعدت تكتب 6 شهور كامله عبدالناصر اللى مش عارف يحميها فى مصر هربها من فرنسا للبنان وبعدين هربها للعراق وبعدين أمرها ترجع تانى لبنان بالسياره وقال إيه وهم ماشيين بالسياره من العراق للبنان لقوا نفسهم فى المسجد الأقصى زى مايكون ياجدع مفيش فى الطرق الدوليه أرشادات طريق ولا كمائن أو حدود أو جوازات أو تأشيرات أو تفتيش وكأننا ماشيين على الطريق الزراعى من طنطا لكفرالزيات

للأسف ياست إعتماد خورشيد ياربة الصون والعفاف كل لما تتكلمى أى عاقل بيكتشف كدبك الأبله العبيط وفبركتك لقصص لم يحضرها أو يعيش أحداثها غيرك لأنك بتعتمدى على أنك الوحيده اللى عايشه وباقى الناس فى ذمة الله ومحدش حيطلع يكدبك لكن إعمال العقل سبب كافى لكشف أكاذيبك 

أنتهت حلقة اليوم لكن يظل لكم معنا حلق أخيره متى شاء الله 

جنرال بهاء الشامى