لما تتكلم فى السياسه لازم تقول كلام فى محله السياسه مش حلو ياحلو

فى أول زياره للسادات بعد حرب أكتوبر لأجراء مفاوضات السلام  للبيت الأبيض سافر وفد برتوكولات رئيس الجمهوريه لأمريكا للأتفاق على تفاصيل زيارة رئيس الجمهوريه

وجد فريق البرتوكولات مشكله فى مراسم الزياره طبقا للبرتوكولات المتبعه بالبيت الأبيض أن السادات كما هو متعارف عليه فى برتوكولات أمريكا سيستقبله نيكسون فى المكتب البيضاوى ووجدوا أن عرض مكتب نيكسون أطول من ذراع الرئيس السادات والمفروض طبقاً للبرتوكول أن السادات سيدخل عليه المكتب ويترجل حتى يصل لمكتب نيكسون ثم يسلم عليه  وده معناه أن لو نيكسون تمسك بفرد ظهره أثناء السلام على السادات سيضطر السادات للأنحناء قليلا ويظهر رئيس مصر منحنيا وهو يسلم على رئيس أمريكا وكانت دى المشكله

أتصل فريق البرتوكولات برئاسة الجمهوريه فى مصر وطلبوا إطالة مدة السفر لأن عندهم مشكله برتوكوليه وجارى التفاوض مع الجانب الأمريكى لحلها

أستمرت مفاوضات مراسم زيارة السادات بالكامل لمدة يومين وأعترض الوفد المصرى على الجزئيه اللى شرحتها لحضرتك

بعد مفاوضات شاقه توصلوا لحل وسط وهو تغير الكرسيين اللى أمام مكتب نيكسون لحجم أصغر ويقربوا لبعض ويقربوا من الطقطوقه الصغيره أمام المكتب علشان ميبقاش فيه مكان يقف فيه السادات  أمام المكتب ويروح من جنب المكتب يسلم على نيكسون وبعدين واحد يشد الكرسى للسادات بعد السلام علشان يقعد عليه وتم توقيع الأتفاق على كده وطبعا لما الفريق رجع مصر أخبروا السادات بالموقف الجديد ودربوه عليه كتمثيل فى القاهره منعا للخطأ أمام الكاميرات ودى كانت مشكله واحده من عدة مشاكل برتوكوليه فى هذه الزياره

كيم زعيم كوريا الشماليه فى لقائه بترامب فى كوريا الجنوبيه فريق برتوكولاته وضعوا عدة شروط قاسيه لدرجة أنهم أتفقوا على تحمل أمريكا تحمل نفقات سيارات موكب كيم وأصطحابه لدورة المياه الخاصه به

هنرى كسينجر كان فريق برتوكولاته بيتفق على ألا تزيد مدة اللقاء أكتر من ساعتين طبقا للمشروع اللى أخترعه هنرى كسينجر لدورات المياه

قبل سفر أى رئيس لدوله كزائر يسافر فريق برتوكولاته للأعداد للزياره جيداً ثم العوده لبلادهم للتدريب عليها منعا للوقوع فى أخطاء أمام الكاميرات

يعتبر عالميا أفشل فرق برتوكوليه هو فريق محمد مورسى وفريق أردوخان ومورسى وقع فى عدة أخطاء برتوكوليه وفضحنا وجرسنا وسط رؤساء العالم بسبب بعض الأخطاء منها مثلا قصر كرسيه فى مؤتمر القمه الأسلامى بقطر وكان قاعد حاطط أيده على الترابيزه اللى قدامه ومتعصب وأيضا فى رحلة البرازيل مكانشى المفروض رئيسة وزراء البرازيل تقدم له كأس خمره ومكانشى المفروض يبات فى ألمانيا فى فندق غير مجهز بإتصالات خاصه بالرئيس وده اللى خلى روسيا عرفت تتجسس عليه وعلى مكالمته للشاطر اللى أتسربت بعد كده ومكانشى يتم أجهاده فى رحلة  الصين ويرجع من هناك مسورق ونكتشف أن مكانشى معاه طبيبه الخاص وغيره كتير 

أردوخان أيضا فريقه فاشل وخصوصا فى زيارة روسيا الأخيره فقد كان فيها عنصر مفاجأه غير متفق عليه بتاع موضوع الجيلاتى وتم إحراج منصب رئيس تورأيا وكانت فضيحه بجلاجل

السيسى أيضا فى اول تنصيبه كرئيس لمصر وقع فريق برتوكلات رئاسة الجمهوريه فى عدة أخطاء منها مثلا يوم تنصيبه أول مره وفى حفل المساء بقصر عابدين وقع فى خطأين لايغتفرا برتوكوليا أولهم أنه ظل فى مكان الأحتفال بعد عزف السلام الوطنى الختامى ثم الخطأ الثانى وهو تكريمه لعدلى منصور بعد السلام الجمهورى وكان لمفروض يكرمه قبل عزف السلام والخطأ الأكبر هو توصيل السيسى له لسيارته بعد أنتهاء الحفل أمام الكاميرات وبعد هذه الملاحظات تم تغييير طاقم برتوكولاته بالكامل

حضرتك بقى عارف الوفد ده مثلا بيسافر بكام وبيندفع فى أقامته كام وبيروح ويجى ويكلف الدوله كام وتكاليف اقامة الوفد ومرافقيه وتكالبف سفر الوفد الرئاسى وتكاليف أقامته تحركاته ؟؟؟ ... طبعا ماتعرفشى والمبلغ خرافى طبعا وممكن يبنى عماره أو مدرسه

حضرتك تعرف سيارات الموكب الرئاسى بكام ولاتعرف طائرة الرئاسه بكام وكام بتتكلف رحلة أى رئيس خارج بلده

من منطق بدل القصور الرئاسيه كان صلح مدرسة بلدنا أقول لك وبدل مايسافر فى طائره رئاسيه يسافر فى طائره عاديه ويركب فى درجه سياحيه وبدل مايتنقل فى سفرياته الداخليه بطائرات هليوكبتر مكلفه ياخد تاكسى أوبر أرخص وبدل كل موكب السيارات ده يركبوا تكاتك أرخص وكمان إيه لازمتها سيارات رئاسيه وطائرات حراسه بتكلفنا بنزين بالشئ الفلانى وسيارة تشويش ألكترونى بملايين الجنيهات ونصلح بها طرق ومستشفيات

حضرتك عارف منصب رئيس الجمهوريه فى أى دوله بيكلفها كام فى الدقيقه الوحده ولا متعرفشى وبتهرتل وخلاص

الأهم ليه مانلغيش منصب رئيس الجمهوريه طالما بيكلف الدوله كل ده وكل واحد يحكم نفسه ويراعى مصالحه وياسيدى لو على مفاوضاتنا مع الدول أنا أروح بنفسى أتفاوض وتلمولى حق تذكرة السفر وأنا حتحمل مصاريف سفر حد من عيالى معايا يحرسنى علشان مصر وعلشان نوفر من مصاريف منصب رئيس لجمهوريه ونوفر القصور والموظفين

الأهم كمان أننا حنوفر بعد ألغاء منصب رئيس الجمهوريه تكالبف الأستفتاء اللى ممكن توصل لـ 4 مليار جنيه وتأمين شرطه وجيش وفرز وبدلات للقضاه والموظفين اللى بتفرز

طبعا بعد كل ده كما لازم نلغى مناصب الوزراء لأنها بصراحه مكلفه جداً ونلغى المجالس التشريعيه وبدل مانعين وزير دفاع حد من صحاى يتبرع بوضع خطط الجيش وأنا بنفسى حسافر لعقد صفقات التسليح وأهو بوتين صاحبى وحبيبى ونوفر مصاريف وزير الدفاع وحراسته وتنقلاته وأقامته

لو عاوزين فعلا توفروا فلوس للمستشفيات نلغى نظام إدارة الدوله وكل حى يشوف مصلحته بنفسه بس مش عارف ساعتها حندير مصر أزاى

الكلام العاطفى سهل وجميل ومقنع فعلا لكنه لامحل له من الأعراب وينم عن جهل بالأمور وخصوصا أننا شعب بدأ يتكلم فى السياسه بعد 2011 م بدون مايتعلم أصولها وبدون مايتعلم أصول المعارضه

أسف جدا  فى اللفظ لكنه واقعى جدا وعن تجربه وسامحنى فيه

شعوب العالم بتقول لحضراتكم جتكم خيبه شعب بيحتاس على عينه ومابيلاقيش مرشح رئاسى قدام السيسى اللى مش عاجبكم ومعندكوش غيره

أتعلم سياسه قبل ماتتكلم فيها وعلشان تتعلم لازم تتثقف وعلشان تتقف لازم تقرأ بس حتقرأوا أزاى وأنتوا كبيركم تتفرجوا على صور واللى بيقرا سطرين بيصاب بأعراض الحمل قيئ ودوخه وترجيع

جنرال بهاء الشامى