السيسى باع البلد وبيقولك اللى يزعل يتفلق

آسف اللى مش متابع أخبار كويس مايحاولشى يقرأ هذا المقال

فى أكتوبر عام 2018 م نجح  (( ى . و ))  فى الحصول على حكم من محكمة النقض بعدم جواز الحبس على جرائم التعدى على أملاك وأراضى الدوله  

https://www.elwatannews.com/news/details/3739096

البلد كلها فرحت وخصوصا اللى معاهم فلوس والناس اللى طلعت من السجون كانت كمان فرحانه والليله عدت على الشعب ذى شكة الدبوس ومحدش حس بحاجه غير القليللين

طبعا أحكام محكمة النقض لايجوز الطعن عليها ولا نقدر نقول لخالد على أطعن عليها ياخالد علشان نوقفها زى ماعملنا فى ملف طراطير وصفافير الملف اللى محدش فاهمه ولا حيفهمه ولا مجلس النواب له فيها حيله لأن من المعروف أن أحكام محكمة النقض بحكم قانون رغم ان الدوله حاولت فى التعديل عن طريق مجلس النواب ومعاك رابط تأكيد لكلامى

https://www.youm7.com/story/2019/1/11/%D8%A7%D9%84%D8%AD%D9%83%D9%88%D9%85%D8%A9-%D8%AA%D8%B1%D8%B3%D9%84-%D8%AA%D8%B9%D8%AF%D9%8A%D9%84%D8%A7%D8%AA-%D8%B9%D9%82%D9%88%D8%A8%D8%A9-%D8%A7%D9%84%D8%AA%D8%B9%D8%AF%D9%89-%D8%B9%D9%84%D9%89-%D8%A3%D8%B1%D8%A7%D8%B6%D9%89-%D8%A7%D9%84%D8%AF%D9%88%D9%84%D8%A9-%D9%84%D9%85%D8%AC%D9%84%D8%B3-%D8%A7%D9%84%D8%AF%D9%88%D9%84%D8%A9/4100122

طبعا أترفع تقرير لرئيس الدوله بالمصيبه دى وأنا أيامها لقحت بالكلام وشديت فى شعرى وكل لما أكلم حد يقولى ملهاش حل والبلد حتخرب واللى معاهم فلوس هما اللى حيستفادوا وعلى قد مامعاك فلوس حتهبر من البلد ومحدش يقدر يكلمك

ومعاك رابط يعرفك حجم المشكله

https://www.elwatannews.com/news/details/3739096

بعدها وقبل نهاية نُشر خبر صغير عن قرار جمهورى من رئيس الدوله ضرب حكم المحكمه الغير قابل للطعن فى مقتل

وده رابط يعرفك المشكله اللى وقعت فيها البلد

https://www.elbalad.news/4009393

نداء لحسابات الفيسبوك كله ياريت محدش يعملى لايك ولا شير ياجماعه بس المهم تقروا وتعرفوا البلد ماشيه أزاى وبتدار أزاى والصفحه الفيسبوك بيقفلها فى ثوانى وبيضيع كل اللى عليها ويفضل فقط اللى الناس فهمته وأحتفظت به فى ذاكرتها

ححاول أقربها شويه السيسى فى عهد الأخوان كان خالف الأعراف الدبلوماسيه وأصدر قرار زى ده بالظبط وكانت أول مشاكله مع الأخوان وأول مسمار فى نعشهم بحظر تملك أراضى فى سيناء إلا بعد موافقة الجيش

السيس علشان يحل المعضله دى لحد مجلس الشعب مايشوف لها حل أصدر قرار جمهورى بتحويل أى أراضى خارج كردون المدن لأراضى عسكريه خاضعه للجيش يعنى بيحاول يضرب حكم المحكمه وطبعا أى أراضى داخل الكردون هى ملك ناس لكن الآراضى اللى خارج الكردون وعليها العين ملك الدوله وكانوا بيعتدوا عليها ويدفعوا الغرامه وخلصنا وبعد قرار السيسى اللى حيحاول يقرب من أراضى لدوله لحد مجلس الشعب مايشوف حل للمصيبه دى حيتحاكم عسكريا لأنها أرض ملك الجيش مش ملك الدوله وخلى اللى حصل على حكم المحكمه يبله ويشرب مرقته

تفهم إيه من الليله السودا دى ؟؟؟

تفهم أن البلد منقوعه فى بركة فساد والقماشه مهلهله ولو أنا مكان رئيس البلد ححاول أغير الشعب بأى طريقه حتى لو وصلت لأستيراد شعب مثلا

تفهم من الليله السودا دى أن السيسى أهم حاجه عنده يحافظ على كل حباية رمل فى البلد والسيبه والسبهلله بتاع بتاع الضربه الجويه خلاص بح وراحت عليها

بكره تندموا على كل لحظه قلتوا فيها كلمه غلط فى حق الراجل ده وبكره تندموا أنكم فرطوا فى حقكم فى العلم والمعرفه وبكره تندموا على فسادكم وبكره تندموا أنكم محطتوش أيدكم فى أيد الراجل ده للقضاء على الفساد اللى متوغل فى معظم الشعب وتجاوز الحد

            جنرال بهاء الشامى