الملف الليبى وخطورته على مصر رقم 6

نعود وإياكم لنستكمل ماتوقفنا عنده الحلقه الماضيه وكنت وعدتكم بتحليل جرئ للملف الليبى وربطه بحادث الأميريه الأرهابى فهيا بنا سويا فى رحله للعقول بس أرجوك وحياة أغلى حاجه عندك سيب عواطف خارج المقال علشان مطسش معايا ونمسك فى هدوم بعض وركز فى كل كلمه وكل سطر حكتبهم

مخدتش بالك أن العمليات الأرهابيه كانت توقفت الفتره الماضيه فى مصر وفى تركيا

مخدتش بالك فى تصريحات عمرو موسى الأيجابيه أتجاه تركيا وشعب تركيا اللى زعلت الناس العاطفيه

طيب حضرتك تعرف ليه فيه رجال أعمال بتطس فى رئيس الجمهوريه مع أن قرار منه بطريق غير مباشر يخرب بيته وهل فيه رجل أعمال مش خايف على فلوسه

طيب حضرتك تعرف ماهى المفاوضات السريه عبر وسيط

طيب هل حضرتك تعرف أن الوسيط ده ممكن يكون دوله زى الكويت مثلا أو رجل أعمال زى نجيب ساويرس أو وزير سابق زى عمرو موسى أو شخص معارض زى حمدين صباحى أو ناشط سياسى معارض وقليل الأدب زى خالد على

طيب هل حضرتك متخيل أننا مابنعملشى عمليات إرهابيه مضاده ضد الدول اللى بتعمل عندنا عمليات ولا أنت فاكر أننا قاعدين ناخد على قفانا ومابنردش القلم

نرجع تانى لأول سؤال وهو ليه العمليات الأرهابيه كانت متوقفه فى مصر وتركيا فى وقت واحد ؟؟؟

هل قدرت تربط كل أستفهماتى مع بعضها ويوصلك اللى عاوز أقوله ولا لسه عواطفك مأثر عليك ورافض تتقبل الفكره ولا محتاج أنى أقولها لحضرتك كده وش

مش ممكن تكون العمليات توقفت عندنا وعند تركيا بالصدفه أو علشان معندناش فلوس أو تركيا خلاص فلست

الأتفاقات دى بتتم فى سريه تامه وعبر وسيط وغير مكتوبه وححاول أقربها معاك شويه لأنها ممكن تكون بطريق غير مباشر

حنفترض أن الوسيط هو بهاء الشامى أو أى شخص وفى مقابله سريه مع وزير الخارجيه التركى يقوله أن المخابرات المصريه عندها معلومات مؤكده أنكم بتعملوا عمليات ضدهم فى مصر يقوم يرد وأحنا كمان عندنا معلومات أنهم بيعملوا ضدنا عمليات فى تركيا وبيدعموا الأكراد ويروح مفكره مثلا بموضوع معدات حفر الأنفاق والأسمنت الفرنسى اللى أتمسك على الحدود السوريه ويقوله علشان كده طلبنا من الأمريكان والروس منطقه آمنه بعمق 20 كم يقوم الوسيط يلقط الكلام من على طرف لسانه ويقوله العملات دى حضرتك عارف أنها بتستنزف الدولتين والأفضل إيقافها لراحة البلدين يقوم الوزير التركى يقوله حعرض الموضوع على الرئيس التركى وحديك كلمه أنت قاعد فى تركيا قد إيه يقوله فاضلى يومين

المهم بيحصل أتصال ويرد عليه وزير الخارجيه التركى ويقوله الرئيس التركى موافق بشرط المصريين يلتزموا يقوم الوسيط يقوله حعرض الموضوع على المصريين فى مصر فى أقرب زياره

هنا الوسيط خد وعد من المصريين يروح متصل على وزير الخارجيه تلفونيا وعلشان المكالمات دى بتتسجل ومتراقبه يقوله الموضوع اللى كلمت حضرتك فيه آخر مره الطرف التانى موافق

هنا خلاص أصبحنا أمام شبه أتفاقيه غير موقعه ولو مش مستوعب كلامى أرجع لمزكرات وزارء  الخارجيه فى أى دوله فى العالم حتفهم طبيعة الأتفاقيات السريه عبر وسيط وعلى فكره وكلام بيجيب كلام ياسر عرفات كان حيحضر مفاوضات كامب ديفيد وأسألوا إعترافت غسان مط وحنروح بعيد ليه معظم مفاوضات الفلسطنيين مع اليهود بتتم عبر وسيط سرى لعدة أسباب وهو منع تدخل أطراف فى الموضوع ممكن تفشل المفاوضات زى ماحصل فى أوسلو 2 تحديداً

نرجع لموضوعنا تركيا ومصر ومؤكد فيهم طرف أتمسكت عليه نقض للإتفاقيه ومؤكد تركيا لأن فيه خليه أتمسكت فى سيناء قريب لذلك مصر تدخلت وبعنف شديد فى قصف الفرقاطه التركيه لأن أمكانيات الجيش الليبى حاليا لاترتقى لمثل هذه العمليات من تحرى ورصد ردارى ثم إستهداف جوى وحفتر معندوش الجرأه يعمل عمليه كبيره بحجم تدمير فرقاطه إلا لو حضرتك مش عارف يعنى إيه فرقاطه حربيه وعارف تكلفتها

رغم أى أتفاقيات مخابراتيه معلنه أو سريه لكن يظل النشاط المخابراتى شغال عندك وعندهم وبيسموها فى العلوم المخابراتيه حالة خمول وترقب وهنا أنت اول لما ضربت الفرقاطه وزعلت تركيا جامد أتحركت خلايهم وبدأوا ينقلوا السلاح المختفى من جبال الصعيد خصوصا وأن السلاح اللى أتمسك فى أسيوط مضاد للطائرات يعنى كانوا حينفذوا ضدك عمليه كبيره تزعلك قوى

طبعا شرحتلك فى مقال سابق بخصوص الأنفاق والتهريب العالمى أن الدوله لها عيون من المهربين نفسهم وبتبقى عارفه كل قطعة سلاح داخله البلد رايحه فين وجايه منين إلا لو التهريب تم عبر مهرب غير متعاون زى الأوساخ بتوع سيناء اللى بيهربوا بدون تعاون مع سلاح الحدود وهنا تفهم ليه مصر أخلت منطقة رفح لأن معظمها مهربين غير متعاونين

عينك على السلاح اللى كان متهرب من فتره طويله وأول لما بدأوا يحركوه أتقفش فى أسيوط وعلشان كده قلتلك على صفحة الفيسبوك عملية أسيوط أكبر وأهم من عملية الأميريه لكنها لم تأخذ الشو الأعلامى لأن بتوع الفيسبوك مابيخودش بالهم من الأخبار كلها والأخببار السريعه والعنوانين الصغيره

طبعا عملية أسيوط وقع معاها كنوز معلومات وأرشدوا السلاح كان رايح فين وهوبا الداخليه أتحركت وراحت الأميريه واللى شعلل أو سخن أو خلى فى تبادل لأطلاق النار هو وجود عنصر داعشى مجرم وسطهم اللى أبوه طلع يولول على قناة مكملين ويقول أبنى شهيد

بإختصار أنت طلعت من الليله دى كسبان وربحان بالكوم دمرت فرقاطه كانت رايحه تساعد السراج خصوصا وأن ميليشياته بدعم جوى درون قدرت تسترجع مدن جنب طرابلس وكانت الليله حتفلت من حفتر لو الفرقاطه لحقت وتدخلت مباشر وعملت قصف ودعم بحرى وقفشت صفقة سلاح إرهابيه تقيله وقفشت فى خليه كانت فى حالة خمول والأكثر ربحيه أنك أحبطت عمليه ضدك كانت حتسمع قوى عالميا وكانت حتزعلك قوى خصوصا وأن السلاح كان فيه مضادات للطائرات يعنى كانت ممكن تكون زى عملية طائرة وزير الدفاع بتاعة خلية الخائن كريم طوسون اللى مراته قالت لى فى المقابله الشخصيه أنا وفريقى بالكامل أنها ياكبدى متعرفشى جوزها مقبوض عليه وأترفد من الجيش ليه ومتعرفشى أخو جوزها أنتحر ليه (( راضعين كدب )) وحثبتلك أنها كدابه كبيره وأستحملنى الله يرضى عليك

فاكر على صفحة الفيسبوك لما نزلت بوست وقلت محدش يرن عليا بعد الساعه 10 مساءا كان بسبب الست هانم عملت قلق لفريقى وفهمتهم أن أمن الدوله قالب عليا الدنيا وحروح فى داهيه وطبعا صحيت من النوم وعفاريت الدنيا كلها بتتنطط قدامى وطلبت تجيلى البيت لكن عيالى رفضت تقابلنى فى البيت وزياده فى عدم أثبات أنى مش خايف قابلتها عند مركز شرطة كفرالزيات وأول لما جاتنى الساعه 4 فجرا كانت عاوزه ترعبنى وقالتلى أن مقدم أمن الدوله أستدعاها وسألها مين بهاء الشامى هنا ضحكت وقلتلها ظابط ومقدم وأمن دوله وكمان مايعرفشى بهاء الشامى ومايعرفشى عدد كرات دم أم بهاء الشامى الله يرحمها ده مش يبقى أمن دوله ده يبقى أمن لوبيا وطبعاً حاولت تحلف قلتلها أنا مابصدقشى حد حتى لو أبويا إلا لما أعدى الكلام على دماغى وطبعا كنت مأمن نفسى كويس وأعطيت لمسئول أمنى كبير خبر بأنى حقابلها فى كفرالزيات وكان نصحنى وقالى خلى بالك منها وأقطع معاها الكلام لأن جوزها ممسوك فى قضية تخابر وتعتبر ست عوصه وأحترس لنفسك يامواطن

نرجع لموضوعنا بتاع ليبيا لكن سرقنا الكلام وآلماتنى أصابعى  فننهى هذه الحلقه على وعد بلقاء متى شاء الله

جنرال بهاء الشامى