غواصاتك راحت فين يارجب ؟؟؟

بخصوص غواصات الأحمق اللى بيدووا عليها وطلع المنادى يقول غواصات تايهه ياولاد الحلال

قبل الغوص فى سياق التحليل أكد الحاج عبدالغفور البرعى عدم معرفته بمكان الغواصات التركيه وصرح مصدر مسئول بوكالة عبدالغفور البرعى أن وكالة البرعى لتجارة الخرده لاتعمل فى مجال الغواصات ونفى المصدر الذى رفض ذكر أسمه أن الغواصات لم يتم إدراج أى أوراق بخصوصها فى الوكاله 

وفى نفس السياق صرحت الحاجه فاطمه زوجة الحاج عبدالغفور البرعى قائله لايجب على  الصحافه الزج بأسم الحاج فى الصراعات السياسيه وتحرى الدقه عند تناقل الأخبار عن وكالة البرعى لتجارة الخرده وحذرت فى الوقت نفسه من ملاحقة المخالفين قانونياً

الغواصات فين الله أعلم ثم طاقمها لكن عندى حادثه مشابهه يمكن تحددلك مكان الغواصات فين لو عملنا مقارنه

فاكر لما الواد ترامب أتفشخر فى الكلام وقالك أنا أصدرت أوامر بضرب سوريا بالصواريخ وأنا قاعد بتعشى طفح سم هارى

فاكر إيه اللى حصل ساعتها ولا لحقت تنسى

عموما أنا حفكرك وأمرى لله بس وحياة الغاليين عندك ماتنسانى فى دعوه بالشفاء الله لايرميك فى ضيقه

ساعة ضرب الصواريخ وكانت صواريخ مجنحه أحدث أنواع الصواريخ اللى كانت أمريكا عامله بيها أم الزلال كانت تحت الماء غواصه بريطانيه نوويه يعنى بتدار بالوقود النووى وكانت مهمة الغواصه البريطانيه هى توجيه هذا الصواريخ من تحت الماء بعيدا عن مراقبة الدفاعات الأرضيه الروسيه اللى كانت متوقعه الضربه دى وقتها

أستطاعت روسيا رصد السفينه البريطانيه النوويه والتشويش الردارى عليها فضلت طريقها وفقدت السيطره على معظم الصواريخ وأكيد حضرتك فاكر أنه سقط صاروخين من دول فى مياه سوريا الأقليميه

كانت فيه زوارق ولنشات روسيه فى مياه سوريا الأقليميه وفورا تم رصد مكان سقوط الصاروخين وتوجه لنش سريعا لمكان الصاروخين وتم نزول أتنين غواصين وأستطاعوا الوصول للصاروخين وإبطال المفجر الذاتى للتكنولوجيا وفى نفس المساء لو فاكر بوتين بنفسه كرم هذان الغواصان وقائدهم

ووصلت الصواريخ روسيا كامله جثه هامده وبعد أقل من عامان يامؤمن ياموحد بالله يامركز فى كلامى روسيا أعلنت عن أنتاج صواريخ مجنحه بعد سرقة تكنلوجيا الصواريخ المجنحه الأمريكيه وشربت أمريكا الخازووق وأصبح فيه تاجر سلاح كمان بيعرف يصنع الصواريخ المجنحه اللى كانت بتتنطط بيها على خلق الله

أذن الغواصتان بعد التشويش عليهم فى أيد أمينه ومش تايهيين ولا حاجه لكن متحفظ عليهم فى مكان ما وسيتم التحفظ عليهم رغم أن تورأيا طبعا مش حتسكت ولا الدوله التاجر اللى باعتهم حتسكت على الأقل علشان التكنولوجيا اللى فيهم

سيتم التحفظ على الغواصتان مع إستمرار التشويش عليهم علشان مايصدروش إشارات تدل على مكانهم وأكيد تورأيا والدوله المصنعه للغواصات حيدوروا على مجال فيه تشويش ومن هنا تقدر تعثر عليهم ولو عثرت على مكان التشويش وطبعا ده حيكون مكان مفتوح لكن تحديد المكان بدقه صعب جدا

سيتم التحفظ على الغواصتان فتره قد تطول للضغط على قائدى الغواصتين لتسليم أنفسهم وعدم تفجير تكنولوجيا الغواصات  وطبعا مع قرب نفاذ الوقود وتوليد الأكسجين ونفاذ المؤنه اللازمه للحياه ممكن قائدى الغواصه ينصاعوا لأوامر الجهه الخاطفه لهم ويمشوا معاهم من سكات لمكان مجهول أو أن قائدى الغواصتين ينتحروا ويفجروا الغواصات والجزئيه دى يعلمها الله وتعتمد على قوة وقدرة الناس اللى حتفاوضهم

طبعا لو تورأيا أو الدوله المصنعه عثروا على مكان فيه تشويش بالقرب من أى دوله فى المتوسط حيعرفوا مين الدوله اللى خطفتهم ويتفاوضوا معاها على الأفراج عن الغواصات مقابل صفقه معينه

أما لو مكان التشويش فى المياه الدوليه وده مستبعد جدا لأنهم كانوا فى مياه ليبيا الأقليميه ومهما حصل حيكونوا قريب جدا من مياه ليبيا أو لسه فى مياه ليبيا الأقليميه

مما سبق بعد تجميعه بالعقل أحنا أمام إحتمالين لاثالث لهم

الأحتمال الأول الدوله اللى خطفتهم دوله تاجر سلاح وطبعا تستبعد الدوله المصنعه خصوصا أن الغواصات فيهم تكنولوجيا عاليه وكده دول الجوار الليبى البحرى مش حتهبط غير لما تعرف وتبدأ تدخل لعبة التفاوض أما مع الدوله الخاطفه أو الدوله المصنعه أو الدوله صاحبة الغواصات

الأحتمال الثانى الغواصات خطفتهم دوله من دول الجوار الليبى المائى وكده أحنا قدام أربع إحتمالات

أولا : تونس وكده تورأيا مضاعتش غواصاتها

ثانيا : أيطاليا ونفس الأحتمال التانى لكن مقابل صفقه تقيله

ثالثا : اليونان وكده عليه العوض فى الغواصات إلا لو الدوله المصنعه أوروبيه 

رابعا : مصر وكده تبقى الغواصات ساحت وراحت فلوسك ياصابر

جنرال بهاء الشامى