الصقر الذهبى رقم 7

نستكمل اليوم معكم ماتوقفنا عنده والمقال رقم 7 من سلسلة مقالات الصقر الذهبى للباشا عمر سليمان وكنا قد توقفنا معكم عند قرار مبارك بعدم تأجيل خطابه فى برلمان أحمد عز ضاربا بعرض الحائط كل التقارير المخابراتيه التى قدمها له صقرنا الذهبى وفعلا ذهب مبارك وألقى خطابه وعندما سأله الصحفيين عن البرلمان الموازى الذى ألقى بيانه مصطفى بكرى قال مقولته الشهيره )) خليهم يتسلوا )) قالها مبارك وكأنه لايعلم مايدبر لمصر فى الخفاء وكأنه لايعلم شيئا على تحذيرات صقرنا الذهبى وكأنه لايعلم شئ عن التقارير المخابراتيه التى تحذر من دعوات للتظاهر على الفيسبوك فى عيد الشرطه فى يناير 2011

لقد كان مبارك شبه مغيبا عن الوعى وهو يمتلك أكثر من 35 عام خبره فى مركز صنع القرار منهم ثلاثين عاماً قائدا لمطبخ صنع القرار وأعتمد فقط على كلمات أحمد عز ونجله جمال مبارك أن المجلس ونتيجته هو نتيجة البرامج والأستعانه بخبرات حزب العمال البريطانى وكان واضحا بقرار مبارك أن أحمد عز أصبح يسيطر على المطبخ وقرارات رئيس الجمهوريه طالما يسيطر على جمال أبن رئيس الدوله وأصبحت مصر عزبه وتكيه يديرها ويتحكم فيها أحمد عز بسيطرته على أبن الحاكم

كنا فى سلسلة مقالات مصر أم الكون كنا قد نوهنا أنه بعد أحداث تونس وبوعزيزى وهروب بن على من تونس قد بدأ يشعر مبارك بالقلق وبدأ يشعر أن تقارير عمر سليمان لم تكن لتخويفه أو عنادا فى جمال ووالدته وأرتعد وأرتعش مبارك وبدأ يخاف على عرشه فتم عقد أجتماع عاجل بحضور عمر سليمان وحسين طنطاوى وحبيب العادلى وزكريا عزمى وحاول جمال حضور هذا الأجتماع لكن مبارك رفض وقال له ده أجتماع أمنى شكلى

بدأ مبارك الأجتماع بما حدث فى تونس من أحداث ووجه كلامه للصقر الذهبى قائلا عندك معلومات أن ده ممكن يحصل عندنا ياعمر فرد الباشا ولم يريد إحراج مبارك ويقول له لقد قدمت تقارير من قبل لكن لم يعتنى بها بل رد بكل أدب وتواضع رجل المخابرات الواثق من نفسه فيه تقارير عن أولاد بتدرب فى دول أوروبيه على كيفية الشحن والحشد والتعامل المباشر مع قوات الأمن وأحداث بلبله وفبركة أحداث ومتدربين كويس على أستخدام الفيسبوك وتسخيره لأهدافهم وهناك تحركات مشبوهه لقيادات الأخوان فى السعوديه وتركيا وقطر وأمريكا وأنجلترا وتم رصد أكثر من 17 أجتماع لهم خارج مصر لكن تحركاتهم داخل مصر فى الحدود المسموح بها والشاطر سافر بره مصر أكثر من 6 مرات خلال الشهرين الماضيين فقاطعه مبارك هل الشاطر قابل حد من الأمريكان فرد الباشا بشكل مباشر لأ لكن ده ممكن يكون تم حضرتك فى تركيا وخصوصا أن الشاطر قابل فى تركيا رجلين أعمال أمريكان فى عيادة طبيب أسنان تابعه للمخابرات التركيه وكان موجود مدير مكتب رئيس مخابرات تركيا فى العياده قبلها بيومين لكن معندناش معلومات كافيه عن اللى دار فى العياده

قضب مبارك حواجبه وقاله أزاى ياعمر معرفتش اللى دار فى العياده هو مش الشاطر تحت السيطره فرد الباشا حضرتك عارف الشاطر وذكائه ومعرفناش موضوع العياده إلا قبلها بـ 24  ساعه ده حتى حاول يضللنا بمكالمات من تركيا مع ناس من حماس وكان بيتكلم فى توريد ملابس لسكان غزه لكن فيه أحتماليه أنه يقابل حد منهم فى السعوديه فى موسم العمره

نظر مبارك ناحية العادلى ثم وجه كلامه للباشا مره أخرى عندك سيناريو محتمل لدعوات التظاهر اللى بتتكلم عنها فقال الباشا لحد دلوقتى بيحاولوا الحشد عن طريق الفيسبوك وبيتكلموا عن أعياد الشرطه ومظاهرات فى أتجاه وزارة الداخليه ثم التصعيد وعمل مظاهرات متزامنه فى المدن الرئيسيه زى الأسكندريه والسويس والمنصوره والفيوم والمحله الكبرى وكفر الدوار

صمت مبارك قليلا ثم وجه كلامه لحبيب العادلى عندك خطط ياعادلى فرد العادلى وقال جملته الشهيره (( لو مصر كلها عملت مظاهرات حلمها فى 24 ساعه ((  كل هذا وحسين طنطاوى قاعد وضامم يديه على بعضهما وحاططهم تحت دقنه وبيستمع لكلام الحاضرين فسأل مبارك طيب بالنسبه لبتوع الفيسبوك حتعمل معاهم إيه وأديك سمعت عمر وهو بيقول أنهم متدربين كويس فقال له سهله يافندم نفصل الأتصالات كلها لو المظاهرات وسعت والبرنامج موجود فى سنترال رمسيس (( فى الجزئيه دى تحديدا أنا أتكلمت عنها فى أكتر من مقال سابق وشرحت طبيعة عمل برنامج ( فان فيشر ) لمراقبة الأتصالات والأنترنت وكيفية التحكم فى كل مايتعلق بالأتصالات وكنا عملنا جروب لشرح كيفية التصدى لهذا البرنامج الخطير لكن الجروب فشل بسبب دلع الأعضاء وتعاملهم مع التدريبات وكأنه جروب عادى للهزار وطلب صداقات البنات رغم أن الجروب ده ناس من تويتر عملت حسابات مخصوص على الفيسبوك علشان تتعلم التصدى للبرنامج لكن الجروب فشل للأسباب اللى قلتلك عليها وكانت أول مره أعرف أن مينا بركات متزوج لما لقيت زوجته طلبت الأنضمام للجروب ومينا قالى دى مراتى )) فسأل مبارك العادلى ظباطك متدربين كويس على التعامل مع البرنامج ده فرد العادلى أيوه يافندم عندى 300 ظابط متدربين فى أمريكا وأنجلترا

هنا وجه مبارك كلامه لطنطاوى عندك معلومات عن أى تحركات فى الجيش فقال له طنطاوى عبدالفتاح السيسى قدم لى تقرير والجيش تحت السيطره وكله أيد واحده يافندم وأن كان فيه كام ظابط كده لكن مش فى مواقع قياديه تسمح لهم بعمل تحركات ومحطوطين تحت المراقبه المستديمه مش قلتلك يافندم عبدالفتاح السيسى شاطر وذكى وكان من فتره طنطاوى طلب ترقيه أستثنائيه للسيسى على مجهوده فى المخابرات الحربيه وجت الفرصه علشان يلفت نظر الريس لمجهودات السيسى لكن مبارك طبعا فهم طنطاوى بيرمى لأيه وقال له نبقى نشوف موضوع السيسى ده بعدين

هنا قال مبارك للجالسين كده أنا مطمن لكن عندى أقتراح للطوارئ علشان لو حبينا نستعين بالجيش لو الأمور تطورت نعمل مجلس دفاع وطنى يضم قوات الداخليه على بعض قوات المشاه فى الجيش علشان الشكل العام قدام العالم ووافق الحاضرون على هذا الأقتراح وفعلا صدر قرار من مبارك بتشكيل مجلس الدفاع الوطنى من قوات الداخليه وقوات مشاة القوات المسلحه ومعهم قوات مكافحة الأرهاب (( الفرقه 777 )) والقوات الخاصه (( الفرقه 999 )) للطوارئ جدا جدا والفرقتين دول تابعين للقوات الخاصه والصاعقه والمظلات ولهم تدريبات عاليه جدا فى كيفية التعامل مع المواقف الصعبه بدون أستخدام السلاح وتتبعان قيادة القوات الخاصه خصوصا وقوات المشاه عموما والكلام اللى بقوله مش أسرار عسكريه علشان محدش يطلع يقولى أنت بتتكلم فى أسرار عسكريه وأى عسكرى صاعقه عارف الكلام ده وعارف أماكن تمركز هذه القوات وصدر القرار على أن يكون مجلس الدفاع الوطنى برئاسة حسنى مبارك ونائبا له حسين طنطاوى وشيل النقطه دى معاك وضمها لمقالات مصر أم الكون ومقالات الصندوق الأزرق علشان النقطه دى فيها براءة مبارك وحبيب العادلى من قتل المتظاهرين والنقطه دى اللى حتحدد مين أصدر قرار سحب الداخليه وأتكلمنا فى الجزئيه دى بالتفصيل المميت فى سلسلة مقالات مصر أم الكون وسلسلة مقالات الصندوق الأزرق فى حلقة سامى عنان وأتكلمنا فى مين هرب المساجين بتوع حماس وحزب الله وحطيت قدامك الوقائع واللى حصل ورصيت قدامك الأوراق بالمنطق والعقل ولو الظروف سمحت حنتكلم تانى وحنتكلم بالتفصيل الممل لأن هذه النقطه خطيره جدا وفاصله فى تاريخ مصر لأن لما تعرف أزاى بتوع حماس وحزب الله هربوا من السجون وخرجوا بره مصر تكون قدرت تفك كل الألغاز وتعرف أبعاد المؤامره وأطرافها وتفك كثير من تشابك الخيوط وتعرف عدوك من حبيبك

نتوقف عند هذا الحد اليوم على وعد بالأستكمال لو فى العمر بقيه لكن أرجوك مراجعة سلسلة مقالات مصر أم الكون والصندوق الأزرق علشان حنحتاجها ضرورى فى بعض الأحداث القادمه ... المقال القادم كارثى بكل معانى الكلمه

الصفحه دى أحذروها بتسرق مقالاتنا 

جنرال بهاء الشامى