ردا على كتاب إعتماد خورشيد

 

■■ قبل الخوض فى السرد المقال للكبار فقط وبه بعض الألفاظ الخادشه وفيه كلام عن علاقات جنسيه لكنه مقال سياسى الهدف والمستهدف

 

■■ من الملاحظ أن فيه حمله عاملها الأخوان وبيستعينوا فيها بكتاب إعتماد خورشيد كسند قوى أن جمال عبدالناصر ظلمهم بغير وجه حق وأن سيد قطب كان مجرد داعيه دينى فقط بعيدا عن أى دور أو ممارسه سياسيه وسنرد على هذا الكتاب الذى يهدف لتمجيد الأخوان وتشويه جهاز المخابرات المصرى سواء أختلفنا أو أتفقنا على صلاح نصر فقد نال عقابه لكن تعالى نشوف الكتاب ومصداقيته ومصداقية الكاتبه ومؤلفة الكتاب ونعرف الغرض من الترويج له فى هذا التوقيت وسنفترض الصدق فى كل ماورد فى الكتاب وسنرد بالعقل والمنطق

 

■■ من هى إعتماد خورشيد ؟؟؟

 

هى : إعتماد محمد حافظ رشدى من مواليد المنصوره وتتمتع بجمال عالى من صغرها وأنوثه طاغيه منذ أن كانت طفله عندها 14 عام فقط وهربت من بيت والدها بالمنصوره لتعيش مع جدتها لأمها فى القاهره بعد زواج والدها ولقطها أحد متعهدى توريد الكومبارس لجمالها الصارخ وقدمها لأحمد خورشيد والد عمر خورشيد علشان تعمل دور قدام فريد شوقى وشاديه فى فيلم (( السبع أفندى )) وعارضت جدتها بشده شغلها فى السيما لكنها بعد شهرين فقط من تمثيل دورها وهى عندها 14 سنه تزوجت من أحمد خورشيد وكان عنده وقتها 44 سنه وأستعان بدكتور صديقه علشان يعمل لها شهادة تسنين علشان يقدر يتجوزها وقتها وأتجوزها بدون رضا أو علم أهلها وهى عندها 14 سنه

 

■■ تانى يوم الصبح هربت من بيت أحمد خورشيد وراحت بيت جدتها وطردتها وقالت لها مطرح ماكنتى بايته أمبارح روحى كملى عيشتك وأستطاع فريد شوقى أرجعها لبيت جوزها وأصبح من يومها اسمها إعتماد خورشيد بدلاً من إعتماد رشدى وأصبحت مديره لأكبر معمل تصوير فى الشرق الأوسط وهى عندها 18 عام فقط وكان عندها 3 أولاد وهى عندها 19 عام

 

■■ على لسانها وفى كتابها بتقول أن مصطفى عبد الناصر أخو جمال عبد الناصر كان حاول يراودها عن نفسها ولما صدته أنتحر وبلع كميه من الحبوب المهدئه ولما أتنقل للمستشفى الحاج حسين أبو عبد الناصر راح لها فيلتها بأسكندريه وطلب منه تزور أبنه علشان ياخد العلاج ولما ربنا شفاه عبد الناصر طرده على سوريا وهناك فى المستشفى شافها صلاح نصر

 

■■ على لسانها بتقول أن جمال عبدالناصر أستقبلها وقعد معاها 5 ساعات ولما أعترفت له بوجود 5 آلاف جنيه ذهب + مليون دولار مدفونه فى فيلتها من تبرعات الملك سعود لحرب اليمن فأرسل جمال عبدالناصر ناس حفرت الفيلا وجابت الفلوس قالها متقوليش لحد على موضوع الفلوس فى أيحاء قذر أن عبدالناصر حرامى

 

■■ بعد دباجه وقصه طويله عن مطاردة صلاح نصر بتحكى وتقول وعاوزك تركز الله يرضى عليك فى كلامها أن صلاح نصر لما خدها فيلته فى المريوطيه وكانت لحد اللحظه متعرفشى هو مين ... واحده عارفه كبار البلد ومشاهيرها وبتقول فى كتابها مكانتشى تعرف صلاح نصر ولما راحت فيلته سابها هى والضيوف تحت وبعدين نده على سكرتيره الخاص وقاله أبعتلى أعتماد فخدها السكرتير من الدور الأرضى وطلعها فوق أودة نوم صلاح نصر وفتحت الباب والكلام على لسانها وجدت صلاح نصر عريان زى ماولدته أمه ونايم على السرير ولما شافته كده قال إيه قالتله أنت مين وعاوز منى إيه ؟؟؟ فنده صلاح نصر على الخدم وسكرتيره وقالهم وهو واقف عريان بلبوص تعالوا قولوا لأعتماد أنا مين ومحدش منهم رد وقالوا له هو فيه حد فى مصر مايعرفشى حضرتك والكلام على لسانها وقالت وبعدها مشيوا فراح هو على الشماعه وهو لسه عريان وجاب لها الكارنيه بتاعه وأعطاه لها ولما قرأت أسمه ووظيفته وعرفت أنه مدير المخابرات العامه والكلام على لسانها ورب الكعبه مش كلامى قال إيه أعتماد خورشيد اللى كانت خايفه من صلاح نصر وهو فى القفص أثناء محاكمته رمت الكارنيه على الأرض وتفت عليه وراح صلاح نصر راكع على الأرض وباس رجليها وقال لها أنا بحبك من سنة 1960 وعاوزك تحبينى

 

■■ برضوا الكلام على لسانها وصلاح نصر راكع تحت رجليها اللى بتخاف وترتعش منه قالها بعد ماعرفتينى ممكن تقبلينى صديق أو رفيق أو حبيب وأنها وافقت خوفا منه

 

■■ علاقة جوزها الجنسيه بعاملة المساج بتاعته بتقول أن صلاح نصر اللى زرعها فى طريقه

 

■■ بتقول أن صلاح نصر بعد سنتين من مطاردتها بيسأل جوزها عندك مانع أتجوز أعتماد فجوزها قاله أنت فعلا جوزها وعايش معانا فى البيت بقالك سنتين زى جوزها وبتقول أن صلاح نصر كان بيبوسها ويمسكها من أماكن حساسه قدام جوزها طوال السنتين

 

■■ بتقول أن يوم جوازها من صلاح نصر كان شارب وقال لجوزها عندك مانع أتجوز أعتماد النهارده وجوزها لم يمانع فجاب ورقه وكتب فيها عقد زواج عرفى وخلى جوزها يمضى عليه شاهد وأعطاها ربع جنيه مهرها وخدها على أودة النوم وهى حامل فى الشهر السابع ومن غير جوزها مايطلقها ولا تكون فيه عدة طلاق يعنى أتجوزت راجل وهى على ذمة راجل تانى وجوزها كان شاهد على عقد الزواج وكمان مافيش عدة طلاق وكمان كانت حامل فى الشهر السابع

 

■■ لازال الكلام على لسانها بتقول أنا غفلت صلاح نصر وسرقت الورقه من جيبه يعنى ورقه واحده وأصبحت معاها ... طيب ليه مقدمتهاش للمحكمه

 

■■ بتقول فى كتابها أن صلاح نصر كان مسخر كل الفنانات والممثلات فى أعمال منافيه للآداب ماعدا لبنى عبدالعزيز علشان كانت صديقتها وهى اللى أنقذتها من أيد صلاح نصر وشاديه علشان علاقتها بمصطفى أمين وفاتن حمامه علشان هربت مع عمر الشريف وليلى رستم علشان كانت مريضه وأن الأربعه بس اللى فلتوا من أيده والفنانين والممثلين الرجاله كان أغلبهم شواذ جنسيا من أول أحمد مظهر وفريد شوقى لحد عبدالحليم حافظ وكان صلاح نصر بيستغلهم وأن زواج فاتن حمامه من عمر الشريف علشان بس تهرب من صلاح نصر (( فاتن حمامه وقتها كانت متزوجه من عز الدين ذو الفقار وحبت عمر الشريف وهما بيعملوا مع بعض فيلم صراع فى الوادى وأنها أختلقت مشاكل مع ذو الفقار علشان تطلق وتتزوج عمر الشريف وتسافر معاه )) بأختصار إعتماد عاوزه تفهمنا أن كل فنانين وممثلين مصر شواذ جنسيا وهى الوحيده فى هذا المجتمع اللى شريفه وطاهره وعفيفه رغم أنها كانت عايشه مع صلاح نصر قبل الورقه المضروبه عامان وبيعاشرها معاشرة الأزواج وكانت علاقاتها الجنسيه مع الأمراء العرب على كل لسان فى الوسط الفنى

 

■■ إعتماد ولسه الكلام على لسانها أنها شافت نجاة الصغيره وهى بتمارس الجنس مع سعاد حسنى ومع ورده الجزائريه وصباح (( سحاق )) فى حفلات السمو الروحانى وأن صلاح نصر كان مجند أو مسخر فتيات الكليات والجامعات وأولاد المجتمع الأرستقراطى وتقريبا من كل كليه وجامعه 500 فتاه فى الحفلات اللى كان بيعملها صلاح نصر وأنها لما كانت بتحضر الحفلات دى كانت بترجع اللى فى بطنها

 

■■ إعتماد بتتكلم فى كتابها أن معظم الوزراء كانوا بيحضروا حفلات السمو الروحى لكن عبد الحكيم عامر الوحيد اللى كان مابيمارسشى الفحشاء إلا مع برلنتى عبد الحميد وأن برلنتى عبد الحميد غارت منها وعملت هى كمان كتاب

 

■■ إعتدال فى كتابها من الآخر كده كل مصر ومشاهيرها وفنانيها ومطربيها ووزرائها كانوا شواذ جنسيا وكلهم بيمارسوا الجنس مع بعض والدنيا سايحه فى بعضها وأن برلنتى كانت عشيقة عبدالحكيم عامر مش زوجته ولم يتزوجها

 

■■ برضوا الكلام على لسانها أنها كانت بتضرب صلاح نصر بالجزمه على دماغه وعلى وشه كل لما تشوفه وأنه كان بينبسط لما تتف عليه وفى مره ضربته بالفازه ودماغه أنفتحت (( مدير المخابرات دماغه أنفتحت من غير ماحد يعرف أو يشوفه أو يسأل وكأننا بنتكلم على بهاء الشامى مش صلاح نصر مدير المخابرات

■■ إعتدال طوال الكتاب بتحاول توهمنا رغم تمجيدها فى عبد الناصر إلا أن كل ده كان بيتم بعلمه وده اللى بنقول عليه السم فى العسل

 

■■ الفقره دى هامه وخطيره وللكبار فقط إعتماد رشدى أو خورشيد فى جلسات محاكمة صلاح نصر قالت عندما سألها القاضى حسين الشافعى هل كنتى تتقاضين مبالغ ماليه عن مضاجعتك الرجال فأجابت فى الأول بتكون العلاقه بمزاجى الشخصى لكن بعد كده بتتطور وتكون نظير هدايا أو مبالغ ماليه فسألها القاضى كام كان أجرك عن المره الواحده فأجابت من 30 لـ 50 جنيه وقتها وحسب جنسيته وكنت باخد مثلهم من المخابرات على المعلومات اللى بنقلها لهم فسألها القاضى كان التصوير بيتم بعلمك فردت أيوه لما بيكونوا عاوزين يصوروا العميل كنت بكون عارفه علشان أحاول أخلى وشه يظهر أمام الكاميرات اللى كنت بكون عارفه مكانها فسألها القاضى كنتى عارفه أن الشغل ده للمخابرات فقالت أيوه كنت عارفه وبعمله بمحض أرادتى نظير عقد سنوى بـ 3 آلاف جنيه

 

■■ إعتماد خورشيد اللى كتب مقدمة كتابها من حق الشعب أن يعرف هو مصطفى أمين ومعروف قصة مصطفى أمين وصلاح نصر أما قصة فاتن حمامه وعمر الشريف فهى قصه طويله ملخصها أن كان فيه فعلا قصة حب بين فاتن وعمر الشريف وأنها تزوجته عن حب بعد فيلم صراع فى الوادى مش زى مابتقول إعتماد أنها أتجوزت علشان تهرب من مصر ومعلومه كده على الماشى فاتن حمامه كانت ساكنه فى عمارة على أمين أخو مصطفى أمين وهو اللى ساعدها فى الحصول على الطلاق من ذو الفقار جوزها الأولانى

 

■■ إعتماد بتقول فى كتابها أن صلاح نصر اللى كان بيعذب الشيوعيين وبيقبض عليهم وكان مطلع عين أبوهم كان شيوعى واخدلى بال حضرتك شيوعى وبيكره الشيوعيين

 

■■ طول الكتاب تلاحظ أن إعتماد خورشيد بتتكلم عن مظلومية الداعيه الأسلامى سيد قطب وأن الأخوان براءه من مؤامرة المنشيه وأن اللى ظلم الأخوان هو صلاح نصر وأن سيد قطب مات شهيد لأنه مظلوم

 

■■ نقلت لك ملخص سريع لكتابها اللى أخد منى قراءه حوالى 8 ساعات متواصله علشان أحاول أصدقها ورغم أنى ورب الكعبه حاولت أصدقها لكن عقلى رفض للأسباب اللى حضرتك حترفض تصدق منها الكتاب وكل اللى وصلت له ست مريضه نفسيا الجنس هوايتها وتتحدث عنه بجرأه رهيبه وعندها عقد نفسيه جنسيه جايز علشان أتجوزت صغيره من راجل أكبر من أبوها وجميله جدا وعرفت تستغل جمالها وجسمها لكن عقدتها النفسيه من زواجها مبكرا بتخليها تشوه أى حد سواء راجل أو ست وكل الناس عندها شواذ جنسيا وهى فقط اللى عاشرت صلاح نصر سنتين بدون ورقه و 4 سنوات بورقه مضروبه وسرقتها هى الوحيده اللى شريفه فى مصر لكى تخرج لنا فى النهايه لتقول أن سيد قطب كان شهيد وأن جماعة الأخوان جماعه بنت حلال مصفى ... وصلت ولا نقول تانى

🇪🇬 #جنرال_بهاء_الشامى