ردا على مديرة حملة عصام حجى هاله البنا

 ردا على المزه الجامده هاله البنا مديرة مبادرة الفريق الرئاسى
■■ أولا قبل مانخش فى عجين السياسه لازم نعترف أن المزه جامده آخر حاجه والواد عصام حجى عرف ينقى ولو الوزراء بتوعه كلهم حيبقوا كده لو أترشح فى أنتخابات 2018 ونجح أوعدك أن الشعب المصرى كله حاله حيقف (( ماتفهمنيش غلط وكل واحد ونيته بقى ))

■■ اللقاء عملته جريدة المصرييون كده من أولها عرفنا ميول الحمله واللى فيها بس بصراحه كانت صدمه ليا المعلومه دى لكن مش غريب على الأخوان يحطوا أيديهم فى أيدين الشيطان

■■ المزه حطت أيديها كمديره للحمله على كل السلبيات اللى بيعانى منها المصريين لكنها فى المقابل لم تطرح آليات التنفيذ وطرق التمويل للتنفيذ 

■■ المزه خاطبت اللى فى السجون من كل التيارات وبرضوا ركز هنا شويه الموضوع مش سهل مش واحده طالعه تقول بقين وخلاص دى وراها بلاوى 

■■ لما سألوها عن عصام حجى وبرنامجه مقفلتشى الباب وسابته موارب لكل التيارات 

■■ المزه خاطبت رجال الأعمال الطفشانين بقوه 

■■ لما الصحفى سألها تانى عن حجى معرفتشى تنكر أو تهرب ووقعت بالكلام لكنه لايأخر ولا يقدم كلام عادى 

■■ لم تنكر وجود الأخوان ولم تنكر عودتهم ولم تنكر علاقاتهم بالبرادعى وأيمن نور 

■■ حوارها موجود على موقع جريدة المصرييون للى عاوز يطلع عليه لكن تعالى نقرا ماخلف السطور بسرعه 

■■ المزه واللى ورا المزه وجيران المزه وحبايب المزه عارفين أن لا عصام حجى ولا البرادعى ولا أيمن نور ولا الأخوان يقدروا يدخلوا الأنتخابات قدام السيسى ويكتب لهم النجاح لأن لسه بعض الجروح مفتوحه ويمكن ده سبب تأخير التقاضى علشان يفضل يفكرك أحسن تنسى 

■■ لو ركزت فى كلام المزه تعرف أنها بتمهد الناس لوجود منافس للسيسى وخطابها للجميع يؤكد أن المنافس القادم بيحط أيده فى أيد الكل وتعلوا نفتح صفحه جديده ضد العسكريين على حد قولها 

■■ من غير لف ودوران وبلاش نضحك على بعض الشغل كله لتمهيد رجوع فلان الفلانى مش عصام حجى ولا البرادعى ولا العفاريت الزرقا شخص واحد اللى كل معارضين السيسى يوافقوا عليه ..... طبعا عاوز تعرف هو مين وده سر خطير مش لازم أى حد يعرفه هات ودنك وتعالى على جنب أنا حقولك أول حرف من أسمه وانت كمل الباقى أول حرف ياسيدى جمال مبارك 

■■ ياريت بقى السيسى يصحصح شويتين وفكك من اللى حواليك لأن معظمهم عاوز يغرقك لأنهم أساسا عبيد لآل مبارك وياريت ترجع تانى فى حضن الناس اللى بيحبوك مش اللى بينافقوك .... غير أدمن صفحاتك فورا وخلى حد بيخاف عليك اللى يتابع صفحاتك وأنت حتعرف الناس طهقانه قد إيه وبتحبك وخايفه عليك قد أيه لكن الجوع مر ياصاحبى وعض قلبى ولا تعض رغيفى ومحدش يقولى أنى عندى عقده من عيلة مبارك بص كده على اللى حوالين السيسى وكلمنى وبص للأعلام وكلمنى وبص لرجال الأعمال وكلمنى وبص لأعضاء البرطمان وكلمنى وبص للوزراء وكلمنى .... يابا أحنا كنا محتاجين جرأة أردوغان فى التخلص من كل خصومه لأن خصوم السيسى هم خصوم المصريين لكن حرجع وأقولك الجوع وحش 

■■ شكرا للاخ اللى منشنى على المقاله وياريت أى منشن حلو زى ده متنساش أخوك