--{{ أصول التحليل السياسى وفض رابعه }}--

--{{ أصول التحليل السياسى وفض رابعه }}-- 

 

 

■■ التحليل هو توضيح الأشياء من بعضها وحديك مثال من البيت أيام والدتك الحاجه ونقول عندها شوية دقيق والدقيق عباره عن دقيق مخلوط برده خشنه وهى مايطلق عليها السرسه ورده ناعمه تقوم الحاجه تجيب المنخل علشان تحلل الدقيق وتوضح الدقيق الخالص من الرده ومن السرسه وهنا المنخل هو اللى حيقوم بعملية التحليل أو عملية توضيح الأصناف من بعضها والمنخل هنا ليس لديه قلب أو عواطف ولايعرف الست والدتك ولا يعرف الدقيق أو مكوناته ويقوم بفصل الأشياء من بعضها أو توضيحها بمجرد عملية الأهتزاز دون محاباه لوالدتك أو شوية الدقيق اللى بيحللهم وفى النهايه الست والدتك بتتعامل مع الدقيق علشان عملية خبز العيش وترجع تحط رده على المطرحه وتخلط بعضهم ببعضهم تانى لكن عملية خبز العيش كانت محتاجه لفصل المكونات وتوضيحها وقام بعملية التوضيح كما قلنا المنخل 

■■ المحلل السياسى زى المنخل لو عاوز يحلل صح ويوضح المكونات كما يجب فلابد له من وجود مقومات للتحليل .... معلومات سياسيه بلا حدود ... قارئ جيد لكل الأتجاهات السياسيه .... لديه القدره على مقارنة المواقف المشابهه والأستفاده منها .... متابع نشيط لكل التحركات السياسيه حتى لو كانت غير ذات أهميه .... لديه ذاكره فولاذيه لكل مايعنيه الملف الذى سيتحدث فيه ألخ ألخ ألخ زى المنخل لديه مقومات دائره خشبيه وسلك مشدود ذات ثقوب محدده لكى يقوم بعملية التوضيح 

■■ المنخل لايعرف العواطف ويقوم بعمله كما قلت لك بدون معرفة نوع الدقيق أو صاحبة الدقيق وأيضا المحلل السياسى عند التحليل لكى يكون ذات مصداقيه عليه تجنيب عواطفه بعيدا عما يكتبه وإلا غلبت العاطفه على كتاباته وفقدت المصداقيه وأصبح تحليله عباره عن تطبيل وتقديم معلومات يغلب عليها التزييف والرياء والتدليس 

■■ الفيسبوك ونظرا لعملية أنتشاره أمتلاء عن آخره بمن يدعون التحليل السياسى لكن عند المناقشه معه تجده أجوف من الداخل ولا يستطيع المبارزه وتلاحظ النقطه دى كويس فى التشتت وكلمه من هنا على كلمه من هناك ويجيب النص على الأطراف ونازل رص فى تعليقات أو بوستات أحيانا لاتمت بما يتم مناقشته بصله زى مثلا لما تكلم أخوانجى فى أحداث 35 ينايم تلاقيه يرد عليك ويقولك أنت ناسى أحداث الحرس الجمهورى وإيه رايك فى اللى ماتوا فى رابعه 

■■ أعرف الأول الأحداث بترتيبها من كل أتجاه ومن الفاعل ومن المفعول به ودور كل طرف فيها وعندما تكتمل الصوره أمامك ورتب أفكارك تاريخيا وزمنيا وعندما تصل أو يحين دور فض وكر رابعه فى ترتيب الأحداث وتكون عارف أزاى الوكر ده ليه أتكون وليه القياده وقتها سمحت بتكونه وداوفعها أيه ساعتها بس حتقدر تعرف أن القياده وقتها أستدرجت الأخوان لفخ رابعه والأخوان وقعوا فى الفخ وعاشوا الدور وعملوا رجاله وشربوا المقلب وأتزحلقوا ولما تحلل رابعه كويس وتشوف ردود أفعال الأخوان كويس تعرف ليه وعلشان إيه ولماذا رابعه وماهو موقفك فى كل من مات فيها ومن مات فيها أيضا خصوصا أن كلامى من زمان بيأكده إعترافات أحمد المغير المتأخره لكن تخلط الأحداث بدون ترتيب ده أسمه عك فكرى 

■■ زى ماتخش على ناس يتتكلم فى مبارة الأهلى والزمالك وتقول لهم إيه رأيكم فى اللى ماتوا فى رابعه حيقولك راحوا عند ربنا وبيتحاسبوا وأكثر المنصفين سيقول لك ربنا يرحمهم لكن لما تربط الدنيا بالترتيب وتدخل تتكلم بتنسيق وترتيب وتنظم الأحداث وتسألهم نفس السؤال حيقولك اللى ماتوا فى رابعه كانوا عارفين أنهم بيواجهوا قوه حكوميه مصرح لها بأستخدام القوه لفرض النظام والقانون ورغم ذلك قاوموا السلطات زيهم زى أى خارج عن القانون راحت الحكومه تجيبه لفرض النظام راح مقاوم السلطات راحوا ناشينه طلقه وريحوا الناس من قرفه تقولى بقى رئيس شرعى رئيس مقلى بالسمنه البلدى حقولك برضوا معرفتش تنظم أفكارك ولسه مشتت ... مورسى اللى أتعمل فى مبارك أتعمل فيه بس ده عزلته جهه وده عزلته جهه تانيه ساندتها جهه تانيه وتالته مزعلتش ليه على شقلبة مبارك وعاملى مناحه على شقلبة مورسسيان ... حتقولى شرعيه وبطاطس مقليه حقولك الشرعيه اللى شقلبت مبارك هى نفس الشرعيه اللى شقلبت مورسسيان لكن الفرق أن ده كبس على قلبنا 30 سنهة وده كبس على قلبنا سنه بـ 3000 سنه 

■■ هات إعترافات ياسر برهامى على محمد حسان على حمزه زوبع على أحمد المغير وربطها ببعض وأنت تعرف من المسئول عن كل نقطة دم راحت وتعرف ليه القياده فى مصر مش قادره تحاكمه على كل بلاويه رغم أنه رأس الأفعى والباقى كلهم صبيانه 

■■ أتمنى بقى العيال بتاعة سرقة الواى فاى من على القهاوى والبيوت تبطل تحليل سياسى ويخليه قاعد جنب أمه يروح يقضى لها مشاويرها على الأقل يبقى فيه منه فايده لكن يحللوا سياسه ده بقى اللى بسميه عريان ...... ويحب التأميز 

■■ الله يخرب بيت الكتابه فى السياسه الواحد صوابعه وقفت ويجى عيل عجبه الكلام يلطشه وينشره بأسمه ولو ناقشته فيه يقولك بوصل رسالتك ياحاج  ويقولك اللى ماتوا فى رابعه ياض ياحمار اللى كاتب البوست لا الأخوان بيطيقوه ولا هو بيطيقهم 

🇪🇬  #جنرال_بهاء_الشامى  🇪🇬