حقيقة إعدام صدام حسين

هل فعلا أعدموا صدام حسين وهل فعلا تم شنقه هذا ماسنجيب عليه فى هذا المقال بالعقل والمنطق والمشاهدات والقرائن وأترك الحكم فى النهايه لعقلك دون أدنى تدخل منى 

قبل مادماغك تسرح لبعيد كالعاده لست من عشاق هذا الشخص أو من مريديه ولا أنسى له ماحييت تزعمه لجبهة الرفض التى أحكمت الحصار العربى على مصر أقتصاديا عقب توقيع أتفاقية كامب ديفيد وتقدر ترجع لمقالاتى على المدونه للتأكد لكن اللى عاوزك دلوقتى تعمله أنك تتخلى عن أى معتقدات أو أى شئ وتقرا المقال بحياديه زى ماكتبناه بحياديه 

أولا اللى لفت نظرى أن شعر صدام حسين فى شبابه كان مجعد وليس ناعما 

ثم فجأه أثناء محاكمته نجد شعره ناعما كالحرير 

أثناء القاء القبض عليه كان شعره ناعم جدا ودقنه طويله 

وبعد القبض عليه حلق دقنه 

 وأثناء المحاكمه وجدناه أطلق دقنه تانى فما السبب هل هناك فى جلد دقنه مايريدون أخفائه عن عدسات المصورين 

من المعروف عن صدام حسين أنه من الشخصيات الجاده جدا وقليل الضحك أو الأبتسام لكننا لاحظنا أثناء جلسات المحاكمه شخص فكاهى وكثير المداعبه 


كانوا حريصين أن الشخص الموجود فى المحكمه يلبس الساعه فى أيده لشمال وحريصين جدا على تدريبه على كيفية الحديث مثل صدام حسين وطريقة كلامه 

صدام حسين كان عنده نووى أو حاول يكون عنده سلاح نووى وأسرائيل ضربت المفاعل النووى العراقى فعلا وهنا سؤال أين علماء العراق النووين وكان عنده أسلحة دمار شامل زيه زى أى بلد فى العالم وكل دول العالم تمتلك أسلحه كيماويه وبيولوجيه وجراثيميه واللى مش فاهم كده يبقى عنده نقص معلوماتى فهل منطقى ان تقتل أمريكا صدام وهو معه مفاتيح أسرار العراق وشخصيه زى صدام مش من السهل تعترف بسهوله فهل كانت هناك صفقه ؟؟؟

■■■■■■■■■■■■■■■■■■■■■■■■■■■■■■■■

طيب بص على الصوره دى عند ودان صدام حسين ودى اللى بيقولوا عليها بصمة الأذن وبص على السهم التانى وشوف بيشير لأيه

وبص على صور صدام القديمه وقولى لاحظت إيه 

كده واضحه من الأذن ووحمة الوجه بجوار العين اليسرى 

طيب لما تعرف أن بديل صدام حسين ده أسمه ميخائيل رمضان 

ولما تعرف أن  بديل صدام حسين ده أسمه فواز العمير 

ولما تعرف أن بديل صدام حسين ده أسمه يحيى العمرى

ولما تعرف أن ده صدام حسين الحقيقى 

ولما تشوف اللى راح علشان يتعدم شعره خفيف زى ماحضرتك شايف بعكس كل الصور اللى فاتت 

 بعد ماتشوف كل ده وتلاحظ كل اللى ذكرته ده مايخليش الفار يلعب فى عبك وتسأل مين الشخص اللى أتقبض عليه ومعجبهمشى بعد حلاقة دقنه وغيروه بواحد تانى أثناء المحاكمه وفيه واحد تالت أتفقوا معاه على الأعدام والتضحيه فى مقابل مبلغ مالى خرافى لتأمين أسرته وليه فيه ناس من أتباع الصدر حضرت واقعة الأعدام علشان يراضوها ومين اللى كان بيراضيهم كل دى أسئله تطرح أسئله أخرى  

كان من المنتظر بعد القبض على صدام أن مفيش قوه تتحمل أن يقف صدام حسين أمام قاضى ليواجه تهم عقوبتها الأعدام ولا يتكلم فى أسرار تدين كل من أشتركوا فى مؤامرة محاكمته ولم لا وهو أحد كنوز اسرار الكره الأرضيه ويعلم الكثير عن دول العالم ورؤسائها فطالما ميت وحموت يبقى اطريقها على دماغهم فى المحكمه وقدام كاميرات العالم لكننا وجدنا شخص ولا كأنه يعلم شئ ولا كأنه كان حاكما لدوله محوريه وهامه وحاكم خاض حروب وشاهد مؤامرات وأشترك مع دول ضد دول فى مؤامرات خصوصا أن اللى زقه على الحرب الأيرانيه هم الأمريكان وبتمويل خليجى وخصوصا أن اللى أشترك فى المؤامره ضده هى دول الخليج فكان الأجدر يفضح كل هؤلاء أمام كاميرات العالم ثم نفاجأ بشخص فى المحكمه يخشى على أعدائه من الفضيحه ولا يفضحهم فى مسرحيه هزليه لاتدخل فى دماغ عيل فى حضانه 

لو أنت أقتنعت أن اللى كان فى المحكمه صدام حسين يبقى ماتعرفشى شخصية صدام حسين الحقيقيه والمؤسف أنهم جابوا ممثل فاشل ليشترك فى مسرحيه مذاعه على الهواء مباشرةً بدون أى شوشره ليقنعونا فيما بعد أنهم فشلوا فى العثور على صدام حسين ويتفاخرون بنحره يوم عيد الأضحى المبارك 

صدام حسين بمجرد ماأشتغلت الغارات الجويه فوق بلده عرف أن فيه خيانه فى جيشه ومن اللى حواليه ولذلك منع أستخدام الموبايل بعد ماكان كل مايروح  مكان ينضرب بالطيران يعنى عارف أن خلاص العراق حتقع 

مخدتش بالك أن العراق وقعت فجأه بعد ماقعدت أمريكا تدكها بالطيران شهور  وده معناه عدم وجود قياده عامه يعنى صدام خلع على كوريا الشماليه  أو ليبيا وأن كان إحتمال ليبيا ضعيف أوسوريا أما أحتمالية هروبه كما هو وارد فى تقرير فريقى لمصر أنا شخصيا بستبعدها للأسباب اللى ذكرتها فى مقال النعوش الطائره وبيانات مبارك قبل سقوط بغداد لتبرير أقتحام العراق

أرجوك تراجع إعترافات تونى بلير رئيس وزراء بريطانيا عن ملف غزو العراق للأهميه 

تحققنا من كل كلمه وردت فى المقال وأستمعنا لعدة فيديوهات لمكلمات تليفونيه تؤكد وجود صدام حسين على قيد الحياه لكننا لا نملك التقنيه العاليه للتحقق من الصوت لذلك أستبعدناها ولم نستدل بها فى مقالنا 

شكرا لكل من ساهم فى أخراج هذه المقاله للنور من أعضاء فريق مصر أم الكون 

#جنرال_بهاء_الشامى