حنتكلم بأسلوب علمى وخبرات متراكمه متوارثه وأحتمال كبير يكون عندك بعض المعلومات المغلوطه وأى إعتراض على ما سيذكر من معلومات الفيصل بينى وبينك الكتب العلميه وياريت أخوانا بتوع المقاوحه ينسوا خالص موضوع المعارضه السياسيه
■■ قبل البدأ لازم الأول تحدد هدفك من تربية الأرانب هل
للأكل
فى البيت والأستعمال الشخصى أو كمشروع تجارى أو للزينه أو للحصول على
الفرو
والشعر لأن ده له أنواع وده له أنواع
■■ أشهر الأنواع التجاريه هى النيوزلاندى الأبيض والأحمر والكالفورنيا وواضح من
أسمائهم جنسياتهم وطبعا يفضل وأنت بتشترى تكون أقرب مايكون من الأجيال
الأولى ودى حنوضحها فى وقته كما يوجد أيضا الشانشيلا والألمانى الأسود
■■ من أشهر أنواع الأكل الخاص هو البلجيكى أو البوسكات أو البابيون
الأمريكى مع مراعاة ان الأرنب البلجيكى شرس جدا وسلوكه عدوانى لكن مالوش زى
مابنقول كرش لذلك صافى لحمه يتخطى نسبة الـ 65 % بعد الذبح ولحمه طعمه خطير
■■ لازم تبقى عارف أن نسبة البروتين فى لحوم الأرانب تقريبا 20.6 % بعد
الحمام
والدواجن والرومى مباشرةً التى يبلغ نسبة البروتين فيها 21.3 % ومتفوقا على البط الذى
يبلغ نسبة البروتين فيه 18.2 % وعلى الأبقار والجاموس التى تبلغ نسبة
البروتين فيهم 14.5 % ومتفوقا على الخراف والماعز التى تبلغ نسبة بروتينها
فى الأرباع الأماميه 12.8 % والأرباع الخلفيه 8.6 % ويأتى الخنزير فى مؤخرة القائمه
البروتينيه بنسبه لاتتخطى 4 % ومن هنا تعتبر الأرانب من
الحيوانات الثديه عالية البروتين وتتفوق على البط
■■ الأرانب من الحيوانات الثدييه لكنها لاتحيض وتفز المبايض بويضاتها فى
الأنثى
من
عملية الأثاره الجنسيه أو باللغه البلدى بمجرد الدكر مايقف فوق
الأنثى
ويتحرك بويضاتها تفرز البيض فورا .... أذن الأرانب لاتحيض وكل
مايقال
فى هذه القصه غير صحيح تماما
■■ معروف أن الأرانب تلد كثيرا لكن أنسب عدد هو 6 أرانب صغيره ولما نيجى
لوقتها حنقول تعشر بعد الولاده بكام يوم
■■ لازم تحب الأرنب علشان تتحمل التعامل معاه
■■ أفضل طرق التربيه على الأرضيات البلاستيكيه ولما نيجى لوقتها حنشرح ليه
والأرضيات البلاستيكه مصنوعه من مواسير الكهرباء 11 م
■■ ممنوع نهائيا تعرض الأرانب لأى تيارات هوائيه أى نعم التهويه
مطلوبه بنسبة 25 % من مساحة الأرضيه لكن يجب أن تكون بعيد عن جسم
الأرنب يعنى بيالبلدى لو ولعت عود كبريت جنب الأرنب شعلة النار لاتتحرك
نهائيا
■■ مفيش حاجه أسمها الأرنب بتاع نظره وحسد والكلام الفارغ ده وكل الحكايه
حختصرها
لك فى سطرين وهو ممنوع نهائيا أكتر من شخص يقوم على تربيتها لأنك
لما
بتدخل حد على الأرانب ملابسه بتبقى شايله ميكروبات ولما بيدخل على
الأرانب
بينقل لها ميكروبات فى ملابسه
■■ ممنوع نهائيا فار أو قطه أو كلب يتواجد فى مكان تربية الأرانب
■■ لو ربيت االأرانب تحلف يمين طلاق بالتلاته رجللك ماتخطى سوق الطيور
علشان
ماتنزلشى السوق وتحمل منه أمراض وميكروبات وتروح توديها بنفسك
لأرانبك
■■ قبل ماتطلع للأرانب بتاعتك علشان تفطرها لازم تغسل أيدك كويس بماء
ساخن وصابون غسيل
■■ الأرانب لو شبعت تتعبك يعنى لازم الأرنب يكون جعان لو بحذرك أنه يعطش
سواء
صيف أو شتاء ولو عطش الأرنب حيزعلك قوى وحنتكلم بالتفصيل فى وقته
■■ كيلو علف الأرانب يكفى 6 أرانب فى اليوم ولما نيجى لطريقة وضع الأكل
حشرح
كل حاجه بالتفصيل الممل لكن الجماعه بتوع العلافات اللى بتشوفها فى
الصور
دى ناس بتستهبل وحقولك ليه فى وقتها
■■ تجاريا المفروض كل 3 كيلو علف باخد قصادهم 1 كيلو لحم أرانب
■■ محظور نهائيا تعشر لحد من الذكور بتاعتك ومحظور تشترى أرنب من أى
مكان وتدخله على أرانبك فى نفس اليوم لكن بتحطه فى مكان بنسميه
مكان العزل لمدة 15 يوم وتتابعه بدقه
■■ لازم يكون كل ارنب عندك له سجل تاريخى علشان تبقى عغرف تفاصيل
حياته وأبوه مين وأمه مين وأبوه كان بيجيب كام أرنب فى النطه وأمه كانت
بتجيب كام أرنب فى البطن وأمه كانت بتولد على كام يوم وعلشان موجعشى دماغك
لازم يكون عندك سجل تاريخى دقيق لكل أرنب وأنت بتشتريه وأنت بتبيعه لو
حتبيع وعارف تاريخ تحصيناته وحبقى نشرح ده لما نيجى لكيفية عمل سجل تاريخى
للأرانب
■■ الأرانب مضره جدا للستات الحوامل خصوصا فى الأشهر الأولى
■■ لازم تاخد حقنة تيتانوس ك فتره لو حتربى أرانب لأنها حتعورك كل فتره
■■ أدوية الأطفال مفيده جدا فى تربية الأرانب وخصوصا أدوية البطن
■■ لحم الأرانب بيسموه اللحم الأبيض لأنه نوع االلحوم الوحيده اللى أى
شخص
يقدر ياكلها حتى مرضى القلب والكبد ومهما تاكل من لحم الأرانب لايمكن
تشعر
بأى أرهاق أو مشاكل معويه لأنها سريعة الهضم ونسبة الكلسيترول فيها
معدومه
وكذلك نسبة الدهون
■■ عكس الدواجن والبط والرومى الأرنب ممكن تاكله وهوعمره شهر أو شهر ونصف لو
أنت مربى فاشل
■■ أفضل لحوم الأرانب هى لحوم الأناث مهما كان عمرها أما الذكور تاكلها
قبل
البلوغ أما بعد البلوغ وممارسة الجنس منصحكشى تاكل لحومها بتكون متفله
ومش
حلوه زى لحوم الأناث
■■ أعلى سماد هو زبل الأرانب وحقولك أزاى تحافظ عليه من غير مشاكل التخزين
وسعره مرتفع جدا
■■ قبل ماتربى الأرانب لازم تتعلم ضرورى عملية جس الأرانب العشر وتكون أيدك
حساسه
■■ لحم الأرانب مابيتفرمشى فى المفارم العاديه لكن ممكن بقيل من الصبر تفرمه
فى الكبه
■■ يوووووووووووه بقى على طرق طهى لحوم الأرانب دى محتاج كتاب لوحدها
■■ لازم تتعلم دبح الأرانب وسلخها زى الخرفان مش الطريقه بتاعة شق الظهر علشان
حتستفاد من فروها وحنشرح أزاى بعد كده
■■ مش بعقدك ولا بصعب الموضوع عليك والموضوع أسهل مما تتصور وممكن تعمله
فى
بيتك ومش حياخد منك أكتر من ساعه الصبح قبل ماتروح شغلك يوميا وساعد
واحده
فقط ومره واحده فقط وتمار باقى يومك عادى لكن لازم تعرف أن كل جنيه
حتصرفه
لازم أخد قصاده 3 جنيه والساعه شغلى عندهم لازم حاخد أجرها علشان
كده
حنكون دقيقين قوى وأحنا بنعمل كل حاجه بالورقه والقلم
■■ إلى اللقاء فى حلقه أخرى وزى الحاج مجدى الموصلى مابيقول (( ماتجيب بوسه من
شلاضيمك
))
ليست هناك تعليقات:
إرسال تعليق