ملف الداخليه رقم 2

أتفقنا فى الحلقه السابقه أن رجال الشرطه مهمتهم تنظيم الحريات وليس تقييد الحريات لكن أزاى وصلنا لأحساس تقييد الحريات هيا بنا نغوص فى هذا الملف الطويل جدا والشائك والهام والحيوى

الأخوه اللى مش معانا فى الفانز ولديهم أسئله تقدر تعمل مشاركه وتكتب عليها سؤالك ونبطل رغى وندخل فى الموضوع

لازم تبقى فاهم أن الداخليه كده من زمان ومن أيام ماكان ولاد البهوات فقط اللى بيدخلوا كليات الشرطه وفيه عوامل نفسيه مترسخه ومتوارثه عن الباشا وأبن الباشا وحبايب الباشا وقرايب الباشا ونسايب الباشا ومعارف الباشا سواء من داخل الداخليه أو المتعاملين معاها لسه ناس عايشه فى عصر الباشا

لازم تبقى فاهم أن الداخليه بعد 2011 غير قبلها وأتغيرت كتير لكن أنت مش ملاحظ ده لأن سيستم الدوله فى التعامل مع بعض الملفات لازال من منظور أمنى فقط رغم أنها نظريه خاطئه ولازم تبقى عارف أن بعض الأخطاء تتحملها وزارات أخرى لكن الداخليه هى اللى دايما فى الوش ولازم تبقى عارف أن الداخليه هى اللى بتشيل أخطاء سيستم الحكومه ورئيس الدوله هو اللى بيشيل أخطاء الداخليه اللى هى فى الأساس أخطاء سيستم الدوله لكن كل ده فى العموم والأبشع هو الأخطاء الفرديه التى تحولت لظاهره قاتله  كلنا نعانى منها

هناك مشاكل يسهل حلها بعيد عن سيستم الداخليه لكن لازال سيستم الحكومه يستسهل الحلول الأمنيه


كانت فيه مؤامره رهيبه على مصر لخلق ذريعه للتدخل العسكرى لحماية المصريين بمناسبة حدث فى أواخر شهر مارس وقدمت الخارجيه المصريه والمخابرات العامه تقارير بهذا الشأن وكان يمكن مواجهة هذه المؤامره عن طريق وزارات أخرى مثل البترول والكهرباء والأسكان والتعمير والتموين والأعلام والصحافه لكن كالعاده سيستم الحكومه  فضلوا الحلول الأمنيه ووضعوا الداخليه فى وش المدفع وكان من أسوء المشاهد التى شاهدتها مصر وبرروا ذلك بضيق الوقت بس كده كفايه واللى يفهم يحتفظ باللى فهمه فى قلبه  

زى المجتمع مافيه بلطجيه أيضا الشرطه وهى جزء من المجتمع  فيها دولة حاتم وفيها معبد الآلهه وفيها كهنوت المعبد لكن ماهو الداء حتى نعرف كيفية العلاج

عاوزك تكون مصحصح معايا لأنى فى وسط كلامى حزغدك فى جنابك ببعض الحقائق التى تعلمها لكن عامل نفسك مش واخد بالك منها وححاول أسلط عليها الضوء

الحلقه السابقه كان فيها خطأ تاريخى بالنسبه لنشأة قوات الأمن المركزى والصحيح أنها نشأت بعد عام 1968 بدون الدخول فى تفاصيل أمنيه سياديه مالوش لازمه الخوض فيها 

شكلكم حتورطونا مع الداخليه وحتعك على دماغنا ومش حنكمل علاج وبدل ماأتعالج حشرف عند فرج وطبعا لما حنغوص فى الملف حتعرف أن قلشة فرج على الأمن الوطنى عاريه تماما من الصحه ومفيش بنى آدم واحد بيتعزب فى أمن الدوله أو الأمن الوطنى وكلها شائعات وحقولك على طبيعة عمل ظباط الأمن الوطنى  وحقولك على القصه الحقيقيه لمقتل الشهيد البطل العملاق محمد مبروك اللى فى ساعه واحده أنقذ مصر من كارثه  ومش حنقولها كحدوته لكن علشان نستخرج منها كيفية إدارة جهاز الأمن الوطنى وكيفية أنتزاع الأعترافات من الأرهابيين   وتعرف منها أبن سنيه الأهبل كان عاوز يعمل إيه ويودى البلد فى مصيبه  

قبل ذى بدء قابلنا هذه الشخصيه الأمنيه وقعدنا على قهوه شعبى بناءاً على طلبه لأنه طلب نقعد براحتنا وهو بيحب الأماكن الشعبيه

أكلت معاه عيش وملح وتحدثت عن قرب معه وأذعم أننى عرفت جزء من شخصيته ولن أخوض فى ذلك حتى لاتكون شهادتى مجروحه لكن ماأود التأكيد عليه أننا قابلنا أنسان بكل معانى الكلمه فاهم ودارس علم نفس ويعرف كيف يتكلم وكيف ينتقى ألفاظه ومصطلحاته وتشعر أثناء الحديث معه أنك جالس مع خبير أمنى يعرف خبايا العالم الشرطى ودهاليزه ويعرف سلبيات الشرطه التى لاتعرفها وفى نفس الوقت تشعر أنك جالس مع أنسان ليس له علاقه بأى عمل شرطى
  

ملتزم جدا بقواعد المرور وبأجراءات التفتيش وحقول لحضرتك موقف وأحكم بنفسك ... لما جينا ندخل مستشفى مدينة نصر وبعد تفتيش الكلاب البوليسيه للسياره سأله أمين شرطه حضرتك مين فقال فلان الفلانى نائب مدير أمن محافظة كذا فسمح له بالمرور فسألته فورا هو ليه مطلبشى من حضرتك أثبات شخصيه مش ده يعتبر فساد أمنى ... ضحك وقال ماتتسرعشى مش حندخل من غير مايتحققوا من شخصيتى وفعلا فى لحظتها جاء رائد شرطه وطلب الكارنيه

أستمديت القوه فى كتابة هذه السلسله منكم أولا  بعد أن لمحت موافقه ضمنيه من سيادته لكن بدون الخوض فى أسرار أمنيه لأنه كان دايما قبل مايتكلم يقولى المعلومه دى لك وحدك أو المعلومه دى لك ولفريقك أو دى معلومه عامه أو دى معلومه عامه لكن مفيش داعى لأثارتها حاليا

سألته على القهوه أثناء حديثه شاكك أن حضرتك سلفى وتبع ياسر برهامى  فقالى أنا ملتزم دينيا وحريص على تثقيف نفسى دينيا علشان مقعشى ضحيه لبتوع الفتاوى وعندى غرفه فى شقتى مخصصه كمكتبه أسلاميه وتطرق حديثنا عن الوضوء وأكتشفت أننى على مدار سنوات عمرى كنت بتوضأ خطأ وأكيد معظمنا بيقع فى نفس الخطأ

شخص مثقف جدا ومتبحر فى العلوم الدينيه والعسكريه الشرطيه طبعا ومن غير منصب أو طبنجه أو رتب عسكريه بسم الله ماشاء الله طول وعرض وشنب يرعب  ولو مسك زمارة رقبة حد يقطمها فى أيده ولما سألته عن ضخامة جسمه بعكس ظباط الأيام دى قالى أنا من أيام ماكانوا بينقوا ظباط الداخليه بالجسم مش بالواسطه

عارف مشاكل الداخليه أكتر مننا وعارف اللى حضرتك متعرفوش وقالى أنتوا اللى بتفرطوا فى حقوقكم لما حد من الداخليه يسيئ أستخدام سلطته معاك نتيجة أفكار قديمه لسببين أما أن فيه على راسك بطحه وخايف من نبش حد وراك أو لسه بتفكر بعقلية ماقبل 2011 وقالى بالحرف الواحد ((  فيه جهات لو أشتكيت لها من سلوك ظابط داخليه حتى لو بالكذب حتخرب بيته وتموته من الجوع هو وأسرته ومتعرفشى بيتعمل فيه إيه ))

ظابط الشرطه لو أتقدم فيه بلاغ لجهات معينه بيتم أستدعائه فورا للتحقيق وأتوماتيكيا ونتيجة سيستم التحقيقات فى هذه الجهه بيتم أيقاف الظابط عن العمل لحين أنتهاء التحقيقات التى من الممكن تستمر لمدة عام ونصف العام وطالما صدر قرار بإيقافه عن العمل بيقبض مرتبه الأساسى فقط لاغير ويتحرم من كل مميزات راتبه الهلامى الوهمى 

المدهش أن الظابط تم أيقافه عن العمل وطبعا حضرتك فاهم أنه حيروح على بيتهم وده المفروض لكن اللى بيحصل أنه أول مايوصل بيتهم بيرن تليفونه من رؤسائه ويقوله أنزل شغلك ومطلوب منك تعمل كذا وكذا وكذا فيرد الظابط يافندم أنا موقوف عن العمل فيقول له رئيسه معندناش الكلام ده مفيش ظباط علشان تدلع وتقعد فى البيت  لحد مايخلصوا معاك تحقيق وياعالم يخلص أمتى

ينزل الظابط للشغل ويشتغل وهو بيقبض أساسى المرتب فقط اللى مايكفيش سجاير

سألته الظابط أعرف أنه بيقبض كويس والوزاره مدلعاه على الآخر فكان رده ده كلام عارى من الصحه وأساسى مرتب الظابط زى أساسى أى موظف وتقدر تتأكد من موظف أى بنك ظابط الشرطه بيقبض كام لكن دى أشاعات طلعت ضد جهاز الشرطه لشحن الناس معنويا ضده

سألته طيب ودلع الداخليه فرد عليا وقالى دلع الداخليه عباره عن 250 جنيه فقط

مرتب نائب مدير أمن بالحوافز بالدلع لايتجاوز 10 آلاف جنيه أما مدير الأمن على أقصى تقدير بالحوافز والدلع من 25 ألف لـ 30 ألف

ظابط الشرطه ممنوع يركب مواصلات عامه وحط تحت دى 100 خط حتى لو مش أمكانياته يشترى سياره خاصه وده بعيدا عن تحمل الوزاره نفقات تنقلاته لأداء مهام عمله

ظابط الشرطه وهو بيقدم أوراقه لكلية الشرطه فى مخيلته الصوره الورديه المرسومه فى الأعلام لكنه بيصطدم بالحقيقه بعد التعيين

سألته طيب ماالوزاره مدلعاكم مطاعم وقاعات ومستشفيات وخدمات كلها فندقيه بصراحه حاجه حلوه خالص ... فرد عليا وقالى طيب متكلمتش ليه على مستشفيات الجيش وقاعات الجيش ونوادى المحامين والقضاه ووزارة الكهربا والمعلمين وكل الوزارات والنقابات عندها نفس الشئ ونسيت وزارة الخارجيه ودلع وزارة الخارجيه ونسيت وزارة الكهربا  ونفس المزايا وزينا زى غيرنا لكن المشكله أن الضوء على الداخليه فقط وهو سيادة العميد ....... ........  قيادة المنطقه الشماليه لما عرض علاجك مش كان حيعالجك فى مستشفى خاصه بالقوات المسلحه فقاطعته وقلت له مستشفيات الجيش بتدخل مدنيين وبتعالج مدنيين ... فرد وقالى الجيش عنده مؤسساته الأقتصاديه اللى بتصرف على أى نشاط عنده لكن الداخليه معندهاش الكلام ده ومستشفياتها محدوده والميزانيه محدوده

يعنى حضرتك  عاوزين تعملوا مؤسسات أقتصاديه مستقله تنفق عليكم وعلى نشاط الداخليه ... فرد وقالى والله ياريت بس مش حينفع حاليا لأن الجيش معملشى كده فى يوم وليله وأحنا العين علينا وحيقولك مؤسسات الداخليه بتنافس التجار وحتشوف حمله أشرس من الحمله اللى على الجيش

على مدار ساعه فى السياره للأنتقال من مستشفى مدينة نصر لمستشفى العجوزه كنت فيها مستمع جيد ومستفز معلوماتى قلت لسيادته ملاحظ أن معظم مشاكلكم هى نقص عدد الظباط الرهيب ... فكان رده

أولا لابد أن يكون عدد الظباط متوافق مع عدد السكان فى مصر وتخيل أننا فى مطعم فيه 1000 ترابيزه و 5 عمال فقط يقدمون الطعام هل متخيل المنظر ومتخيل العمال دى حتشتغل أزاى وحتأدى خدمه أزاى وحيقف يتكلم مع كل زبون من 1000 ترابيزه قد إيه ويتجاوب مع طلباته أزاى وده عاوز كوباية ميه وده عاوز رغيف عيش زياده وده محتاج طبق رز زياده فعلا عدد ظباط الداخليه قليل جدا لكن ده جزء من المشكله مش كل المشكله

طيب ماحضرتك شوف بتخرجوا كام كل سنه ... فرد قالى بيروح معظمهم والمتميزين منهم  لقوات الأمن المركزى والعمليات الخاصه وقوات مكافحة الأرهاب واللى يفضل بيتوزعوا على الكهرباء والجوازات والمطارات والسكك الحديد والمطافى ورئاسة الجمهوريه ...  والمخابرات ممكن تشقط منهم شويه والأمن الوطنى بياخد منهم المتميزيين جدا جدا والصفوه من حيث الذكاء وأمسك ورقه وقلم وشوف الكليه بتخرج كام والوزاره محتاجه كام مع العلم أن فى عام 2013 و 2014 و 2015 مات من ظباط الداخليه أكتر من 4000 ظابط ولم يتم تعويضهم ومعظمهم من الشباب يعنى بعد 15 عام الداخليه حيكون عندها عجز فى الظباط الخبره اللى بنفقدهم ولا يتم تعويضهم بإضافة غيرهم

أوكى حضرتك أذن المشكله ولازال كلامنا عن الظباط بعيدا عن دولة أمناء الشرطه فى عدد الظباط طيب ليه الوزاره مابتعوضشى أو مابتزودشى عدد طلبة كلية الشرطه علشان تخرج لى عدد كافى يساهم فى رفع الضغط على العدد الموجود ... فرد قالى الظباط دى مش محتاجه مرتبات فقلت نعم فقال لى حنجيبها منين وإحنا اللى بتصرف على وزارتنا وزارة الماليه ووزارة الماليه علشان تاخد منها جنيه  محتاج لتشريعات والتشريعات محتاجه لأعضاء مجلس نواب مايساوموش علشان يصدروا قانون وعلشان أجيب نائب زى خلق الله محتاج ناخب عنده ضمير ووعى أنتخابى

من كل ماسبق تقدر تستخلص أن أكبر مشكله فى الداخليه هى قلة عدد الظباط وعدم توفر الميزانيه للدفع بأعداد تناسب المهام والمسئوليات المطلوبه

الظابط بشر زى أى بشر وعلم النفس أحد علوم الطب مهم جدا فهل حضرتك بتراعوا جزئية تدريب الظباط نفسيا على حسن معاملة الجمهور وهل ظابط الداخليه بياخد دورات فى علم النفس أو لو أنحرف نفسيا بتقوموا بإعادة تأهيله أو بياخد دورات نفسيه ... فتحت نقطه مهمه يابهاء لكنها جزء فى بحر لكن حجاوبك لما تقفل التليفون اللى صدعانا ده ... طبعا مش عاوز أقول لحضراتكم أن الأتصالات للأطمئنان عليا كانت عامله أزاى ومدى أهتمام حضراتكم بالأطمئنان عليا لدرجة أن سيادته قالى إيه ياعم بهاء ده أنت ولا وزير الداخليه وبعتذر لعدم ردى على بعض الأتصالات كنت بكون وقتها فى حجرة الكشف

نكتفى بهذا القدر ولازال لدينا الكثير والكثير عن أسرار الساده ظباط المباحث اللى هما تقريبا مربط الفرس وكيف وصلت الأمور أن ظابط الشرطه اللى بيحركه أمين الشرطه وكيف يسلم ظابط الشرطه نفسه لأمين الشرطه وهل ظابط الشرطه عارف اللى بيعمله أمين الشرطه وليه ساكت ؟؟؟ وطبعا حنفتح ملف مستنقع دولة حاتم ومين السبب فيه لكن قبل الحلقه القادمه حابب أنوه لجزئيه معينه أن التعميم بالسلب أو بالأيجاب نظريه خاطئه علشان لما حنتكلم على أعضاء برطمنا المبجلين محدش يزعل مننا لأنهم بتصرفاتهم جزء أصيل وهام من فساد الداخليه وماوصلت له الداخليه

أجابات أسئلة حضراتكم آخر موعد للرد عليها يوم الأحد القادم أن شاء الله

جنرال بهاء الشامى