اللامعقول فى عالم العقول رقم 2

 أتفقنا فى المقالين السابقين أن عالم المخابرات عالم رهيب به ماتتوقعه ومالاتتوقعه وأتفقنا أن هناك مدارس مخابراتيه أو مذاهب مخابراتيه لكل رئيس جهاز مخابراتى يتبعها ويسير الجهاز على نهجها

 

■■ ووضحت فى منشورات تعريف المصطلحات المخابراتيه ماهو المصطلح المخابرات الذاتيه ووضحت أن ممكن دوله تتجس على عمل مخابراتك الخارجى علشان لما تعرف معلومه تعرفك بيها وتعمل معاك تبادل معلوماتى

■■ علشان مطولشى عليك وبأختصار هذا العالم العنكبوتى يجعلك من الممكن أن تتخيل أن الدنيا كلها بتتجس على بعضها فى كل حاجه وأى ملف لأنه ممكن يعثر على معلومه تفيده فى ملف آخر

 

■■ قلنا أنه من المستحيل أجعص تخين فيسبوكى يستطيع تعقب أعمال مخابراتيه أو كشفها أو إختراقها وإلا بقى الظباط دى تبقى بتهجص والمفروض يقعد جنب المدام فى البيت يرضع لها العيال لأن زى مقلتلك قبل كده دى مش ظباط عاديه بل معظم العاملين فى أقسام هذا الجهاز علماء بالمعنى الحرفى للكلمه ولايقلون علما عن أى عالم فيزيقى أو كيمائى ووضحنا ده كويس يعنى كل اللى بيتقال على الفيسبوك تقدر تحطه تحت هرى فيسبوكى أو هرتله فيسبوكيه أو إستعباط فيسبوكى لجذب المدعوق اللايك والشير معتمدا على حالة الجهل الرهيبه بهذا العالم

 

■■ ممكن جدا علشان رئيس الجمهوريه يعمل مكالمه سريه مع رئيس دوله أخرى المكالمه دى تكلف الدوله أموال طائله من ميزانية المخابرات اللى وضحت لك قبل كده مصادر دخلها وممكن جدا علشان المكالمه دى تحصل حوارات وأفلام لاتخطر لك على بال ويمكن أنا أعطيت مثال قبل كده فى حادثة لميس الحديدى فى سلسلة مقالات مصر أم الكون وتعالى أوضحها لك تانى

 

■■ قبل الأنتفاضه المصريه على الإستعمار الأخوانى لمصر فى السنه الزرقا إياها كانت فيه كمية معلومات متبادله ومكالمات تلفونيه رهيبه بين الجانب المصرى والروسى وخصوصا مكالمات وزير الدفاع وبوتين فكان ولابد من نقل أتصالاتنا من على القمر الصناعى المصرى للقمر الروسى

 

■■ القمر الصناعى المصرى (( Firewall )) الفاير وول بتاعه تقريبا فوق العادى لكن تقنياته تخضع السيطرة الدوله المصنعه ويعتبر القمر الصناعى الروسى الخاص بالأتصالات هو الأكثر تعقيداً على مستوى العالم وعليه أعلى Firewall فى العالم وممكن جدا رصد هذه المكالمات على القمر الصناعى المصرى فكان ولابد من نقل أتصالاتنا على القمر الصناعى الروسى لكن كيف يتم ذلك دون أن نلفت الأنظار لنا ويظهر الموضوع وكأنه تصرف طبيعى ومضطرين له خصوصا أنا حننقل أتصالتنا على أكثر الأقمار الصناعيه تعقيدا فى العالم ويستحيل أختراق الـ Firewall عليه ورصد أتصالتنا

 

■■ صحفى روسى (( عميل لنا )) يعمل تحقيق صحفى صادم عن خيبة مصر القويه الألكترونيه وخسارتها الفادحه وفقدها لسيطرتها على القمر الصناعى المصرى ... والقمر الصناعى ضاع وتاه ياولاد فى الفضاء ومصر مش عارفه ترجعه مداره أو مصر مش عارفه تشغله وفقدت السيطره الأرضيه عليه ويعمل التقرير ده على مدار 3 أيام ويفضح مصر أحلى فضيحه وهوبا الصحف المناهضه لنا تتناقل الخبر وفضيحتنا الألكترونيه أصبحت بجلاجل فى معظم دول العالم المهتمه بالشأن المصرى

 

■■ الصحفى ينشر صور لمستندات مضروبه لمحاولة مصر التعتيم على فضيحتها الألكترونيه وطبعا كل وكالات الأنباء العالميه والفضائيات الكبيره عاوزه تتأكد من صحة المستندات فكان ولابد من أختفاء هذا الصحفى وفعلا محدش عرف مكانه نهائيا

 

■■ بإيعاز مخابراتى تطلع لميس الحديدى تفرش الملايه وتعمل حلقات وتقف وتزعق وقمرنا راح فين وتحاول تتصل بالصحفى علشان يأكد كلامه لكن الصحفى زى مايكون فص ملح وداب والجزيره مباشر مصر تشرب المقلب وتفرش الملايه على الشاشه وخبراء تحلل وأصبحت خيبتنا وسيرتنا على كل لسان

 

■■ يطلع المسئولين عن الأقمار الصناعيه المصريه بعد سيرتنا مابقت على كل لسان ويعترفوا بفقد السيطره على القمر الصناعى المصرى وأن العمل شغال على قدم وساق لمحاولة إستراجعه وحنرفع قضيه على الشركه المصنعه بالتعويض وحولنا المسئولين عن المصيبه للتحقيق وتصريحات كلها شمال ومضروبه ويعلن وزير الأتصالات نقل اتصالتنا على القمر الصناعى الروسى بالأيجار مؤقتا لحد لما نشوف حل أو نعمل قمر صناعى تانى

 

■■ أتنقلت أتصالتنا على القمر الروسى واللعبه العالم كله شربها ومشوفتش خابور مخابراتى على الفيسبوك أكتشف اللعبه ولا الجزيره عرفت أننا أستغلينا حقدها علينا للترويج لأشاعة فقدنا السيطره على قمرنا.... وهوبا وزى القمر ماأختفى فجاه بقدرة قادر يرجع تانى برضوا فجأه بقدرة قادر ومحدش من خوابير المخابرات على الفيسبوك حس بأى حاجه ويحس أزاى وهو أصلا مايعرفشى حاجه فى أى حاجه

 

■■ عزيز الفيسبوكى وعزيزتى الفيسبوكيه هذا العالم عالم عنكبوتى رهيب به أذكياء من الصعب تعرف مدى ذكائهم أو خبثهم الوطنى وبه من الأحداث المسموح بنشرها مالاتصدقه العقول لمحدودية إداركها العقلى والمخابراتى ويكفى ان تعلم أن رفعت الجمال عاش حياته كلها فى أسرائيل ومحدش أكتشفه وكل العاملين على ملفه مكنوش يعرفوا أسمه وكل اللى يعرفوه عنه كود مخابراتى لايعلمه حتى رئيس الجهاز والوحيد اللى يعرفه الظابط اللى بيتعامل معاه تعامل مباشر ومسئول عن ملفه

 

■■ لك أن تتخيل أن أى حد ممكن يشتغل لحساب مخابرات بلده بدون شعور نتيجة معرفتهم بكل تفاصيل حياته وازاى بيفكر وأزاى ممكن يكون رد فعله وممكن جدا أى حد يشتغل مع مخابرات ضد بلده بجهل وبدون شعور وأقرب مثال نشرك لأخبار كاذبه أو أشاعات كاذبه علشان تبقى عامل نفسك وعامل صفحتك وكالة أنباء ودى حرب أسمها حروب الجبهه الداخليه وتحطيمها ودى قصه تانيه أن شاء الله نشرحها فى مره أخرى لو كان لنا ولكم عمر وأخيرا ولازم تبقى متأكد أنك فى أحد المعسكرين أما مع بلدك بتحرى الصدق فى نقل المنشورات ودعم بلدك فى أى ملف مهما كان التمن حتى لو صفحتك وضيعها أنت بس وأنا حديك صفحه غيرها أو أنك تكون ضد بلدك وتنشر أخبار وأشاعات ماأنزل الله بها من سلطان علشان تتفشخر قدام صحابك بعدد اللايكات والمشاركه

 

■■ ختاماً الكره فى ملعبك وعليك الأختيار بعقلك حتختار تبقى مع بلدك بصدقك وأخلاصك وتضحيتك .... ولا ضدها بجهلك وغبائك وعبادتك للايك والشير ....

لاتنسوا بلدكم بدعائكم فى صلواتكم ... اللهم أنصر مصر على القوم الظالمين وأجعلها أحلى وأقوى بلاد العالمين .... عاوز أسمع صوتك من مكانى وأنت بتقول آمـــــــــــــــــــــين

جنرال بهاء الشامى