■■خلاص حضرتك أشتريت الأرنب وروحت بيه البيت وطبعا حضرتك مذاكر اللى قلته فى الحلقات اللى فاتت علشان مانحرقشى جاز كتير
■■ أنا مفضلشى طريقة شرب الأرانب من الحلمات الصناعيه لأن وجع دماغها كتير
وبفضل الأوعيه الفخاريه فى الأكل والشرب
■■ أول الأرنب مايوصل بيتك بيكون مستغرب المكان وتقريبا ممكن يمتنع عن
الأكل
لبعض ساعات ولو أنت خدت بالك من نقطه زى دى حاول تهزر مع الأرنب
وتداعبه
لو هو أرنب صغير لكن لو أرنب بالغ أن مفضلشى أنك تقرب منه وسيه
ياخد
على المكان لوحده
■■ طبعا أنت عرفت نوع العلف والشركه اللى كان متعود عليها الأرنب فى
المكان اللى أشتريت منه ولازم حتجيب من نفس الشركه ونفس النوع وتحطله
منه لحد مايتعود على المكان وبعدين تبدأ تعوده على نظامك الغذائى اللى
حتمشى عليه بالتدريج
■■ الأرنب الطبيعى بعد عمر شهرين تقريبا بياكل 150 جرام علف يبقى لازم حضرتك تعمل
كوبايه عيار علشان تحط بيها الكل ويكون أقل من 150 جرام بقليل
■■ الذكور البالغه بتاكل 120 جرام فقط أما الأناث الحوامل والمرضعات حنشرحها
فى حلقه خاصه
■■ خلاص أحنا أتفقنا أن الأرنب ححطله أكله مره واحده وححطله أقل من 150 جرام
بقليل
■■ ركز معايا أنت حطيت أقل من 150 جرام بقليل يعنى أقل من المعدل بتاع
الأرنب
يبقى لو تانى يوم طلعت عنده ولقيت عنده حباية علف واحده يبقى الأرنب
فيه
حاجه مش طبيعيه وفى خلال 4 أيام حيصاب بأحد الأمراض وتظهر أعراضه
■■ يعنى تفهم من كلامى أنك تكون حريص على متابعة موضوع العلف وتحطه مره واحده
ويكون بمعيار
■■ طيب لو حباية علف قدام الأرنب وعرفت أنه حيصاب بمرض معين وحتظهر أعراضه
بعد
يومين أو أربعه أتصرف أزاى وأنا لسه خبرتى زى الأستيكه
■■ حيكون عندك دايما حاجه أسمها هيدروكلوريد الأوكساتتراسكلين
■■ ماتتخضش من الأسم حتلاقيه فى أى مكان بيبيه أدويه بيطريه وأسمه التجارى بان
تيراميسين وأنا أفضل يكون من أنتاج شركة فايزر
■■ بسرعه حتحط 2 سم
فى السرنجه وتشيل السن وتحطهم فى حنك الأرنب فورا ولو بتعرف تحقن يبقى أفضل يكون
الـ 2 سم
فى العضل
■■ أحطله بطاطسايه أو بطاطايه أو جزاريه أو أمسك ربع رغيف طرى وأقطعه حتت صغيره
واخليه ياكل قدامى وأرمى اللى يفضل منه
■■ حتبص على زبل الأرنب ده لو لقيته مش طبيعى يبقى الأرنب حيمرض بمرض معوى
وخلى
بالك كل اللى بقوله لمجرد أنى لقيت حباية علف عنده مكلهاش
■■ بص يانجم وبصى يانجمه برام الميه لازم يكون بعيد عن برام العلف
■■ تراقب العلف كويس علشان ماتوصلوش ميه
■■ الأرنب الشرس اللى بيقلب برام الميه والعلف تحاول تثبتهم وتكتب
الملحوظه
دى فى سجل الأرنب علشان وأنت بتنقى أرانب للسلاله بعد كده تكبر
بيها
مشروعك تستبعد عياله لأنهم حيطلعوا رخمه زيه
■■ قلنا أن مساحة الشبابيك 25 % من مساحة الأرضيه ولو حسيت أن ريحة البول عاليه
فى المكان وخلى بالك دى ممكن تأثر على قابلية الأكل لأن الأرنب زيك
بالظبط بيحب يقعد فى مكان نظيف ومابيحبش يعمل دماغ ريحة بول
■■ للتغلب على المشكله دى حتجيب حاجه أسمها منيتول من الصيدليه وتبل بيها حتة قماش
نظيفه وتحطها فى طبق بلاستيك مفلطح فى نص الحجره أو العنبر وهى حتقوم
بالواجب وتخلق ريحه حلوه بالمكان وحتوسع الرئتين وتخلى الأرنب مبسوط من المكان
■■ طبعا حتراقب أرانبك وتسجل أى سلوك مش طبيعى فى االسجلات اللى حنشرحها بعد
كده
■■ بص يانجم الكتب بتقول لكل 8 أناث ذكر وأنا بقولك لكل 8 أناث ذكرين واحد
شغال والتانى أحتياطى لو الذكر الأساسى تعرض لمشكله
■■ كل أنثى وكل ذكر من بداية 3 شهور يكون فى عين لوحده وياريت تظبط نفسك
أنك
بعد كده لما تيجى تعشر من الذكر لازم الذكر التانى يشوف عملية التلقيح
علشان
يتعلم ويسخن
■■ حاول تثبت الأرانب ومش كل شويه تنقلهم وتبدل فى الأماكن لخلق هدوء نفسى
للذكور والأناث
■■ لو لاحظت أن فيه أرنب عصبى حاول تغطى العين بتاعته بقطعة قماش
■■ الذكور البلجيكى فيها عاده سيئه أولا شرسه وعنيفه وكتير منهم أول لما
يشوفك
حيلف حوالين نفسه وهو بيتبول علشان يغرقك بول وده لازم تغطى المكان
بتاعه
ومتحاولشى تحتك بيه وتكون مجهز حتة خشب على شكل عود فيه مسمار صغير
علشان
تسحب بيها البرمه من عنده وتحطها بيها لأن وانت بتخدمه ممكن يهاجمك
ويعورك
وفيه بعض أناث البلجيكى بنفس العادات السيئه دى
■■ لو لقيت الأرانب اللى لها لغد تحت دقنها بتبل لغدها وهى بتشرب فورا لازم
تقص الشعر فى منطقة اللغد
■■ لازم يكون عندك الأدويه اللى حقول عليها بصفه مستمره
■■ أمبولات أستربتومايسيين البشريه .... أمبولات البنسلين بروكايين
البشريه
.... شراب الأنتروكين بتاع أسهال الأطفال ... بان تيراميسيين .... أقراص التييراميسيين
البيطريه .... حقن الأيفوماك .... سلفا ديمين 33.3 % البيطريه بودر وحقن .... كلورامفيكول
بودر .... فيورالتدوون أو مايعادله لأنى سامع أنه أتمنع ... جنتيانا .... صبغة يود مركزه .... زجاجة
ماء أكسجين ... جلسرين طبى ... مرهم كبريت ... أكتر من أنبوبة
بنزانيل
■■ حتعمل مرهم الكبريت على أيدك فى البيت حتجيب فزلين طبى وتحط عليه كبريت
مطحون
■■ كفايه كده النهارده ونكمل فى أقرب فرصه ان شاء الله
■■ الصوره اللى مع البوست لأرنب البابيون الأمريكى الرهيب ووزنه لايقل
عن 8
كيلو وهو من أجود أنواع الأرانب التجاريه وذكوره عصبيه بعض الشئ
ولازم
تركز فى الأناث بعد التلقيح مباشرةً وتتأكد أن التلقيح تم فى المكان
الطبيعى
للأناث لأن فيه أناث منه كتيره بتمارس الجنس الشرجى ولو ظهرت
عندك
حاله زى كده زى ماقلت لازم تكتبها فى سجلات
ليست هناك تعليقات:
إرسال تعليق