هناك حرب دائرة الرحى الآن بعيدا عن
الصخب الأعلامى لكن سنحاول تجميع خيوطها مع بعضنا رغم تعدد الأطراف وتعارض الأهداف
وأختلاف الوسائل وتعالى مع بعض نشوف المشهد من المدرجات ونحلله فى سلسلة من أصعب
سلاسل مقالاتنا التى لاتحظى بالأهتمام والمتابعه
خلال 48 ساعه فقط تلاحقنا الأخبار
المعنونه ولاتجد من المتابعين الكثير لأنها أخبار كلاسيكيه لكن المؤكد أن هناك
جيوش من الدبلوماسيين تعمل على هذه الأخبار من شهور ومن وجهة نظرى أن المعارك
السياسيه تكون أكثر شراسه من المعارك العسكريه رغم أن المعارك العسكريه دائما من
أهدافها تقوية وتحسين أوراق الضغط فى
المعارك السياسيه
بعد تدخل أسرائيل السافر والمباشر فى
الملف السورى فى العام الأخير بعد تحفظ على عدم الظهور بشكل مباشر وترك المهمه
للأمريكان دام لست سنوات يقوم وفد
أسرائيلى رفيع المستوى بزياره لموسكو قال إيه بحجة التشاور فى الملف الفلسطينى
وفتح نوافذ للحوار وقرأنا كلنا الأخبار التى توحى بذلك
فى اليوم التانى مباشرة نكتشف أن
الزياره لمآرب أخرى تتضح من قراءة خبر كلاسيكى لزيارة عبدالملك عن حزب الله لموسكو
أتفقنا فى المقالات السابقه أن جميع
الأطراف المعنيه بالشأن السورى تتفق ضمنيا على وحدة الأراضى السوريه مصر وروسيا
وأيران وتركيا وأسرائيل نفسها والعراق والأردن وأمريكا رغم أنها تحاول أظهار عكس ذلك لمآرب
آخرى حنوضحها عكس دوله واحده هى السعوديه التى تسعى لتقسيم سوريا وأنفقت المليارات
لذلك وأعلنها الجبير أكثر من مره
منذ بداية الأزمه وأيران لاتحضر فى أى
مفاوضات بشكل مباشر أو غير مباشر وطبعا مركونه على توافق مصالحها مع الروس لكن
لأول مره تظهر أيران كشريك تفاوضى عن طريق حزب الله وده اللى بيفسر وجود عبدالملك
فى موسكو وده يوضح أن أسرائيل تريد التفاوض المباشر مع أيران وحزب الله على الملف
السورى والجولان تحديداً ووضع قوات حزب الله فى سوريا بعد تسوية أزمات الملف
أذن أنا أمام تفاوض مباشر ين أسرائيل
وايران على الملف السورى برعايه روسيه بعيدا عن الشريك المخالف وهو الأمريكان وده
يوضح أن مصالح الأسرائيليين بدأت تتعارض مع مصلح الأمريكان فى الملف السورى
أى تقسيم لسوريا حاليا فى غير صالح كل
دول الجوار لعدم أتاحة الفرصه لقيام الدوله الكرديه وأشد المتضررين تركيا والعراق
وأيران وسوريا على الترتيب بالظبط نظرا للكتل السكانيه الكرديه أما السعوديه فتغرد
خارج السرب وموقفها غير مفهوم
أمريكا نفسها لاتريد تقسيم سوريا
عمليا ولا تقسيم العراق لأن التقسيم فعليا يفقدها أهم ورقه للسيطره على نظام الحكم
فى العراق وتركيا ولو فقدت ورقة الضغط هذه فلن تستطيع تطويع تركيا أو العراق داخل
فلكها السياسى وتركيا بالذات
أنا عندى 20 % من سكان تركيا أكراد
وعندى 26% من الأكراد فى تركيا والأكراد عاملين صداع لتركيا ولو قلنا أن حوالى 25
محافظه من محافظات تركيا الـ 80 أكراد يبقى تعرف أن تقسيم سوريا والسماح بدوله
للأكراد المتضرر الأول هو تركيا ودى ورقة الضغط اللى بتضغط بيها أمريكا على تركيا
لتطويعها لأهمية موقعها الجغرافى بالنسبه لحلف الناتو ووجود حدود طويله مع روسيا
يبقى بوتين بيحاول يشطب الملف وبيحاول
يراضى كل الأطراف حزب الله يطلع من سوريا ويفضل الحرس الثورى بطريقه مستتره لأن
وخلينا على بلاطه خلاص ايران أخدت سوريا تسليم مفتاح كالعاده والبركه فى الغباء
السعودى
قصاد خروج حزب الله من سوريا ورجوعه
للجنوب اللبنانى وبعد فوزه فى الأنتخابات اللبنانيه ويبتعد عن العمل العسكرى
المباشر مع الأحتفاظ بسلاحه والحرس الثورى يبقى فى سوريا
اليمن غير مهمه أقتصاديا لأيران لكنها
بتستغل الحوثيين للضغط على السعوديه من الجنوب علشان تخلص ملف الشمال فى
سوريا ولو خدنا بالنا من خطاب السيسى فى
أجتماع القمه العربيه حتلاقيه لمح للقبول بوجود الحوثيين فى العمل السياسى فى
اليمن وقال بالنص أنهم جزء من اليمنين والسعوديه لم تعلق ورضت بالواقع
لازم بوتين يراضى السعوديين علشان يوقفوا الدعم لقال إيه المعارضه المعتدله
يبقى اللى حيتم فى روسيا أيران توقف
دعمها العسكرى للحوثيين ويفضل الدعم السياسى لأنها مش حتفرط فى ورقه ملكها فى
مقابل تخليص ملف سوريا فى الشمال بشرط يضمن حدود آمنه لأسرائيل فى الجولان
طيب لو المشكله مشيت كده يبقى مفيش
مشكله لكن عندنا مشكله تانيه وهى أن أمريكا حتخسر تواجدها فى سوريا وكده تبقى
أعلنت عن أنتصار تاجر السلاح الروسى عليها وطبعا ده واقع فعلى لكن الأمريكان مش
حيعترفوا بهزيمتهم وهزيمة السلاح الأمريكى
أتفقنا قبل كده أن أنجلترا هى المخ
وأمريكا العضلات وطبعا مش حيقفوا يتفرجوا ولازم يتدخلوا ولازم يفركشوا اللى بيعمله
الدب الروسى وأزاى روسيا تاخد أسرائيل عندها وتخلص الملف وهوبا ألحق ياجدع وتتقدم
أنجلترا لمنظمة الأسلحه الكيماويه بمقترح لتوسيع صلاحيات المنظمه وهوبا أمريكا
تضغط على الأعضاء وتنجح فى أستصدار قرار بتوسيع الصلاحيات لتصبح المنظمه زى بتاعة
الأسلحه النوويه بالتمام والكمال علشان بعد كده يرجعوا تانى يتكلموا فى سلاح سوريا
الكيماوى وهوبا الجزيره اليومين اللى جايين حتفتح تانى ملف أطفال الكيماوى ومعاها
كام صحيفه عالميه للتمهيد لتدخل المنظمه بصلاحياتها الجديده فى سوريا
حتسألنى عن دور مصر حقولك ليه هو انت
مش واخد بالك من تصريحات أبو شكرى ولا واخد بالك من تحركات السفاره المصريه فى
روسيا وجايز مش واخد بالك من هدوووء الحرب الأعلاميه بين مصر وتركيا ومش واخد بالك
أن مصر الدوله الوحيده التى لم تعلق على تزوير الأنتخابات التركيه وجايز مش واخد
بالك من التقارب المصرى الأيرانى فى الملف السورى وتوافق الرؤى وياريت تخلى بالك
كمان أن فرنسا بتحاول تخلق لنفسها موقف فى سوريا وكانت أول دوله صوتت لتوسيع
صلاحيات منظمة الأسلحه الكيماويه التى عارضتها مصر
لو روسيا خلصت الملف الزباله اللى هناك كلها ملهاش أكل عيش وحتضطر تنقل نشاطها ونشاط المرتزقه اللى هناك كلهم وأقرب مكان حيكون بالطبع ليبيا لذلك حتلاقى حفتر ومن وراه مصر بينضفوا هناك بسرعه وكويس علشان محدش يعرف يلاقى مكان له فى ليبيا وطبعا كل اللى بقولك عليه ده بفلوس مش بصفيح علشان مسمعكشى تيجى تسألنى على فلوس أحسن حقطع رقبتك
والسؤال الآن بعد أن بدأت كل الأطراف تتفق على
تشطيب الملف السورى ماعدا أنجلترا وأمريكا وفرنسا
هل سينجح الدب الروسى ويسعفه الوقت ولا الأطراف حتدلع ويسرقنا الوقت ونلاقى
نفسنا أمام مؤامره أمريكيه جديده وخصوصا أن كل الأطراف بتلعب على عامل الوقتوأمريكا مش واقفه بتتفرج دى شغاله من نار ومعها على الأقل أنجلترا
جنرال بهاء الشامى
الموقف أصبح أعقد من الإسباجيتي .. ربنا يهد بريطانيا وأمريكا
ردحذف