اللامعقول فى عالم العقول رقم 7

تعكف أجهزة المخابرات داخل وخارج الأوطان على دراسة الجبهه الداخليه وعكس مايمكن أن يتصوره الناس فهى تسعى جاهدة لتجميع كل تحركات أفراد الجبهة الداخلية حتى وإن كانت غير مهمة وحتى وإن كانت كلمة مكتوبة على عربيه كارو أو توكتوك

يتم دراسة السلوكيات التعبيرية وهذه الكلمات البسيطة المكتوبة على التكاتك أحد أهم وأبسط أساليب التعبير عن الشخصية والحالة المعنوية وعن الحالة الإقتصادية والحالة المزاجية وخصوصا أن التوكتوك بالذات أستطاع التوغل داخل كل ربوع مصر ووصل للأحياء الشعبيه والمنطاق التى يسهل التأثير عليها بالتوجيه المخابراتى وتقدر تقول أجهزة مخابرات كثيره نجحت فى فرض سيطرتها التوجيهيه على التكاتك بطريق غير مباشر

لهذه القصه أسلوبين ... الأسلوب التجميعى التحليلى ودى أنت بتجمع كل مايقال وماهو مكتوب وتبدأ فى تحليله ومن خلاله تحصل على ماتريد وتستطيع أن تعرف الحالة المزاجية للشعب ومن هنا بتعرف تشتغل عليها كويس قوى ... وأسلوب الزرع والتوجيه علشان من خلال التوجيه أقدر أوجه الجبهة الداخلية لأى مجتمع لأغراضى المخابراتية

ممكن حضرتك تكون فاهم أن الحرب حرب جيوش فقط وأن الجيوش تقوم على شراء الأسلحة لكن هناك حرب أكثر أهمية وأكثر شراسة وهى الحرب على الجبهة الداخلية وتخيل يامؤمن لو عندك أحدث الأسلحة وجبت جندى من وسط شعب معندوش إنتماء أو شعب مُحبَط فماذا سيفعل ويمكن الجيوش الحديثة بدأت تشتغل على النقطة دى كويس وبدأت تعمل إعادة تأهيل نفسى للمجندين عن طريق أخطر سلاح موجود بالجيوش وهو سلاح الشئون المعنوية وفى عهد السيسى أنا شخصياً لمست الحدوتة دى ووجدت أن شؤونا المعنويه بدأت تعين ظباط حاصلين على دورات تأهيل نفسى رفيعة المستوى للعمل فى صفوف الجيش المصرى وأبهرنى لقائى بأحد الجنود بالقطار فى إحدى رحلاتى العلاجية للقاهرة وكنت حكيت لكم عليها وإزاى عرفوا يزرعوا داخل جنودنا الولاء للوطن مش للقادة ولا للرؤساء

نرجع للجبهة الأكثر خطورة من القوات المسلحة وهى الجبهة الداخلية فلو عندك جبهة داخلية قوية ومتماسكة ومتمسكة بوطنيتها وقوميتها هنا سيكون من السهل على أى رئيس أن يقود هذا الشعب فى معاركه الحياتية بمنتهى الأريحية لذلك فى محاولة لكسر وسط أى رئيس وكسر شوكته دائما تجد اللعب على الجبهة الداخلية وسبق لليهود اللعب عليها فى عهد السادات وكان الشعب مرعوب وخايف جداً من السادات ودى فى حد ذاتها كارثة لكن طبعاً السادات كان مصيبة سودا فى الذكاء وإستطاع إستغلال هذه السلبية فى حرب الخداع الرائعة التى مارسها مع أعدائنا ووجهة نظرى الشخصية أن السيسى بيحاول يعمل كده ودى واضحة جداً فى محاولة تصدير مشهد أن السيسى مش قادر يحارب الفساد ودى مطمنه الفاسدين وفجأه تلاقيه قارص واحد فيهم فى مقتل

إتفقنا أن الحرب على الجبهة الداخلية لها شقين شق تحليل وشق تصدير تحليل مايكتب للقياس وتصدير مايكتب لزرع حالة معينة مقصودة وتعالى مع بعض نحلل بعض ماجاء فى تعليقاتكم وإستبعدنا ماهو عادات وتقاليد راسخة وأمثلة قديمة لكن تعالى نشوف العجب مع بعض

"ماشيين فى اليمين علشان الشمال كله شمال" ... هو هنا عاوز يقولك أن المجتمع كله ميؤوس من حالته وكله ماشى غلط يعنى إشمعنى أنا وهو هنا بيحاول يدفعك لركوب موجة الفساد بمبرر واضح إن المجتمع كله أصبح شمال

"لو الدنيا فيها خير مكانوش ربطوا الكوبايه فى الكولدير" ... نفس المنظور السابق الشعب أصبح غير مؤتمن وكله حرامى وفاسد لدرجة أنه بيستبيح سرقة سبيل الله وعاوز يوصلك لمرحلة إحباط رهيبة

"بص لها بنفس دى جايه بخلع الضرس" ... دى عادية وتعبر عن الحالة الإقتصاديه وإننا مش لاقيين

"رضا الوالدين أحسن من رضا الأب و الأم" ... هو هنا رغم إن الجملة فكاهية لكن عاوز يوصلك إن الشعب مش فاهم اللى بيقوله وإن الناس فقدت التمييز بين الوالدين والأب والأم وممكن تكون تريقة من المصريين وبدون تدخل مخابراتى على عصر محمد مورسى وعلى مصطلحاته العجيبة وخصوصاً إن الإفيه ده لم يظهر إلا بعد حكم الإخوان لكن لو حللناها تحليل مخابراتى سنجد أنها رسالة ذكية جداً من المصريين أن كان بيحكمنا غبى متناقض المصطلحات وانهم كانوا بيقولوا لنا مصطلحات مش فاهمينها

"متقولش دي بكام دي جايه بدهب المدام" ... ده مصطلح داخلى مقصود منه أن الناس معندهاش مدخرات وأنه علشان لقمة عيشه باع دهب مراته ومقتناياته علشان يشتريها

"البخت مال من الصحاب الشمال" ... دعوة مخابراتية للتفكك والإبتعاد عن تقاليد المصريين القديمة وضرب المثل الشعبى المتوارث لدى المصريين (( رُبَ أخِِ لم تلده أمى )) المثل القديم اللى كان بيشجع على الصداقات ووقوف الناس مع بعضيها فى أزماتها ولو وصل لهدفه من هذا المثل فهو قد نجح فى ضرب الجبهه الداخليه بنسبه عاليه

"بتبص فى إيه يا لوح... دى جايه بطلوع الروح" ... نفس المثلين السابقين

"يابني إركب معنا ولاتكن مع الكافرين" ... هنا ده مصطلح شعبى طلع رافض للتيارات اليمنية المتشددة ويعبر عن حالة الرفض الشعبية للتمحك بالدين وممكن تكون مخابراتنا اللى بثت هذا المصطلح لتوصيل رسالة للخارج أن الشعب أصبح رافضاً للتيارات الدينية

"وضحكت الجدع وسط الوجع جبروت" ... هذا الإفيه حتلاقى تحليله موجود فى تحليل أغنية (عم بطاطا) اللى نشرناها من كام يوم

"البنات فى الدنيا حلويات وفى الآخره مشويات" ... إفيه دينى مخابراتى لهدم قيم الأسرة والتحذير من أهم عنصر من عناصر الأسرة وطبعاً الرسالة موجهة لعنصر الرجال رغم المتابع الجيد للدين سيجد أن الدين الإسلامى إهتم جيداً ببناء الأم لأن دورها التربوى أهم من دور الأب والمجتمع والوطن يعتمد على ماتخرجه الأم للمجتمع وياريت نحاول بجد نهتم شوية بإعداد أمهات المستقبل لو عاوزين نرتقى ببلدنا على الأقل تربوياً ووطنياً لأنك لو ركزت شويه بسيطه ستجد أن الأم أكثر أنتماءاً للوطن من الرجل بحكم طبيعتها لأن الراجل إنتمائه ضعيف لأنه ممكن يتزوج أكثر من واحدة فى أكثر من وطن لذلك ستجد إنتمائه للمكان أضعف من إنتماء الأم (( قبل ماتعلق على النقطة دى حاول ماتكونشى عنصرى وفكر فيها بهدوووء ))

"عندما إنتهيت من صنع سفينتى جفت مياه البحر" ... هنا عاوز يقتل أى طموح جواك وبيقتل جواك أى أمل لأنك مهما حاولت وعلى بال ماتعمل يكون فاتك القطار ومضى بك العمر

"هدف حياتى طلع تسلل" ... هنا أيضا يحاول بث الروح الإنهزامية بداخلك لأنك حتى لو عملت حتلاقى اللى يقولك اللى بتعمله غلط ودى واضحة فعلاً عندنا لو طلع شخص عادى بمقترح مقبول تلاقى مليون واحد يحبطه أنت إبن مين ؟ وبتشتغل إيه؟

"والله نفسى أسافر بره مصر بس ورايا حكومه بصرف عليها" ... الإفيه ده بقى اللى محتاج فعلا شغل كبير وهو هنا عاوز يوصلك أن الحكومه شغلتها تحلبك ورغم أن الواقع مطابق تماماً لكن ترسيخ هذا المبدأ من الخطورة من خلق حالة عداء بين المواطن وإدارة الوطن ودى فى حد ذاتها كارثة ولابد لمقاومة هذا التوجه من إجراءات حكومية تقشفية لذلك كانت حملتنا #اتقشفى_ياحكومه_عيب_كده لها من الأهداف الأمنية والمخابراتية المعنى بعلاج هذه السلبية القومية

"رمينا همنا للبحر السمك طلع شخرلنا" ... لابقى ده هو هنا عاوز يوصلك لقمة الإحباط المعنوى لأن السمك كثير التكاثر وفيه السمك الكبير بياكل الصغير والتجمعات الصغيره تأكلها الأسماك الكبيره ورغم هذه السلبية فى حياة السمك لكن عاوز يوصلك أن مجتمعنا وعاداته وسلوكياته أقل وأكثر قسوة من مجتمع الأسماك وهذا الإفيه مخابراتى من الطراز الأول ومصروف عليه كتير قوى

"الركوب مجانى للموزه اللي عجبانى" ... لاتعليق لأنه إفيه سلوك وأخلاق ولا علاقة له بتحليلنا اليوم لكنه للأسف يحطم مفاهيم توارثها المصريين وللأسف حالنا فى هذا المضمار محتاج كتير لإصلاحه

"سواق توك توك وكسيب لاتقولى صيدلى ولا طبيب" ... دى دعوة ناجحة مخابراتياً ولها أكثر من شق وشغالين عليها من زمان وهى دعوة للتسريب من التعليم ونجحوا فيها فعلاً وأصبح لدينا 27 مليون متسرب من التعليم بما يعادل ثلث الشعب تقريباً طبقاً لإحصائيات 2017

"الخواجه صنعها وسواقها اللى دلعها" ... قمة التحدى وأستعراض المهارات المعتادة من المصريين وعاوز يبلغ المسئولين رسالة إن اللى بتستورده إحنا نقدر نعمل أحسن منه بس ناخد فرصتنا

"إحنا ميتين بس جايين مصر نتحاسب" ... هذا الإفيه مخابراتى من الطراز الأول ومش محتاج تحليل منى لأنى وضحته فى أكتر من إفيه قبل كده

"ممنوع ركوب أولاد أبو أسماعيل" ... وضحته سابقا وتنحصر فكرته فى رفض اليمين الدينى

"أنا مش غاويها بس أكل عيشى عليها" ... إحباط تام وكامل وخصوصاً من طبقة الصنايعية والمتعلمين اللى بيشتغلوا فى تخصصات ليست من صميم ماتعلموه

باقى الإفيهات كلها تدور فى فلك بعضها وتتشابه مع إفيهات أخرى فى المعنى والمضمون والهدف لكن اللى عاوزك تعرفه وتتأكد منه إن كل اللى قلته عمل مخابراتى مستهدف منه الجبهة الداخلية وينفق على ذلك ملايين الدولارات وتقوم به السفارات الموجودة داخل الوطن زى ماوضحت لحضرتك فى سلسلة (اللامعقول فى عالم العقول)

بدأت أصابعى تؤلمنى وعلى وعد بلقاء متى شاء الله لنستكمل باقى التحليلات لما تم جمعه

* الكار ده مش كارنا .. بس ربنا يصبرنا

*تعمل حسابي أقدرك .. تهزر معايا أعورك

* الحلوة من اليابان .. صاحبها راجل غلبان

* آه لو لعبت يا زهر

* النزاهة بتاعتنا بس الظروف منعتنا

* الحب خسارة في الناس الغدارة

* جرحك نسانى ملامحك

* اتنين ملهمش أمان الفرامل والنسوان

* الطبيب لما يتدلع ... الصيدلى يولع

* الحلوة كيداهم شكل تانى

* مترحل من السعودية .. توكتوك يلمنى .. ولا كفيل يذلنى

* عيب عليكى يا مصر رئيسك يبقي (...)

* كلام تكاتك شكل تانى

* سواق توكتوك وكسيب ... لا تقولي صيدلى ولا طبيب

* آخرة الشقاوة عيش وحلاوة

* رضا الوالدين أهم من أبوك وأمك

* الأوبر طور كوكو

* احنا سواقين القطش اللي ما بتغلطش

* متجريش ورايا أختك مش معايا

* أمى لا تقدر بثمن وأبي لن يكرره زمن

* يا أوباما مصر للأهرامات ياحمار لا تنسي مصر العربية

*عيش بارد تموت بصحتك

* الحلوة كايداهم والجمهورية بتاعتى

*الجزيرة علشان تقف على حيلها جابت لها إلا

* من شر حاسد إذا حسد

* نفسي أقطع الكوبرى

* البداية كانت ليك والنهاية بهون عليك

* نحن نختلف عن الآخرين

* حفيان في زمن كله جزم

*عجب وليس في الأمر عجب

* لما يخاف من مرتو الضحك شرطه

* قالوا نهضة ومنهضناش .. قالوا حرية ومعشناش .. قالوا عدل ومشفناش

* ملحوظة .. ممنوع ركوب الخرفان وأتباعهم

*رميت همومى في البحر .. طلع السمك يلطم

* الورقة اللي بالى بالك

* خريج حقوق ومضطر أسوق .. أعمل إيه؟

* جبتونا ورا

* مش شغلتنا بس أحسن من القعدة

* نعم للتوكتوك لا للتحرش

* حمارة جديدة بالسواقة

* إنما الأمم الأخلاق ما بقيت فإن ذهبت أخلاقهم ذهبوا

* لو فيه أمان مكانش حبيشة قتل حنان

* إن لقيت غراب أبيض .. تلاقي صاحب يتصاحب

* سفريات والرجعة بظروفها

* البيت اللي ما فيه جنية جنة

* الوقت اللي احنا فيه .. صعب للجميع تلاقيه

* إنتبه ياض .. مدرسة!!!

*الصبر طيب يا بنى آدمين

* طول ما انت غايب ما ليش حبايب

*المصرى اللى يهمه جيبه وبطنه وسسوتته

* يارب البنات تدخل الجيش

* صعب تفهمنى

* الله يحميكى من الميكانيكى

* من جد وجد .. ومن تخرج قعد

* ممنوع الركوب للأمريكان وشباب 6 أبريل .. وسلامنا لقواتنا المسلحة

*كنت عصفور أكلونى .. عملت أسد صاحبونى

* عضة أسد ولا نظرة حسد

* من لا يتحدث لغتى .. لا يملك صلاحية الحديث معى

* أصرف عليها بنزين وأتبسط .. ولا أصرف عليها مكياج وأتجلط

* يارب إحفظ مصر والتوك توك

*أتنين مالهومش أمان الفرامل والنسوان

*لو جيتنى ملط حقولك بطلت

*شكيت للبحر همى طلع السمك يلطملى

جنرال بهاء الشامى