اللامعقول فى عالم العقول رقم 8

لازلنا وأياكم وملف من أشد الملفات المخابراتيه خطوره ويمكن وقف هذه المهزله بتفعيل قانون من قوانين المرور موجود من أيام الرائع أحمد رشدى عندما ألتفت لخطورة بوستر كان بيتحط على الزجاج الخلفى للسيارات مكتوب عليه (( لاإله إلا الله محمد رسول الله )) وأنتشرت بكثافه العبارات الدينيه على زجاج السيارات التى تعبر عن دين معين وبنظره أمنيه عميقه عرف هذا الوزير أن الغرض من هذا الأنتشار هو تصنيف السيارات على أساس دينى وتأجيج مشاعر النعره الطائفيه وخصوصا أن مكانشى مر كتير على أحداث الزاويه الحمرا

الملف للنظر أن بداية هذه الظاهره كانت بدايتها مع العائدين من العمل فى السعوديه ولما أحالت المخابرات العامه الملف لوزارة الداخليه وخصوصا أن البوسترات بدأت تنتشر على أبواب المحلات وصالونات الحلاقه والمطاعم  فما كان من أحمد رشدى إلا التقدم لمجلس الشعب لتعديل قانون المرور  وفعلا نزلت الحملات على الشوارع ولاقت الحملات  معارضه شرسه وأتهامات أن الدوله بتحارب الدين وكدهوووون وماتت الظاهره بعد أنتشارها الرهيب بفضل الحزم فى تطبيق القانون ورغم الهجمه الشرسه من المعارضه وقتها لكن أحمد رشدى كان أجرأ وزير داخليه مصر ومكانشى بيعمل حساب لحد فى مصر سوى لضميره وخوفه على بلده وشفنا بعنينا أتخن قيادات الداخليه بتنزل الشارع لمقاومة هذه الظاهره

عالم المخابرات لايعرف الهزيمه أو الأستسلام طالما الملفات مفتوحه وطالما هناك الأرض الخصبه لأستثمار الأغراض المخابراتيه

قبل مانتلخم  فى الكلام  عاوز أقولك أن الأيام اللى جايه حتشوف أقوى هجوم بطرق مباشره وغير مباشره على جهاز المخابرات العامه المصرى لتشويه سمعته   بعد تعيين قياده جديده له الغرض منها ماقلته فى سلسلة مقالات الظالم والمظلوم هو وجود فجوه بين جهاز المخابرات وظهيرها الشعبى  وحتطلع تانى قصة العاهره إعتماد خورشيد وقصة ناهد شريف أم لميس الحديدى رغم أن ناهد شريف ماتت وأم لميس الحديدى لسه عايشه لكنه الأعتماد على الجهل والغباء وحب المصريين للفضائح الجنسيه ودى الموساد عارفها عننا كويس

نرجع لكلامنا تانى ونقول بعد موت ظاهرة البوسترات عادت مره أخرى بعد أحداث 30 يونيه بعد وقوف المسيحيين مع المسلمين صف واحد ضد مخطط الأمريكان لأشعال النعره الطائفيه لهدم تلاحم الجبهه الداخليه المصريه الأهم عندهم وظهرت لنا البوسترات الصغيره (( هل صليت على محمد اليوم ))

المدهش أن المصريين هذه المره ألتفتوا لأغراض الظاهره وقاوموها بشده ورفضوها فماتت بسرعه كما ولدت لكن عاوز ألفت نظرك أن أشرس من قاوم هذه الظاهره إحقاقا للحق هو عبدالناصر بمنع تعليق المصحف أو الصليب على زجاج السيارات ومنع أيضا أى  شكل من أشكال الأعلان عن الديانه

لكن زى ماقلت لحضرتك أجهزة المخابرات لاتيأس ووجدوا ضالتهم هذه المره فى التوكتوك

عاوز أفكرك أن هذه الخطط تخرج شرارتها من مبانى السفارات والقنصليات وسهل جدا عميل مخابراتى بيجيد مهنة الخطوط يقف أمام سوق لصيانة التكاتك علشان يكتب جمله واحده فى اليوم على توكتوك واحد فوضه فى كتابة حاجه على ذوقه أو تتباع بوسترات جاهزه عليها العبارات المقصوده

والآن يصبح لزاما على وزير الداخليه تفعيل قانون قديم وموجود ومش محتاج تشريع بمنع هذه العبارات على وسائل النقل الخاصه والعامه وأن تكون الأعلانات على المواصلات العامه بترخيص من الداخليه بعد مراجعة مضمون الأعلان لأن الأعلانات هى كمان مصيبه من مصايب الزمن وأرجو من الأستاذه خديجه حسين تجمع لنا داتا عن ظاهرة الأعلانات لأنها فاقت كل الحدود لدرجة أنك فى رمضان تفتح التليفزيون كنت بتسمع عن أسعار شقق وكأن الشعب المصرى كله مليونرات لخلق حالة أحتقان وحقد طبقى داخل صفوف المصريين وفى المقابل كمية أعلانات للشحاته والتبرع تشعرك أن مصر بتسالأ الله فى حق النشوق والمصريين مش لاقيين ياكلوا وعاوزك تركز قوى فى التصوير

كده أتفقنا أن مفيش حاجه متروكه للصدفه وأن التوكتوك سلاح ممكن يستخدم ضدك أو تستخدمه لصالحك  وفى الجزئيه دى ممكن الدوله تطبع بوسترات تباع عند الترخيص مكتوبه بطريقه غير مباشره وخبيثه الغرض منها الحث على الفضائل والأرتقاء بتوعية الشعب وممكن أديلك مثال شعبى وباللغه العاميه واللى رايح يعمل الرخصه يختار اللى على كيفه زى مثلا  (( أجرى ياأبن آدم جرى الوحوش غير رزقك لن تحوش )) هنا فى دعوه للقناعه والرضا بالمقسوم  ... ((  من طنطا لكفرالزيات بلغوا لحبايبنا السلامات )) دعوه غير مباشره لصلة الموده والرحمه ... (( الرجوله جينات مش حركات )) ودى خطيره جدا لو دققت فيها حتساهم بشكل كبير فى تقويم سلوكيات الشباب  والأمثله لاحصر لها وسيبدع فيها المصريين ويلا بقى نبطل رغى ونشوف فريقى عامل لنا إيه النهارده

  

* الكار ده مش كارنا  بس ربنا يصبرنا  ... مصطلح خبيث جدا فيه دعوه لرفض أى عمل خارج تخصصك وتكبر على بعض المهن الشريفه

*تعمل حسابى أقدرك  تهزر معايا أعورك ... دعوه لفرض لغة البلطجه

* الحلوه من اليابان  صاحبها راجل غلبان ... مصطلح عادى لاتعليق عليه

* آه لو لعبت يا زهر ... قمة الخباثه فى هذا المصطلح ودعوه للتواكل على الحظ وترسيخ مفهوم أن العمل الجاد الشريف آخر ماتعتمد عليه وأن الأولويه للحظ

* النزاهة بتاعتنا بس الظروف منعتنا ... هنا فى تحقير لمهنة سائقى السيارات والتكاتك

* اتنين ملهمش أمان الفرامل والنسوان ... من أخبث ماقرأت والمقصود منها ستات مصر وأهانتهم بعد موقفهم فوق الرائع بعد 30 يونيه وخصوصا أن المصطلح ده لم يظهر قبل هذا التاريخ وفيه أيحاء أن نسائنا ليس لهم أمان وكلهن خونه

* عيب عليكى يا مصر رئيسك يبقى (( ...... ))   هذا المصطلح مش محتاج تفسير

* متجريش ورايا أختك مش معايا ... مصطلح مهين جدا ومقصود منه المصريات والغرض الأيحاء أننا عيار بناتنا فلت

*قالوا نهضة ومنهضناش .. قالوا حرية ومعشناش .. قالوا عدل ومشفناش ... المصطلح مخابراتى مصرى واضح ومفهوم

* الورقة اللي بالى بالك  ... مصطلح المقصود منه الترويج لمفهوم تزوير الأنتخابات

* لو فيه أمان مكانش حبيشة قتل حنان ... لم أقرأ فى خباثة هذا الأفيه ووضحته فى المقال السابق

*المصرى اللى يهمه جيبه وبطنه وسسوتته ... ممكن تفهم من المصطلح ده أنه مع الدوله لكن للأسف هذا الأفيه قذر جدا وعاوز يوصل لصانع القرار رساله فى قمة الخبث وحمدى الشامى فرد لها مقال طويل

*كنت عصفور أكلونى .. عملت أسد صاحبونى ... دعوه لأكمال مسلسلات  محمد رمضان

أمامى لازال مصطلحات كثيره جمعها فريقى من تعليقاتكم لكن بدأت أصابعى تؤلمنى فأستسمحكم أنهاء اللقاء على وعد بلقاء متى شاء الله لنستكمل باقى التحليلات لما تم جمعه

فريق مصر أم الكون

جنرال بهاء الشامى