اللامعقول فى عالم العقول رقم 9

نعود وأياكم والملف المخابراتى الشعبى التكتوك المخابراتى وكنا فى الحلقتين السابقتين تعرضنا بالتفصيل للأهداف والمغزى ووضحتلك فى المقال السابق كيف تخرج هذه الأفيهات من بين جدران السفارات الأجنبيه وسايق عليك النبى تقرا المقال رقم 1 من سلسلة اللامعقول فى عالم العقول ومعاك ياسيدى الرابط بتاعه

http://genralbahaaelshamy.blogspot.com.eg/2017/05/blog-post.html

بعض الأخوه والأخوات يتسألون ماهى أهمية الجبهه الداخليه لكى يتم أنفاق الملايين على أختراقها وتفكيكها ويسفهون من أهمية هذه المقالات وهنا دعنا نصحبهم فى رحله مع العقل أولا وأخيرا لكى نتعرف على خطورة أختراق وتفكيك الجبهه الداخليه

فى عهد خير من أنجبت أرحام النساء الرئيس أنور السادات كان بعد ثورة التصحيح فى 15 مايو عام 1971 أفرج عن جميع المسجونيين السياسيين بما فيهم الأخوان المسلمين والشيوعيين وكل من شملتهم السجون فى عهد الزعيم خالد الذكر جمال عبدالناصر

بعد أن أفرج السادات عما يطلق عليه معارضيين سياسيين بدأت تانى تعج مصرنا بالأشاعات ضد الجيش والدوله حتى طالت أنور السادات نفسه ووصفوه بالبطه البلدى ووصموا جيشنا بأبشع الأتهامات وروجوا لفكرة أن الجيش أصبح جثه هامده ولن يقدر على خوض الحرب ضد أسرائيل لأسترداد  الأرض والعرض وأنتشرت فى شوارع مصر حرب مخابراتيه قذره ضاع ضحيتها من الأطفال بالذات الكثيرين وفقد من شبابنا الصغير أطرافهم آياديهم وأرجلهم وبعضهم مات نتيجة ألقاء جواسيس الموساد مثلا راديو صغير أو نقود مسمومه أو أقلام جاف أو لعب أطفال وكان المقصود منها بث حالة الرعب فى الجبهه الداخليه بالأضافه لحرب أخرى أكثر ضراوه وهى حرب النكات والأشاعات وسمعنا نكتة  (( عسكرى لقى راديو على الجبهه فتحه فسمع المذيع بيقوله هنا الآخره وأنفجر فيه الراديو )) وطبعا معروف المستهدف من هذه النكته السخيفه أن الموت ينتظر أى  جندى مصرى حتى فى وسائل معرفة الأخبار أو سماع الأغانى أو القرآن الكريم

سمعنا أيامها عن حوادث عثور الأطفال على مصاحف ملقاه على الأرض وبمجرد لمسها تنفجر فيهم حتى نجحت خطتهم تماماً وأصاب الهلع والرعب الأطفال قبل الشباب والشيوخ 


خيرا فعل السادات عندما وضعهم فى السجون قبل الحرب بساعات فقل لى بالله عليك لماذا فعل ذلك أن لم يكن لوجودهم فى وسطنا خطوره حقيقيه

 

كنت قلتلك فى سلسلة الظالم والمظلوم أن صلاح نصر أعترف أن الموساد أنتصرت على مصر فى حرب عزل المخابرات وأجهزة المعلومات عن ظهيرها الشعبى وأنتشرت الشاعات والخرافات عن جهاز مخابراتنا بواسطة آله إعلاميه رهيبه كان للأسف الشديد يمتلكها مصطفى آمين وسخرها لتصفية حسابات مع صلاح نصر

طبعا دى كانت كارثه عزل الأجهزه المعلوماتيه عن ظهيرها الشعبى وظهر ذلك جلياً فى عدم أبلاغ الناس عن أى شئ مريب لوجود حالة عداء مصطنعه بين المخابرات والشعب ورغم وقوع مصابين كثيرين من الأطفال ومرور ماكان يطلق عليه وقتها قوات الدفاع المدنى للتوعيه بخطورة عدم الأبلاغ عن شئ مريب وتوزيع منشورات بذلك لكنها كانت غير فعاله بشكل كبير  وللاسف الشديد ظلت حالة العداء بين الجهزه المعلوماتيه وظهيرها الشعبى موجوده ولم يستطيع جهاز المخابرات المصرى علاجها حتى وصلنا لعام 2013 تحديداً عندما بدأت المخابرات المصريه تسرب بعض المعلومات عن دورها فى إحباط مخطط أكبر خطه شيطانيه للإستيلاء على حكم مصر وأخونتها

بدأ فعلا الناس بعد 2013  وهم الظهير الشعبى يتحسسون ببطئ على خطأهم فى حق الأجهزه المعلوماتيه  التى تحميهم بإخلاص وتفانى وبالذات جهاز المخابرات العامه والعسكريه وأن كانت مباحث أمن الدوله لازالت لاتحظى بنفس الحب الذى بدأ يتواجد بين المصريين وأجهزة مخابراتهم  لأرتباطها بوزارة الداخليه والشعب يعانى الأمرين من تصرفات الداخليه ودولة حاتم على وجه التحديد وهنا لى أقتراح بسيط ومعمول به فى معظم دول العالم وموجود فى اسرائيل ووضحته فى مقال اللامعقول فى عالم العقول وهو فصل جهاز الأمن الوطنى  أو مباحث أمن الدوله عن وزارة الداخليه وخصوصا لما تعرف أنهم من صفوة ظباط الشرطه ووضحت الكلام ده فى سلسلة مقالات ملف الداخليه وتقدر حضرتك تراجع كلامى من السلسله

رقم 1

http://genralbahaaelshamy.blogspot.com.eg/2018/04/1_19.html

رقم 2

http://genralbahaaelshamy.blogspot.com.eg/2018/04/2_19.html

رقم 3

http://genralbahaaelshamy.blogspot.com.eg/2018/04/3_20.html

رقم 4

http://genralbahaaelshamy.blogspot.com.eg/2018/04/4_21.html

رقم 5

http://genralbahaaelshamy.blogspot.com.eg/2018/04/5_24.html

ليصبح جهاز الأمن الوطنى جهاز مستقل مثل جهاز المخابرات العامه ومختص كما هو معروف بالشأن المخابراتى الداخلى  وخصوصا لما تعرف أن صلاحيات ظباط هذا الجهاز أقوى من صلاحيات ظباط الداخليه العاديين وتعادل صلاحيات أفراد المخابرات العامه وأسرائيل فيها الكلام ده وامريكا فيها نفس الكلام اللى بقوله يعنى مش بخترع حاجه جديده والسيسى يقدر يعملها بجرة قلم وهو يستطيع ذلك لأنه رئيس جرئ واللى يقدر على أتخاذ قرارات الأصلاح الأقتصادى يقدر ياخد قرار فصل جهاز أمن الدوله عن وزارة الداخليه

طبعا ظهرت بعد 2013 حالة عشق وهيام بين المخابرات العامه والعسكريه وبين الظهير الشعبى وأنهزمت حالة العداء التى أوجدتها أجهزة مخابرات دول أجنبيه مثل أمريكا وأسرائيل والسعوديه وطبعا حالة الحب دى ستنعكس على الشارع المصرى على الأقل تقديرياً ومعنوياً وحتلاحظ دى كويس قوى أن بعض الناس بدأت تغيير على بلدها وتبلغ عن الصفحات المشبوهه والقذره وصدقنى كل بلاغ بتقدمه رغم أنهم مابيردوش عليك لكن بلاغم بيلقى أهتمام شديد جدا وتقدر تتأكد من كلامى من ملفات تحقيق القضيه 148 محاكم عسكريه حتعرف أن الدوله بكل أجهزتها بتتعامل مع أى بلاغ حتى على صفحات الفيسبوك بأهتمام وأحد المتهمين الرئيسيين تم تتبعه بعد بلاغ روتينى  صغير فى قريته عن أختفاء شاب عادى من متعاطى المخدرات وكثيرى التغيب عن منزله بكثرة مشاكله مع والدته وأعتقدت والدته كما تقول فى بلاغها التانى (( بلغت قبل كده ومش شايفه أهتمام وأبنى لسه مرجعشى )) ورد عليها أمين الشرطه (( هو أحنا مش فاضيين غير لأبنك لما يبقى يجيلنا أى بلاغ عن وجود مفقودين حنبقى نشوف ابنك فيهم ونبلغك )) وخرجت تلك الأم كما تقول فى تحقيقات القضيه لتلعن أهمال الداخليه وهى لاتعلم أن جهاز الأمن الوطنى يكثف البحث عن أبنها حتى فوجئت به مقبوض عليه فى سيناء وصوره على صفحات اليوم السابع لتكتشف أن بلاغها لم يهمل ولكن تم تكثيف البحث والتحرى ولم وقع هذا الشاب فى سيناء أعترف على باقى أفراد القضيه الـ 46 متهم وتم تقديمهم للمحاكمه ولازالت القضيه منظوره امام المحاكم وملفاتها عندى وحصلت عليها من أحد المحامين  ولما تنتهى القضيه سننشر عليكم أكثر من 18 الأف وثيقه حتكشف حاجات كتيره لاتجدوا لها أجابات وكنت نشرت لكم وثيقه من هذه الوثائق وأحد الأخوه علق قالى أنا قرأتها بصعوبه لأنها وثيقه مكتوبه بخط اليد الله يكون فى عونك أنت قرأتهم كلهم أزاى

المهم أنك تبقى عارف أن بلاغك على الأنترنت بيلقى الأهتمام الكافى وحتسألأنى هما ليه مابيردوش علينا حقولك لو رد عليك وقال جارى أتخاذ الازم حتدخل كل يوم تقوله عملتوا إيه وفصلتوا إيه ويحكيلك بقى على اللى مفروض متعرفوش  وممكن جدا تكون أكونت مضروب وداخل تعرف بيعملوا إيه وبيشتغلوا أزاى فبريح دماغه ويحول بلاغك لجهاز الأمن الوطنى وهما بيتصرفوا ولا من شاف ولا من درى

حتسألنى طيب ليه مابنشفشى الصفحات دى بتتقفل حقولك أننا كنا عملنا جروب علشان نعمل حملات لغلق هذه الأكونتات ووصلتنا التعليمات بوقف هذا النشاط نهائيا وتحذيرنا من خطورة قفل هذا الأكونتات لأن أجهزة الداخليه عاوزاها مفتوحه وشغاله علشان الحشرات تتلم عليها بدل ماتستخبى فى ظلمات المجارى ومنعرفشى عنها حاجه والحاج مجدى الموصلى شاهد على كلامى

رغينا كتير وحتبتدوا تزهقوا منى وأديك شفت أنا لما بسيب لنفسى اللجام ببقى عاوز أتكلم فى كل حاجه وتعاى بقى نشوف اعملاقه خديجه حسين مجهزالنا إيه فى ملف التوكوك المخابراتى   بعد ماتكون عرفت خطورة الجبهه الداخليه ولازم قبل مانعيش مع العملاقه خديجه حسين أعرفك أن الأيام اللى جايه حتشوف معركه شرسه جدا من الأشاعات والأخبار الكاذبه بطرق مخابراتيه صايعه لضرب الجبهه الداخليه ولقتل حالة العشق والحب بين المخابرات وظهيرها الشعبى وأعاهدكم أننا سنتصدى لها بكل مانملك من حب لهذا الوطن المفدى

"يا تقول كلام فى محله يا تقول حاللو يا حاللو …" أفيه مصرى ظريف عاوز يوحى لك أن الشعب المصرى بيرغى على الفاضى والمليان وقبل ماتسرح وتفتكره مش أفيه مخابرتى عاوز أقولك أنا حسيب الأفيه ده لحضرتك تحلله بنفسك

"العين صابتنى ورب العرش نجانى" ... أفيه دينى عادى متوارث ياريت نرجعله يوحى بالرضا لقضاء الله وحماية الله لك من الحسد

"لو الرجولة غالية عليك متلمش العيال حواليك" ... أفيه خبيث يدعوا لفصل الأجيال عن بعضها عكس المطلوب مننا أننا نستوعب الأجيال الصغيره لكى نعلمها ولا نتركها لهم على الأنترنت يلبعوا فى دماغها يعنى لازم كبار السن زى حالاتى لايتكبر على أصحاب الأكونتات الصغيره ويحتويهم ويكون عنده صبر عليهم وحتلاقينى دايما بهتم بيهم وكل أولاد الفريق موجودين معانا على الصفحه علشان يتعلموا سياسه بما فيهم الشبل الصغير ستيفن مينا بركات

"تركب أسليك تنزل أولع فيك" ... أفيه بلطجى يرسخ لما ترسخ له أفلام السبكى ومحمد رمضان

"السادة الركاب أنا ليسانس آداب" ... أفيه شعبى السواق عاوز يقولك ماتستحقرنيش أنا مؤهلات عليا وأنا بشجع اللإيه ده زى ماقلتلك فى الحلقه السابقه عاوزين نفرض عى سواقين التوكتوك أفيهات معينه

"الشجرة اللى تحتها أسود مش بيتنطط عليها قرود" ... أفيه سخيف يرسخ لمغفاهيم أفلام البلطجه ويساهم فة هدم قيم المجتمع

"لو الصقر خاف من البومة .. التكاتك مش حتخاف من الحكومة" .... أفيه بلطجى لنفس اللى فات

"لو قلبك مات ما تجيش على اتنين اخوات" ... رغم أن الأفيه فيه دعوه لتقوية روابط الأخوه لكن مرفوض بصيغته دى

"العجوز ده رياضي والدكر يمشي قصادى  "... أفيه بلطجى

نفسي أدعيلك بالجنة .. بس النار أدفي لك" ... أفيه رغم أنه ساخر لكنه ممكن يعمل مشاكل فى المجتمع مع المتشددين

"اللي باعك بيعه واللى مباعكش برضو بيعه .. الاحتياط واجب" ... أفيه هادم لكل قيم المصريين ودعوه للتفكك

"متزعليش يا قطة بكرة تبقي تيوتا" ... أفيه عادى مصرى شعبى

"الشامبو ضد القشرة والصحاب خانت العشرة" ... أفيه مخابراتى قذر لأغراض هدم المجتمع ودعوه للتفكك

"امشي بضمير هتمشي حافى .. وإديها كوسة تديك محاشي"  ... الأفيه ده عاوز نقف قدامه كتير لكن شرحت أفيه مشابه له وحذرت من نشر حالة الأحباط من اليأس فى معالجة الفساد لكى تشمل الشرفاء والقوه الحرجه

"انت عارف الحقيقة بس غاوى مسكنات" ... رغم أنى عاوز أوضحه رغم بساطته وضوحه لكن الأفيه خبيث خصوصا أنه بدأ ينتشر الفتره الأخيره وفيه دعوه للأنتفاض على الدوله بأسلوب مبطن

"عاوز تبقي مشهور قلد مرتضي منصور" ... عاوز يقولك أن قلة الأدب والصوت العالى اللى ماشى فى البلد

باقى الأفيهات من النوع الشعبى العادى ماهو مش لازم كمحلل سياسى تسيطر على تحليلاتى نظزرية المؤامره ووضحتها فى مقال التحليل السياسى والتخليل السياسى ومعاك الرابط بتاعه

https://genralbahaaelshamy.blogspot.com/2017/09/blog-post_26.html

فى نهاية هذه السلسله الصغيره والقصيره أتوجه بالشكر للعملاقه خديجه حسين عغلى مجهودها الغير عادى لظهور هذا الباقه من المقالات اللى بتصنف على انها مقالات توعية رأى عام

"يا تهدى وتبص على جمالها وتعدى .. وتسيبها في حالها"

"الحتة حتتنا واللي مش عاجبه يمشي من عزبتنا"

لما يبيض الديك حعديك"

"التقدير خسرنا كتير"

"اللي فات لو كان كويس مكانش فات"

"الحلوة هندية والرخصة دولية"

جنرال بهاء الشامى