ملف السوريين فى مصر رقم 5

كل واحد يخلى باله من لغاليغوا ... يوووووه قصدى ديمجرافيته

أوروبا وفرنسا وألمانيا وإيطاليا بيشدوا فى شعر سنانهم من موضوع اللاجئين وكلمونى من شويه والنبى ياجنرال لما يرجع السيسى من نيويورك بالسلامه خليه يكلف حد ضرورى يقعد يتفاوض معانا علشان يقفل لنا سواحل ليبيا لمنع تدفق المهاجرين من ليبيا

طبعا ده إعتراف ضمنى وواقعى أن الملف الليبى من طقطق لسلامو عليكم فى أيد مصر والأهم هو حالة هلع هذه الدول من مخطط تغير ديمجرافيتهم وهنا لازم ترجع لكتاب سليم مطر المنظمات السريه التى تحكم العالم

 

طبعا قبل ماتقرا المقال عاوزك تقرأ الخبر ده علشان تعرف أزاى مدون مصريه تحولت لسوريه بقدرة قادر

http://ngosyria.org/Article/2016/2/11/%D8%A7%D9%81%D8%AA%D8%AA%D8%A7%D8%AD_%D9%85%D9%83%D8%AA%D8%A8_%D9%85%D8%A4%D8%B3%D8%B3%D8%A9_%D8%B3%D9%88%D8%B1%D9%8A%D8%A7_%D8%A7%D9%84%D8%BA%D8%AF_%D9%84%D9%84%D8%A5%D8%BA%D8%A7%D8%AB%D8%A9_%D9%81%D9%8A_%D9%85%D8%AF%D9%8A%D9%86%D8%A9_%D8%A7%D9%84%D8%B9%D8%A7%D8%B4%D8%B1_%D9%85%D9%86_%D8%B1%D9%85%D8%B6%D8%A7%D9%86

وكمان معاك الخبر ده علشان تبقى فاهم أنهم مش عشوائيين لكن منظمين بنفس طريقة الأخوان 

http://akhbar-baladna.net/%D8%A5%D8%AD%D8%AA%D9%81%D8%A7%D9%84%D8%A7%D8%AA-%D8%A7%D9%84%D8%B3%D9%88%D8%B1%D9%8A%D9%8A%D9%86-%D9%81%D9%89-%D8%A7%D9%84%D8%B9%D8%A7%D8%B4%D8%B1-%D9%85%D9%86-%D8%B1%D9%85%D8%B6%D8%A7%D9%86-%D8%B1/

وخد الخبر ده بس خلى أعصابك جامده علشان لما أقولك أحتلال ناعم تصدقنى

https://www.tahrirnews.com/Posts/printing/714646/%D8%AA%D8%AC%D9%85%D8%B9-%D8%B1%D8%AC%D8%A7%D9%84-%D8%A7%D9%84%D8%A3%D8%B9%D9%85%D8%A7%D9%84-%D8%A7%D9%84%D8%B3%D9%88%D8%B1%D9%8A%D9%8A%D9%86+%D8%A7%D9%84%D8%BA%D8%B2%D9%84-%D9%88%D8%A7%D9%84%D9%86%D8%B3%D9%8A%D8%AC+%D8%A7%D9%84%D8%B9%D8%A7%D8%B4%D8%B1-%D9%85%D9%86-%D8%B1%D9%85%D8%B6%D8%A7%D9%86

ولو قلبك جامد خد الخبر ده

http://www.syria-algad.org/?p=31808

وخد بقى الفيديو ده وشوف 6 أكتوبر أتحولت لسوريا أزاى

https://www.youtube.com/watch?v=JvmgwWREqGc

اللأجئين بمزاجك أو غصب عنك قنبله ديمجرافيه موقوته حلها فى عودتهم لأوطانهم واللى مش مصدق وعواطفه بتنقح عليه يبص على لبنان والأردن ومش عاوزين نوصل فى يوم من الأيام للى وصلت له ألمنيا وتهديد أردوخان لميريكل بالجاليه من أصل تركى وتدخله فى الأنتخابات الألمانيه وبرضوا مش عاوزين نوصل لمحلة التظاهر ضد وجودهم كما حدث فى فرنسا وألمانيا 

الشق الأمنى له ضوابط فأى كائن حى فى مصر تحت السيطره لكن بتحكمك أتفاقيات دوليه يعنى مش واحد يضرب واحد أو يعوره أو يقتله تقدر ترحله .. أنت تحاكمه وتطبق عليه قوانينك لكن اللى عاوز ترحله لازم يكون عندك أدله قويه دامغه على خطورته على أمنك القومى تقدمها لمفوضية اللاجئين علشان توافق على ترحيله لدوله أخرى ماهو حيروح فين الفلسطينى أو السورى ولازم توجد له مكان آخر يلجأ له يعنى رغم السيطره الأمنيه أن الترحيل له ضوابط محدده وحضرتك موقع عليها فى أتفاقيات دوليه

يتبقى لنا الشق الأقتصادى وده تقدر الدوله تحكمه بعدة تشريعات أو قوانين واللى حيفضل هنا هو المستثمر الكبير مش بتاع المطعم ولا بتاع فرن المخبوزات وممكن تحط ضوابط فى التراخيص لجنسية العماله لأنهم بيرفضوا تشغيل المصريين

يظل التغيير الديمجرافى هو مشكلة المشاكل للأجيال الحاليه وتتعاظم جيل بعد جيل لأن الحكومه مش حتقدر تمنعك أنك تتجوز سوريه أو تجوز أختك لسورى

                  

بهدوووووووء

الحل شعبى فى المقام الأول وبعيدا عن الدوله لمواجهة الأحتلال الناعم لمناطق محدده فى مصر بعد أن تحولت مدينة 6 أكتوبر لمدينه سوريه وستلحق بها العاشر من رمضان قريبا وأحتمال تتحول الأسكندريه لمحافظه سوريه ... اللى بيوجع القرش واللى مشجعهم يقعدوا هنا المكسب والسلع والخدمات المدعمه يبقى عقلك فى راسك تعرف خلاصك ولو فضلت مصلحتك الشخصيه على مصلحة بلدك ولو بتشقط ساندوتش منهم أو مشارك حد فيهم بالأسم على فرن مخبوزات عيالك وأحفادك حتلعن سما وأرض وصبح ومسا ولو أنت مش فاهم أدينا أهو بندق ناقوس الخطر اللاجئين السوريين والأحتلال الناعم قنبله موقوته

كلامى خلص لكن تاعلى نشوف كلام الأستاذه

Hafsa Ibrahem

اولا ديموجرافية
ثانيا إقتصاديا عالمصريين
أمن قومي بالنهاية
عذرا الحقيقة ولكنهم لن يعودوا بلدهم وأظنك تعلم
هتكلم عن الأمن القومي هذا شأن المخابرات
ومؤكد هم يعلمون عنهم الهوا الذي يتنفسونه ولو لا يعلمون عذرا تلك كارثة لانهم بالاول كانوا
لاجئ صامت.
لاجئ عامل.
لاجئ صاحب شغل ومال.
لاجئ صاحب اقتصاد.
من الاول اختاروا اماكن سكنية عالية
والحقيقة مازلت بحاول أعرف من أين تلك الأموال
غير أنهم ممولين من جهة وطرف سواء عرب أو إخوان أو أقاربهم بالخارج ولكن تمويل السوريين ليصبحوا خلال ٤سنوات أصحاب بيزنس حجمه يتخطى مليون وده حال أغلبهم وبدون جدال،غير الذين تخطوا ذاك المبلغ واصبحوا سكان الجولف والقطامية والڤيلل...
العمالة لديهم هي سورية ثم سورية وده طبعهم منذ القدم والتاريخ علمنا أنه السوري تاجر ممتاز وحرفي ممتاز ولكن اسرار صنعته لا تخرج إلا لسوري؟؟؟؟
مازلت لا اعرف كيف خلال شهر وأقل بيكونوا
أجروا أو اشتروا المكان وانتهى أوراقه اللازمة ويفتتح أي كان نوع الشغل وننتبه السوريين دخلوا كل
الصناعات واصبحوا يمتلكون ورش ومصانع
ويستوردون الكثير من بلدهم سوريا؟؟؟؟؟

مازالت الدولة مقصرة بحق الشباب لأنه عذرا
الشباب في مصر أمام هؤلاء يحتاجون إلى تعاون
وليونة اكبر بالصناعة وتوفيرها لهم والدولة لازم
تتحمل أنه شباب مصر خلال٣٥عام مضوا تحولوا
لمجموعة صفرية ضخمة بالحرف والصناعات؟؟؟؟
الدولة مجبرة على ذلك ولازم توفر لهم مصانع
وورش بكافة الصناعات المختلفة وكل مايتم إستيراده وتقوم بتدريبهم وتحضيرهم وتساندهم لإفتتاح تلك الأماكن سريعا والإنتاج حتى لو تحت إشراف الدولة والقوات المسلحة لأننا نواجه كارثة
انت تعلم عددهم الحقيقي بمصر والسيسي قاله
لميركل لما طلبت منه انها هتدفع لمصر مقابل تاخد اللاجئين السوريين!!!!
عذرا السوريين اليوم لديهم مزارع سورية من البواب للفلاح وداخلها مصنع التعبئة يعني بالوقت الذي
تعود الصناعات القديمة المصرية بعد مبادرة إسعاد يونس وجدوا أنفسهم أمام كارثة اسمها السوريين؟؟
وقيس على كدة كل الصناعات!!!
السوريين خطر على الشباب المصري بسوق العمل
والصناعة المصرية تماما بايادي مصرية لسبب
سوريا لم يكن بها عاطلين وهذا من زمان
سوريا بلد مازال يحتفظ بكل الحرف القديمة
والصناعات القديمة يدوية وغير يدوية
السوريين مفيش عندهم نغمة انا بتعلم يعني مبشتغلش
عمرها ما كانت موجودة الكل يعود من الدراسة حتى اطفال الإعدادي وينزلوا الورش والمحلات وحتى لو
كان طبيب بكليته يعود وتجده بورشة يشتغل بصنعة وحرفة !!!!!!!!!!!!!!!!!
لذلك هم مرتاحين كانوا ومرفهين جداااا
ولذلك حتى لما جاءوا لاجئين لم يتنازلوا كثيرا عن
مستوى معين وذلك من أسباب ارتفاع أسعار العقارات
والسلع...
السوري هو أكبر مستهلك لبضائع التموين والجيش
تلك التى تتناولها عندهم!!!!!!!!!!
السوري تحديدا خلال١٥سنة سيكون صاحب نسبة عالأقل ٢٠٪من اقتصاد مصر الحل وقتها إيه؟؟؟؟؟
صاحب اقتصاد هو صاحب سلطة وصاحب رأي
بكل شئ بالأرض التى يعيش فيها وسيطلب حقوق؟؟
وخطورته عالدولة كبيرة لأنه لن يكون ولاءه لها
والشوام يعشقون مصر ونعشقهم قبل كل العرب اه
ولكن ليس لديهم أغلى من أنفسهم ومصلحتهم عند أنفسهم وذلك تاريخ وطبيعة ......
ولكن هل سيتقبل المصريون رفاهية السوريين على حسابهم وهم فقراء معدومين ؟؟؟
هل سيتقبل المصريين حقوق المواطن السوري
حين يطلبها؟؟؟؟
هل سنتقبلهم رجال اقتصاد ونحن نعمل عندهم
يعني بدل الخليج ولكن على اراضي مصر
وبالمناسبة هم ليسوا حبابين بالشعب كما يظن
الناس واسالوا من بالخليج ويعمل تحت رئاسة سوري
اوسخ من الخليجي ويتكلم عن معرفة.....

بالمناسبة انا من١٦سنة لو كنت عاقلة كنت تزوجت
شاب سوري وكان زماني بحر ورايا٥عيال وعايشة
في سوريا واتقتلت أو جئت لاجئة تخيل انا لا اتخيلني
الحمدلله على نعمة الجنوووووون واللاعقل والتمرد

ملف الديموغرافية
نفس خطورة الأمن القومي
السوريين يحافظون على نسلهم السوري كشعب سوري وبقوة وهم الاقرب للمصريين بذلك الأمر مهما كانت المصاهرات كثيرة ولكنهم يحتفظون بسوريتهم وتقاليدهم وعاداتهم....
اولا هم تحولوا من قاطنين شقق متفرقة الى عمارات كاملة سوريين ثم الشارع كله سوري وحتى بخروجاتهم يكونوا مجموعة وكلهم سوريين والان تحول الأمر أنه المدينة كلها تحولت من مدينة نصر سابقا إلى مدينة أو حي السوريين بعد ان كانوا شوارع لا الأمر يتحول لحي كامل هنا هيتحول إلي مدينة وكمبوندات مغلقة لاحقا السوريين فقط كما فعلوا بالعمارات كلها سوريين فقط ولست بضخم الأمر ولكن قريبا ستكون هنا بعد مجموعة كمبوندات كاملة للسوريين سنجد محافظة كاملة للسوريين وستكون من الأماكن الجديدة...
ستأتي قريبا لموضوع المدارس السورية وبعدها ستجد الجامعة السورية كاملة........

عذرا ولكن تلك الديموغرافية بالتوزيع الجغرافي لازم تمنعها الدولة فكرة عمارة كاملة للسوريين أو لاقليات ما لا تمنع !!!!!
نفس الوضع للكمبوندات والمدن..
السوريين منذ جاءوا لايندمجون مع المصريين بحياه المصريين وهنا الخطورة لنشرهم عاداتهم وتقاليدهم وأسلوب الحياة السوري بكل تفاصيلها...
يعني نشر هوية كاملة على حساب هوية أخرى وهنا ننتبه لأمر
لم ينجح اي أقليات وجنسيات بتنفيذ ده وبالعكس القادم يندمج ويذوب ويسيح بالبلدي في الهوية المصرية ويصبح مصري الحياه والثقافة والطباع والسلوك والعادات وتفاصيل الهوية المصرية هي المسيطرة والغالبة عليه وليس العكس....
مع السوريين عذرا سيحدث مشكلة لأنه الكل عاوز يقلد الجديد كطباع وثقافة وأسلوب حياه وهوية ومفردات اللغة هتتغير ويدخلها كلام سوري وهنا ننتبه !!!!!!!!
نيجي لموضوع تملك غير المصريين
بارض مصر انا ضده ولازم قانون لذلك الأمر لأنه اللاجئين في مصر تخطوا الكثير السودانيين وحدهم٥مليون والكل يتملك اراضي ويملك ثروات
هنا هتذكر أين ثروات الفلسطينيين المقيمين في مصر ولماذا تترك الأموال لتتحول للخارج هؤلاء يملكون ملايين ومع ذلك المال ستجده كله بالخارج ؟؟؟؟؟؟؟
ده غير الأرض والعقارات
نفس الأمر للجميع انا افهم أنه يتملك منزله ومحل لكن اكثر من ذلك عذرااااااااا ...

المشكلة الديموغرافية خطيرة جدااا وهي جزء جغرافي والموضوع ليس سهل ونحن لسنا ضدهم والله انا لا اعشق أحد مثل السوريين والاماراتيين الباقي لأ لالالا
ولكن وطني وشعبي وحقوق الأجيال القادمة والشعب الحالي المطحون من حقه يرتاح وليس يأتي الأقليات بسهولة ويسر يبدأون اعمال بتوفير كل شئ وبسهولة غريبة ولكن المصري كفرات وطفحان الدم وعايش اقل من الحياة الكريمة...

انا ممكن اقولك دفعهم إقامات عالية وضرائب ومياه وكهرباء اضعاف المصريين وتلك الأموال تصبح
مرتبات ومعاشات للمصريين وترفع مستواهم قليلا !!!!!!!!
حقي كمواطنة لا املك شئ بلادي ولا حتي شغل كويس
عذرا وبدونها كمان اغلب معاشات المصريين
لا تصل ١٠٠٠ج!!!!!!!!!!!
بالله عليكم كيف لشخص واحد أن يعيش على قده جداااااااااااااااااااااا بمبلغ لايقل عن٢٠٠٠ج وذلك واقع
لماذا لا ينظر لهم أحد ومشروع مرتب بدل شغل رغم اني ضده للرجال ولكنه ممتاز للنساء ومن حقهم
لأنه لو تكلمنا شرعا الدولة ملزمة تصرف وتوفر حياة
للنساء والأطفال والعجزة!!!!
كم أرملة ومطلقة معاشها لايصل١٠٠٠ومعها عالاقل طفلين ده حل ولازم زي ما المصريين يدفعوا ثمن
الحياه والأمان من حقنا أنه الأقليات يدفعونها أضعاف
نحن لا نتجنى عليهم ولكنه واقع ......
والواقع أنه مصر اغلب شعبها فقير ومطحون
وبجد الحياة بقت غبية عالناس وبالمقابل ناس
حياتهم سهلة لدرجة تحرق الدم...

ياعم انا عاوزة الدولة تفتح لي مطعم جاهز من كله
خلال شهر وتسلمني المكان وانا هشتغل وابقى اسد لها ثمنه ولكن قسط مريح بس سلمني المكان خالص وجاهز خلال شهر وانا كمصرية شحاتة لا املك شئ
ياراجل ده انا لحد السنة الماضية لم يكن من حقي
بطاقة تموين لأنه الوالد عايش ولكن مواليد قبل٩٠
كانوا بيرفضوا ينزلوهم بالبطاقة وليس من حقي معاش كدخل للحياه ولا شئ خليني ساكته احسن

جنرال بهاء الشامى