أعمل الخير وأرميه البحر

عليا الطلاق بالتلاته البوست ده لتقريب وجهات النظر وتهدئة النفوس بين الأخوان والسلفيين

طبعا كلنا عارفين أن الأخوان والسلفيين حبايب وولاد عم لكن بصراحه الأخوان واطيين قوى وعملوا أكتر من مره حركات وسخه وناقصه مع السلفيين الغلابه اللى مابيحرموش وأن شاء الله ده لتهدئة النفوس بين ولاد العم ومش قصدى أولعها

السلفيين وقفوا جنب الأخوان لغاية ماأستولوا على الحكم ومجلس الشعب فى سبيل كرسى مالوش لازمه  منصب نائب رئيس الجمهوريه  وأنتوا طبعا عارفيين الأخوان زهقوا السلفيين وركنوهم على جنب وكان الكرسى ولا له أى لازمه منظر بس السلفيين مابيتعلموش وفضل الأخوان يزهقوهم لحد السلفيين ماسابوا الكرسى و يارب قدرنى على تهدئة النفوس

الأخوان أتشقلبوا من على كرسى الحكم والشعب زحلقهم والعسكر وقفوا ورا الشعب  شايف ولاد الأصل بيعملوا إيه مع بعضيهم  والسلفيين نسوا المقلب اللى شربوه من الأخوان ووقفوا جنبهم وأعتصموا معاهم فى رابعه ووصلة نسبة السلفيين اللى كانوا مصدقين أن الأخوان قاعدين على الكرسى وبيتحملوا قرفه بس علشان خاطر ربنا حوالى 75 %

الأخوان زى ماأنت عارف لهم ألاضيش فى كل حته ومخترقين كل أجهزة الدوله بما فيها الداخليه وليلة فض الأعتصام وصلتهم الأخبار أن الداخليه والجيش حيعملوا معاهم الصح الفجر وعينك ماتشوف إلا النور كل الأخوان خلعوا وسابوا السلفيين ياحرام لوحدهم فى وش الداخليه والعسكر ومات من السلفيين ياحرام حوالى 90 %  قلة أصل بعيد عنك

الأخوان قبل غيرهم عارفين أن كل اللى ماتوا فى رابعه والنهضه من السلفيين الطيبين الغلابه اللى بيصدقوا أى حاجه  يارب قدرنى على تهدئة النفوس  المهم الأخوان الواطيين سلموا السلفيين الغلابه تسليم أهالى للداخليه

برضوا اللى عملوا الحركات بتاعة كرداسه والمنيا كانوا من الجماعه الأسلاميه والأخوان نسبوها لنفسهم وسرقوا مجهود الغلابه  ولازلنا نعمل على تهدئة النفوس

مش كده وبس الأخوان من بعد فض وكرى رابعه والنهضه نزلوا فى السلفيين الغلابه شتيمه ومسخره وقلة أدب وأهانات لايتحملها بشر ومش عارف السلفيين جايبين الصبر ده منين وساكتين على الأخوان  وقلة أدبهم

الشعب والعسكر فهموا الأتنين ورموهم ورا ظهرهم وسابوهم يقطعوا بعض عملا بمقولة ذنب ناس بتخلصوا ناس  السلفيين لو أتمكنوا كانوا حيطلعوا ميتين أبونا

الأخوان مكفهمشى اللى عملوه فى السلفيين وحبوا يفردوا عليهم العضلات ويعرفوهم أنهم أكبر وأكتر منهم قوم إيه فى آخر 3 ساعات من الأنتخابات بتاعة البرطمان صدرت الأوامر للأخوان الواطيين ينزلوا يصوتوا للسلفيين قال إيه علشان يقولوا لهم لو وقفنا جنبكم من الأول كنتوا حتوصلوا لكن بعدكم ياجبنا  قلة الأصل متوفره

الأخوان خلاص فنيتوو وبح وروحهم طلعت لكن فاضل ريحة الرمه اللى بتطلع من الميت بعد مايندفن لكن السلفيين لسه فيهم الروح لكن ربك والحق وكلام بينى وبينك الشعب والعسكر قصقصوا أجنحتهم وقريب جدا سنعلن هنا على هذه الصفحه عن وفاة السلفيين والسبب فى كل المصايب دى المصريين

شوفتوا بقى ياسلفيين الأخوان عملوا فيكم إيه  أنا لو منكم أطلع ميتين أبوهم وياروح مابعدك روح وماحدش يعلم عليا حتى لو كانوا ولاد سيد قطب

فى نهاية مقالى أرجو أن أكون قد وفقت فى رأب الصدع بين الأخوان الطيبين والسلفيين الغلابه

جنرال كله خير الشامى