التنظيم الأرهابى العالمى القادم بدلا من داعش

■■ كتير من الأخوه الفانز بتوع الفيسبوك ياكبد أمهم عاطفيين قوى وعندهم مشاعير فياضه ولسه فاهمين أن الكره الأرضيه فيها رحمه وأنسانيه

■■ الأخوه دول بيحصل صدام فكرى بينى وبينهم فى التليفون لأنى بتحرر شويه من قيود الكتابه على العام وأمام السيدات

■■ لما بنوصل لنقطة داعش وفى جزئيه محدده ... هوبا تلاقى الموبايل بيترعش والشاشه بتتهز وبعدين أسمع صوت رزعه جامده على الأرض وأقعد أقول آلو ألو لحد لما أسمع صوت أسعاف ساعتها بتأكد أن الشخص اللى كنت بكلمه ياكبد أمه فيص ونقلوه لمستشفى الأمراض السياسيه (( العباسيه سابقاً ))

■■ أنا مش فاهم أزاى عاوزين تتكلموا سياسه وأنتوا عاشقين البت عواطف .... عموما مش حكلم العواجيز أنا حكلم شباب اليومين دول اللى قام من النوم قالوا له فيه حفريت أسمه داعش

■■ فى سالف العصر والآوان زمان قوى كان فيه منظمه إرهابيه أسمها المافيا وكان معظم أفرادها عايشين فى ايطاليا ودى غير بتاعة فيلم احمد السقا

■■ كان شغلة المنظمه دى تقتل لحساب أى دوله فى العالم وكانت طبعا بتتشطر على الدول الغلبانه وكل يوم والتانى تسمعى عن عمليه أرهابيه تقوم بها المافيا

■■ كانت كل الدول بتستغلها ضد بعضها حتى السودان كانت بتستغلها وكانت الدول بتستغلها أما لتصفية خصوم أو لعمل عمليات أرهبيه لشل الأقتصاد وبصراحه كانت لهم قصص وأساطير فى عمليات قتل المعارضه والجواسيس والعلماء وبعض الرؤساء الغلابه وكانت عامله بحبح للعالم كله وبإختصار علشان صوابعى بتوجعنى كانت حاجه كده طظ فى داعش يعنى داعش جنبها شوية ظراااااااااط

■■ الناس كلها كرهت منظمة المافيا وبدأت تطلق عليهم ألقاب مشينه زى عصابات المافيا وزى المافيا الأرهابيه وزادت سطوة المافيا وكرهها العالم كله وأصبح لها فروع فى كل أنحاء العالم زى فروع داعش دلوقتى وخد بقى عندك بدل مثلا ولاية سيناء كان فيه تنظيم البارون وبدل شراميط بيت المقدس كان عندك الكامور وبدل جبهة النصره كان عندك آل كابونى وبدأت تنتشر فى كل دول العالم عصابات المافيا وفروعها

■■ كانت المافيا زعمائها شكلهم جميل زى البغدادى بس على أجمل وأحلى وكان برضوا أفرادها من المهاويس والمجانين بالقتل والترويع

■■ بدأ أخييه يبقى شكل المافيا وحش بعد أن بدأت تخرج عن سيطرة الكبار فقالك نشيل المافيا ونجيب حاجه شكلها شيك وبتلبس جلاليب بيضا ونحطها تحت ستار الدين علشان محدش يقول عليهم وحشين ولا عصابات ولا أرهابيين ووجدوا ضالتهم فى العسل العسوله عمنا أسامه بن لادن

■■ كبر وأستفحل أسامه بن لادن بفلوس الخليج وكطر وزى ماالناس كرهت المافيا بعد أستفحالها وبقالها فروع فى كل دول العالم قالك بلاش القاعده وتعالى نغير لون الجلابيه بدال ماهى بيضاء نعمل نيولوك جديد ونخلى الجلابيه سودا علشان اللون الأسود كده فيه وقار وشيك وله هيبه وغيروا لون الجلابيه وغيروا الأسم اللى كان زمان أسمه منظمة المافيا وبعدين عملوها تنظيم القاعده وبعدين غيروا لون الجلابيه وغيروا الأسم وعملوه داعش

■■ ياساده ياكرام يالى مابتقروش المقالات قلنا فى سلسلة مقالات اللامعقول فى عالم العقول أن كل التنظيمات تخلقها وترعاها أجهزة مخابرات وقلتلك أول من بدعوا القصه دى مخابرات الأتحاد السوفيتى القديم ودلوقتى أمريكا اللى محتكره هذه التنظيمات بس بصراحه الأمريكان كل يوم والتانى بيعملوا نيولوك جديد الأول كان أسمها منظمة المافيا وكانوا بيلبسوا بدل وكاجوال قالك نغيرها ونلبسها جلابيه بيضا ونغير أسمها للقاعده ولما الناس زهقت من اللون الأبيض جابولنا اللون الأسود وغيروا الأسم لداعش ولما نزهق من اللون الأسود والجلاليب حيجيبولنا حاجه جديده ولما أموت خليكوا فاكرين كلامى التنظيم القادم سيكون من الشواذ جنسيا وحيلبسوا ملابس فوشيا وحيعملوا علم تركواز وحيكون لهم فروع برضوا زى المافيا والقاعده وداعش واللى مش مصدقنى يرجع للتاريخ وكيف تصنع المخابرات التنظيمات الأرهابيه

■■ تنظيم الشواذ يتم الأعداد والتنظيم الجيد له وحيظهر فى خلال 10 سنوات من الآن وأبقوا أفتكروا كلامى وأقرولى الفاتحه وياريت اللى يتصل عليا بعد كده يخلى حد من اهله قاعد جنبه علشان آخر واحد كلمنى وقع ياكبد أمه فى الشارع ومحدش نطقه الشهادتين

جنرال بهاء الشامى