زياره لعش الدبابير

من غير أن أقسم فلست محتاج لقسم والمقربون يعلمون جيدا أنه لاتربطنى أى علاقه عاطفيه بأى حاكم ولست هنا بصدد الهجوم على أحد أو تخوين أو تشويه أحد أو الدفاع عن أحد أو التطبيل له فلست من معتنقى فكر خلود الحاكم أو تأليهه ليصبح فرعون أو إله للمصريين ولكننا هنا بصدد تحليل جمله هى الأخطر فى حديث نبيل فهمى وزير الخارجيه الأسبق لقناة البى بى سى ومقارنتها بالمشهد الحالى

من المعروف أنه فى أحاديث الدبلوماسيين وخصوصا من شغلوا منصاب رفيعه مثل نبيل فهمى أنك تجد صعوبه فى إستخلاص المعلومه من أفواههم وعليك بذل مجهود عقلى لكى تستنبط مايقولونه رغم أنه لم يقوله

فكك بقى من المقدمه وتعالى نشوف الجمله المهببه والمطينه بنيله اللى قالها نبيل فهمى ونحللها وردا على سؤال لمذيعه تتمتع بخبث إعلامى وسؤال خبيث قال نبيل فهمى أن قضية مصر بعد ثورة 30 يونيه كان سيتم تدويلها فى مجلس الأمن لأتخاذ أجراءات ضد مصر تحت بنود قوانين مجلس الأمن مثل أى قوانين تتخذ مثلا ضد كوريا الشماليه أو قوانين أتخذت ضد سوريا الحبيبه وقال فهمى فورا أتصلنا بالجانب الأمريكى (( خلى بالك هنا من الكدب بتاع الأمريكان )) الذى أنكر تورطه المباشر لكنهم لم ينفوا الواقعه وقالوا هناك ضغوط من دوله غربيه وأتصلنا بالفرنسيين فأنكروا معرفتهم بالموضوع وأتصلنا بالروس والصينيين فقالوا لن يحدث مثل هذا التهريج مع دوله بحجم مصر ووعدونا بإفشال أى أجراء ضد مصر وأعدنا أتصالنا بالأمريكان فقالوا لادخل لنا بالموضوع ولانعلم أى شئ عنه (( أنا شخصيا مش مصدق )) فقلنا لهم والكلام على لسان نبيل فهمى أن ماحدث فى مصر ثوره شعبيه أستجابت لها القوات المسلحه المصريه (( خلى بالك هنا والنبى علشان دى مربط الفرس )) فكان رد الأمريكان (( لاتحدثونا عن شعبيه فقد خدعنا الأخوان بهذه الجمله طوال السنوات الماضيه )) ولحد هنا أقف بقى وتعالى نحلل الجمله اللى فاتت رغم أن كل اللى قاله نبيل فهمى محتاج تحليل طويل

الأخوان وحسب كلام الأمريكان أعتمدوا فى علاقتهم بالأمريكان لحل مكان مبارك على وجود شعبيه لهم ولو رجعنا لأحداث 25 يناير ومابعدها وقصة المليونيات اللى كانت بتتعمل واللجان الألكترونيه اللى عملها خيرت الشاطر حنفهم الحته دى كويس أن الأخوان حاولوا يصدروا للعالم قصة أنهم شعبيتهم كبيره ويتمتعون بتأييد كافة المصريين ويمكن الأحدات اللى حصلت بعد 30 يونيه كانت أيضا لأثبات ذلك لكن هذه المره بالعنف والتخريب والقتل فى محاوله لتصدير مشهد أن الشعب المصرى كله ضد عزل محمد مورسى وأستبعاد الأخوان من المشهد

محدش يقدر ينكر أن مبارك ليس شخص واحد لكنه نظام موجود ومتغلغل فى كل شبر فى مصر وكان لهذا النظام تواجد فى 30 يونيه ومحدش يقدر ينكر براعتهم وخبرتهم وأنهم حتى الآن يدافعون عن وجودهم وأحقيتهم فى تسيير أمور البلد وأيضا دول لهم شعبيه

بعد 30 يونيه ظهرت طائفه أخرى هم عشاق ومحبى السيسى شخصيا ويقاتلون بكل قوه للدفاع عنه لكن هؤلاء لايملكون خبث الأخوان ولا خبرة أتباع مبارك

من غير كسوف وبعد خلع الأقنعه أصبحت المواجهه بين الثلاث طوائف الآن شرسه جدا وأن كان أقلهم قوه وخبره هم أتباع السيسى وهم فى تراجع ملحوظ وأوعى تحط راسك فى الرمله وتنكر ده

الأخوان يعتمدون الآن على رأب الصدع فيما بينهم وضم أى معارض للسيسى لزيادة عدد معارضى السيسى وأظهر تآكل شعبيته

الحزب الوطنى سابقا وأتباع مبارك يزيحون كل من وقف بجوار السيسى أو من يقف فى طريقهم بالتشويه والتخوين والتشهير (( خلى بالك كلنا دخلنا مرحلة أن الشعب كله بقى خاين وعميل وزفت وقطران )) وفيه ترويج دلوقتى بأن فين أيام مبارك والله يرحم أيام مبارك ليقل عدد مؤيدى السيسى ويزداد عدد معارضيه لكن الأخوان للأسف بياخدوه فى حجرهم فى صراع على أثبات الشعبيه

يبقى بتوع مبارك يشوهوا ويخونوا وأظن أنت شايف أنهم طلعوا بكل جراءه على وش المشهد والأخوان قاعدين بالشوال يعبوا اللى يقع من مؤيدى السيسى وفى الآخر تتأكل شعبية السيسى الجعجاعه على الفاضى بدون أى خبره ويزداد معارضى السيسى والخاسر فى النهايه أتباع مبارك وأتباع السيسى والرابح هم الأخوان

جمال مبارك لم يفارقه حلم السلطه حتى الآن ويعلم أن السيسى لن يستطيع تغيير الدستور (( الدستور اللى أتسلق على أيد بتوع مبارك والسيسى مقدرشى يفتح بقه )) وأنه سيرحل بعد 3 سنوات على أقصى تقدير ولازال جمال صغير فى السن وجارى التحضير لخوض أنتخابات مابعد القادمه

ممارسات الشرطه والنيابه والقضاء والأعلام والفضائيات وبعض المؤسسات السياديه وكل مؤسسات الدوله كلها تصب فى صالح تآكل شعبية السيسى (( خلى بالك كتير من تصرفات أجهزة الدوله مش عاجبه السيسى وأنت عارف كده كويس ومتأكد ومش حتضحك على نفسك ))

لو رجعنا تانى لجملة نبيل فهمى تقدر تعرف أن فيه صراع على الشعبيه بين الأطراف الثلاثه وهذه الأستراتيجيه يجيدها الأخوان جيدا لكن أتباع مبارك يجيدون التخطيط الجيد والأزاحه والأطاحه وأتباع السيسى لايجيدون أى شئ سوى الأنجراف خلف تخطيطات الحزب الوطنى ونشر بوستات لو بتحب الزعيم أعمل لايك لو عاوز السيسى شير المنشور وشوية الهبل الفيسبوكى ومقضينها طول النهار على الموبيلات فاتحين الفيسبوك وتويتر ومش عارفين أن الفيسبوك وتويتر دلوقتى هم أوسخ مكان ممكن تتعرف فيه على بنى آدمين لأنه كله بيضحك على نفسه ومستخبى ورا شاشات وخلف أسماء وهميه وكله مشغول بعمل جروبات لتأييد السيسى محدش بينشر فيها غير الأدمن وكل واحد عامل صفحتين وتلاته علشان يغنى ويرد على نفسه ووسط كل هذا السيسى يقف وحيدا إلا من بعض أنصاره ونقولها بصراحه كبار السن والعواجيز والسيدات اللى محتاجين شخصيه وطنيه تقود البلد بعيدا عن الخبث والخبائث

كفانا صراعات على المصالح اللحظيه وكفانا تخوين وتشويه لبعضنا وكفانا بلطجه ومظاهرات للمصالح الشخصيه ويلا بقى نشتغل أحسن ريحتنا عفنت من القعده لأننا فى النهايه سنكون جميعا خاسرين والرابح الوحيد هو تلك الجماعه التى لن ترحم أحد لو عادت للسلطه وسوف تعود لو ظل الوضع على ماهو عليه (( لو السيسى راح عليا الطلاق بالتلاته التخين فى البلد حيشيل زلط ))

جنرال بهاء الشامى