مبارك وتسليح الجيش

أقرأ وأعقلها ومتخليش بهاء وفريقه يملوا عليك معلومه بدون تحقيقها

من يقوم بعملية التأريخ (( بالألف عليها همزه )) مسئوليه رهيبه توجب على من يتناول التاريخ الحياديه وهو ده اللى بنقوله خلى عواطف على جنب لذلك محمد حسنين هيكل فقد جماهيرته رغم أنه من أعظم كتاب التاريخ العالميين الوثئقيين عندما ظهرت حالة كراهيته للسادات بعد عام 1982 والمقالات التىنشرت بجريدة الأهالى وقتها ومش حندخل فى جدال أنه كان بهذه الغلطه التاريخيه بيحاول التقرب من مبارك العنيد والكلام ده قاله أسامه الباز فى أكتر من مناسبه وهيكل نفسه شبه أعترف بيه رغم أنه بعد تجاهل مبارك له حاول تقزيم مبارك ونبطل رغىوندخل فى موضوعنا

فى عام 1977 وخلى بالك بقول 1977 مش 1978 حاول السادات رفع الدعم وكان الرغيف بقرش تعريفه والعمله المسموح بتداولها بعد التعريفه الصاغ وكان الشلن فيه 5 صاغ والجنيه فيه 100 صاغ فصدر قرار برفع تمن رغيف العيش من تعريفه لقرش صاغ يعنى بنسبة 100 % وقتها فقامت المظاهرات العماليه فى 18 و 19 ينايم وكان القيسونى وقتها زى وزير الأقتصاد حاليا وسموها أنتفاضة الخبز وأنتشرت أعمال التخريب والسرقه زى أبشع من اللى شفته فى خيبة 35 ينايم 2011 لأننا شعب لما يحب يعترض بيخرب فى بلده وأنتشرت الحرائق والسرقات وسماها السادات أنتفاضة الحراميه وتراجع السادات وأقال القيسونى وألقى القبض على كل أصحاب التيار اليسارى أو الشيوعيين كما كان يطلق عليهم شعبيا

بعد عام ونصف تقريبا كانت فيه مظاهرات لكن خفيفه جدا ومعظمها كان فى الجامعات والكليات وتحديدا كلية هندسة أسكندريه اللى كانت عامله للسادات صداع إعتراضا على توقيه أتفاقية كامب ديفيد وبرضوا عملها التيار اليسارى أو الشيوعيين وقمعتها الداخليه وعقد السادات صفقه مع التلمسانى لمواجهة الفكر اليسارى بالفكر اليمينى الدينى وركز وخلى بالك معايا من التواريخ اللى بذكرها ومن هنا تفهم أن مظاهرات 18 و 19 كانت قبل صفقة التلمسانى وعودة الأخوان للحياه السياسيه يعنى اللى عمل ماظهرات 1977 و مظاهرات 1978 كان التيار اليسارى وتخليك حيادى ومتشيلشى الأخوان ليله مش ليلتهم

فى 23 فبراير 1986 وبعد كتب كتابى  بشهر ونصف  بالظبط كان فيه وزير داخليه أسمه أحمد رشدى مش مش حتشوف زيه تانى أبداً ظبط الداخليه ومنع الضرب فى أقسام البوليس وعاقب أى ظابط يشتم متهم فى القسم وخلى الداخليه زى مابتحلم فى خيالك تشوفها فحبه الشعب جدا وكرهته ظباط الداخليه وهوبا أحمد رشدى يقرر القضاء على الحشيش فى البلد وبدأ يضرب فى الصميم ودخلت الداخليه لأول مره حى االباطنيه وقبضت على المعلمين الكبار وأختفى الحشيش من مصر وأرتفع سعر قرش الحشيش من 4 جنيه لـ 40 جنيه خبطه واحده

طبعا ورا تجار الحشيش روس كبيره فى البلد وسخن وزير الداخليه وحب الشعب له سخنه وأفتكر أن الظهير الشعبى حيقف جنبه ووقف فى مجلس الشعب على المنصه وقاعد فوقه على منصة الرئيس رفعت المحجوب رئيس مجلس الشعب وقال أحمد رشدى مش فاضل غير راس واحده بتاجر فى الحشيش وهوأحمد المحجوب أخو الزبون اللى قاعد فوق منه ومستخبى فى أسكندريه وحروح أقبض عليه بنفسى وبعد كده اللى يلاقى قرش حشيش فى مصر يبقى يجى يحاسبنى ويبقى أنا اللى بتاجر فيه

مكانشى فيه أيامها حد بيتكلم فى السياسه من الشعب وسمعت الخطاب بتاع رشدى مع أمى وهنا بصت لى أمى وقالتلى مش حيطلع عليه القمر تانى وحيقتلوه الكلام ده مايتقالشى فى مصر

بعد منها بيومين وتحديدا يوم 25 فئراير قامت مظاهرات الأمن المركزى ودمروا البلد وخربوها وأنفرض حظر التجول وكان مبارك بره البلد ورجع فورا وأبو غزاله عرف يلم الليله بالصاعقه وأتشال أحمد رشدى والتحقيقات مع العساكر اللى أتمسكت أثبتت أن فيه قيادات من الداخليه طلعت أشاعه أن فترة تجنيد الأمن المركزى حتزيد من 3 سنوات لـ 5 سنوات لكن مبارك عرف أن اللى ورا الليله رفعت المحجوب وعرف ينتقم منه وقتله فى سيارته وشيلها لليمين الدينى وقتها ومن كلامى تفهم أن الأخوان برضوا ملهموشى دعوه بليلة الأمن المركزى

نيجى لتسليح الجيش المصرى بعد ماأستلمه مبارك

# القوات البريه :
19 لواء مشاه راكب (( عربيات ذات عجل ))
8 لواء مشاه ميكانيكى (( عربيات جنزير ))
10 لواء مدرع
3 لواء جنود مشاه مترجله
1 لوء برمائى
1 لواء صواريخ أرض – أرض
1700 دبابه __ 2000 عربه مدرعه __ 2500 مدفع هاون __ 700 قاذف صاروخى __ 1900 مدفع مضاد للدبابات __ 5000 مدفع أر بى جى

# القوات الجويه :
305 طائرة قتال
95 طائرة تدريب
70 طائرة نقل عسكريه
140 طائره هليكوبتر
# قوات الدفاع الجوى
150كتيبة صواريخ أس إيه أم
2500 مدفع مضاد للطائرات من عيار 20 مم فيما فوق

# القوات البحريه :
12 غواصه
5 مدمرات
3 فرقاطات
12 قناصا
17 قارب صواريخ
30 قارب طوربين
14 كاسحة ألغام
14 قارب أنزال

وهنا السؤال المنطقى هل هو ده تسليح الجيش اللى تركه السادات والأجابه طبعا لا وألف لا بل حافظ مبارك على الجيش وطوره وأنفق على تسليحه وحافظ على ترتيبه العالمى وحافظ على هيبته وسدد ديونه العسكريه فى مؤتمر باريس الشهير مما جعل أمريكا نفسها تطلب التدريب المشترك مع الجيش المصرى فى مايطلق عليه مناورات النجم الساطع عقب حرب الخليج

قلتلك فى سلسلة الصقر الذهبى أن مبارك فى أحدى زياراته لأمريكا عضو كونجرس أحرجه وسأله عن عدم تجنيد الأخوان فى الجيش فانفعل مبارك وقلتلك أنه هرب من السؤال وقال حبقى أجيب وزير الدفاع معايا بعد كده يرد على الأسئله العسكريه وسأل عضو الكونجرس وأنتم مانعين تجنيد المثليين ليه فى الجيش الأمريكى

مبارك فى عصره وعلى أيد أبو غزاله أعتمد الجيش على نفسه فى التمويل ودخل فى المشاريع الأقتصاديه بقوه حتى أصبح الجيش عنده فائض أقتصادى مكنه من الأنفاق على نفسه وعلى مصر بعد خيبة ينايم 2011 ولا حضراتكم فاكرين طنطاوى كان بيجيب منين وموارد البلد واقفه

حديك مثال بسيط عقلانى مبارك أستلم الجيش مفيهوش طائرات أباتشى فمن أين حدثت حادثة الطائرات الأباتشى ومن هنا يصعب أتهام مبارك أنه أهمل فى تسليح الجيش المصرى وحادثة طائرة البطوطى دليل على أرسال مبارك عسكريين للتدريب بره البلد وتعالى قولى كيف حصل السيسى على كل دوراته التعليميه مش فى عصر مبارك يبقى مبارك لم يهمل فى حق جيشه

مبارك بعد رحلة علاجه فى ألمانيا وبعد حديثه مع علاء أبنه اللى ذكرته لك فى سلسلة الصقر الذهبى سلم دقنه للمدام وده كان واضح فى أواخر أيامه ومعظم القرارات كانت بتطلع من غرفة نوم المدام وساب السايب لجموله وتسبب فى مشاكل له ولنظامه وأبتعاد أسامه الباز عنه وعمرسليمان نفسه كنت قلتلك فى سلسلة الصقر الذهبى كان قدم أستقالته لكن مبارك رفضها وحكيتلك القصه قبل كده

أذن مبارك بعد حادث الأقصر تحول لمبارك آخر وترك المدام تدير البلد من غرفة النوم وتحول لأسوء رئيس دوله حكم مصر بعد 1952 لكنه لم يخون مصر ولم يبيع ترابها وحافظ على جيشها وطوره وحافظ على ترتيبه وعمل على تطويره وأن كنت أعيب عليه عدم تنويع مصادر السلاح

فى الحلقه رقم 61 من سلسلة الصقر الذهبى كنت نقلت لك نص الماكلمه التلفونيه بينه وبين عمر سليمان وكلها مركزه على خلوا بالكم من الجيش وخلوا بالكم من مصر

بالنسبه لموضوع أعفاء مواليد كذا سنه من التجنيد فده كان شئ أقتصادى متعلق بحساب عدد المواليد وحاجة الجيش لمجندين وقوة تسليحك وليه السيسى لغى القصه دى السيسى ملغاش حاجه السيسى دلوقتى زود جيش غربى وهو قاعدة محمد نجيب وبيجهز جيش جنوبى وبعد مايكتفى بالعدد المطلوب ويلاقى عنده فائض مواليد حيعمل كده وده شئ معمول به فى كل جيوش العالم

التاريخ هو وحده من ينصف من يجيد ولا يرحم من يخطأ ومبارك لو عاوزين تحاكموه نحاكمه على الجهل المقنع المتفشى فى البلد ونحاسبه على تبوير عقول شعب بأكمله ونحاسبه على فساد من كانوا حوله ونحاسبه على تحويل الشعب كله لفاسدين ويستحق الأعدام 100 مليون مره لكن للحياديه مبارك لم يكن خائناً ولم يخون جيش البلد ولم يهمل فى حق جيش البلد لكنه كان مشغول يجيبلك منين علشان يملى بطنك علشان ماتتكلمشى فى السياسه علشان يفضل قاعد على كرسى الحكم

أصابعى بدأت تؤلمنى ونكتفى بهذا القدر على وعد بلقاء آخر ولا تأخذ كلامى على أنه آيات قرآنيه عليك البحث وتدقيق كل معلومه تاريخيه ذكرتها

زود التبس بتاعك ياصلاح واللى يعلق على المقال خد حسنتك منه وسيبك يابنى من ظراااااطين الفيسبوك 

جنرال بهاء الشامى