وماقتلوه ومافجر نفسه ولكن هجصوا علينا

هل مات البغدادى وهل أنفجرت جثته وهل وهل وهل ؟؟؟

قبل ذى بدء لم يرى مننا أحد الله لكننا نستميت على أثبات وجوده رغم عدم تأكد الرؤيه بالعقل أذن العقل هنا هو من أفضل معايير القياس والبراهيين

هل مات البغدادى وهل أنفجرت جثته وهل وهل وهل ؟؟؟

 كل هذه أسئله ولسنا هنا بصدد تكذيب الطاهره البريئه اللى مابتقومشى من على سجادة الصلاه أمريكا ولا أنا مصاب بفوبيا العداء الأزلى لكل ماهو أمريكانى ولكننا هنا مثلما فعلنا فى مقال أكذوبة أنفجار الصاروخ النووى الروسى أستخدمنا الحديث والخطاب العقلانى أيضا اليوم سنستخدم مع حضراتكم نفس الخطاب وياريت تراجع المقال ده

https://genralbahaaelshamy.blogspot.com/2019/10/blog-post_15.html

الأسطى أو المعلم ترامب قال فى تصريحاته أنه شاهد عملية قصف البغدادى لايف أذن أحنا أمام كاميرات مجهزه سلفا وتنقل لايف للبيت الأبيض أمام ترامب يعنى أحنا أمام فيديوهات يمكن تسجيلها فأين هذه الفيديوهات التى تثبت وجود غاره قتل فيها أى شخص بإحداثيات هذه المنطقه التى زعموا فيها قتل البغدادى  ؟؟؟

التلفزيون العراقى أذاع فيديوهات أرضيه وخلى بالك من كلمة أرضيه لعملية قتل البغدادى لم يظهر فيها سوى صور طوب وحجاره وقتيل واحد مع وجود تشويش مونتاج على وجهه وكأن ناشرين الفيديو لايريدون أن نعرف من هو المقتول ومن شاهدوا الفيديو أتحداهم يثبتوا أى شئ فيها يثبت أن دى غاره فى المنطقه المزعومه

مش حنقول ليه كل اللى بتقتلهم أمريكا مفيش جثه لهم زى موضوع أوباما وجثة بن لادن لكن طبعا من حقنا نسأل عن توقيت المسرحيه وهل له علاقه برفع أسهم ترامب قبل الأنتخابات زى ماحصل مع أوباما بالظبط مجرد سؤال ؟؟؟

أمريكا قالت أنه فيه أكثر من طائره أشتركت فى الغاره على مكان البغدادى يعنى فيه طائرات طارت فى مكان الروس لهم فيه أجهزة رصد بالعبيط وفيه أقمار صناعيه إشى فرنسيه على أسرائيليه على روسيه على مصريه على من كل لون يابتسطا وخلى دى معاك ... يعنى كل الدول دى المفروض لقطت تحركات لطائرات يعنى لما تطلع تتكلم تبقى بتتكلم بدليل وبرضوا خلى دى معاك وخصوصا أن المفتريه روسيا أجهزة رصدها فى كل مكان

طيب ناخد بالنا من تصريح وزير الدفاع الروسى وهو بيقول (( التى يقولون )) أذن الراجل بيقول هما قالوا لنا لكن معندناش تأكيد ورجع فى رد على سؤال لصحفى بيقول (( لم نلاحظ أو نرصد أى حركة طائرات فى المنطقه المزعومه )) وطبعا دى طائرات عاموديه يعنى سهل رصدها بسهوله وبعدين رجع تانى يقولك (( لازلنا نحاول التأكد حتى الآن رغم هدوء مسرح العمليات ))

حنحاول نصدق كل اللى قالته أمريكا أن البغدادى فجر نفسه ونسوانه فجروا نفسهم

أربط كل اللى فات وأنت تتأكد أنهم بيحاولوا يفهمونا حاجه وتعالى نوضحها

بعد أنسحاب أمريكا وهجوم تورأيا على شمال سوريا ومسرحية هروب الدواعش ثم التفاوض ورجوع كل شئ لما كان عليه أصبح واضح أن كان فيه صفقه شمال بين تورأيا وأمريكا وواقف يتفرج عليها الروس اللى هما فقط اللى حاربوا الدواعش ويزعلهم هروبهم من السجن ده لو أقنعنا نفسنا أنه كان سجن فعلى مش مكان تمركز وتجميع بعد ضربات روسيا المتتاليه وأتحدى أى بنى آدم يقولى أمريكا عملت مع داعش نص اللى عملته روسيا بالعكس كلنا شفنا روسيا بتحاصرهم فى كذا بلده وبتخرجهم خروج آمن  بعد تجميع الداتا منهم وبترحلهم على تورأيا اللى بتفاوض عليهم الأتحاد الأوروبى حاليا عليهم

أمريكا بتحاول تفهم العالم وتفهمنا بأفلام هيولوديه أنها مش واحده شمال وأنها شريفه وبتحارب الأرهاب بأمارة أنها قتلت البغدادى رغم عدم أقتناع مراقب العرض المسرحى الموجود فعليا على خشبة مسرح الأحداث

أقتنعت أنه وماقتلوه ومافجروه لكن بيحالوا يضحكوا علينا خير وبركه أما ولم تقتنع أنتظر عند فضح روسيا لعبثية المشهد اللى غالباً حتساوم عليه الأمريكان بعد كده لأن بوتين عمليا عاوز ترامب كمان دوره رئاسيه لأنه مش حيلاقى عدو أعبط من ترامب الميكرفونجى يتفوق عليه وينتزع منه سوق السلاح وأفريقيا ودول جنوب شرق أسيا ومابيشطرشى غير على دول الخليج ياكل عليها عيش

أنا فاهم وصانع القرار المصرى فاهم وكل مصرى ذو عقل فاهم لكن الشاطر من يعرف كيف يستغل أخطاء الآخرين ولسه لحد اللحظه إيران لم تعلن عن تصديقها لما حدث ولم تعلن أى جهه مصريه رسميه أنها صدقت المسرحيه

جنرال بهاء الشامى