ليه سهم الصداقه ؟؟؟

طرحنا سؤال على مواقع التواصل الأجتماعى الأكثر شهره فيسبوك وتويتر لماذا سميت مناروات سهم الصداقه بهذا الأسم وهل هو أسم عشوائى أم أسم له مغزى وأختاره خبراء عسكريين بمنتهى الحكمه وأنتظرنا 3 أيام ليجيبنا أحد فلم نجد أجابه وأنتظرنا تحليلات صفحات الصقور مش عارفه تنام والحمام لايبيض وجهابزة تقصير الكمائن الثابته ومعددتية التخليل (( بالخاء )) العسكرى فلم يجيبنا أحد كالعاده واليوم نحن على موعد والأجابه على السؤال وقبل أن ينطحنا أحد فى التعليقات أننا نذيع أسرار عسكريه نقول لهم مانعلمه يعلمه مثلنا كل الخبراء العسكريين الحقيقيين بالعالم  مش هبيدة الفيسبوك وتويتر ونبطل رغى وندخل فى الموضوع

مناوراتنا مع الجانب الروسى العام الماضى لقوات المظلات فى الجيشين الروسى والمصرى كان أسمها حماة الصداقه وهذا العام أسمها سهم الصداقه لقوات الدفاع الجوى بالجيشين وحماة سماء المعارك المحتمله

فى صفقات السلاح هناك بند ثابت ومدفوع الأجر لتدريب قوات الشارى على كيفية أستخدام تقنيات الأسلحه الحديثه ذات التقنيه العاليه تتم فى دولة البائع أو فى أماكن مخصصه لذلك فى دولة تاجر السلاح وخلى دى معاك

الجيش اللى بيجى يعمل معاك مناورات مش جاى يلعب معاك عشرتين طاوله لكن هو جاى وبيتحمل مصاريف نقل قواته وأسلحته علشان يستفيد أما من مسرح عمليات متوقع عندك أو جاى يستفيد من خبراتك القتاليه خصوصا وأنك أحد الجيوش المصنفه عالميا كأحد أكبر جيوش إجادة حروب الأرض المفتوحه يعنى جاى أما يستفيد من موقعك الجغرافى كمسرح عمليات محتمل أو جاى يستفيد من خبراتك التدريبيه والقتاليه اللى الجزيره بتقول عليها تدريبات غير آدميه وتدريبات سخره فلماذا يأتى الجيش الأمريكى والروسى والصينى أكبر 3 جيوش فى العالم للتدريب مع جيش التدريبات الغير آدميه وتدريبات السخره ياقناه زباله بتلعب على جهل وإستحمار متابعيها

الصواريخ الحديثه اللى جابها معاه الجيش الروسى أنت متدرب عليها عنده فى بلده  أكاديميا ونظريا وعمليا والمفروض أنه جاى وبيتحمل كل هذه التكاليف علشان يستفيد من خبراتك يبقى منين هو اللى دربك عليها ومنين جاى يستفيد من خبراتك أنت يعنى أزاى دكتور الجامعه يروح يذاكر مع طالب خلص الكليه فى بيتهم ويتحمل المواصلات ووجع الدماغ إلا لو فيه حاجه تانيه

الدرون أو الطائرات بدون طيار عامله صداع لدول العالم وقدرت تزعل السعوديه بالجامد قوى وحادثة السعوديه لفتت نظر العالم لخطورة طائرات الدرون

منظومة الصواريخ المضاده للدرون جايه مع الجيش الروسى وموجوده عندك من أكتر من شهرين وتمت تجربتها فى سماء القاهره وتدربت عليها قوات الدفاع الجوى ولاأول مره قوات من الشرطه المصريه وتمت تجربتها عمليا فى سماء القاهره بنسبة نجاح 100 % وبرضوا أنا لسه مجاوبتش على أى سؤال لكن بحاول آلاقى سكه أدخلك منها

فى عالم الصواريخ وركز معايا كويس فيه حاجه بالبلدى أسمها راجمة صواريخ جايه من مصطلح رجم يعنى حاجه كده زى المنجنيق

لكن اللى بيتشال على أيد الرماه هو السهم يبقى الصواريخ اللى جايه أو اللى جت أو اللى بيتم التدريبات المشتركه عليها صواريخ بتتشالى على الكتف أو مع الرماه زى السهام والسهم مالوش مدى محدد ولا له سرعه محدده لكن بتكون قوته ومداه بناءاً على قوة الرامى ومن هنا نفهم أن المنظومه الجديده متعددة المدى والقوه ومحموله على الكتف لسرعة النقل يعنى سيارة على أجهزة رصد لها مدى واسع ممكن تغطى مساحه كبيره من القاهره وتقدر ترصد طائرة الدروب وتقدر تتنقل بسرعه لمكانها وتتعامل معاها فى حدود مالايقل عن 20 كم حسب نوع الصاروخ

دقق فى بعض الصور اللى جبناها من على صفحة المتحدث العسكرى بيظهر فيها الصواريخ على أكتاف وحوش الجيش المصرى 

نيجى لتفسير شعار سهم الصداقه جسم السهم _ هو منظومة الصواريخ وحربة السهم <  عباره دولتى المناوره مصر وروسيا والسهم محمول على الكتف مثل سهام حروب زمان 

نطرح مع بعض شوية أسئله :

ليه روسيا جايه لحد عندك ومعاها كل القوات دى وكل المنظومات دى كماً ونوعاً ؟؟؟

ليه لم يتم الأعلان عن المناورات إلا بعد وصول القوات الروسيه لأرض مصر ؟؟؟

هل فيه حاجه جت مع الجيش الروسى فى وسط الزحمه ؟؟؟

هل الروس حيرجعوا بلدهم ومعاهم كل اللى جابوه معاهم ؟؟؟

ليه القوات الروسيه حضرت مساءاً مع أن النهار أفضل ؟؟؟

حد خد باله أن طائرات النقل العملاقه اللى أشترينا زيها من الأردن وظهرت فى فيديوهات وصول صفقة صواريخ متطوره لدوله بينا وبينها مشاكل هى اللى نقلت المعدات والأسلحه ده بخلاف طائرات نقل الجنود والأفراد ؟؟؟

السؤال الأهم ليه الجيش المصرى مابيعلنشى عن شراء الصفقات وبيعملها لها دعايه وهليله وفرح زى أبن تنزيله ماعمل وليه محدش بيعرف غلا بعد وصول الصفقات مصر بفتره طويله ومحدش بيعرف إلا بعد ماتظهر الصفقات فى فيديوهات المتحدث العسكرى مع العلم أن مش كل الناس بتفهم فى أنواع الأسلحه يعنى فيديوهات المتحدث العسكرى بتنشر لجهات محدده ومضمونها تعاقدنا وأشترينا وجبنا ودخلنا وأتدربنا وأنتم نايمين على صرصو ودانكم ؟؟؟

السؤال التانى وتفهمه من تصريحات السفير الروسى بالقاهره لما قال صفقات السلاح المصريه سريه بناءاً على طلب الجيش المصرى وهنا السؤال فيه دول بتعمل حلمبوحه لما تشترى كرتونة صابون يبقى ليه الجيش المصرى محدش بيحس بيه وليه صفقاته أو معظمها بيتم فى سريه

والسؤال الأهم هل الواد بتاع وكالة وناسه يفهم حاجه فى الكلام ده وهل فعلا ينفع يحكم دوله بحجم مصر ولا مجرد التفكير فى ذلك أهانه لمصر وشعب مصر  ؟؟؟

قبل ماحد ينطح فى الكلام أنا حاولت أبسط الموضوع علشان معظم الناس تفهمه خصوصا الناس اللى مخدمتشى فى الجيش لذلك لم أدخل فى مصطلحات عسكريه معقده أو أنواع أسلحه 

جنرال بهاء الشامى