طراطير وصفافير والهبد العبيط رقم 3 والأخيره

نعود وحضراتكم لكشف الغبار عن أحداث معلومه للقاصى والدانى لكننا سنقوم بعملية الربط بينها لأستخلاص الحقائق التى أصبحت سهله الآن بعد أن أصبح المشهد على الأرض واضحا فلم يكن من المستساغ التوصل لما توصلنا له قبل عملية الربط بين معاهدة قبرص واليونان وأتفاقية السعوديه فهيا بنا لكن قبل الخوض فى سياق السرد لنا رجاء وهو عدم إصطحاب العواطف والإعمال الكامل للعقل

عندى ولى عهد شغوف بكرسى الحكم فى بلاده ومنذ أن تولى ولاية العهد وهو يقوم بفرقعات إعلاميه للأستحواز على ظهير شعبى فى بلاده وأظن واضح أمام الجميع أنه يحاول بكافة السبل إرضاء المنظمات العالميه الحقوقيه والعالم الخارجى وشعب بلاده الداخلى وكلنا قرأنا أخبار مايطلق عليه عمليات الأصلاح الداخلى

شيكاليطه عنده فى الداخل تيار يمينى متشدد متعجرف ومتحكم فى معظم البلاد وعلشان ياخد ضد هذا التيار موقف لعمليات مايطلق الأصلاح الداخلى لأرضاء بعض المنظمات العالميه التى تتشدق بحقوق الأنسان والنسوان عليه أكتساب ظهير شعبى مناصر له داخليا

دعبس فى دفاترك القديمه على ملف شعبى ممكن يعمل ضجه وفرقعه إعلاميه فوجد ضالته فى ملف طراطير وصفافير لكن كيف لمصر أن تفرط فى جزء تحت سيطرتها حتى لو مش حقها وخصوصا أن عندنا رئيس مصرى لم يفرط فى تراب غيره زى سوريا وزى ليبيا فكيف سيفرط فى تراب بلده أصلاً  وهو مافرطشى فى تراب غيره وركز فى دى قوى وحطها حلقه فى ودنك

رئيس مصر عنده مشاكل أقتصاديه لاحصر لها فى عام 2014 م وخصوصا أنه عنده ملف لاتقدر عليه الجبال ومحتاج لأنهاء الملف ده مليارت من الجنيهات وهو أكبر ملف كان يواجه أبو بنطلون رصاصى وهو ملف الكهرباء خصوصا وأن قطيع الأخوان المستخولين كانوا شغالين عليه كويس قوى وخصوصا وأن لهم عناصرهم داخل وزارة الكهرباء منذ صفقات أنتخابات 2005 م بتاعة بتاع الضربه الجويه والسماح لهم عبر تعينات نوابهم بمجلس الشعب المشئوم 2005 م لعناصرهم بوزارة الكهرباء وأكيد كلكم فاكرين تفجيرات المولدات وأبراج الضغط العالى وفاكرين حالة ملف الكهرباء فى العشرين عاما الماضيه  

تقابلت مصالح الطرفان فى طريق واحد  ولى عهد عاوز يعمل ظهير شعبى من خلال عمل بطولى فشل فيه أبائه وأجداده من أيام عبدالناصر والسادات ومبارك وواحد عاوز يحل أكبر مشكله بتواجه بلده وهى ملف الكهرباء

أعمل يانجم أتفاقيه بعودة طراطير وصفافير للسعوديه علشان ترفع شعبية ولى العهد والطرف الثانى تتحل له مشكلة الكهرباء عبر أنشاء محطات توليد جديده ومساعدته فى أصلاح مادمره الأخوان وأبنى له محطة توليد كهرباء جنوبيه بتمويل سعودى مباشر تصدر كمان كهرباء للأتحاد الأوروبى جنوب أسوان (( السيسى جاب فلوس الكهرباء دى كلها منين ؟؟؟ ))  

عملنا الأتفاقيه لكن عندنا مشكله وهى هل سيتقبل المصريين التفريط فى حفنة رمل من آراضيهم أزاى والشعب ده مجنون رسمى بتراب بلده ومش حيتقبل الموضوع ده بسهوله

هوبا تطلع أبواق المطبلاتيه تسبح بحمد الأتفاقيه وأنها بتضرب إسرائيل فى مقتل فهل كانت ستتقبل إسرائيل هذا الحوار وخصوصا أن المنظمه الأمميه وأمريكا تحت رجليها

عندك معضلتان معضلة شعب مجنون رسمى بتراب بلده ومعضلة إعتراض إسرائيل على بنود الأتفاقيه

زى ماقلتلك الحلقه الماضيه وشرحت بالتفصيل يقوم عمنا خالد على رافع قضيه وأتنين ويمشى فى الأجراءات وعلشان الشعب السعودى مايقولشى النظام المصرى عطلها من خلال القضاء القضاء مره يحكم بصحة الأتفاقيه ومره لأ ومره تترمى فى حجر المحكمه الدستوريه ومره فى حجر مجلس النواب وأهو وقت وبيعدى وبيتحرق

عندى كمان نقطه مهمه أن عدم التسليم لحد النهارده يمثل ورقة ضغط على شيكاليطه كل لما يطلع بره طوعى زى ماطلع وسخن فى حادثة أرامكوا الملف ده يرجعه تانى لعقله

عندى كمان عدم التسليم يخلى شيكاليطه تحت طوعى وخصوصا فى الملف السورى وهو بيدعم جبهة النصره وهو اللى دخل الناتو ليبيا وردم ليبيا إرهابيين وعدم التسليم يقدر يخلى شيكاليطه يغير موقفه لصالحى فى الملف بنسبة 100 % وشوفنا بعنينا مش بألف كلام السعوديه تخلت عن جبهة النصره وتخلت عن دعمها للأرهاب فى سوريا وطلعت من تحت طوع أمريكا اللى كانت متوافقه مع السعوديه وقطر فى الملف السورى وأكيد كلكم فاكرين موضوع سيارت الدفع الرباعى وشركة تايوتا

فجأه يانجم بعد ماكانت السعوديه مع تركيا فى الملف السورى بيلعبوا ويباصوا كوره لبعض بقت تركيا لوحدها فى الملف

فجأه يانجم السعوديه حبيبة تركيا فى الملف الليبى بقت هى والأمارات وراك بالفلوس والدعم السياسى فى ملف ليبيا رغم أنهم فى الأول اللى نجحوا فى أستصدار قرار من الجامعه العربيه بتدخل قوات الناتو اللى كان على رأسها القوات التركيه

أصبحت علاقة تركيا والسعوديه والأمارات تتأرجح بين التقارب والتباعد وتقاربهم يعملك مشاكل وتباعدهم بيخدم ملفاتك وتركيا ضدك والواد شيكاليطه عمل الشعبيه وراضى المنظمات الحقوقيه لكن لازال شيكاليطه متمرد وكل شويه يفلفص من أيدك وأبوه يروح يرقص بالعصايه فى قطر وأبن تنزيله قال إيه يروح يعملى عمره فى السعوديه فكان ولابد من قطع عرق وتسييح دم مش حنقعد فى الوش ده على طول

كانت القضيه 148 محاكم عسكريه بتاعة تنظيم العريش ورقة النجاه لأبو بنطلون رصاصى والمعلومات اللى حصلت عليها المخابرات المصريه وقابل أبو بنطلون رصاصى عمك أبو الواد شيكاليطه فى قمة البحر الميت وخده على جنب والواد أبن موزه بيرغى فى كلمته فى قمة البحر الميت وقاله على المهموز اللى كان عاوز يعمله أبن موزه إلا ياعم الحاج وياروح مابعدك روح الواد شيكاليطه يقطع الكلام مع أبن موزه وبعد ماكانوا حبايب بقوا ضراير وبينهم ماطرق الحداد

   

شيكاليطه بيعك كتير وشاب وواخده الحماس ويروح عامل مصيبة الحريرى واللى يطلعه منها أبو بنطلون رصاصى وأكيد حضرتك فاكر المؤتمر الصحفى اللى كان بيقول فيه الحريرى الصغير عرفت مين قتل أبويا بعد ماقعد مع أبو بنطلون رصاصى ومش حتكلم وينام كمان موضوع قتل الحريرى الكبير والدنيا تدور الموضوع فى دماغها ويتعرف مين القاتل الحقيقى وينام الموضوع وتطلع سوريا بريئه

يجى شيكاليطه القاهره  ويجهز نفسه لتولى العرش ويختم أوراق إعتماده من قصر الأتحاديه ويطلع على أنجلترا ويشبرق البت تريزا ماى بقرشين والدنيا كانت ماشيه حلاوه لحفل تولى العرش لكن لاتأتى الرياح بما تشتهى السفن وغلطة الشاطر بألف ويغلط شيكاليطه فى حادثة خراخشنجى ويتأجل حفل تنصيب ولى العهد لحد الموضوع ماينام دوليا  

شيكاليطه يعلن عن بيع جزء من أسهم شركة أرامكوا وتتجنن الدول العظمى كل دوله عاوزه البيع فى بورصتها والواد شيكاليطه عنده بعض معارضين عاملين له صداع ويروح فيها الواد خراخشنجى

الدول اللى عندها بورصات عالميه زى نيويورك وأنجلترا تستغل الموقف وهاتك ضغط على الواد الغلبان والدول كلها تقف ضده ومايلقيش حد واقف جنبه غير الواد بوتين والأمارات (( الأمارت ورا السعوديه ولا الضالين آمين )) ومعاهم أبو بنطلون رصاصى

هوبا يسافر أبو شكرى الرياض ويرسى شيكاليطه يتصرف أزاى بسرعه ويدعمه سياسيا وتخرج من مصر تصريحات منصفه له  ولازم تقبض على الناس دى وتحاكمهم وتفوت الفرصه على أمريكا وأنجلترا اللى بيضغطوا عليك بأبن تنزيله وأبن تنزيله سخن وركب دماغه وغرقوه الكبار ضد الدوله اللى كانت بتساعده

ملخص تشابك الملفات تركيا خسرت سيالة الفلوس اللى كانت بتساعدها وده لصالحك فى ملفين سوريا وليبيا وقطر خسرت الدعم السياسى وأصبحت لوحدها وملفات ليبيا وسوريا ماشيه على حسب خططك وحبايب أمبارح أصبحوا أعداء ومن ساعتها وأقتصاد تركيا بيطوح وقطر أتقصقص جناحها وحليت مشكلة أعقد ملف داخلى فى أرضك الكهرباء وطراطير وصفافير زى ماهى فى حضنك ومعملتش مشكله أنت فى غنى عنها مع إسرائيل دلوقتى وحاطط شيكاليطه المتمرد تحت باطك ولو وصل لكرسى العرش حيبقى طوع أيدك على الأقل طول ماالسيسى فى الحكم وكل ده بورقتين زى عدمهم أتوقعوا أمام الكاميرات

هنا نأتى لسؤال جوهرى وهو ماذا سيحدث فى هذا الملف بعد رحيل السيسى ؟؟؟

ولا حاجه واللى حيجى مش حيعترف بورق لم يأخذ الشرعيه الدوليه الأمميه وأرجع للتاريخ وهاتلى مشكله حدوديه أتحلت غير طابا (( دى حاله خاصه علشان كان الملف ده فى أيد مخضرم سياسه أسمه السادات )) ولو اللى جه بعد أبو بنطلون رصاصى بنفس الدماغ حيقدر يستغل الملف ده لصالح بلده بنفس الطريقه

شكرا لكم على حسن متابعتكم مع التذكير أننى لم أذكر معلومه لاتعلمونها فأن أقتنعت فهذا ماأصبو إليه وتثبته الأيام القادمه والأحداث السابقه التى رفعت عنها الغبار وتعلمه قبل منى وأن لم تقتنع فيكفينى شرف المحاوله فأنا من أحد من يعتنقون مبدأ لست عليهم بمسيطر فلا أملك أقناعك بالأرهاب الفكرى لكنى خاطبت عقلك وأذكركم أننى الوحيد فى هذا الملف تحديدا الذى سبح ضد التيار وقلت من الأول تسليم مش حتتسلم فهل حدث تسليم ؟؟؟

لقراءة الحلقات كامله أون لاين أضغط على الرابط 

https://drive.google.com/file/d/1t5i2QU7Y3j9kq43GzF2sRuk2ntDZYU9V/view?usp=sharing

جنرال بهاء الشامى