أيوه سقوط الطائره عمل إرهابى
أيوه سقوط الطائره عمل إرهابى ولن تعيش مصر فى جلباب أمريكا
مش حنضحك على بعض أيوه سقوط الطائره الروسيه عمل إرهابى إحترافى مخابراتى
مشتركه فيه أكثر من دوله وأن كانت مصر وروسيا تتكتمان على نتائج التحقيقات
والتحليلات فهذا مفاده ماأسوقه لكم من أدله فيما بعد ولدواعى أمنيه مثل
مواقف كثيره ضد الرغبات الشعبيه (( أرجع كده لتصريحات العسيرى أمبارح وهو
بيتكلم عن هل تعلم دول التحالف مكان أختباء الحوثى وعلى عبدالله صالح لقناة
سكاى نيوز عندما قال سواء نعلم أو لانعلم هذه أمور لايجب البوح بها لوسائل
الأعلام لأنها تعطى ميزه للأعداء لمعرفة مايدور فى كواليسنا )) حاول ماتزهقشى منى لأنى ححاول أربط بعض الأحداث ببعضها وأنت تعلم أن السياسه العالميه كلها جزء لايتجزأ عن بعضه بحيث لايمكن فصل سلوك عن الآخر
حسألك فى الأول سؤال لولبى حلزونى ماهو موقف الأمريكان من ثورة 30 يونيه ولماذا هذا العداء الغير مبرر من تركيا و #قطر_بنت_الوسخه والكلب الأجرب الأسود عمر البشير وتسارع وتيرة سد النهضه الأثيوبى وتصاعد وتيرة الأعمال العدائيه الأرهابيه داخل مصر ؟؟؟
طيب خد السؤال التانى ليه معظم الدول اللى ذكرتها فى السؤال الأول سحبت أستثمارتها من مصر ؟؟؟
خد كمان سؤال ومش بعيد عن موضوعنا بل فى صلب الموضوع ليه أمريكا والمجتمع الغربى رافض نهائيا تسليح الجيش الليبى علشان يقدر يقضى على التيارات الأرهابيه فى دوله مجاوره لمصر ولها معاها حدود تصل لحوالى 1000 كيلو متر ؟؟؟
معلشى خد كمان سؤال ليه جماعة الأخوان الشيطانيه بتلعب على وتر عدم أستقرار الأوضاع الأمنيه داخل مصر ؟؟؟؟ خلى بالك حنحلل السؤال ده بإستفاضه شويه وحقولك منهجهم كويس قوى وساعتها ستكتشف أن الشيطان تلميذ خايب جنب جماعة الأخوان
نسيت سؤال معلشى وعارف أنك بدأت تزهق منى ليه أمريكا أوقفت تسليحك وتوقف أمدادك بقطع غيار لأسلحه متفق عليها عند شرائها فى عقود دوليه مبرمه بين دولتين والمفروض تحترم تعاقداتها ؟؟؟
يووووه يوقطعنى نسيت أهم سؤال ليه طائره روسيه بالذات وليه بعد التدخل الروسى فى سوريا ؟؟؟ السؤال ده أخطر الأسئله
أنا عارف أنك بدأت تزهق بس خد آخر سؤال ليه شرم الشيخ بالذات وليه جنوب سيناء ؟؟؟؟
خلاص والله العظيم أنا خلصت أسئله ونبدأ أنا وأنت نحلل مع بعض كل الأسئله اللى فاتت
لو حللنا السؤال الأول سنجد أن السيسى فى 30 يونيه أفسد كل مخططات رسم خريطة الشرق الأوسط الجديد اللى أمريكا وحلفائها الأستعماريين فضلوا سنين وسنيين يخططوا ويرسموا ويصرفوا المليارات لتحقيق هذا المشروع الأستعمارى التفككى (( عاوز بقى حضرتك أمريكا وحلفائها بعد كل ده يسكتولك تبقى راجل طيب قوى وغلبان ده أنت حيطلع ميتين أم اللى يتشددولك ... واخد بالك من يتشددولك علشان تعرف ليه طائره روسيه بالذات ))
طبعا السؤال الثانى تجيب عنه تبعيات السؤال الأول
نيجى لموضوع ليبيا أمريكا والغرب عاوزين ليبيا كده وتفضل كده علشان بترولها وعلشان تفضل منغصه عليك عيشتك زى الحما القرشانه وتفضل حدودك فى توتر خصوصا وانها طويله جدا وضبطها يكلفك الكثير والكثير (( عارف يعنى إيه تراقب 1000 كيلو وماتخليش الدبان يهوب ناحيتهم )) على فكره لو السيسى والجيش مالوش أى أنجازات يبقى كفايه عليهم ضبط الحدود الغربيه وأنا شخصيا شفت بعينى كيفية تأمين قناة السويس بجد بجد إعجاز بشرى لايقدر علي سوى المصريين ويكفى أنك تعرف أن الهوا اللى بتتنفسه فوق القناه بيتفتش ويتحلل وطبعا حضرتك عارف ده ممكن يتكلف كام وأكيد كده حضرتك فهمت أن كل أعمال التأمين دى أنهاك أقتصادى وبشرى ومخابراتى لدولتك
نيجى بقى لسؤال الأخوان أساتذة الشر .... الأخوان شغالين معاك بطريقة الجولات والأنهاك الأقتصادى والنفس الطويل يمعنى يعملوا عمليه أرهابيه وتأثر عليك وتبتدى ترفع من أجراءاتك الأمنيه وفى الناحيه التانيه فى الجانب الأقتصادى يتوقف حالك وتبذل مجهود فوق طاقتك فى محاوله لجذب الأستثمارات وبعد فتره ولما تبتدى الأمور تتحسن تيجى الأخوان تزغدك عمل إرهابى تانى ونرجع تانى من الأول ومع مرور الوقت تتصعب الأمور ويتولد أحساس لدى رؤس الأموال بأن الحاله الأمنيه فى مصر ستظل هكذا على طول طالما الأخوان خارج السلطه أو خارج الحياه السياسيه (( هنا بقى خلى بالك من تصريحات السيسى قبل سفره لبريطانيا حاول يطمنهم لكن ديل الكلب عمره مايتعدل )) وهنا أنا بقول تانى وبكررها لازم الأخوان ترجع تانى للحياه السياسيه (( شوف بوتين العنيد الجبار عمل إيه علشان يتفادى ضربات الأعلام الغربى والغضب الشعبى الروسى )) أرجع لمقالى السابق لهذا المقال )) والمثل بيقول الشيخ الشاطر يصرف عفريت عفريت نوحد الجبهه الداخليه علشان نقدر نركز فى الجبهه الخارجيه وأنا عارف أن فيه ناس كتيره حتعارضنى والنحانيح حتشتمنى علشان صراحتى
نيجى بقى ليه روسيا وطائرات روسيا علشان روسيا دوله قليلة الأدب وعديمة التربيه ووقفت جنبك وبتسلحك وبتساندك وتملك حق الفيتو فى مجلس الأمن ضد أى قرار يخص الشأن السورى اللى حضرتك ليك وجهة نظر مخالفه للدول اللى عاوزه تخلص على سوريا وعلشان أنت وروسيا عاوزين تحافظوا على الجيش السورى (( على فكره فى نقطه ماحدش واخد باله منها وهى أصرار مصر على عدم دمج العناصر المسلحه للجيش السورى لأن ده معناه لو دخل الجيش الحر والمعارضه المسلحه وغيره الجيش السورى حسب رغبة أمريكا والغرب أنك تقول على الجيش السورى السلام وتقرا عليه الفاتحه (( مش حنروح بعيد بص على العراق ))
آخر سؤال ليه شرم الشيخ وجنوب سينا تحديدا لأن شرم الشيخ هى الرئه الوحيده السياحيه والمكان اللى حضرتك بتقول عليه الأكثر أمناً فى مصر يبقى لما تنضرب فى أهم منطقه عندك تبقى أنت بلد شوورابة خورج وعلى فكره الضربه الجايه فى الغردقه وأحتمال حدوثها سيكون فى شهر أبريل القادم علشان يضربلك الموسم بتاعها زى ماضربلك موسم شرم الشيخ
نأتى بقى للختام وعاوزك تشوف أن سقوط هذا الطائره تم الترويج له إعلاميا وكأنه أول وآخر حادث فى العالم وتم تضخيم الحادث إعلاميا فى وقت متزامن مع زياره أنت كنت مستنيها علشان يمكن تحرك الدنيا شويه وتناسى الأعلام أن هناك طائرات أختفت زى طائرة أندونيسيا وطائرات أنفجرت فى المياه الأقليميه الأمريكيه زى الطائره المصريه وطائرات أنفجرت فى نييورك بتاعة برج التجاره وطائرات ألمانيه أنفجرت وأحداث كثيره لانستطيع حصرها ولو حبيت تجمعها لن تجدها نالت كلها مجتمعه هذا الشو الأعلامى المنقطع النظير اللى نالته هذه الحادثه منفرده
لن تتوقف هذه الحرب طالما بلدك قررت الخروج من العباءه الأمريكيه وعليك أما الصبر والوقوف فى خلف ظهر بلدك أو أن تقفز من السفينه وتتركها لناس تقدر قيمة وعظمة الأوطان
ليست هناك تعليقات:
إرسال تعليق