الأستاذ يسرى فوده وأنتفاضة 30 يونيه

 

أستضافت الأعلاميه رشا قنديل الأستاذ يسرى فوده فى برنامج بلا قيود وأسترسل الأستاذ يسرى فوده على مدار نصف ساعه كامله فى الهجوم على السلطه الحاكمه عموما وثورة 30 يونيه على وجه الخصوص بالرغم من أنه لم يذكرها صراحةً وكأنها رجس من عمل الشيطان

اللهم لانسـألك رد القضاء ولا نسألك اللطف فيه بدأت بها هجومك وبها أن شاء اله سنبدأ بها الرد عليك ونسأل الله أن يطهر مصر من أولادها العاقيين وأن لم أكن أريد فى يوم من الأيام أن أضعك فى خندق أجدنى مضطر لوضعك فيه بعدما رأيت الشيب يعتلى ملامحك وعقلك وأفكارك فلازال يسرى فوده يهوى أستعراض العضلات اللغوى والأشارات الصحفيه

قلت سيادتكم أن من يعارضوك هم قله وشرذمه قليله من أتباع ماأطلقت عليه هوجة مابعد 3 يوليو وأنهم من أصحاب الصوت العالى المسموح به وهنا سيادتكم تقصد أنصار 30 يونيه عموما والسيسى تحديدا وأن السيسى هو من يشجعهم على الصوت العالى للترويج له وهنا لنا سؤال أليس ماتقوم به على حد وصفك بالصوت العالى فى جريدة الشروق يوميا بالصوت العالى وأليس حوارك على مثل هذه القنوات بالصوت العالى وأليس هجومك على السيسى بالصوت العالى لو هو كما ألمحت وأدعيت بالحاكم المستبد ولا هو حلال لك حرام علينا

قلت أن الأعلام المصرى ردئ وسئ وهذه النقطه بالذات لفظيا أتفق معك فيها لكن ماكنت تقصده سيادتك هو التعالى والظهور بمظهر المعلم أو الناظر اللى مش عاجبه مستوى الطلبه وهنا أرد عليك بنفس طريقتك لقد أصابك الغرور والمرض النفسى والتعالى على زملائك السيئين والردئين

قلت معاليك أن الأمراض النفسيه أنتشرت بعد 30 يونيه والترهلات الفكريه وأنا أتفق معاك تماما فى هذه النقطه ففعلا أصاب المصريين الأمراض النفسيه والجنون نتيجة صبر الأداره السياسيه على أمثال سيادتكم ووجودهم بيننا فى ظل ظروف عصيبه تحتاج المخلصين فقط للتواجد فى المشهد الأنتحارى الذى تحتاجه البلد وتقوم به الأداره السياسيه منفرده

قلت معاليك أن الأعلام ضخم من سلبيات عام حكم الأخوان وتناسيت سيادتكم أنك الذى خرجت عقب أحداث الأتحاديه وقلت أن محمد مورسى لم يعد حاكما لكل المصريين ونسيت حضرتك أنك أنت اللى جبت مشاهد ضرب الأخ عماد المسيحى داخل المسجد وأنت اللى فضلت تعيد فى لقطة لما سألوه أسمك إيه وقال لهم من قسوة الضرب نسيته وهنا سؤال يطرح نفسه هو الأعلام اللى قال للأخوان تتعامل بجبروت أو تتعامل مع المصريين بتعالى ولا هو الأعلام اللى عمل الأزمات اللى كانت موجوده ولا الأعلام اللى قال للأخوان تتصرف بالطريقه دى فى أحداث الأتحاديه ولا الأعلام اللى قالهم كسروا المنصات فى جمعة كشف الحساب ولا ولا ولا نقول إيه ولا إيه ياعم يسرى دى كانت سنه أسود من السنه اللى عرفناك فيها

قلت أن الأعلام المسيس الموجه أستغل أخطاء الأخوان وشحن الرأى العام ضدهم ... طيب ياعم يسرى هو حد قالهم يسحلوا الشيعه كده فى مصر وأنت بالذات اللى كررت المشاهد دى ومين ياعم يسرى اللى أتكلم عن أحداث محمد محمود وقال الأخوان سابوا الميدان وراحوا قعدوا يتفاوضوا على الكراسى (( الأحداث كثيره بس أنا بذكر الأحداث اللى الأستاذ يسرى فوده ركز عليها أيام شغله فى أون تى فى ))

قلت ياعم يسرى أنك كنت صداع فى رأس المجلس العسكرى (( عيب ياعم يسرى لو أنت عامله لهم صداع مكانشى اللواء عتمان على ماأتذكر طلع على الأون تى فى مع ريم ماجد وتوسل إليك ترجع لبرانمجك لما توقفت عنه ... فاكر يابا ولا بتستهبل ))

قلت أنك الوحيد اللى نشرت صور ماسبيرو وأن باقى القنوات وباقى زملائك أتقال لهم ممنوع النشر (( ليه بقى ياعم الحاج فيه على راسك ريشه ولا أنت أبن سبع الكرنمبه اللى يمنع غيرك يقدر يمنعك وبلاش تمثل دور الفدائى )) ولا أنت أبن بارم ديله

تحدثت كثيرا عن دولة عبدالناصر الأعلاميه وحاولت فرض هذا المصطلح على اللقاء والمتلقى فى إيحاء قذر ومتدنى للسيسى (( سؤال يابا الحاج لو السيسى زى عبدالناصر تقدر تقولى كان زمانك فين ههههههه ولا كنت قدرت تفتح بقك ولا خشمك ))

شوف يابا الحاج أنت وأنا عارفين البرامج دى بتتعمل ليه ومش علشان تقدم مصوغات تعينك فى قنوات ضد مصر تطلع تشوه فى البلد والشعب كله وتتهمه بالجنان ولاتعترف بثورة 30 يونيه (( النقطه دى تحديدا أن متفق معاك فيها فهى لم تكن ثوره بل كانت أنتفاضه ضد المستعمر الأخوانى عارف يعنى إيه مستعمر يابا يابتاع المصطلحات ولا نعرفك )) الله يرحمه عبدالناصر لو كان عايش كان صلاح نصر عمل معاك الصح

ياعم يسرى عملنا ثوره فى يناير لكن أنت وأمثالك خلتونا شلنا الطيار وجبنا حمار لكن بعون الله قدرنا نصلح غلطتنا وعملنا أنتفاضة 30 يونيه

ياأستاذ يسرى مش علشان بقيت عاطل وخالى شغل (( المقاله بتاعة الشروق متأكشى اللى زيك عيش )) تروح تلاغى إعلاميه كبيره زى رشا قنديل تطلعك فى برنامجها علشان تلمعك وتظهر فى ثوب المعارض الثورى الجرئ الفدائى الوحيد اللى قادر أنه يقف قدام الحاكم الظالم المستبد عبدالفتاح السيسى فيه طرق كثيره مثلا كنت أستغليت تاريخك فى البى بى سى أو الجزيره لكن للأسف لطخت كل ده بأمراضك النفسيه اللى كانت واضحه قوى فى الأنسيال والملابس (( نفس أسلوب لبس فاروق حسنى )) التى حاولت بها أخفاء سنك لكى تجد لك فرصة عمل فى أى قناه مناهضه لمصر

ياأستاذ يسرى لولا مساحة الحريه الموجوده حاليا لما ظهر هذا البرنامج للنور ولما ظهرت مقالاتك كل يوم فى الشروق ولما كنت معنا خارج السجن بتهمة الأسائه لشعور المصريين بعدم إعترافك بأنتفاضة 30 يونيه ضد المستعمر الأخوانى ولولا مساحة الحريه فى مصر لما أستطاع أمثالى الكتابه أو التعليق على مقالى ولولا مساحة الحريه لما أستطاع أحد شير هذا المقال كان أتقالهم ممنوع

ياعم يسرى الأنسان منا عندما يكبر فى السن تزداد خبراته وتزداد حنكته لكن البعض منا تصيب الشيخوخه تفكيره وترفض الأعتراف بالزمن (( ياراجل أنا لما كنت فى سنك قلعت الأنسيال علشان ماحدش يعلم على عيالى ويتريق على أبوهم ويقول لهم أبوكم ..... ))

آسف للأطاله لكنه رد كتابى على نصف ساعه شفويه ولم أتطرق لكل الموضوعات ولم أتطرق لنشأة وتربية أبن محافظتى ويبعدنى عن قريته حوالى 15 كيلو وأعرف عنه مالايعرفه أحد ولكنى لم أود الخوض فى أمور شخصيه (( تعرف إيه عن بلدك ولا أهلك دلوقتى يافووده زمانك نسيتهم ونسيت فين طريق البلد ))