عودة الأخوان

عودة الأخوان 

 

بص لنفسك كده فى المرايه وأنت تعرف أنك بتساعد الأخوان على تدمير مصر
أى بنى آدم أو مجموعه أو جروب بنى آدمين أو منظمه أو تنظيم أو ماشابه ذلك دائما بيعمل لتحركاته مراجعه حتى يتدارك أى خطأ فى سبيل تحقيق أهدافه وكذلك يفعل تنظيم الأخوان الأرهابى فى المشهد المصرى تحديدا الذى نالته فيه هزيمه غير متوقعه له ولأنصاره ومؤيديه ومن خلفهم الدول التى خططت وساعدت التنظيم على إحتلال مصر
أى متابع بسيط لمنهج الأخوان عقب الأنتفاضه المصريه (( على فكره أنا مصر على تسميتها أنتفاضه وليست ثوره لأننا أنتفضنا على الأحتلال الأخوانى ولم نثور على نظام حكم )) نعود لموضوعنا ومنهج تنظيم الأخوان فهو يعتمد فى المقام الأول على التعجيز ثم التشويه ثم الأنقضاض ثم التمكين

نفسر الكلمتين المجعلصين اللى فاتوا ونقول الأخوان يحاولون بشتى السبل تعجيزك أقتصاديا علشان يجوعك ويركعك تحت رجليه والكلام ده مش خافى على أحد ومنهجهم فى ذلك عدم إيجاد إستقرار أقتصادى وعدم إستقرار أمنى وتقريبا هما لحد الآن وبلاش نضحك على بعض ناجحين فى ذلك معتمدين على قلة صبر المصريين والأرهابيين الذين زرعوهم فى سيناء أيام المهيطل مورسى (( على فكره بتغيظهم قوى طريقة كتابة أسم أبن سنيه بالطريقه اللى بكتبه بيها أنا مش ضعيف فى اللغه العربيه وقاصدها ))
خيرت الشاطر هو أول من أستغل الأنترنت وخلق اللجان الألكترونيه لخلق رأى عام وتوجه يخدم مصالحه أولا ومصالح جماعته بالتبعيه (( لو السيسى دخله المزه بتاعته السجن وعمل زى مبارك ممكن مشاكل كتير تتحل )) ومن بعد الشاطر عرفت دول كثيره موضوع اللجان وبدأت فى أستغلالها على سبيل المثال حاليا أسرائيل والفلسطنيين بيعملوا مع بعض شغل حلو قوى
مهمة هذه اللجان حاليا حتى وأن وضعوا علم مصر أو صورة السيسى على صفحاتهم هى خلق حالة يأس بين المصريين (( يعنى المصريين ييأسوا ويشعروا أنهم مع السيسى دخلوا فى حيطه سد )) وتبدأ الحاله النفسيه تتقبل عودتهم لحل مشاكل البلد والخروج من النفق المظلم اللى دخلت فيه البلد كما صورت تلك اللجان (( يعنى بالبلدى كده عاوزين يرجعوا بناءاً على توافق ورغبه شعبيه )) بعد أن تكون الصوره أترسمت فى خيالك سودا ومهببه بطين وزفت وتنتهى مرحلة التعجيز والتشويه ونرجع تانى لمرحلة الأنقضاض ثم التمكين
أنت بقى بنشرك للسلبيات وسعر كيلو الطماطم وسعر كيلو الليمون (( على فكره منتظر أسعار بعض الخضروات تكون فلكيه نتيجة تلف بعض الزراعات نتيجة السيول الأخيره اللى السيسى مالوش ذنب فيها )) وأسعار الكهربا وأسعار المواصلات والخدمات وتقارن بين نظام السيسى ومبارك كل ده بيغطى الصوره بالسواد وبتساعد على خلق الحاله اللى عاوزها الأخوان وبتقرر بتصرفاتك عودتهم للحياه من جديد (( لو مافهمتش كلامى أعتبره مش لك ))
اللهم أنى بلغت اللهم فأشهد