الصقر الذهبى رقم 47

توقفنا وحضراتكم فى المقال السابق عند بداية تحرك حشود ميدان مصطفى محمود بأتجاه ميدان التحرير وشرحنا أهدافها وفندنا القرار وشرحنا التحركات التى حدثت من الأخوان بعد أنصراف الغالبيه العظمى من المتظاهرين وقرارهم بالتصعيد وإعادة الحشد مره أخرى وقلنا أن قرار ذهاب محتشدى ميدان مصطفى محمود كان قرارا غبياً وبدءأً من هذه الحلقه سنتعرض بالتفصيل والتحليل لما أطلق عليه موقعة الجمل ومش عاوز حضرتك تزهق منى علشان لما ننتهى من أحداثها تبقى عارف عن يقين وبرهان كل المتسببين فى هذه الموقعه ورغم أن الغالبيه الآن تشير بأصابع أتهام قويه ناحية جماعة الشر لكننا فى المقالات القادمه لن نشير بل سنوجه الأتهام المباشر وكما حملنا جمال مبارك مسئولية قراره الغبى بمحاولة تصفية عمر سليمان جسديا وقراره الأغبى بالحشد المضاد فى ميدان مصطفى محمود سنوجه أتهام بأصابع فولاذيه ودلائل قويه لاتقبل التشكيك وبراهين عقلانيه لايرفضها إلا مغرض ومعتوه لجماعة الشر المسلمين سابقاً 

توجهت الحشود من ميدان مصطفى محمود متوجهه لميدان التحرير من أتجاه ميدان عبدالمنعم رياض لكن الأخوان سدوا هذا الطريق بأجسادهم ولو أنصار مبارك للحياديه كان من أهدافهم الفض بالقوه كان تعاملوا مع الموقف من هذا الأتجاه لأن كانت حتكون خسائر الأخوان أكثر لكنهم عدلوا خط سيرهم ودخلوا من أتجاه ميدان طلعت حرب كان واقف فى هذا الأتجاه ظابط جيش أسمه السيد أبراهيم عبدالمقصود كما هو وارد فى تحقيقات موقعة الجمل وكان معاه سلاحه الشخصى عباره عن طبنجه 9 مم وبها 4 طلقات فشنك فأطلق منها طلقه واحده فى الهواء لمنع متظاهرى مصطفى محمود من دخول ميدان التحرير لكن الطلقه لم تحقق الهدف المرجو منها فأكتفى الظابط بطلقه واحده وألتزاما بتعليمات القاده المستديمه بعدم التعاطى مع أى ردود أفعال أتجاه أى مجموعه من أفراد الشعب لتفويت الفرصه على الصدام مع القوات المسلحه زى ماشرحنا فى مقالات سابقه



خلال دقائق معدوده أستطاع متظاهرى مصطفى محمود دخول الميدان ... راكبى الخيول والجمل ومعهم مئات المتظاهرين من دخول الميدان وكان عدد الخيول 13 حصان وجمل واحد فقط لاغير وفور دخولهم ميدان التحرير حاوطتهم وحاصرتهم قوات الأخوان وضربوهم وأعتدوا عليهم وقبضوا على بعضهم وساقوهم لأماكن حجز كانت معده سابقا فى بعض شقق ميدان التحرير ونفق محطة مترو السادات وطبعا خدوا الطريحه التمام والأخوان بأمانه ماتتوصاش فى الحدوته دى وتاريخهم حافل بالأجرام والدمويه وعندنا حادث سائق تاكسى المنصوره اللى قتلوه بعد علقه سخنه لمجرد تشغيله أغنية تسلم الآيادى وحطوا الخنجر فى رقبته وعدوه للناحيه التانيه وأكيد كلكم فاكرين صورة سائق المنصوره الشهير الذى أطلق عليه شهيد تسلم الآيادى

 وعماد المسيحى اللى خد الطريحه الصح داخل منبر أحد المساجد فى أحداث الأتحاديه اللى لما سألوه عن أسمه قال أسمى عماد ولما سألوه عن باقى أسمه خاف أن الأخوان تعرف أنه مسيحى فقال لهم نسيت أسمى

 وحوادث الأطفال وعلى رأسها حادث أطفال سطوح محطة سيدى جابر

 وحادث تطبيق حد السرقه على بواب عمارة ميدان النهضه اللى قطعوا صوابه قدام كاميرات العالم بدعوى أنه سرق موبايل بأوامر من البول تاجى

والأمثله كثيره ولا تحصى ولا أريد تقليب الجراح على حضراتكم لكن أنا بتحدى واحد يجيب لى دليل تليفزيونى واحد يقول أن متظاهرى مصطفى محمود ضربوا أى بنى آدم ولو بالقلم ولو عاوز تتأكد من دموية تلك الجماعه المارقه معاك رابط فيه ملف أنسانى صغير أحسن تفتكر أننا بنظلمهم 

https://www.facebook.com/pg/Brotherhood.Kharijites.This.Time/photos/?tab=album&album_id=241771972672899

 بعد متظاهرى مصطفى محمود ماخدوا الطريحه الصح على أيد ميليشيات الأخوان كان فى نفس الوقت عمنا وائل غنيم شغال على الفيسبوك بيولع الدنيا والصور والفيديوهات شغاله على الفيسبوك وألف مين يشير ويدعو للحشد مره أخرى ويطالبون بالعوده للميدان لحماية الغلابه والمساكين فى ميدان التحرير رغم أن متظاهرى مصطفى محمود كانوا غلابه ولا بيهيشوا ولا بينشوا

 وعلى الجانب الآخر وأقصى الشرق بأتجاه الخليج العربى فى كشك قطر قناة الجزيره شغاله حريقه وتسخين وقبل أن تهرب الخيول والجمل من ميدان التحرير والأحداث شغاله كانت الجزيره بقدرة قادر جمعت المعلومات والتحريات ووصلت للمعلومات وأعلنت أن نظام مبارك هو المسئول وهو الجانى عن ماأطلق عليه موقعة الجمل رغم أننا شاهدنا أن الخيول والجمل لم يمارسوا أى أعمال عنف وكلنا شفنا أنهم هم المجنى عليهم لكن الترويج الأخوانى أستطاع أقناع الناس أن المجنى عليه أصبح جانى وأن 13 حصان وجمل واحد لديهم القدره على أفتعال هذه المعركه وشربنا كلنا المقلب الكبير ده زى كل المقالب اللى شربناها من مسرحيات الأخوان وعلى سبيل المثال مسرحية تسقط أسرائيل والموت لأسرائيل وعلى القدس رايحين شهداء بالملايين وأول شئ فعلوه بعد الأستيلاء على كرسى حكم مصر هو الأعتراف بمعاهدة وإتفاقية الغزى والعار كما صدعونا وكان مورسيهم حريص أشد الحرص على تطمين الأسرائيليين فى أكتر من مناسبه وأكتر من خطاب متخافوش على المعاهده طول مارجالتكم فى مصر على الكرسى ولو كان عاوز يحرر القدس كان قال لبيك يافلسطين أو لبيك ياقدس وسفر آلاضيشه لفلسطين زى ماعمل وقال لبيك ياسوريا وسفر آلاضيشه لسوريا 



قبل الليل مايدخل فى اليوم المشئوم كانت عناصر غامضه تسللت لأسطح العمارات فى ميدان التحرير وبدأت فى ألقاء زجاجات المولتوف وأطلاق الذخيره الحيه بهدف أشعال الموقف مره أخرى وأسقاط ضحايا وقتلى وتحميل نظام مبارك مسئوليتهم ولو فيه حد عاوز يجيب حق الناس اللى ماتت فى اليوم ده يفتح ملف القضيه دى تانى ونفكنا من بيرقراطية القوانين وأن القضيه أغلقت قانونا لعدم تقديم الطعن فى موعده وأى قانون هذا الذى نتحمله ونتحمل بيروقراطيته وحق ولادنا ودمائهم بتروح هدر أى قانون هذا الذى يقول أن دماء ولادنا تضيع هباء بجرة قلم أى قانون هذا الذى يستطيع بسطر بقلم جاف على ورقه لاتساوى شئ أن يضيع حق الشهداء والمصابين فأن كان هذا قانون الأرض فنحن نعلنها مدويه وبأعلى صوت وبكل وضوح وليحدث مايحدث وجاهزين لتحمل العواقب (( يسقط هذا القانون وكل من يدافع عن بقائه )) بل لا أبالغ أن قلت يسقط هذا القانون ويسقط القائمين على بقائه وتنفيذه معه وليذهبوا بقوانينهم للجحيم وهنا أتوسل لمجلس النواب فى إعادة النظر فى القوانين التى تضيع الحقوق خصوصا عندما يكون الأمر متعلقا بحياة مصريين 



أندلعت معارك عنيفه فى الميدان وعاوزك تركز كويس لما نقول معارك يبقى فيه أكتر من طرف وأحنا عندنا طرف موجود أساسا فى الميدان ويتحكم فيه وفى مداخله ومخارجه بمليشياته والصبح كرشوا أنصار مبارك بعد ماخدوا الطريحه الصح ومات منهم 7 وأصيب أكتر من 757 بنى آدام والميدان خلى لهم تانى يبقى مين الطرف التانى فى معارك الميدان المسائيه ونقولها واضحه ميدان الأخوان مسيطرين عليه ومفيش فيه غيرهم يبقى أفتعلوا المعارك مع مين هل عمرك شفت حد بيقف قدام المرايه يضرب فى نفسه ونفسه ترد عليه الضرب ويقف هو ونفسه يلطشوا فى بعض ولو ركبت فى دماغك فيه ملاييين مثلى ماركبتشى فى دماغهم لأن عندنا ذرة عقل واحده يعنى بالبلدى الأخوان ضربوا وقتلوا أنصارهم وأفتعلوا معارك مع أنفسهم ليستغلوا تصوير الأحداث على أنها معارك بين طرفين أحداهما الأخوان والطرف الأخر أنصار مبارك 



أحتلت عناصر أخوانيه ميدان عبدالمنعم رياض وبلغة المعارك والحروب تمكنوا من تطهير الميدان من أى عناصر غريبه عنهم وأعتلوا كوبرى 6 أكتوبر وسيطروا تماما على الميدان والكوبرى وبدأت سيول من زجاجات المولتوف تهبط على أرض المعارك وألقيت قنابل مولتوف وحارقه على مبنى المتحف المصرى من العمارات المجاوره للمتحف التى تحتلها عناصر الأخوان وكلنا شفنا بعنينا المشاهد دى ماعدا طبعا اللى كان عندهم وقتها أقل من 15 سنه ودلوقتى عندهم أكترمن 20 سنه ويطالبون بسقوط حكم العسكر الآن بعد أن نجح الأخوان فى الشارع ووائل غنيم على الفيسبوك وقناة الجزيره فى البيوت أن يلصقوا كل مايحدث لأنصار مبارك والله يخرب بيتك ياللى أديتهم الفرصه على طبق من دهب بغبائك وغباء أمك وياريت حد يفكرنى نتكلم على قصة سيارة سوزان مبارك على كوبرى أكتوبر وفيديو أيمن نور وحديثه مع قناة أون تى فى الفيديو اللى كان وعدنا أيمن نور أنه يعرض نسخه منه بعد مايقدمه للنائب العام وأكتشفنا بعد ذلك أنه لاقدم ولا هبب حاجه على دماغه ودماغ اللى جابوه 



نيجى بقى لشهادات الشهود وكلها موثقه وموجوده بملفات قضية موقعة الجمل ولجنة تقصى الحقائق وتحقيقات النيابه العامه لكن هذا سيكون فى حلقتنا القادمه مع فريق مصر أم الكون وكالعاده سيكون معهم ومعكم لينقل لكم كل ماجمعوه من وثائق دامغه وتحقيقات النيابه وقاضى التحقيق وأقوال الشهود فى المحكمه علشان نعرف ليه لم يتم الطعن على حكم المحكمه وتقديم الجناه الحقيقيين للعداله والقصاص لدم أولادنا وتعرف الجانى الحقيقى بالأسم ومش عارف إيه اللى مسكت مرتضى منصور

جنرال بهاء الشامى