الموقف الأسباجتى رقم 15

■■ أتفقنا من ذى قبل أن الملف السورى هو الأنسب للمصطلح السياسى الموقف الأسباجتى

■■ أمريكا تاجر سلاح يهمه إشتعال الأزمات فى كل بقاع الأرض ودوله تجارة السلاح عندها أحد أهم مصادر الأقتصاد الأمريكى وملف سوريا زى ماأحنا شايفين أحلى سوق لعرض السلاح عمليا وأستغلته روسيا بحرفيه عاليه وأصبحت التاجر رقم واحد بالسوق ووضحنا ده فى مقال مفصل حادث طائرات الأباتشى ومعاك رابط المقال

http://genralbahaaelshamy.blogspot.com.eg/2018/02/blog-post_41.html

■■ أول المتضريين من أنشاء كيان كردى فى المنطقه هى تركيا كما هو موضح بالخريطه وآقل المتضررين هى سوريا أذن من مصلحة تركيا عدم أقامة أى كيان كردى بالمنطقه 

■■ بنسب متفاوته كل دوله لايهمها أقامة دوله كرديه وده الوت اللى بتلعب عليه أمريكا كورقة ضغط على تركيا لتنفيذ أجندتها فى المنطقه مع أن أمريكا نفسه لاتريد أقامة دولة الأكراد وأعلنت عن ذلك عند أستفتاء أكراد العراق لكن كما وضحنا فى مقال مسمار جحا هى لاتريد أن تفقد ورقة ضغطها على كل دول المنطقه يعنى أعمل مشكله لكن أحلها مستحيل ومعاك رابط مقال مسمار جحا

http://genralbahaaelshamy.blogspot.com.eg/2017/08/blog-post_71.html

■■ طيب تعالى نشوف الدنيا ماشيه أزاى ... أمريكا بتدعم داعش من تحت لتحت وكل شغلها فى الأونطه وبتلقح سلاح ياكبد أمها بالغلط وبتدعم الأكراد وتركيا أعترضت أكتر من مره رسميا على تسليح الأكراد

■■ تركيا هاجمت عفرين لكسر شوكة الأكراد ولخصوصيه شرحناها قبل كده بالذات لعفرين ولتلاقى المصالح الأسباجتيه الجيش السورى يدعم عفرين ضد تركيا وسوريا مش عاوزه أقامة دوله كرديه لكنها للضغط على تركيا فقط وهنا تتلاقى مصالح سوريا مع الأمريكان فى الحفاظ على ورقة الضغط على تركيا

■■ مصر اللى مش عاوزه تقسيم تركيا أعترضت رسميا  أيضا على عملية عفرين للحفاظ على أحد أوراق ضغطها على تركيا

■■ فكك من السعوديه لأنهم صبيان سياسه والملف ملهمشى فيه لكن شغالين فيه لتحقيق الأجنده الأمريكيه للحفاظ على الكراسى

■■ روسيا يهمها عدم تقسيم سوريا ومعاها إيران اللى مش عاوزه برضوا أقامة كيان كردى

■■ الكل مش عاوز أقامة دوله كرديه سواء اللى بيعلن ده صراحه أو بيقول عكسه فيما عدا أسرائيل وهنا تتضارب مصالح أسرائيل مع أمريكا وتركيا

■■ لو لسه دماغك متكعبلتشى تعالى نشوف بقى إيه الجديد فى الموقف

■■ الأكراد كانوا بيساعدوا سوريا  وروسيا وإيران ومصر والعراق فى محاربة داعش وسيبك من أمريكا لأن أتفقنا على موقفها من داعش تقولك بحارب داعش وفى نفس الوقت بتسلحهم أما بطريق الخطأ أو عن طريق التمويل السعودى وأمدادات وفتح حدود الأردن

■■ طيب كله سايب تركيا تتطحن فى عفرين وسط تعتيم أعلامى قذر عن أبادة شعب وقتل الجيش التركى فى أسبوع واحد 2060 كردى هنا يتصرف الأكراد أزاى

■■ أعلن الأكراد عن الأنسحاب من حرب داعش بعد أن سحبت أمريكا كل مساجين داعش اللى تحت أيديها وهربتهم بطائرات الهليوكبتر من الغوطه الشرقيه ونقلتهم لقاعدتها فى تركيا خوفا من وقوعهم فى آيادى سوريا أو أيران أو روسيا

■■ أتحجج الأكراد بأنهم عاوزين يركزوا جهودهم فى قتال تؤركيا وده حقهم رغم أنه يتعارض مع مصالح الجميع بما فيهم مصر

■■ هنا أمريكا تخلت عن الأكراد وسابتهم لقمه طريه لتركيا علشان يضطر الأكراد زى ماأعلنوا أمبارح أنسحابهم من حرب الدواعش

■■ كده أمريكا بتلعب بإحترافيه للحفاظ على مسمار جحا وهى تعلم أن الأكراد لازم يركزوا فى عفرين ويتركوا دواعش أمريكا لحال سبيلهم خصوصا أن الجيش السورى بدأ يحقق نتائج فى الغوطه الشرقيه

■■ أظن كده بقت واضحه أن داعش أولاد الأمريكان والسعوديه والأردن صبى بيخدم على المعلمين وطبعا أمريكا يهمها الحفاظ على الدواعش لعدة أسباب منها تهريب البعض منهم لسيناء وليبيا وبعد دول أفريقيا لتنفيذ السيناريو القادم وعدم أنهاء الملف السورى اللى روسيا كانت قربت تشطبه خصوصا بعد ماكله بدأ يتكلم عن تكاليف إعادة أعمار سوريا ومصر بدأت ترسل مندوبين للتفاوض على الأشتراك فى إعمار سوريا

■■ الأخوه اللى كانوا بيزرغطوا لزيارة الواد شيكاليطه لمصر تركت لكم رساله وسط السطور عسى أن تصلكم وتقرأوها وقبل ماتعلق أو ترد عليا أقرأ هذا المقال

http://genralbahaaelshamy.blogspot.com.eg/2017/05/11.html

■■ وقبل ماتشكك فى كلامى بخصوص قرار الأكراد معاك رابط لموقع تموله كطر أذاع الخبر نقلا عن الواشنطن بوست ومعاك الرابط

http://24.ae/article/425812/%D8%A8%D8%B3%D8%A8%D8%A8-%D8%AA%D8%B1%D9%83%D9%8A%D8%A7-%D8%A7%D9%84%D8%A3%D9%83%D8%B1%D8%A7%D8%AF-%D9%8A%D9%86%D8%B3%D8%AD%D8%A8%D9%88%D9%86-%D9%85%D9%86-%D9%85%D8%AD%D8%A7%D8%B1%D8%A8%D8%A9-%D8%AF%D8%A7%D8%B9%D8%B4#

■■ كده أنتهى مقالى وياريت تكون تخلصت من عواطف مؤقتاً

جنرال بهاء الشامى