نعود اليوم لنسبح فى السيره العطره
لعنقودنا الذهبى الثانى ونستكمل معا نبذه
سريعه عن حياته الشخصيه والعمليه وكنا قد توقفنا عند سفره للدراسه فى بريطانيا فى دوره تدريبيه فى إنجلترا وعاد ليشترك فى حرب
فلسطين عام 1948 وحارب قائدًا لسرية مشاه فى رفح وغزه وأقام خطًّا دفاعيًّا حصينًا فى منطقة رفح علشان
الكائنات اللى بتتهمتا بالتخاذل مجاش من ورا قضيتهم غير وجع الدماغ والقرف
الأقتصادى اللى أحنا فيه دلوقتى من تحت راس قضيتهم هما يلموا فلوس وتبرعات
والمصريين يخوضوا حروب بالنيابه عنهم وإحنا اللى ندفع التمن أجيال ورا أجيال
تعالى نوضح النقطه اللى قلتلك الحلقه
اللى فاتت عليها ووضحتها بالتفصيل فى سلسلة مقالات معجزة جيش وشعب ووضحتها فى مقال
ثغرة الدفرسوار وحنوضحها هنا لأنها فى غاية الأهميه وفيه لخبطه فى القصه دى
أحمد أسماعيل كان أحد أهم وأبرز
العسكريين فى العالم الذين يضعون الخطط العسكريه على السبوره وهو متميز فى ذلك
ولازالت الخطط التى وضعها فى حرب أكتوبر وقلتلك ححكيلك عليها تدرس حتى يومنا هذا
فى أكبر المعاهد العسكريه العالميه
أما سعد الشاذلى فكان أحد الفرسان
الذين يحولون خطط السبورات لواقع على أرض المعركه يعنى خير من ينفذ خطط السبورات
كما وضعها القاده
أما الجمسى فكان أحد أهم من يجهزون
الأفراد لتنفيذ هذه الخطط
يعنى عندى خطه على السبوره بتقول أنها
لو أتنفذت صح سيتحقق النصر وأحمد أسماعيل من اللى بيحطوا الخطط لكن الخطه محتاجه
لعقليه عسكريه تفهم خطط السبوره وتحولها لواقع ومعارك حقيقيه ودى بيقوم بيها
الشاذلى كويس وطبعا اللى حينفذ الخطط دى مجموعه من الأفراد بتحتاج تدريب عالى على
تنفيذ هذه الخطط وخير من يجهز لك هذه الأفراد هو الجمسى
هنا السادات كان عنده 3 من أكفاء
المطلوبين لمعركة أكتوبر واحد بتاع سبوره وواحد بينفذ رسومات السبوره وواحد بيجهز
اللى حيقوم بتنفيذ رسومات السبوره لكن كان فيه مشكله بسبب خلاف قديم بين أسماعيل
والشاذلى بسبب حتة الأقدميه العسكريه فى الكنغو والسادات عرف يتغلب على المشكله دى
ويخليهم يشتغلوا مع بعض رغم أن الشاذلى كان عصبى بعض الشئ وحنرجع تانى للنقطه دى
عاد إلى القاهرة وحصل على ماجستير
العلوم العسكريه فى كلية القاده والأركان عام 1950 ثم عمل مدرسًا بنفس الكليه حتى
عام 1953 لينضم مره أخرى إلى تشكيلات القتال ويشترك فى معركة الصبحه عام 1954
أختير عضوًا
بلجنة المفاوضات العسكريه مع بريطانيا حتى وقعت أتفاقية الجلاء عام 1955
فى عام 1955 كان برتبة عقيد وكان
قائدًا للكتيبه السابعه مشاه ففكر فى إنشاء
قوات الصاعقة وكون نواتها فى منطقة أبى عجيله ومن هنا تفهم أن أول وجود لقوات
صاعقه مصريه كان عام 1955 على أيد أحمد أسماعيل أنا الكلام أن فلان الفلانى اللى
أنشئها هو كل اللى عمله طورها مش أنشائها لكن أول تكوينها كان الفضل فيه للعقيد
أحمد أسماعيل على
أشترك أحمد إسماعيل فى صفقة السلاح
التشيكيه الكبرى عام 1955 وكون بعد وصول الصفقه أول تشكيل مقاتل وفق عقيدة القتال
الشرقيه بصحراء سيناء ثلاث كتائب مشاه وآسف كيكون فيه بعض المصطلحات العسكريه فى
سياق السلسله لأننا بنتكلم على شخصيه قضت عمرها كله فى الشأن العسكرى
خلال حرب 1956 قاد القائمقام أحمد إسماعيل اللواء الثالث مشاه فى القنطره شرق
بمنطقة القناه
فى عام 1957 سافر إلى الأتحاد السوفيتى وألتحق بأكاديمية فرونز
العسكريه وتخرج فيها عام 1958
فى عام 1959 عُيِّن كبيرًا لمعلمى
الكليه الحربيه حتى عام 1960
عمل مع ثورة الكونغو مستشارًا
عسكريًّا عام 1960 ثم أسندت إليه رئاسة هيئة العمليات للقياده العليا لقواتنا
المسلحه وخلى بالك من حتة الكونغو علشان حنرجع لها تانى
خلال الفترة من عام 1961 – 1965 تولى
قيادة الفرقه الثانيه مشاه بمنطقة القنطره شرق
خلال الفتره من مارس 1965 وحتى يوليو
1966 أتم دراسته بكلية الحرب العليا بأكاديمية ناصر العسكريه العليا
عند إنشاء قيادة القوات البريه عام
1966 عُيِّن رئيسًا لأركان هذه القياده وظل بها حتى حرب الخامس من يونيه
بعد حرب يونيه 1967 عُيِّن قائدًا
لقوات القياده الشرقيه والتى كانت تضم كافة القوات المصريه غرب القناه والتى كونت
الجيشين الثانى والثالث
قاد أحمد إسماعيل معركة رأس العش
والجزيره الخضراء 1967
فى نهاية عام 1968 عُيِّن اللواء أحمد
إسماعيل رئيسًا لهيئة العمليات
تولى رئاسة أركان حرب القوات المسلحة
خلفًا للفريق أول الراحل عبد المنعم رياض 1969
عُيِّن الأمين العسكرى المساعد لجامعة
الدول العربيه
أحيل أحمد إسماعيل للتقاعد عام 1969
بقرار من جمال عبد الناصر
عُيِّن فى مايو 1971 مديرًا للمخابرات
العامه المصريه والفتره الى قعدها فى جهاز المخابرات هى اللى ساعدته فى وضع خطط
بناءاً على تركيبة الظباط والعسكر الأسرائيليه وهى دى الجزئيه اللى كنت قلت عليها
فى إعلانات السلسله أنها ممكن تعمل لنا مشاكل لأنها فى منتهى الحساسيه وأول مره
يستخدم هذا الأسلوب فى الحروب العسكريه وكانت مفاجاءه بالنسبه للأسرائليين
فى أكتوبر عام 1972 أسند إليه أنور السادات منصب القائد العام للقوات المسلحة
وعُيِّن وزيرًا للحربيه برتبة فريق أول وحنتكلم فى الجزئيه دى بالتفصيل لما نيجى
لشهادة السيده زوجته لأن بصراحه فترة جلوسه فى البيت وسلوكياته محتاجه تتدرس
لأولادنا فى كتب التاريخ
فى يناير عام 1973 عُيِّن قائدًا
عامًّا للقوات المسلحه فى دول اتحاد الجمهوريات العربيه وفى ذات الوقت عُيِّن أيضًا قائدًا عامًّا
للجبهات الثلاث الشرقية بالأردن والشماليه بسوريا والجنوبيه بمصر
أخذ الفريق
أول أحمد إسماعيل فى التخطيط للعمليات العسكريه فى سريه تامه لتحرير أرض الوطن
فى شهرى مايو ويونيه 1973 قام إسماعيل
بواسطة القياده المصريه والسوريه بالإعداد للعمليات على كلًّ من الجبهتين ضد العدو
واخدلى بالك أنت عشان محدش يقولى الملك حسين بطل حرب أكتوبر أحسن المراره أنفقعت
فى شهر أغسطس
1973 تولى الفريق أول أحمد إسماعيل رئاسة المجلس الأعلى للقوات المسلحه المصريه
والسوريه الذى وضع اللمسات الأخيره وتحدد
يوم 6 أكتوبر لبدء القتال وشرحت قصة كيفية أتخاذ القرار فى سلسلة مقالات معجزة جيش
وشعب اللى حضراتكم أهملتوا متابعتها وأضطررنا لوقفها لأنعدام المتابعه
تحمل الفريق أول أحمد إسماعيل على
مسئوليته معركه كان خبراء العالم العسكريون يؤكدون إستحالة الإقدام عليها وتمكن من
تحقيق نصر عسكرى وسياسى غالى وأستردت الأمه
العربيه اللى بيتنططوا فيها القرود دلوقتى شرفها وكرامتها وقال له السادات هل نستطيع خوض
هذه الحرب فقال جملته الشهيره (( نعم نستطيع )) فقال له السادات لو فشلنا حيعلقوا
راسك فى ميدان التحرير فكرر جملته نعم نستطيع وأصبحت هذه الجمله مصطلح سياسى
وعسكرى عالمى نعم نستطيع
أصيب المشير أحمد إسماعيل بسرطان الرئه
وفارق الحياه يوم الأربعاء 25 ديسمبر 1974
عن 57 عامًا فى أحد مستشفيات لندن وحنتعرض للقصه دى بالتفصيل فى شهادة السيده
المحترمه زوجته التى تحملت التهميش فى عهد مبارك بتاع الضربه الجويه لتنال التكريم
الذى تستحقه فى عهد الرئيس السيسى حيث حرص على أستقبالها بنفسه والجلوس معها
أبنته نرمين أسماعيل
آلام أصابعى تطاردنى رغم عشقى للكتابه
فى سيرة العظماء فأسمحوا لى بالتوقف عند هذا الحد على وعد بلقاء متى شاء الله
جنرال بهاء الشامى
ملحوظة القادة عندنا يدرسون أثناء الخدمة حتى يتم الترقية من مركز قيادى الى اخر ارقى منه
ردحذف