الدين الأبراهيمى الجديد رقم 13

لن أتناول وقائع أو أحاول توجيه القارئ لكن سأطرح تساؤلات وأجابتها عند الأذكياء وأولى الألباب هى التى ستحدد مضمون هذا المقال الذى عكف فريقى والمشرف العام على التجهيز له وأنتهى رأى الأغلبيه على طرحه فى تساؤلات وليس سرد أو تحليل كما تعودتم مع فريقكم مصر أم الكون لكن قبل الخوض فى السياق أتوجه بالشكر لفريق مصر أم الكون على هذا المجهود الغير عادى لخروج هذا المقال للنور

تحذير المقال للأذكياء وأولى الألباب فقط

من المعروف مخابراتيا أن 80 % من العاملين فى منظمات حقوق المرأه يهدفون الأيقاع بالمرأه تحت السيطره الذهنيه لتطويعها لأفكارهم ومن ثم أجتذابها بغرض ضرب النواه المجتمعيه وبالتالى ضرب الحياه الأسريه أساس وصلب المجتمع

ححاول بقدر المستطاع أن أطرح الأسئله بشكل ريدكالى وعليك الأجابه بداخلك

هل كان صعود الأخوان ثم سقوطهم السريع له تأثير نظرة الخارج للأسلام أو المظهر الخارجى لللأسلام ؟؟؟

هل تعتقد أن فيه بعض المنظمات وأجهزة المخابرات الأجنبيه كانت تسعى للدفع بالأخوان لسدة حكم دول الربيع العربى ثم تخلت عنهم بحركات مسرحيه وبالتالى تعريتهم وتشويه الدين الأسلامى ؟؟؟

حوضح السؤال السابق بطريقه بلدى فهل تعتقد أن فيه حد كان بيفهم الأخوان أنه حيقف معاهم ويوصلهم للحكم فى هذه الدول وبعد مايوصلوا يتخلى عنهم علشان ينفضحوا ويعريهم كدعاة دين وقبل كده كان بيقول عليهم دعاة دين وسطى علشان لما يتعروا ويفشلوا يبقى نجحوا فى تشويه الدين الوسطى ؟؟؟

تفتكر مين الفاعل الحقيقى فى تعامل الأخوان مع أجهزة مخابرات معاديه ؟؟؟

هل المستهدف تشويه الدين الأسلامى فى مصر بلد الأزهر فقط ولا الغرض تشويهه عالمياً ؟؟؟

هل المستهدف من تشويه الأخوان تشويه القيادات أم القاعده العريضه من المسلمين عالمياً ؟؟؟

أنت أيها القارئ هل تغيرت نظرتك بعد أنتفاضة 30 يونيه لشيخ الجامع والمرأه المنتقبه  ؟؟؟ خليك واضح وصريح علشان نوصل لحل جذرى

طبعا حضرتك تتذكر معايا 3 شعارات كانت بتترفع فى مظاهرات الأخوان

الأسلام هو الحل

خيبر خيبر يايهود جيش محمد سوف يعود

شهداء بالملايين على القدس رايحين

خلى اللى فات معاك

تفتكر الأغانى اللى كانت بتيجى فى شرائط كاسيت من بره مصر فيها أغانى حماسيه كنا بنسمعها فى مايطلق عليه الأفراح الأسلاميه وسؤالى مين الجهه الخارجيه اللى كانت وراء هذه الشرائط ؟؟؟

هل تأثرت القضيه الفلسطينيه بتعرية وكشف حقيقة الأخوان بعد ماكانوا هما اللى ظاهرين فى المشهد أنهم وكلاء حصريين للدفاع عن الأقصى ومن المستفيد ؟؟؟

هل كانت أنتفاضة 30 يونيه ضد حكمهم فى مصر فعلا أنتفاضة ضد الدين أم أنتفاضه ضد الكذب والتمسح بالدين ؟؟؟

الأخت المذيعه اللى سألتنى الصبح وشككت فى موضوع الدين الأبراهيمى فى الأول قالت الخبر مفبرك وكاذب لأنها كانت مصدومه لأنها مكانتشى متابعه معانا من أكتر من سنه ونصف ولما جبنا روابط وأكدنا الخبر سألت سؤال توضيحى ولما قلت لها أقرأى المقالات قالت معنديش وقت للقرأه وده موقف نفسى بحت لأنها مش عاوزه تفاصيل هى عاوزه أجابه نموذجيه تقنع بها عقلها بالمؤامره علشان لو حد سألها تكون عندها أجابه قويه ورادعه وتجاوب عن أقتناع كامل لكن لو تحاورت مع معارض أومناكف قوى سيهزمها لأنها ليست عندها التفاصيل وبالتالى هى أفسدت المضمون وخسرت المعركه لذلك كنت حريص أنى لاأعطيها ماتريده  وأريد أعطائها ماأريده أنا وهو التفاصيل لأنها مذيعه ولها شعبيه ومتابعين فكان يهمنى عقليه مثلها ماتخدشى منى أجابه مختصره وأجابه نموذجيه كلاسيكيه تقليديه لكن تفاصيل تعقلها وتدرسها حتى لاتهزم الملف بالدفاع عنه وححاول أوصلك اللى عاوز أقوله

الجماعه اللى بتنسخ البوستات لما بتسأله فى العموم ممكن يجاوبك لكن زى ماسألوا المهندس محمد جابر فى التفاصيل حصلت مشكله لأنه معندوش تفاصيل التفاصيل وبالتالى فسد المضمون الأساسى وفشل رسالة المستهدف وخسر متابعة القطاع المستهدف ولما تدخلت أنقذنا مايمكن أنقاذه لأن تفاصيل التفاصيل عندى وأنا جبتها أيضا من مصادر عندها تفاصيل التفاصيل ومن هنا دائما تجدنى بهتم بأدق التفاصيل حتى لو كانت بتظهر قدامك أنها غير ذات أهميه

يعنى ملخص الفقرتين الأخريتين هو أننا كمصريين عاوزين الأجابه النموذجيه للتساؤلات والمشكلات لكن مش عاوزين الحل وتعالى نوضح دى كمان

المطبلاتى للنظام الحاكم غير المؤيد وحنوضحها بأسلوب أكاديمى علشان دايما بتشوفنى حريص على كلمة مؤيد وبتعصبنى كلمة مطبلاتى

المطبلاتى معجب إعجاب خارجى عاطفى بدون تفاصيل فهو فى حالة إعجاب وأنبهار لكن لو جلس مع معارض قوى سيهزمه وبالتالى هزم القضيه وهزم النظام ومؤيديه معنويا

المؤيد  هو الشخص الفاهم اللى يعرف التفاصيل اللى بيأيد عن أقتناع لأنه يعلم ومدرك التفاصيل لذلك هو مؤيد بعقله وده مايقدرشى أى معارض يهزمه لأنه معاه التفاصيل وأبعادها وتعالى نوضح الجزئيه دى لأنها مهمه وخطيره

فيه نظريه مخابراتيه من أساسيات أى عمل مخابراتى أسمها نظرية الدور الأخير وتعالى نوضحها بالبلدى

أنت فى شارع فيه خناقه بين مجموعتين وأنت واقف وسط الخناقه فطبعا تشوف تفاصيل فى الخناقه وتعبيرات الوجوه حتبقى أمامك واضحه فى حدود محيط نظرك وتعاملك مع الخناقه لكن لو واحد واقف فى أول بلكونه حيشوف المشهد أوسع ويشوف مين اللى بيطلع المطوه ومين اللى بيزق على الشر أما اللى واقف فى البلكونه اللى فوقيها حيشوف المشهد أوسع أما اللى واقف فى لدور الأخير حيشوف المشهد كله من منظور أشمل وأوسع وحيشوف اللى جاى من آخر الشارع بشومه ويشوف اللى بيجرى شمال ويمين ويشوف كل وارده وشارده فى الخناقه لكن معندوش التفاصيل لكن لو معاه موبايل وعلى أتصال مع اللى واقف وسط الخناقه حيشوف تعبيرات الوجوه والمشهد عن قرب بالأضافه لرؤية المشهد كاملاً من فوق لذلك أجهزة المخابرات بتلجأ لزرع العملاء داخل المشهد علشان تنقل لها التفاصيل وهى أساساً شايفه المشهد بشكل شامل

لو أخدت بالك من خطابات السيسى الللى بتتريقوا عليها فيها تفاصيل فى غاية الخطوره لأنه مهما كان حريص فى كلامه لكن بيغلب عليه طبعه المخابراتى فى التعامل مع المواقف وحفكرك بمشهد فى غاية الخطوره لما واحد قاله نعمل كذا وكذا السيسى كان قاله أنت تعرف كيف تدار الأمور ماتتكلمشى بدون معرفه وكان هنا السيسى قصده أنك لازم تعرف التفاصيل والأساسيات علشان تحكم على الأمور

هنا يحضرنى سؤال كام واحد من مؤيدى الدوله يعرفوا ماهى سياسة الدوله وماهى سياسات الدوله

واحد حيقولى إيه اللخبطه دى حقولك سياسة الدوله هى السياسه العامه أو الخط العام للدوله أما سياسات الدوله هى السياسات اللى بتنفذ بها الدوله السياسه العامه يعنى السياسه العامه هى كيف تدير ست البيت بيتها والسياسات هى خطواتها لأدارة سياسة بيتها

لما السيسى قال للراجل أنت فاهم اللى بتقوله وأتريقتوا على الكلمه كان السيسى بيحاول يقول لنا لازم تعرفوا التفاصيل علشان تفهموا سياسات الدوله فى إدارة السياسه العامه  أو الخط العام

فيه مثل شعبى بيقول أول الرقص حنجله والدعوه لخلع الحجاب ومؤتمرات التسامح اللى تحت أشراف أمريكى ومحاولة الترويج للأسلام التركى والمساواه فى الميراث فى تونس أول الحنجله فى مشهد رقص الدين الأبراهيمى الجديد

تفتكر ليه الأوروبيين والأمريكان موافقين وبيشجعوا وبيضغطوا على أردوخان فى تشويه الدين الأسلامى والجزيره مكلفه بالترويج له كخليفه أسلامى منتظر وتفتكر ليه مش عاوزين يخلصوا منه رغم أنه مرازى فى بعض الملفات الأخرى وليه ماتعملوش معاه زى ملف فنزويلا أو ملف مشابه وليه سابوه يعدل دستوره ليظل فى الحكم رغم أنهم أول ماشموا خبر عن تعديل الدستور المصرى ركبتهم الحريات وحروق الأنسان وأنعقد الكونجرس لبحث تعديل الدستور المصرى

تفتكر لما دعوة خلع الحجاب عندنا تنتشر حيتقال علينا إيه ويتقال على النظام إيه وخلى بالك وركز معايا

طبعا حيقولوا شعب فقد تدينه أو يقولوا بلد الأزهر خلعت الحجاب والنظام سمح بذلك علشان بيحارب الدين والأسلام وبكده يعطى فرصه للمهاويس يحاربوا النظام وتبدأ الناس نظرتها للنظام تتغير لأنه مش عارف يحافظ على المظاهر الأساسيه للدين وتنخفض شعبية النظام وتزيد الكراهيه له وبالتالى تصل لأنخفاض الأحساس بالمواطنه والوطنيه وطبعا حضرتك شايف أنهم شغالين بإيديهم وسنانهم على هذا الملف ونجحوا فيه بنسبه معقوله وشفت ناس بتشتم الجيش الى بيحميها  ويوصلوا للتفكك الأجتماعى اللى بقالى سنوات بنبح فى صوتى علشانه وبقول أضرب عاد بثمود وأحكم القرود

طبعا مناقشة موضوع زى الحجاب ياساده فيه مؤيد وفيه معارض ويبقى أنا كده خلقت وسط المصريين حالة جدال وتفكك مجتمعى وتناحر مجتمعى وأكاد أجزم أن التناحر أشد قسوه من الفتنه الطائفيه التى فشلوا فيها

الملف طويل وشائك ولسه فيه كلام كتير لكن أصابعى بدأت تؤلمنى فلنا لقاء آخر متى شاء الله ووحياة النبى عندكم يامصريين خلوا بالكم من بلدكم شويه وبلاش تنساقوا ورا حملات الفيسبوك اللعين

جنرال بهاء الشامى