أسرار جماعة الأخوان المسلمين رقم 1

ليه كليات الصيدله والطب والهندسه بالذات مليانه أخوان ؟؟؟

وليه لما  بتكلم أخوانجى أحياناً عن إرهابهم تلاقيه مستعجب فعلا ومش مصدق ؟؟؟

طيب ... طالب كليات القمه ذات مواصفات خاصه غالبا فهو منضبط فى حياته ويواظب على الصلاه ولا يحتك بأصدقاء السؤ

طيب قبل ما أقول إزاى بيصنع أخوانى من طالب قمه لازم نعرف التنظيم عايز من منهم إيه ؟؟؟

هيا بنا نستمتع بالأجابات المتخصصه من المتخصصين رفيعى المستوى الأمنى والمخابراتى

 أولاً هو عايز يقول إننا نصنع أطباء وصيادله و مهندسين إذاً فنحن ناجحون وعلى قمة الهرم إذا تربيتنا وأفكارنا صحيحه يبقى إحنا الصح أمام المجتمع والحق معنا

تبدأ الخطه من أول يوم ووصول الزبون لكليته فيجد على الباب شخص أو مجموعه فى إنتظاره للترحيب وتعريفه بالكليه وأماكن الدراسه وطبعا الأستاذ جاى لعالم مختلف وتايه تماما فما هيصدق

المرحله التاليه هى المساعده فى الدراسه وسط مناهج شاقه وياسلام لو ما بتعرفش إنجلش كويس تبقى وقعت فى إيدهم رسمى فأكبر نجده موجوده عند الناس الطيبين دول بتوع ربنا ملازم ومذكرات مخفضه ومجانيه لغير القادرين وبعد كده شرحها فى مجموعات ومساجد محدده وأنت ماتصدق طبعا وطبيعى تبتدى تحب الناس اللى بتساعدك دى

المرحله التاليه  لعبة الأنتخابات ودى كلها مكسب وليس بها خساره فطبيعى إنك هتديهم صوتك ويصبح أمام أمن الدوله حلان أما أن تتركهم ينجحوا ويسيطروا على الأتحاد والجامعه رسمى أو تتدخل وتسقطهم وأنت تستعجب من سقوطهم وأن الجامعه ظالمه وسقطت الناس الحلويين ويبدأ هو يفهمك أن الجامعه هى الدوله فيوجه كرهك للدوله ذاتها وبكده أنت دخلت أول ألعابهم السياسيه

المرحله التاليه هى الشحن الحقيقى ضد الدوله وأكبر مجال خصب لذلك هى فلسطين والأحداث التى تمر بها وإستغلالها فى توجيهك للمظاهرات بسب محمد الدره والأنتفاضه الأولى و الثانيه وضرب غزه بالأسلحه المحرمه  وكل ده أنت فاهم أنه مناصره للمسلمين والفلسطينين وليس لتقوية الجماعه وما يمنعش إستغلال أى حدث داخلى يحطك بيه على الشاحن

 المرحله التاليه هى فكرة الجهاد طالما الدوله مش عايزه تجاهد يبقى نجاهد إحنا و يصدر لك شعار على القدس رايحين شهداء بالملايين ومظاهرات عنيفه طبعا لأنك بتدافع عن شرع الله ضد الدوله الكافره وبالطبع ستقوم الشرطه بفضها فيزداد الشحن والسخط ضد الشرطه والدوله الكافره التى تمنعهم من فرض الجهاد وكده سيادتك أستويت وجاهز للأكل وناقص الندوات والأتجاه للخمار والدقن وتعليم ألفاظ معينه ذات صبغه دينيه للتخاطب مع الناس مع تشويه الجميع وتكفيرهم من سلفين لصوفيين للأزهر الشريف  للدوله عدا الشيعه حتى المسلمين المصرين يعتبروا كفاراً ولكن أهل ذمه ويجب التعايش معهم مؤقتا وبكده مصفة ودنك (( من درس علم نفس سيفهم المعنى)) وأتقفلت ضد أى نصيحه أو توعيه من أى جهه أخرى

المرحله التاليه هى تعطيل فكرة الدوله فى رأسك وزرع فكرة عدم وجود حدود ووحدة الأسلام فى العالم وأن المسلم الأجنبى أهم من المصرى اللى كفرناه سابقاً وأن الجيش بيمنع الفكره دى وبينفذ فكرة حدود الدوله الكافره على حساب أخوة الأسلام فهو جيش كافر مثل دولته وكده أنت بقيت رأس الحربه ومش ناقص غير حاجه واحده أنه يفهمك تعاليم الأخوان وأخطرها عدم الزواج من غير الأخوانيه ومجال تجارتك وبعدها مباشرةً بيدخل بك على فكرة الخلافه وأن طريقها مفروش بالجهاد والتفجيرات والمواجهه المسلحه لفرض شرع الله بالقوه والتمكين والمقابل طبعا الحور العين والجنه ولك أن تتخيل زواج رجل وأمرأه طبق عليهم ماسبق مانوعية الطفل الذى سيولد بالطبع واحد هيفجر نفسه وعمره ١٧ سنه

طيب ليه بعض الأحيان تقابل أخوانى مش فاهم إتهامك للأخوان بالتفجير ؟؟؟

لأن بالطبع مش كل الأشخاص تجاوزوا كل المراحل دى وده واحد من اللى وقفوا فى المراحل الاولى وهو معتقد أنه فى النهايه وأن ده آخر التنظيم فمستحيل هيصدقك لو حلفتله على كل الكتب المقدسه لأنه شايف بعينه وطبعا التنظيم ولاصنع متفوقين ولاعلمهم هو تلقف الناجحين وحولهم لإرهابيين

ليا رجاء بلاش أسئلة من نوعية والبلد عارفه وساكته وأنتوا عملتوا إيه والجهات مليانه أخوان لدلوقتى فليس كل ما يعرف يقال وليس كل ما يقال حضر أهله وليس كل ماحضر أهله هذا وقته

إنتظرونا والمقال التالى عن صفات الأخوانى وإختياره ودرجات الترقى داخل التنظيم والعقوبات التى توقع على المخالف ودور رسائل البنا وكراسة الأخوان وأخطر لقاء تم بين البنا والخومينى

 

مقال للخبير الأمنى معالى اللواء

Yasser Hossini