اللامعقول فى عالم العقول رقم 34

قلنا فى السابق أنه عالم اللامعقول فى عالم العقول والمدهش فيه هو قسم الحرب النفسيه وأهم فرع فى قسم الحرب النفسيه هو قسم الأشاعات

لكن قبل الخوض فى السياق أود أولاً أن أعرف الأشاعات وتصنيفها

الشائعه العنيفه (( زى بتاعة عادل لبيب وهى الأشاعه اللى بتنتشر بسرعة الضوء )) ودى بيتم التمهيد لها مسبقا وتعتمد على حب الفضائح وكشف عيوب الناس

الشائعه الغائصه (( زى بتاعة منجم السكرى تطلع وتنام وكل شويه تطلع وتنام لحد ماتترسخ كحقيقه مع تعاقب الأجيال يعنى بعد 10 سنوات حتلاقى واحد بيحلف على المصحف أنه شاف بعينه جبل السكرى وهو بيتسرق )) وسموها فى عالم المخابرات بالأشاعه الغائصه لأنها بتقب على السطح وتغطس كل شويه ... معلشى بتكلم بالبلدى علشان كلنا نفهم

الشائعه الزاحفه (( ودى أخطر أنواع الأشاعات زى الأشاعه اللى طلعتها بتاعة الأهرامات ودى بتطلعها فى الخباثه وعلى الضيق قوى وعلشان تنتشر وتظهر للنور محتاجه شهرين مثلا وبتكون مجهز لها أدله وهميه تحمل معنين لكن أنت بتروجها بطريقة الأيحاء زى الفيديو اللى لعبت بيه فى أشاعة تركيا ))

الشائعه التجاريه (( دى بقى بتعك على دماغ الناس زى الأشاعه اللى طلعت فى السعوديه أن مكن الخياطه بعد أستعماله بيولد زئبق أحمر وهوبا الناس بقت كلها تشترى المكنه دى حتى لو كانت كهنه أو أشاعات أن الرقابه منعت عرض الفيلم الفلانى لأحتوائه على مشاهد مخله وهوبا لما يظهر الفيلم الدنيا تتقلب عليه وتستفاجأ أن اللى كل اللى ظهر من الممثله كعب رجليها وبتخرج الناس من الفيلم تضرب نفسها بالجزمه وبرضوا بتقع فى نفس الفخ تانى ))

الشائعه النفسيه (( دى أشاعه تطلقها أجهزة المخابرات وتوجهها للجبهه الشعبيه بهدف أحباط وهز الثقه فى النظام الحاكم زى طوفان الأشاعات اللى كانت بتطلعها اسرائيل قبل حرب أكتوبر المجيده )) 

لمعرفة تفاصيل أكثر معاك رابط هذا المقال وكيف أستخدمت المخابرات العامه المصريه الأشاعه للوصول لهدف معين

https://genralbahaaelshamy.blogspot.com/2018/04/2_31.html

أما أزاى أنت صدقت أشاعة القبض على عادل لبيب فعليك قراءة هذا المقال

https://genralbahaaelshamy.blogspot.com/2018/04/3_10.html

أما كيفية مواجهة الأشاعات

بالوعى الثقافى والمعلوماتى وأتاحة المعلومات بشفافيه للجميع مع تخصيص مراكز للرد على الأشاعات فور صدورها وقبل أنتشارها وتفعيل دور الأعلام التوعوى ودى حنخصص لها مقاله لوحدها

فى الحرب العالميه الثانيه لعبت المخابرات الروسيه دور فعال فى هزيمة ألمانيا وركزت حربها على الجبهه الداخليه وأطلقت الشاعات لبث الأحباط والرعب فى نفوس الشعب الألمانى وتعالى نشوف أهم وأخطر أشاعه أطلقها الروس وسط الألمان وتقول الأشاعه

أن كان فيه رجل ألمانى كفيف وشايل يافطه مكتوب عليها ساعدونى فى عبور الطريق فرأته أمرأه وساعدته فى عبو الطريق فقال لها عاوز أروح العنوان ده ومعاه ورقه مكتوب فيها العنوان

ساعدته الست فى عبور الطريق وفتحت الورقه لتقرأ العنوان فوجدت الورقه مكتوب فيها هذه عنوان آخر عمل عملته فنظرت حولها فلم تجده وظلت تنظره حولها حتى وجدته فى آخر الطريق يجرى وأكتشفت أنه مبصر وليس كفيف

تقول قصة الأشاعه أنها ذهبت لقسم الشرطه وأعطتهم الورقه وحكت لهم ماحدث فتوجهت قوات الشرطه مسرعه للعنوان فوجدوا جثه معده للتقطيع وتجهيزها كلحوم مذبوحه للأكل والأستعمال البشرى

أنتهت قصة الأشاعه التى لابد أن تكون قصيره ومثيره  لتحقق الأنتشار السريع وتعالى نحلل أهداف الأشاعه

كانت نتيجة الحرب أرتفعت الأسعار وأختفت معظم السلع الأساسيه من الأسواق وجن جنون أسعار اللحوم وأنتشرت السرقات وأعمال السرقه والخطف وسط الألمان فكان تأثير الأشاعه مخيف أنه وصل الحال من الفقر وأنعدام الأمن وغياب القانون  لسرقة البشر أنفسهم وقتلهم وبيعهم على أنهم لحوم عاديه وأنه أنتشرت فى المجتمع الألمانى عادات نتيجة الحرب غريبه عليهم تبعث على الخوف والقتل

طبعا مش حقولك على تأثير أنتشار الأشاعه وحالة الرعب التى أصابت الناس فى الشوارع وبدأت الناس لاتأكل اللحوم وأنتشرت الهجره الجماعيه للريف الألمانى بحثاً عن أمان زائف وتم إحباط الجبهه الداخليه تماماً وبدأت الناس خوفا من النزول للشوارع تنزل فى جماعات ولما تنزل الأسواق تشترى السلع بكميات مهوله لأنهم مايعرفوش حينزلوا تانى أمتى وتصدعت الحياه السياسيه والأقتصديه ببرلين وحدثت مجاعه وأنتشر الخوف من الخطف والتمثيل بالجثث وبدأ كل واحد يسرح بخياله فى الأدراك الحسى لما ممكن ان يحدث له لم تمت عملية إختطافه

الشائعه كذبه يتقبلها الشعب عن رغبه لأنها تخدم أحتيجاته الخاصه فى أوقات معينه تحت ظروف نفسيه معينه يسهل التفاعل مع الأشاعات وقتها

جنرال بهاء الشامى