أديك فى الحله لبن دله

 

■■ أعتذر للكتابه على المدونه فقط فليس أمامى أى حلول لمكافحة سرقة مقالاتى سوى هذه الطريقه خصوصا بعد ما لواءات وظباط دخلوا ليلة سرقة مقالاتى بكل بجاحه ومنهم ظابط يعرفنى كويس ويعرف ردود أفعالى ومع ذلك تجرأ وسرقنى وبصراحه صاحب بالين كداب أما أكتب أو أجرى ورا حرامية الفيسبوك وبالمره نقضى على بتوع أول سطرين لأنهم مش حيدخلوا المدونه من أساسه ويبقى انا كده بطريق غير مباشر عملت عملية فلتره للمتابعين خصوصا أن الفيسبوك أصبح ممل جدا   وتعالى نخش فى موضوعنا 

■■ طبعا سعادتك فاكر المقال التحليلى بتاع سعد الحريرى وعموما ححاول أفكرك بيه علشان الناس الجديده معانا لكن بإختصار

■■ كان عمر رفيق الحريرى بعد زياره لمصر ومقابلته للسيسى طلع بتصريح نارى أنه عرف مين قتل أبوه ولمح أنه مش حيخوض فى الموضوع ده وأحنا حللنا التصريح فى مقال خاص وشرحنا مين الجهه اللى خلف مقتل سعد الحريرى وبعد ماكانت مجرد شكوك أصبحت حقائق دامغه بعد تصريح عمر الحريرى ومعطيات الأحداث فيما بعد 

■■ فى أحدى مقالات الموقف الأسباجتى فيما يتعلق بالشأن السورى كنت قلتلك بالشرح والتحليل والتوضيح أن بشار الأسد أخطأ بأنسحابه من لبنان بعد أتهام أمريكا فورا له بإغتيال رفيق الحريرى وكان الأفضل له أن يحارب أمريكا وجها لوجه وكده وش بعيد عن بلده بدال ماهو دلوقتى منكمش فى سوريا وبيحارب منتخب العالم للأرهاب ووحاول تانى أوضح النقطه دى تانى 

■■ لو بصيت على حدود لبنان من كل أتجاه ستجد أن سوريا محاوطها من كل أتجاه ماعد الجنوب والغرب والجنوب يتولى حراسته حزب الله يبقى مش فاضل غير الحدود الغربيه البحريه ودى أسهل فى رقابتها خصوصا فى تهريب المعدات العسكريه عن الحدود البريه بعكس اللى حصل لما أنسحب بشار لسوريا أنفتحت عليه حدود تركيا والعراق والأردن وإسرائيل ولبنان يعنى حواليه 5 جهات بيوردوا له الأرهابيين من كل مصيبه لدرجة أن سوريا كل حدودها مفتوحه على البحرى لكل من هب ودب يهرب سيارات ومصفحات وكل أنواع الأسلحه التقليديه والغير تقليديه بالأضافه للأبرار الجوى اللى بتعمله أمريكا ياكبد أمها بالخطأ لحد ماجمعوا كل اليمين الدينى من قاعده للنصر لأحرار الشام لداعش وكله بيحارب سوريا جوه أرضها وحولوا سوريا لخرابه محتاجه لأعادة إعمارها سنوات وسنوات ومليارات المليارات لأعادة سوريا زى زمان 

■■ طبعا فى مقال 15 فبراير الشهير قبل أفتتاح قناة السويس بـ 6 شهور كنت شرحت أزاى بعد أفتتاح قناة السويس الجديده السيسى حيقلب الملف السورى وشرحت وقتها كل أسبابى وقلتلك أن السيسى بمشروع قناة السويس بعيدا عن أهميته لمصر لكنه بيقدم نفسه وبلده للعالم أنها لازالت قادره على فعل ماتريد وتحريك الملفات والأيام أثبتت صحة ماتوقعناه 

■■ بقولك ليه الدباجه دى كلها لأنك لو رجعت لسلسلة مقالات مصر أم الكون وكنت ذكرت لك أعتراض أمريكا على باسل الأسد والموافقه على القطه الضعيفه بشار الأسد  بعد دراسة شخصيته وردود أفعاله وشرحت لك كيف تم قتل باسل الأسد ووافقوا على أخوه وبرضوا خليك مركز معايا لأن المقال ده شائك وهام جدا

■■ بقولك ليه كده علشان تعرف أن كل حاجه متخطط لها لقدام يعنى قبل موت حافظ الأسد وأمريكا مخططه لقتل رفيق الحريرى علشان تشخط فى بشار يقوم ينسحب فى 48 ساعه من لبنان علشان واحد زى أردوخان يفتح حدوده على سوريا وتروح سوريا يعنى أمريكا وافقت على بشار علشان جبان ووافقت على أردوخان علشان عارفه أنه بيرجع فى كلامه 60 مره فى الدقيقه ووافقت على سلمان علشان يخلص على سوريا ووافقت على أبنه علشان فيه مصيبه منعرفهاش فى السكه وغضبت على السيسى وبتضغط عليه من كل أتجاه علشان ده الوحيد اللى مش على هواهم وقلب الترابيزه وبوظ معظم ملفات المنطقه وأتحداك تثبتى لى موقف روسى رجولى قبل أفتتاح قناة السويس وأتحداك تثبت لى صمود بشار قبل أفتتاح قناة السويس 

■■ طبعا مفيش حاجه متروكه للصدف فى عالم السياسه واللى فاهم كده يبقى غلطان لكن لازم تعرف أن فوق كل تخطيط السياسيين أرادة ربنا وياريت تسأل نفسك ليه السيسى ظهر فى التوقيت ده بالذات وظهرشى قبلها بسنه أو بعدها بسنه وعاوزك تبص على خريطة ملفات المنطقه قبل وبعد ظهور السيسى وده مش تطبيل لأنسان بكره ينام فى التراب زى حالاتى والدود ياكلنا سوا لأن الدود مايعرفشى مين الغفير ومين الرئيس لكنه أعتراف بمشيئة الله اللى أبتلانا بالأخوان ثم أنعم علينا بالخلاص على أيد أحد رجال الجيش المخلصين 

■■ متنساش ياض تنزل بأسطوانة السيسى عميل أمريكانى وأمه يهوديه

جنرال بهاء الشامى